東堤餐廳

好味煙肉蛋 又趣又香 將牛油包轉鮮油多士 另一番風味 當然要加錢啦 佢地係用靚牛油帶狗人士會更開心 可以同心愛狗狗坐近路邊的座位相信港島市區這是獨一間在海邊有海景 有蘭桂坊風味嘅sliding open door 將海濱及九龍景色一覽無遺進入眼簾你只是付出50元的代價 你話喺邊度搵服務態度殷勤 像回到家中一樣 腳踏入餐廳 無論樓面也好 在廚房忙碌工作的也好 都會同你打個招呼氣氛溫馨 假日早上來吃個早餐 一樂也 擴音器播著我喜歡嘅音樂 這裏旺中帶靜 不用駕車去到西貢那裏老年咁遠才有海風路邊有花草裝飾 晚上有簡單嘅一兩串掛燈 同一兩知己入夜來飲杯啤酒 彷彿像去了芭提雅…查看更多

先講食物，本身都冇乜期望，只係見去到海旁想飲杯凍野食碗飯，好簡單要求。結果係劣飯，叉燒柴過腳皮，隻蛋有燒焦味，完全擺唔到落口，隔硬食幾啖。而佢個價錢，係翠華咁嘅價，冇跟餐野飲另外計。。。食物差都算，服務重差。嗰位老闆娘個樣西到，講野好唔客氣，問多幾句即黑面。本身見隔離枱食煙想轉枱，但見老闆娘咁款再問驚比人鬧，唯有硬食。都重未講其實係坐起路邊聞住車啲死氣，望住啲垃圾桶咁食。。。本身行去海旁都係諗住週末輕鬆下，但成個用餐體驗勁差。我係住呢頭嘅，第一次食，真係永無下次。入去坐低前請三思。…查看更多

行過街角，隨意入咗間小店，原來係個點滴都充滿驚喜嘅地方！🥢 第一啖嘅牛腩面，直接令我暖笠笠！牛腩燉得啖啖肉，腍滑得嚟又唔會散，一啖牛腩帶動埋啲湯汁，個湯底唔係咁重口味，微微嘅辣，足夠溫暖，尤其係涼冷嘅天，正！🍲至於啲餛飩，就真係一絕！皮薄餡足，咬落去有嘢食有嘢咳嘅感覺，每啖都滿足。至於脆皮燒鴨，皮係真係脆到喇叭嘅，肉質鮮美，不過就算好味，都頂唔住啲面條嘅魅力。🎯環境簡潔，服務態度親切，隨便坐，隨便食，感覺好過癮。要講口感，就係彈牙嘅面條，夠哂嚼勁，又唔會煩膩；要講味道，就係恰到好處嘅調味，唔浮誇但留得住記憶。依家想諗返起嗰碗面，我口水都要嗒嗒聲！🤤 怪不得，呢間小店門口總係排隊，原來好嘢，真係唔一定要喺米其林餐廳先食到！期待下次再嚟，要試下其他嘅招牌菜！…查看更多

諗住街坊樓上樓下貪方便食個快早餐！以前都唔係咁，唔知係咪轉左老細成班師奶服務員，西口西面，唔知想點？D豬扒硬到飛死狗！未食完巳經想收你嘢！成日趕客咁！坐低全程15min走人…查看更多

在這裡，我體會到受騙者的感受。本來見這店景色不錯，衛生也不錯，便跟朋友選擇在此享用午餐。現在回想起來，簡直就是一個錯誤的決定。在我們決定要哪一款食物後，由於餐單並沒有標明是否包含餐飲還是需要另外付款，我們特意詢問那位員工此事，當時她回答不需額外付款，所以我們便一起選擇埋餐飲。結果，呵！到我們付費時，那位收銀員（最過分的是這位收銀員就是之前回答我們不用額外收取餐飲費用的那位員工）竟然告訴我們這些飲料都是要分開收費的，我們都感到驚訝和被騙了（要知道如果分開付款的話，每個飲料都要最少20幾元，加上餐費每人都要大概80元）。先不說在我知道餐飲要額外收費時，會否選擇加購，但作為食客和消費者，我是有權利知道該餐廳的實際收費模式，再決定我在其中的消費。我只能說我對這間餐廳非常失望，不是因為他們的餐飲水準，而是因為他們作為一個經營者的誠信問題。…查看更多

餐廳職員服務態度極差。老父禮貌問一句，可否加單？疑似老闆西口西面女職員，即刻好惡咁話：得，有錢你咪加單囉！你有冇？爛鬼豬扒面要五十蚊，加隻蛋加十蚊唔係問題，想食個早餐姐，佢個表情唔使咁嬲呀？觀察過佢對其他客都係咁： 你食咩架？ 我聽唔到你講咩，大聲啲！ 你地叫野未架？跟住講完話飲咩，咪話熱檸茶。佢勁串話咁熱茶要唔要加大呀？好細杯架咋喎。搞到同枱其他人勁尷尬。好普通一個出前一丁，簡單既早餐，食物質素無問題，係遇到個食左火藥既惡婆，搞到啲老人家以為自己問錯野咁囉！我知你係好忙，但無必要當啲客係垃圾。食野期間，職員不停大聲傾計，講客人既壞話，呢枱又嫌叫野慢，個枱又話改單麻煩。比錢比現金又唔中意，邊有咁麻煩既餐廳架？…查看更多

其實普通茶餐廳一間…除咗早餐之外就無set…貴得嚟啲waitress態度又麻麻…上咗嘢食又唔記得比餐具…五香肉丁一丁$46…加兩塊半月形嘅餐肉要加$16…凍檸茶少甜少冰係$29😅…味道還可以….但加多幾十蚊可以係側邊啲西餐廳食…唔抵食囉…個景係ok…如果好熱就唔夠冷氣😅…查看更多

知這間咖喱一直出名，叫了2份咖喱飯* 咖喱鴛鴦扒飯$58 (豬扒+牛扒各一塊)* 咖喱什扒飯Assorted Steak $80 (豬扒一塊+牛扒一塊+‘’薄火腿一片+太陽蛋一隻‘’), 以為什扒應有塊雞扒，原來只多了火腿+蛋，但兩者價錢相差$22，不成正比自覺蠢咗！！這價錢$80外出快餐廳已包飲品+餐湯，做過精明消費者我，下次不会再叫什扒。之後我再問了2侍應她們也不太知什扒應有麽食物，令我有點意外！咖喱冇以前香辣+濃, 還是大××咖喱較好，這間餐廳原已轉手不是當初那間，見隔離枱投訴三文治唔掂(食一半俾錢即離場)，已心感不妙有點担心食物質數，幸好品質尚可接受只牛扒有點過老咬不開。…查看更多

屹立在西灣河Soho East多年的東堤餐廳係我由中學時期食到而家的餐廳，大大話話都食咗10年有多。點解咁鍾意食佢？第一，以Soho east 嚟講，食物的價錢非常親民。第二，餐廳環境對海，非常chill。第三，雖然餐廳提供的是一般的餐蛋飯，但食物質素絕不馬虎。第四，佢係dog-friendly的。如果以海邊餐廳來講，呢間性價比真係好高，食個飯飲杯嘢，同朋友傾偈，咁就一晚。除此之外，呢種level的餐廳嚟講，啲staff都幾友善同helpful。…查看更多

環境很舒適但所有職員服務態度極不理想，職員只顧談天，職員不斷講客人是非，音量過大，以往不是這樣的。落單差！只是叫外賣對答時間短也徹底體驗到服務差差差！以後不會再去！真心覺得不值得去！…查看更多

細細個已經成日嚟呢度食下午茶/早餐 🥺❤️呢度可以望到海 仲有可愛嘅狗仔係隔離添🥰 成個氛圍好寫意🌊 啱晒敘舊，靜靜坐下放鬆又得✨______________________________✍︎︎ 叉燒煎蛋飯 $55 叉燒同飯嘅比例係1:1 咁滯！叉燒多得黎夠甜 肥瘦比例恰到好處有埋太陽蛋錦上添花✨☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 9/10 ✩ 𝙝𝙤𝙬 𝙢𝙪𝙘𝙝 𝙞 𝙧𝙚𝙘𝙤𝙢𝙢𝙚𝙣𝙙 推介指數 : 9/10 - - - - - - - - - - - - - - - - - - - - - - - - - - - - - -✍︎︎ 魚柳薯條 $48 經典下午茶小食吧 魚柳幾新鮮薯條不過不失☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 7/10✩ 𝙝𝙤𝙬 𝙢𝙪𝙘𝙝 𝙞 𝙧𝙚𝙘𝙤𝙢𝙢𝙚𝙣𝙙 推介指數 : 7/10 - - - - - - - - - - - - - - - - - - - - - - - - - - - - - -✍︎︎ 牛占多 $30 （不在餐牌上）______________________________…查看更多

💭 暫時應該係我食過最chill嘅茶餐廳露天茶座？！😍 這家餐廳的景色很開揚，對著西灣河碼頭⛵️的海景。🌊 每張桌子的距離很足夠，加上膠板相隔，而且可以選擇坐露天的路邊位置呢！🤩 這樣子一邊吃早餐，一邊感受陽光緩緩灑落的溫度，簡直是非常chill～🍜⛱ -💖早餐D： $42▫️沙嗲牛肉蛋出前一丁▫️凍檸檬茶少甜 這碗沙嗲牛肉蛋出前一丁真的是 非 常 大 碗！！！😳😳😳 在香港吃過這麼多次沙嗲牛肉麵，真的從來都沒有見過茶餐廳會用這樣大的湯碗盛麵！比起「碗」，我倒應該說是 「盆」才能準確描述🤪 我可不是說笑的😳😳😳 連我這個胃口大的人都覺得飽，相信我吧，這個份量絕對夠吃！！！✅-沙嗲牛肉醬汁不過不失，由於湯太多的關係，如果再香濃一點就好了🤔🤔🤔 牛肉大約有四五塊，厚度適中，也沒有煮得很韌！出前一丁煮得彈牙不會過腍。雞蛋是普通的荷包蛋🍳，如果要挑剔的話，只能說如果半流心就好了，流心的蛋液🤤用來撈麵條吃不得了！！！至於凍檸茶🍋，同樣是非常大杯。店家超級大方，檸檬也給了足足四片，還要非常厚身！！！🍹 -整體而言，早餐來說我覺得還真的很可以啦！雖然以港式早餐來說，$42不算超級便宜（通常市面上都是$35或以上左右 還會有方包吐司之類吧）但有這樣開揚的景色，而且份量這樣多得驚人，還想怎樣呢。🤣🤣🤣 能夠間唔中吃上我最愛但是又非常邪惡😈的沙嗲牛肉麵，我已經感到很滿足！！！🤎😆-東堤餐廳📍西灣河鯉景灣蘇豪東A期太康街55號地下GA-10A號舖（西灣河碼頭對面）…查看更多

星期日嘅中午，見疫情開始有小小緩和，相約朋友到去西灣河快閃食個午餐跟住又去買餸儲量。仍然係限聚同二人一枱，儘量減少堂食，SOHO EAST都唔算冷冷清清，假日中午時份間間餐廳都有人等位或坐滿。我其實想坐outdoor 自我感覺良好DD，所以揀左食呢間茶記。貪佢坐位夠哂開揚，快靚正咁又一餐！坐位距離夠，而且每枱有膠板相隔，食物上桌快！讚👍🍖🍞豬扒包 $30 呢個抵食夾大件嘅豬扒包係推介！麵包外脆內軟，份量足夠一個人做什餐，配搭青瓜，沙律醬，豬扒夠淋，肉質有口感！唔錯！  🍖🍔豬扒飯 （豉油汁）$55其實平時我一定點餐蛋飯豉油汁，不過今次想試下豬扒飯，豬扒份量多，大約三塊， 豬扒夠淋，肉質有口感！配豉油汁真係絕配！沒有午餐或套餐，我地都點左咸檸七！完美！   …查看更多

唔知係咪上年轉左手，廚同店員都唔同左。但食物好味左。二餸加牛油方包及飲嘢要$40。餐蛋就有雙蛋雙餐肉、腸煙肉就有雙腸四塊煙肉，同老公一人叫一個就有四餸，都唔錯。奶茶就一般茶餐廳水準。服務就睇店員心情。…查看更多

呢幾年成日都去呢間餐廳食早餐，呢排仲多左去食午餐，多數都係叫沙爹牛肉麫。今日的事真係令我嬲到震，永遠black list. 事源我今日又係食沙爹牛肉麫，食左兩啖發覺有小昆蟲，有腳有翼的，咁我都細細聲咁叫個女侍應(唔肯定係咪老細，叫Carman) 同佢講碗麫有隻野，咁佢就即刻拎走，一句唔好意思都冇講，我叫返佢，我話我唔再要沙爹牛肉麫(驚同一個湯底)，想轉豬扒飽，佢都係冇回應。同時間，廚房佬一邊整我個豬扒飽，一邊不停同女侍應吹水，不停長篇大輪講時事，話啲西裝友今日係中環快閃集會好痴線等等，下刪一百字。我個豬扒飽應該吸左佢好多口水(作嘔中)，另外，我見到廚房佬有帶住藍色手套整我個豬扒包，轉個頭見佢拎住個電話出去唔知去廁所定煲煙，仍然係帶住個手套(救命)，即係個手套係唔除的，咁其實帶唔帶手套整食物係冇分別的。一想到這裏就冇哂胃口，剩下的豬扒飽都冇食哂就諗住走，俾錢時佢依然收我沙爹牛肉麫的錢，我話我已經換左豬扒包，係咪應該改一改價錢，另一個女侍應亦唔禮貌話: 都已經換左豬扒飽俾你啦，我話係因為你地碗麫有昆蟲我先換，佢話同廚房佬溝通過，冇昆蟲，只係"鑊撈"，我話有好多腳有翼㗎喎，佢堅稱話冇見到，話佢地呢方面最嚴緊。真係好好笑，我同佢講既然佢地咁堅持，點解倒左佢，唔拎返出來同我當面對質？佢地冇野講，收返我豬扒飽的錢，但我真係啖氣啃唔落，我個account 第一篇文竟然係呢間我食左幾年，一直相安無事，但因為一隻昆蟲而睇清楚呢間所有員工的應變方式和服務態度，4個字，不知所謂。我非常後悔冇影低相，應該要報食環。…查看更多