東成小館

營業中

休息中

無試過去這間食嘢，諗住開咗一段時間同朋友試下食，早餐時段入去有個侍應都好客氣俾我選位置坐，現場都有好多位置選擇，我得兩位所以都選了卡位坐，同朋友叫了早餐食，朋友習慣食包是要有牛油，雖然個包係丹麥多士，是有牛油成份製成，但不夠牛油味，所以我幫她去取牛油，行出去問短髮侍應，我相信自己都係客氣，但她的態度係覺得我好麻煩，攪一輪都唔幫我，最後勉強叫廚房用個豉油碟放一些落去，隨後話我係怪人，我起初無留意，隨後我同她講妳話我係怪人？我只係問攞牛油就話我怪人，這樣的服務態度真係趕客，我唔會再幫襯。

由於住喺附近，見到呢間東成小館開咗唔係好耐，於是就去咗。晏晝時間好多人食，要搭枱，就算好多客，員工們都好用心服務，好有禮貌。最後叫咗雪菜肉絲炆米，炆米上碟好濕，而且冇乜味，覺得好失望，如果有下次唔會再去幫襯。

試過兩次在這店食晚餐，兩次入去都俾小菜餐牌我，但其實明明有碟頭飯套餐叫，因為見倒有少量客人食緊。今晚又同屋企人去晚餐，我問亞姐攞碟頭飯餐牌，第一個員工(老婆婆)話無，我明知有，所以再問第二個亞姐，佢就攞俾我，擺明想焗我地食小菜！到我點碟頭飯時，個黑衫亞姐立即俾面色我地睇，最妙妙黑住面落單，見我地一行8人先點6個餐仲即時去收銀同收銀姐姐伸竹，舉起六字手勢，似乎不滿我地食碟頭飯仲叫唔倒一人一個餐，是日晚餐感覺非常差，我睇起你黎幫襯，你就睇唔起我食碟頭飯，是嗎？！做屋邨街坊生意是這樣嗎？你不想人晚市吃碟頭飯，可以改餐牌時間，咁我都心服口服！晚市不會再來！

德田東成食到而家搬咗重開再食返野食未必話最好味但就係食返以前的味道早餐有得揀雞髀拼粉麵炸髀即炸好脆好乾身夠咸，本人比較重口味粉麵有得揀火鴨絲，都係較少見杯野飲正正常常埋單$46燈油火蠟都要啦會繼續支持食完去商場正門嘟埋地鐵慳兩蚊Good start of the day!

試過一次早餐, 兩次晚餐早餐價錢貴左少少d食物唔夠味, 廚房冇心機煮通菜炒牛肉,好似白烚咁漁香茄子煲, 又係淡伙記員工就冇咩問題, 都有禮貌但唔會再去食, 仲以為重開會做好d

早餐蛋治熱飲收$36 我見是區內最貴 服務員不懂操作八達通收費 真係企咗係度 早餐蛋治熱飲收$36 我見是區內最貴 服務員不懂操作八達通收費 真係企咗係度 早餐蛋治熱飲收$36 我見是區內最貴 服務員不懂操作八達通收費 真係企咗係度

收工返屋企，經過呢度，見到前剎你亞個位開左間新店。咁新屎坑三日香嗰陣就費時食啦（要等位，我唔多鍾意成日要等位食飯）。今次見到冇咁多人，我就自然入去食返餐😂場地幾大，幾光猛，睇落都幾乾淨，啲枱唔係好密，坐得都算舒服👍叫左2碟小菜，羅漢齋煲同蔥爆牛肉，羅漢齋煲滾住黎到，熱辣辣😍，汁又濃，好食👍蔥爆牛肉又係熱辣辣🤣，食落有牛味，但係嫌老左啲，不過味道搭救，我覺得幾ok。見佢地有做8至十幾位既晚餐，我就覺得比較難有人會幫襯呢啲多人餐，因為呢啲屋邨餐廳，都係小家庭，情侶／2公婆或單身寡佬黎食居多。多人食既，講真，比我就會落去啟田匯景囉。ps：我坐低佢地比餐牌我，睇到係晚餐小菜，唔見有炒粉麵同碟頭飯（餐），但係轉頭見到人地拎住另一個餐牌叫左碟乾炒牛河，呢樣我唔多高興，好似焗我食小菜咁🤨🤨🤨