東成燒臘飯店

的確係一間隱世嘅好味燒味店，喺鵝頸橋街市嘅熟食中心，非常推介！！！燒味真係好值得去試。包你食完都覺得好味。原本諗住食吓小菜，同屋企人一齊去聚餐。點知試過啲燒味真係好好味，叉燒又腍又鬆化，乳豬嘅皮好脆好香。問返店員先至知道佢哋嘅燒味全部都係即日燒製，所以先至可以做到咁高質。真係食得出同其他拎貨嘅燒味係唔同嘅層次。另外佢有個家鄉碌鵝都係好味道，絕對係惹味之選，建議嗌碌鵝要嗌白飯先得。原來佢仲有火鍋任飲任食，有機會再去試吓…查看更多

開頭入去鵝頸熟食中心都係諗住碰吓運氣睇吓有乜好食，星期日入到去開嘅舖頭唔多，見到呢一間有燒味，價錢亦都唔貴咪試吓囉，個燒鵝飯個燒鵝真係皮脆肉嫩，有肉地，仲係微暖，好過一啲酒樓俾啲隔夜又或者皮包骨燒鵝，以咁樣嘅價錢幾十蚊就有咁嘅質素真係唔錯！…查看更多

原本有3個午餐地點給同事選擇，上海菜、點心、燒味。他們竟不約而同地把燒味放在最後… 可惜會議遲遲未結束，最後燒味成為唯一可行方案！東成是街市熟食中心內的其中一舖，似是與旁邊的大利咖啡一同營運。這熟食中心還算整潔，感覺良好。我們點了切雞米、燒鴨瀨和叉雞飯。切雞米有雞胸及雞翼，件數不少。有雞味，不過並不算濃。米粉是較粗那種，非常實在。燒鴨那碗胸較多，啖啖肉。皮燒得香，不過當然不是脆的。這隻鴨頗肥，如果喜歡吃油香的，一定喜歡。米和瀨都是下午茶餐，很經濟。吃了一口叉燒，較半肥瘦的瘦，焾度適中，味道不錯。有秋冬系列的臘鴨肶飯、臘味飯、雙腸飯等等，下次再來試試！…查看更多

中午上來鵝頸街市，若是為了食燒臘的話，尤其是燒鴨，好多人心目中只有《清真惠記》同《海記》。其實街市熟食中心內仲有一間富有水準的燒臘店，名字叫《東成燒臘飯店》。可能是位置問題，人人一入街市，都會被前面兩檔擋了去路，位於街市深處的《東成燒臘飯店》，仿佛只有知心人才會來光顧，不過中午要在《東成》找一個位，其實不是容易得過《清真惠記》同《海記》多少。是日同老食友 J 兩個人來，根據我上次與另一食友 C 的經驗，兩個人，來半邊燒鴨右一碟雙併飯大家分就最實際實胃。先說飯，我們二人合力去消滅一個叉燒燒肉飯，叉燒半肥瘦，很難會不好食，而燒肉的向來都覺得《東成》做得很好的，即使肉比較瘦，佐入口依然是夠腍的，而且燒肉皮帶酥脆，很是好，只覺得其賣相求其了少少，不過我們食街市，食物賣相不是重點。燒鴨，皮脆、油香、羶香，再者是鴨子夠大，肉亦夠厚身，而鴨的香油，由皮慢慢地，經過厚身的鴨肉直達碟底，一口皮脆油香的燒鴨，一口暖暖綿綿的米飯，是享受，在此時，我心中又想起玉冰燒了。有水準的燒臘店，往往都是隱藏在街市內，要有心才能夠發掘到出來的。…查看更多