東京洋風堂

今日去左荃灣行街，去左熊貓酒店入面搵午餐吃。被門外餐牌那張雙色蛋包飯相片吸引就走左入去。我們點了雙色蛋包飯(白汁火腿粟米，咖哩雞扒) $53，日式咖哩吉列豬扒蛋包麵 $59跟相片一樣，大大份，蛋包飯用茄汁飯，雞扒軟熟多汁， 唯一缺點就是白汁不太看到火腿，如果多點火腿基本上就滿分了。第一次見蛋包面，公仔面配上咖哩汁，十分配合，吉列豬扒也十分多汁，不會太乾。見到雖然很少顧客，但十分多外賣，如果最近怕出街，都可以叫外賣品嚐。…查看更多

叫咗個醬雞燒朒串配雞扒蛋包飯同咖喱吉列豬扒蛋包飯個賣睇落好得仲叫咗一杯凍啡同一杯凍奶茶好喇, 雞扒飯凍嘅兼冇味。。。。雞扒炸到變乾柴。。。雞串有根有渣吉列豬扒"那"到淋晒。。。d飯又係凍嘅。。。杯凍啡我以為飲緊奶水凍奶茶飲緊糖水不知所謂冇人抹枱。。。污糟到一個點。。。。完…查看更多

今日一個人去咗東京洋風堂食 lunch, 間餐廳四四正正, 有部掛牆大電視。叫了日式滑蛋豬扒飯配熱即磨咖啡。落單後都好快送餐, 啱晒我 lee d 性急嘅人。 隻碗好靚, 係雞公圖案, 碗飯 d 顏色配搭好鮮豔, 黃色嘅蛋, 金黃色嘅豬扒, 加上隻碗紅紅綠綠嘅圖案, 睇起上嚟好養眼醒神, 令人胃口大開。豬扒炸到金黃色, 切成ㄧ條條, 方便食, d 肉唔靭, 香脆可口, 滑蛋果然好滑, 炒得好有水準, 加埋 d 洋蔥絲, 令碗飯嘅味道提升, 杯即磨咖啡淡了 d, 無乜咖啡味。…查看更多

返工放中午放飯成日都會去熊貓食晏，有時都會去下依間野。但並唔代表佢好食架，只係想轉下口味咁啫。依度既價錢就係依度黎講算中等啦，5、60蚊左右，仲有汽水送。比較特別既菜式係蛋包麵，蛋包飯平時見得多，蛋包麵就第一次見，咁到低係點既呢，原來係包住啲公仔麵，我食過日式咖哩吉列豬排蛋包麵，咖哩就係平時超市買到既味道，不過仲要好似溝淡咗啲咁，吉列豬排就大家樂既質素，至於蛋包麵就...蛋就無咩蛋味咁，個公仔麵又無調味，要自己撈下啲咖哩汁，係幾得意既，不過就可一不可再囉。…查看更多

放工黎左呢個商場搵食, 本身諗住去隔離食鳥冬, 但見呢間冇咁多人, 所以就膽粗粗入左去試｡ 餐牌上提供左多款晚餐, 蕃茄烏冬、日式咖喱飯、蛋包飯、連喇沙都有得食, 餐飲仲可以配紅豆冰添 (唔需要另外加錢) ｡星架坡豬扒喇沙湯麵碗喇沙一黎到我就覺得有 D 問題, 首先塊豬扒切左 4 件, 但頭尾果兩件唔係同一塊豬扒, 似係執頭執尾砌落去, 豬扒冇咩味道, 而且超乾｡ 喇沙湯底味道好淡, 麵嘅份量好少｡ 自問唔係一個大食嘅人, 但食左呢個晚餐之後完全冇飽肚嘅感覺, 要再出去搵食醫肚｡…查看更多

今日去到悅來坊睇下有咩餐廳啦，去到落左一層有幾間餐廳，本來諗住試札幌拉麵點知無位，見呢間都坐左幾多客人，所以就是但入左東京洋食堂。叫左個芝麻雞排蕃茄濃湯烏冬，雞扒炸到非常乾爭爭，烏冬同湯底反而算係ok. 最出事係杯熱奶茶，竟然係用奶粉沖出黎嘅，飲左一啖，已經唔想再飲第二啖了。午餐都$50幾至$60幾蚊，係呢區唔係特別平，點解沖杯奶茶都可以咁失敗呢！有中伏feel，無下次了！早知係札幌拉麵到等一陣位都無咁嬲！…查看更多

尋日(25-2-2018 Sun 年初十) 晏晝,同老公o係荃灣執好o野肚餓,就去食個晏,由於拎住好多o野,又要搵地方闊落啲o既地方食,咁就o黎呢個商場啦.我帶老公落o黎B1呢層睇,見到呢間同札幌都唔多人,札幌之前幫趁過,今次就試呢間啦,坐o左張四人枱,好彩都唔會迫我o地坐二人枱.睇睇menu,有埋隔離南洋工房o既menu o既?啊,原來兩間係通o既,我就要o左南洋工房,精選午餐中o既H,$50.00日式芝麻雞塊配番茄湯讚岐烏冬,要熱金橘蜂蜜綠茶,老公要東京洋風堂,精選套餐中o既1號,$59.00o既日式咖哩吉列豬扒蛋包飯/蛋包麵,要蛋包飯同可樂.冇耐,我o既日式芝麻雞塊配到o黎,之後係飲品同老公o既日式咖哩吉列豬扒蛋包飯.先飲啖熱金橘蜂蜜綠茶,只似到金橘蜂蜜o既味道,綠茶味冇乜.味道:3分日式芝麻雞塊配番茄湯讚岐烏冬,雞塊沾滿芝麻,外脆肉嫩,好味;番茄湯番茄味道濃;讚岐烏冬份量唔多,仍有少少彈,未至於太腍.味道:4分而老公o既日式咖哩吉列豬扒蛋包飯?份量好似都幾多,我試吓食先,咖哩唔辣,吉列豬扒同樣外脆;蛋包飯裡面o既係茄汁飯,味道唔太濃,而且有腸仔粒,粟米亦多,蛋嫩滑,唔錯o既.不過老公話仍差啲,感覺有啲hea.味道: 4分抵食係2.8分題外話: 同一地點,同一時間食兩間店o既o野食,食評係咪應該要登晒o係兩間食肆?…查看更多

我去食嘢時 我叫了蛋包飯食品差完全唔啱味似加左茄醬的飯,調唔起度味 蛋味入唔到飯 蛋同飯味度互不相容 用肥大日本米 但汁入唔到飯 我坐喺度都好耐都唔識問我要什麼 把口生金咁 態度差 粟米凍 凍檸茶唔夠味 杯身窄 冰又大粒 唔夠兩啖飲完所以我戰略是坐耐d等冰溶 唯一可取是地方大 因食客不多 食完心情欠佳 唔會再去 我天后食過一次蛋包飯 相當完美 這個有蛋包飯外表 沒有蛋包飯內在的東西 金菇肥牛尚算可以 肥牛救左我 令我有動力吃下去 當我沉澱在痛苦中 時間已到9點 我走了…查看更多

和朋友及男友在大窩口運動場打完羽毛球後，到附近醫肚。之前未吃過「東京洋風堂。這裹基本上是專賣蛋包飯，大概$45一個飯。除了蛋包飯，還有一些小食、蛋包麵，我試試新意，和男友一人叫一個，一個蛋包飯，一個蛋包麵。吉列豬扒蛋包飯 - 吉列豬扒普通啦，幸好不會粉多過肉，整個飯也是一般，不過四十零元貨色，也大概如此啦！肥牛金菇蛋包麵 - 肥牛金菇好入味，味道不錯。但蛋包飯就真的很奇怪，不match，用的是公仔麵。試過算。…查看更多

第一次食蛋包飯聽人講呢間外賣好好食今日難得叫外賣，即使貴少少都試下啦我叫左金菇肥牛蛋包飯，而朋友就叫左厚切豬扒蛋包飯速遞既速度ok, 服務都ok外賣泥講個賣相已經算好唔錯，但係份量就少左d金菇肥牛味道好好，不過肥牛得幾條蛋包飯好好食，蛋入邊有炒飯腸仔，加埋粟米就絕配同朋友交換左d厚切豬扒泥食，厚切豬扒又多汁又入味呢間外賣算係好好，不過要加野飲的話就要加多十幾蚊希望遲d有機會堂食啦期待下次可以試下芝士漢堡扒蛋包飯…查看更多

蛋包飯係日本食得多啦，香港都真係少食啲，仲要唔係hea整，即用蛋皮包白飯。雖然哩間既蛋皮都唔夠juicy，但好在入面係茄汁炒飯，仲要有腸仔，有啲驚喜！金菇肥牛都幾好，但雞扒就細件左啲啲。整體份量岩岩好，味道都係不錯啦。…查看更多

有次行經荃灣熊貓酒店，經電梯落一層，就發現這間東京洋風堂，不如坐下來吃個午餐。看過了餐牌後，就點來這一個。咖哩吉列豬扒飯。一向甚為喜愛豬扒的，而且在日系菜中咖哩並不辛辣，而且有點甜的，而這個咖哩亦不是辛辣的，而且佔了半邊碟子，甚多的咖哩汁，可以撈飯來吃吧。豬扒嘛，雖然並不是厚切，薄薄一片，蘸上了炸粉，但略嫌厚了一點，但都算是炸得鬆脆可口，亦癰種甘香口味，如果豬扒可厚一點的話，就更佳了。餐飲則點了一杯熱奶茶，其實這一杯並不是真的很好喝的，只是有著港式口味的奶茶，猶如在茶餐廳喝的一樣，平平無奇，只是在落糖份量多少而言，而在下則沒有落糖情況下，喝到茶的味道來吧。一個簡簡單單的午餐，便已足夠，吃吧結帳走人。…查看更多

星期六下午約了朋友去打保齡球，所以就到悅來坊食lunch本來想食台灣麵，但奈何等位的人太多，便周圍看看吃什麼好，經過這間舖，看見滿座及餐牌看起來也可以，便決定試試看企了一會兒，剛好有人結帳，就有位了，很快便點好吃什麼，但出菜真的很慢，等了起碼20分鐘先有得食這個賣相不錯，金菇同肥牛味道很足，略為偏咸，但問題係公仔麵到，完全沒有調味，扣哂分其實白汁同蛋包飯唔係好match，反而咖喱汁真係會好食d，而裡面既茄汁炒飯好酸，可以中和返白汁既飽膩味唔好抱好大期望食，雖然唔特別好食，但未到好難食，但食一次就夠啦!…查看更多

看到其他食家話麻麻地，自己都想試下點差法。叫咗個日式咖喱吉列豬排蛋包飯，凍檸茶同日式餃子。個飯黎先，其實一個50蚊飯，唔洗加一來講，其實算唔錯，吉列豬排係脆既。其實真係抵食。點知道開心咗唔夠5分鐘，個餃子扣曬分。餃子皮係熱，裏面係冰凍既。太失望了。同店員講番，佢收番幫我加熱。加熱係用微波爐，所以結果加熱後既餃子淋patpat，難食。所以食飯還可以，其他就唔好叫。…查看更多

今日跟友人到大窩口打保齡，順便到悅來坊揾食，實在很久没有踏足此地，商場食肆林立，單是餐牌也看到眼花撩亂。最後選擇了<東京洋風堂>，因為日式咖哩蛋包飯的賣相非常吸引。單是蛋包飯，已經有十多個款式，我跟友人選擇了日式咖哩吉列豬排蛋包飯、金菇肥牛蛋包飯，夠哂招牌東洋風。日式咖哩吉列豬排蛋包飯的份量頗驚人，豬扒有6大塊，炸至酥脆可口，粉漿厚薄適中。最喜歡偏甜的日式咖哩汁及煮至腍溶的薯仔粒，用來拌勻蛋包飯是最合襯的。除了傳統的蕃茄醬外，蛋包飯上還有胡麻醬點綴，甜甜酸酸的味道中，夾雜淡淡的芝麻香氣，十分滋味，伴碟的粟米粒和車厘茄也令蛋包飯更加豐富有營。金菇肥牛蛋包飯的肥牛份量也很多，充滿洋蔥汁的鮮甜味道，但相比起來咖哩豬排蛋包飯較為惹味，畢竟咖哩汁使米飯更具滋味。如果餐廳可以另上洋蔥汁或咖哩來拌勻蛋包飯，整體感覺會更佳。東京洋風堂的蛋包飯著實味道不錯，價錢相宜，份量也很足料。建議餐廳增設附加小食，如日式煎餃子和蟹柳沙律等，令餐牌更加多元化。…查看更多