東京街 (一門町市場)

營業中

休息中

荃灣荃新天地2期, 前身為先施, 而家化身為美食街「一門町市場」, 東京街喺荃新天地一門町市場都開咗店, 急不及待過嚟試吓。餐廳係半自助形式, 落完單自己搵位坐, 價錢大眾化質素很高, 店內裝修亦都充滿日本風; 亦有個迷你沙律生果自助吧, 有生果 沙律菜, 玄米茶任飲任食; 食物種類好多除咗拉麵, 串燒, 炸物, 壽司, 應有盡有盡。三文魚帶子甜蝦丼 - $88份量超級多, 三文魚厚片, 非常肥美, 食得出係幾新鮮。三文魚有4件, 甜蝦2隻, 帶子2粒, 日本珍珠米粒粒分明, 大滿足呀!壽司定食(12件) - $98呢個定食價錢都好抵呀! 而且質素唔差, 都幾肥美, 有帶子, 甜蝦, 北寄貝, 八爪魚,吞拿魚、三文魚, 油甘魚, 真鯛魚, 希靈魚, 加州卷, 種類多, 唔想諗就直接揀呢個就好了, 抵食又夠食。唐揚雞拉麵 - $68亦都係份量十足, 炸雞有4件, 雞件大大舊, 啖啖肉, 雞肉好嫩滑, 外脆內嫩多汁, 炸粉唔會多, 配上秘製醬汁, 好夾！拉麵亦不過不失啦, 仲有半隻熱辣辣嘅流心蛋, 性價比高。以上既單點可加配$10就有麵豉湯+茶碗蒸+飲品。

個人很喜歡💕到食街探索。得悉上個月於荃新天地二期地下開幕充滿東灜風的一門町市場，走去一探究竟🔍，果然琳琅滿目！食肆娛樂場所都一應俱全，結果被「東京街」的日式料理裝潢吸引入去。「東京街」店面不大，但坐得舒服，設有卡位雅座，整體主調用上木系顏色，用上日本🇯🇵紙燈籠🏮佈置，充滿活力特色。店內是全自助的，包括搵位，點餐，甚至是自助餐吧，可自行添任食沙律菜🥗、水果同享用玄米茶，仲有冷暖水供應，十分細心。望望餐牌，有多款套餐供應，價錢相宜，滋味抵食。壽司定食（HKD 98):總共有成12舊！帶子嫩滑得很！毫不吝嗇的甜蝦，口中溶化！原隻北寄貝大到蓋住舊飯， 好誇張，爽彈。八爪魚🐙有咬口得黎吾會咬吾到。吞拿魚無筋，食落好油滑。三文魚肥嘟嘟，油甘魚爭鯛魚壽司仲有爽甜希靈魚，點少得加州卷，有適量沙律醬同青瓜。整體高質新鮮。香滑忌廉咖喱豬扒丼（HKD 68):咖哩香濃帶甜同微辣，豬扒薄切加炸得好脆，外脆內軟，熱辣辣好好味🤤滑蛋帶點牛油🧈香，咖哩汁多到溢出，配飯一流。+ HKD 18 茶碗蒸 ：加入高湯一起烹煮，所以口感比較鮮甜，雞蛋滑嫩十足且加入魚板和蟹柳增加口感同豐富程度。三文魚帶子甜蝦丼（HKD 88)

荃新天地最近新開左個美食地庫 本身以為係food court嚟 但原來係由幾間餐廳組成🙂可以入去餐廳食 呢間日本嘢半自助形式 落完單自己搵位坐 亦有個迷你沙律生果自助吧壽司定食(12件) $98抵食！而且質素唔頹喎🥰有啲估唔到 刺身都幾肥美 有帶子、甜蝦、八爪魚、吞拿魚、三文魚之類 種類多 唔想諗直接揀呢個就得😆好夠食角切魚生丼 $78魚生丼飯非常多選擇 呢款就有時令雜錦魚生粒粒 今次有三文魚、八爪魚、甜蝦蟹籽 又係好足料 仲有啲飯素 唔怕dry😏幾鮮甜仲可以加錢轉套餐 包麵豉湯 飲品 茶碗蒸❣️好豐富

最近荃新天地二期出發左一條日本🇯🇵風格的美食街，集合多間不同風格的餐廳小店🤩太多選擇真係唔知揀邊間食好！今次就揀左裝修極具日本屋台風格的「東京街日本料理」🍣🥟🍜🥰🔸角切魚生丼 $78份量十足，除了甜蝦兩隻，魚生包括三文魚腩、油甘魚同呑拿魚，仲有滿滿的蟹籽！魚生同飯嘅比例接近一比一，食落好滿足！🔸唐揚雞拉麵 $68亦都係份量十足，炸雞有4件，雞肉好嫩滑，配上秘製醬汁，好夾！拉麵亦不過不失啦！性價比高！🔸自選壽司另外我地仲自己揀左6款壽司，全部都好新鮮！特別推薦北寄貝壽司！極巨大！好滿足啊店舖係自助形式，QR code落單，自助攞餐，另外有熱茶及生果可以隨便享用！餐廳整體性價比高！

🔖三文魚帶子甜蝦蓉丼 HKD88有三文魚8件、帶子2粒、甜蝦蓉同三文魚籽，配料豐富，三文魚好大片。白飯有米香，煮得恰好，唔會太硬太淋，灑有少少飯素提味，整體性價比好高🔖汁燒牛肉丼 HKD58味道唔錯，材料豐富，份量大。同樣米飯幾好食，牛肉稍為靭咗少少，但味道幾好，而且灑有芝麻，味道更好。以58蚊價錢嚟講相當抵食🔖湯/飲品+茶碗蒸 HKD+10苶碗蒸味道都幾鮮，不過就蒸得稍老，面同底比較「鞋」，中間就ok嫩滑🔖壽司拼盤包括三文魚壽司HKD14、鯛魚壽司HKD12、原隻北寄貝壽司HKD12、八爪魚壽司HKD16、北海道帶子壽司HKD35壽司抵食，三文魚油脂頗豐富；鯛魚味道少淡略帶鮮味；北寄貝壽司用整隻北寄貝包住壽司飯，而且味道唔錯；八爪魚嘅魚肉幾煙韌同彈牙；帶子都好鮮甜，Size都啱啱好！

呢間東京街係快餐式 自己搵位落完單自己拎野食嘅 當日都幾多人呀full house 不過座位都唔少 所以等左10分鐘倒都有位😌沙律菜同生果係任食嘅 生野熟野嘅定食都有 任君選擇大推三文魚甜蝦蓉帶子丼😎😎價值$88 足料新鮮美味！特別要加$10轉魚腩 因為超肥美超好食🤤🤤定食仲配埋蒸蛋再可以加錢配湯同飲品黎到東京街都總要食啲壽司今次食左覺得最好食係三文魚同油甘魚腩同埋壽司唔算貴 大多都係$1x-$2x 就有兩件下次要瘋狂火灸壽司🤭🤭

個人對美食廣場情有獨鍾，很喜歡被餐廳/食物包圍的感覺😂😂這天到訪了荃新天地2期的「 一門町市場」是一條具日本風格的美食街，籌備了兩年，上月剛開幕!場內共十多間餐飲及娛樂商店，當天晚上是平日但也十分熱鬧😲 ✿ 壽司&刺身✿ 唐揚雞拉麵 $68 刺身中帶子最出色，鮮味而且是原粒，沒有切半，更有口感拉麵分量取勝 另有自助區，沙律菜、橙、玄米茶無限供應橙是出乎意料地高質，茶則較淡

荃灣CityWalk 2期地下而家改造左做「地下食街」，整到好似日本地下街咁，日本風滿滿！🇯🇵😆東京街價錢大眾化，以快餐形式營運～最特別係設有自助吧，有小量水果🍊、沙律菜🥗同埋玄米茶供應～半自助形式開心！💕三文魚帶子甜蝦丼份量適中，刺身都新鮮嘅，三文魚大大片仲要好多塊～帶子鮮甜，甜蝦爽口！💕日式拉麵，份量真係幾多！拉面感覺係食唔完😂有4片叉燒，仲有半隻溏心蛋糖心蛋🥚想食蛋仲可以加＄💕10要茶碗蒸 ～蛋好滑！

同朋友去開荃灣，行到咁上下見到一門町市場🫢裝修同佈置由外到內都係充滿日本風，直頭好似去咗日本咁🇯🇵😆即刻入去試下🐔日式搪揚雞，小食份量都算幾多，雞件大大舊，啖啖肉😆🍚三文魚帶子甜蝦丼，份量適中，帶子食落特別鮮甜，魚生比想像中新鮮！性價比好高👏🏻🍜日式拉麵，熱辣辣🫢有糖心蛋🥚份量超多，d拉麵好似食極都食唔完😂🍣壽司拼盤散叫：三文魚壽司、鮮吞拿魚壽司、大赤蝦壽司、鮮八爪魚壽司、日本紋甲魷魚壽司、油甘魚壽司😆全部都好抵！成條美食街除咗有日本嘢食，仲有得夾公仔🧸玩遊戲🕹️上年年中去荃新天地2期都唔覺眼，原來係12月底新開幕👏🏻

🚩荃新天地🚩全新美食街登陸荃灣荃新天地，前身為先施，化身為美食街「一門町市場」😎😎😎其中「東京街」日本料理CP值高，以快餐店形式點餐出餐，岩哂附近返工既人，唔洗成日食頹飯😀🍚四色丼 $98🐠三文魚2件、🦐甜蝦2隻、🐡赤身2件、魚🐟油甘魚2件每樣刺身都非常新鮮而且仲好厚切，絕對可以稱得上有鮮味，一百蚊有找既丼飯竟然有咁既質素😍😍🍣自選壽司價錢親民，有不同款式既壽司，刺身壽司、軍艦壽司，應有盡有☺️☺️帶子壽司三文魚壽司北寄貝壽司吞拿魚壽司八爪魚壽司油甘魚壽司🐤小食唐揚炸雞即場炸雞配上千島沙律醬，熱辣辣既炸雞，外脆內爆汁，炸粉唔會多😋以上既單點可加配$10就有麵豉湯🍲+茶碗蒸🥚+飲品🥤💡餐廳最大特式係快餐形式，仲設有自助吧，有小量生果🍊、沙律菜🥗同埋玄米茶🍵所有食材新鮮，但價錢合理💰👍🏻📍 東京街 (荃灣)🗺️ 荃灣楊屋道18號荃新天地2 地下一門町市場內J8號舖

嚟到荃新天地新開嘅一門町市場，點都要試吓東京街嘅魚生丼🍣和日式拉麵🍜 呢度嘅日式料理有好多款選擇，仲有自助吧，有菜絲沙律🥗和橙🍊任食，仲有熱嘅玄米茶☕️任飲💕💕💕🍣三文魚帶子甜蝦蓉丼 $88魚生分量算多而且好新鮮，除咗列明嘅三文魚、帶子和甜蝦蓉，仲有三文魚籽鋪面👍🍹凍檸茶 +$6🍜日式叉燒拉麵 $68有4片叉燒和半隻溏心蛋，豬骨湯底、拉麵夠爽彈都唔錯😋🍵🐣麵豉湯+茶碗蒸 +$10

剛到呢個新開嘅美食街，見到呢間東京街人流比較多、menu選擇亦多，價錢不是特別平，正常價。QR Code落單亦要即比錢只收8達通、銀聯、alipay等，似食快餐感覺。好快就出好餐有得出去拎，叫咗個叉燒拉麵+茶碗蒸+凍檸茶再加配金菇牛肉卷，厲害在於全部嘢都可以冇味，好似食緊醫院餐咁，另一份係三文魚腩飯，有骨+好似未切好咁，飯亦比酸薑覆蓋，飯只有酸薑味。凍奶茶亦厲害，一樣係冇味。 仲要全部餐具都係用即棄，勁唔環保。完全唔明點解咁多正評，

東京街在荃新天地一門町市場，開設新分店，主打親民日本料理。店面掛上日本紙燈籠做裝飾，空間感寬闊，以木製傢俬為主。安坐於舒適卡位，品嚐日式料理，價格親民，有多款套餐選擇，十分滋味抵食。蒲燒鰻魚丼 $78鰻魚烤到焦脆，加上香甜燒汁和芝麻點綴，令人食指大動。燒鰻魚肥美厚身，表面微微香脆，大啖咬下去，蜜甜吸引。把米飯拌合了香甜的燒汁，吃起來特別蜜甜滿足。香滑忌廉咖喱搪揚雞丼 $68日式咖喱香而不辣，搪揚雞新鮮香炸，炸至外皮香脆，内裏厚實軟腍，每口飯都有濃厚咖喱香氣，十分惹味。湯加茶碗蒸 (跟配+10)茶碗蒸熱燙燙，蛋香濃郁，加上彈牙蝦肉、柔滑蟹柳，啖啖鮮味精華。

[ 東京街日本料理 ]最近留意到荃灣荃新天地2期地下新開幕「一門町市場」，呢個美食廣場有十幾間本地、日式、手搖飲品、小食等食店，當中呢間供應刺身、壽司、丼飯、拉麵烏冬、咖喱飯等日式🇯🇵料理。自選壽司🍣✿ 吞拿魚壽司 $12/2件✿ 北寄貝壽司 $12/件✿ 三文魚壽司 $14/2件✿ 墨魚壽司 $16/2件✿ 八爪魚壽司 $16/2件✿ 北海道帶子壽司 $35/2件有接近70款壽司、軍艦及小卷選擇，全部都係即點即做。壽司刺身肥美，壽司飯柔軟度適中，價錢合理。魚生丼飯🍱✿ 三文魚帶子甜蝦丼 $88有4件厚切三文魚刺身、2粒帶子及2隻甜蝦鋪滿整個丼飯。三文魚刺身肉質肥美嫩滑，帶子飽滿有光澤，與甜蝦一樣味道鮮甜。壽司飯🍚份量都好多，飯粒柔軟度恰到好處。和食料理✿ 香滑忌廉咖喱搪揚雞丼 $68 🍛丼飯表面鋪上流心滑蛋🥚，再淋上日式咖喱汁🇯🇵🥘及忌廉，口感幼滑，撈飯食一流👍。唐揚雞🐔份量好足，外皮炸得香脆，內裡雞肉嫩滑。總結🫦 食店裝潢充滿日本風情🎑，日式料理選擇豐富，而且有沙律菜、新鮮生果及玄米茶免費🆓自取食用，性價比高。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿東京街日本料理地址：

荃新天地呢度新開左條日本街一門町，好多食店進駐😚今次黎左食東京街，絕對係高質性價比壽司店！荃灣分店仲有沙律吧可以自己任夾沙律、水果同埋茶。 1️⃣東京街經典怪獸壽司盛盒（$328） 佢地既怪獸壽司系列係特別厚身🤩呢款有三文魚腩、油甘魚、活赤貝、鰻魚、帶子同埋甜蝦壽司。超級正！勁厚！面頭既魚生係仲厚過舊飯！特別鍾意個三文魚腩！好厚肉食落好香魚味😋一定要食！  2️⃣極尚火炙五色魚生丼（$138） 有火炙三文魚、吞拿魚、左口魚、帶子、油甘魚。每一件都有一定既厚度，左口魚油脂感爆發好正。  3️⃣北海道丼（$145） 有赤蝦、帶子、三文魚、油甘魚、蟹肉、蟹膏、海膽、三文魚籽，成碗係滿滿既料！仲要有海膽，份量都唔少。  4️⃣三文魚牛油果加州卷（$48） 加州卷面頭加上三文魚同埋牛油果片🥑  5️⃣香蔥拖羅卷（$48） 面頭有拖羅蓉同埋香蔥，然後入面都仲包住拖羅蓉！