東南亞惹食

午餐同同事黎，都幾多人，外面壁畫好搶眼。入到去氛圍幾好，有旅行感覺，裝飾好靚，好有異國風情味道。我食左個馬拉盞豬頸肉炒飯($78)，份量ok，味道都唔錯，但如果豬頸肉唔係淨切粒連飯一齊炒，有幾片伴碟上會開心d囉😂同事叫左個新加坡海鮮喇沙($88)，好味，椰味香濃，仲有2種麵條係入面，可以Encore。不過油左dd，同左店員講，佢地好Nice咁聽意見，值得讚。午餐選擇唔算太多，包飲品，都可以加錢配特飲 ，價格係呢區算合理。東南亞菜黎講ok la，會再試。…查看更多

經常路過，已留意到太古城中心邊上，呢間外牆colour的餐廳，滿滿的東南亞風貌！今日8人來食晚餐，係慶祝家人生日的晚餐！但，呢度食飯冇特別優惠，切餅費仲要收HKD250！1）白灼螄蚶配泰式海鮮醬 HKD108.-👇🏿餐廳的熱推！但我接受唔到，螄蚶細細粒，血汪汪，醬汁也怪怪得…驗證，唔係我啲菜！我只可以俾3/10，因為餐碟用具唔錯😅2）馬來粿雜 HKD88.- （7/10） 👇🏿👇🏿豬手/豬雜/粿粉條幾片墊底，香料味很馬拉3）泰式鮮蝦豆腐炒金邊粉 HKD98.-👇🏿👇🏿睇得到啲，好似只有一隻蝦，少少豆腐，配料和擺盤還挺講究，量唔多，我就pass it啦。（7/10）4）新加坡海鮮喇沙 HKD98.- （8/10） 👇🏿重口味的人應該鍾意，係濃濃椰香的風味喇沙！青口和蜆之外，好似仲有其他水產，冇留意到😅 5）印尼黃咖喱牛肋條 HKD128.- （6/10）👇🏿真係唔識欣賞！也唔想試咖喱入邊的蔬菜係咩味？再pass了😅6）泰式甜臘腸炒娃娃菜。HKD88.- 👇🏿👇🏿冇咩特別，甜鹹味～（7/10）7）羅喏水果沙律 HKD58.- 👇🏿👇🏿望落去不知所謂，冇試😛（6/10）8）沙爹 雞肉 ： @ HKD18.- 牛小排 ： @HKD28.- 👍 南洋魚蛋： @HKD18.- 泰國東北珍珠腸：@HKD24.-9）泰式燒豬頸肉 HKD108 （7/10）普普通通，但價格偏高，唔抵😅10）冬蔭功湯 HKD88.- （3/10） 👇🏿👇🏿唔知係咩漏放咗湯料，認知中冬陰功湯入邊應該有啲蝦or其他海鮮，但呢度啲湯就係係少少蔬菜的酸味紅湯，冇料到！😅11）香茅单骨雞翼 HKD78.- （8/10）👇🏿👇🏿相信呢個比較容易做，也受大眾喜愛.12）印度煎餅 @HKD22.- （8/10）13） 炸虾片 @28 （8/10）以上加埋4瓶啤酒1碗米飯，買單共計HKD1500.-，地點方便，服務周到，價格唔算貴啦！最後，要讚一下佢哋啲餐具（唔記得影），彩色啲碗碟玻璃啲酒杯，很有東南亞特色！…查看更多

中午食過幾次，每次都有加$10轉Cappuccino/ Latte的優惠，但最近一次去食時，侍應堅稱從來都沒有offer過這個優惠，態度亦敷衍，食物質素、味道和選擇相對初初開舖時亦退步了不少，令人失去再光顧的意欲。…查看更多

多完化選擇，泰國，越南，星加波等食物！價錢合理，服務熱情！食物味道好好味！久唔久就會轉餐牌！不會食來食去都一樣！地點方便，行完太古城，就可以嚟試吓！又可以免費泊車！（2-5）小時！…查看更多

大玩食字玩得好真係會令人會心微笑😂位於太古城既東南亞惹食玩食字玩得好而且佢地既野食又真係好惹味喎❗️✨ 泰式鴨肉生菜包 $48鴨肉生菜包調味好好，就算唔夾生菜都一樣可以直接食用，又香又好味，完全唔會太鹹👍🏻而且佢底部用左好似蝦片一樣既食材做托盤，除左生菜，仲可以配脆片食👏🏼✨燒秋葵 $15配上是拉差牛油，成個東車亞風味出晒黎~酸酸辣辣再加埋秋葵清香既味道，味道啱啱好呀💕✨ 泰式燒豬頸肉 $108佢地既豬頸肉真係好出色✌🏻又厚，又長，又大片，爽口彈牙而且油脂感啱啱好☺️配上佢地特製既醬汁，帶有蜜糖味又有泰式酸甜味道，好正！✨ 泰式苦瓜生蝦 $128食完一隻又一隻，好快就清空左 😋✨ 蒜蓉辣椒卜卜蜆 $88蒜蓉同辣椒味都好香，同時仲有牛油同蜆既鮮甜味混和埋一齊。份量又足又好食，掂❗️✨ 馬來咖哩牛肋條 $128咖哩牛肋條黎講，可以keep到牛肋條軟綿口感再加埋筋位既彈牙feel，已經係合格有突 🤤再加上佢地既咖啡汁都係非常出色既香同濃，不仿配個飯一齊食呀~✨ 特色香茅奶凍 $78甜品見到呢個香茅奶凍就覺得一定要試下🥰青檸檬沙冰係頂，加埋青瓜同香茅，成個甜品都好有心思，味道層次豐富，口感層次都各有不同✌🏻 同時食，分開食都有唔同感受。✨ 青瓜薄荷沙冰 $28好清爽既青瓜薄荷沙冰，啱晒呢家香港既天氣啦 ✨ Honey Basil $38青檸配薄荷既mocktail都係一個好選擇🤩冰爽清涼都係呢個季節最受歡迎架😎⭐️ 𝐃𝐞𝐚𝐥 ⭐️有長者咭嘅話下午茶減3 晚市減10…查看更多

新開張諗住試吓，入到去好大陣漂白水味，問待應泰式青咖喱同馬來西亞咖喱邊樣冇咁辣，因為佢話青咖喱所以點咗青咖喱牛腩，另加一件薄餅及蟹肉炒飯。青咖喱頗辣，份量少，但汁就好多，味道麻麻，後來問另外一位夥計才得知原來應該馬來西亞咖喱冇咁辣，至於蟹肉炒飯就偏鹹，食了少少就叫待應打包，諗住返屋企加飯再炒過，侍應冇乜在意人客意見，只提點需加付兩文買外賣盒，又再提如果要紙袋會另外收錢。呢間餐廳餐牌選擇唔多，星期日得兩三台客，要留客尤其是街坊客，睇嚟各方面都有很大進步空間！…查看更多

我係因為見到U lifestyle話開咗新舖先會發現到佢，佢係郵局附近，舖頭門面都真係好吸睛，好colorful 😂三人行嗌咗三嗰set lunch，加咗2款小食💁🏻‍♀️三杯飲品同兩嗰甜品🍧 埋單要$575，人均消費要$192，呢個lunch定位都有啲貴😖星加坡叻沙豬頸肉 $78 - 湯底好濃，好入味，份量亦都夠！泰式肉碎炒飯 $78 - 好普通，味道👅亦相對偏淡，有食淨🤔泰式滷水豬腳 $98 - 煮得好腍，有驚喜，唔中意食豬腳嘅我都覺得好食😛沙嗲雞串 $18/串 - 味道okay，未算吸引，用午餐加購價相對貴！越式米紙卷 $38 - 佢係用撈檬上面啲材料整成嘅米紙卷，正常，無乜特別🤔檸檬青檸益力多梳打 - 青檸梳打飲得多，呢個配搭好特別，味道都唔錯😌芒果楊枝甘露 $48 - 正常嘢，好食特式香茅奶凍 $78 - 底層係忌廉加香茅嘅奶凍，中間係青檸同青瓜整成嘅啫喱，最上嗰層係青檸青檸整成嘅沙冰🍧 食落係特別，不過真係未必人人中意，口感好fresh，配搭都無問題，但未必會再食😂整體來講，雖然有漏單，但員工服務態度好好👍🏻 嘢食中上，但性價比偏低，最令我深刻嘅記憶點係杯梳打😂…查看更多

星期日既太古城想食野只有等位同埋等位，經過見到呢間唔洗等，價錢還可接受，就入去try try。 點知無諗過真係try，講緊既係原來佢新開試業緊入到去裝修幾靚，好多色彩，有個講英文既靚仔黎帶位。坐低見到餐牌先知試業中，岩晒啦，我中意挑戰新餐廳本來係門口係見有lunch set先入黎，點知入到去坐低無lunch set menu，原來星期一至五先有set，sosad。落單後，好快有一籃蝦片無諗過會有蝦片食，仲要都唔少，唔知係咪試業先有，有就食啦，幾脆幾好食泰式鮮蝦豆腐炒金邊粉 $88循例都係叫左我中意食既炒金邊粉，好欣賞佢加左豆腐，好好味個粉就正常既炒金邊粉味啦，唔係特別驚喜，略嫌覺得個粉可以煮耐少少，淋多少少就perfect。另外有啲花生同辣椒粉係旁邊，值得一提係個辣椒粉超勁辣，唔食得辣就唔好撈咁多喇。整體份量我覺得可以多多少少。泰式雞肉豉油炒河 $78另外叫左餐牌最平既炒河，個味道唔錯，個豉油味無諗過可以咁好味，雞肉都好入味，如果有下次再黎，我會想食呢個炒粉但美中不足係個菜，唔夠淋，可以煮耐少少會好啲。份量黎講都係偏少。無set所以野飲係散叫，我飲凍檸茶，唔錯bo，茶香加埋唔苦既檸檬另外佢仲好有心有個顧客意見表，會想做好既餐廳，俾心機呀總結，整體來講味道唔錯既，野食可以煮耐少少，覺得少少偏生。份量多少少會更好，不過我見隔離食飯係好大碟既，希望粉類多返少少。蝦片係欣賞既座位舒適，夠空間感可以有機會retry既餐廳以下係餐牌：…查看更多