東京一品拉麵 (已結業)

東京一品拉麵係我地其中一間飯堂，諗唔到食咩就食佢！今次都係，平日夜晚唔7點幾唔多人，去到就有得入！近兩三次都咁啱無紅蝦湯，唯有食地獄湯同黑蒜湯！地獄餃子烏冬：keep到水準，原粒糖心蛋，6隻餃子，飽到捧住個肚走！花枝丸熊本叉燒拉麵: 叉燒大大舊，麵大大碗，黑蒜湯好濃！花枝丸好味，岀邊有埋蜜糖！豬扒: 仲叫埋豬扒，又係成塊面咁大舊，唔鞋，炸得啱好！總括黎講，又係好滿足嘅一餐，好食得黎cp value又極高！…查看更多

瞓到14:30先起身，一起身後就做家務到20:00，突然間先醒起原來我淨係掛住做家務，投入到全日未食過嘢都唔覺肚餓😅另一半話想食拉麵，我地不約而同醒起好多時都經過附近一間日本餐廳，但就從來都冇幫襯過，咁就決定喺呢度醫肚啦！店員好好禮貌，又向我地推介抵食套餐，事實又真係幾抵食喎！我哋分別叫咗自家製吉列豬扒拉麵套餐及自家製豬軟骨烏冬套餐，每份套餐包一款小食及凍飲！本身店員話豬軟骨賣剩少少，如果我覺得唔夠可以補加其他食物俾我，但我最終冇要求補加，因為碗烏冬已經好大碗，我本身都食唔晒！味道方面又不錯喎，老闆娘仲向我哋推介佢哋嘅自家製辣椒醬，加埋落碗麵度食更加惹味！本身我不太好拉麵，但呢間店有好味彈牙嘅烏冬，味道又不錯，份量又足料，而且價錢好親民，老闆店員都好友善，各方面綜合而言，絕對會經常幫襯啦…查看更多

住咗朗屏嗰邊好耐，成日見到食在元朗話呢間拉麵店好抵食，咁就同媽子三點鐘去報到食好西🙋‍♀️ 食物方面，原來都唔算少喎有拉麵、有飯、小食🥢🥢🥢 下午茶全部拉麵都係$39.00,另外跟餐有送冷熱飲品🥤🍵 麵底可以配原味麵、胡椒麵、菲菜麵🍲👍👍 熊本豚肉胡椒拉麵 / 和風牛肉拉麵 🍲 湯底奶呈白色，有濃沃嘅豬骨湯味👍， 麵條有少少胡椒味、彈牙👌， 三大塊豚肉, 牛肉也不少，食落有淡淡嘅醬油味👍，半熟蛋煮得啱啱好 🥚 👩‍⚖ 現在食碗普通魚蛋粉都要三十幾蚊，現在唔使40蚊就可以食到拉麵跟嘢飲， 絕對超值啦👏👏 ps~ 如果啲湯熱到辣嘴會更加好😄…查看更多

返工晏晝飯真係唔知食咩好，就唔想食茶餐廳，所以就最後嚟咗呢一間拉麵店度食。個人就覺得一般般。首先湯來講就好咸。另外啲肉嘅粉漿同啲肉分離得好犀利，唔知係當日個師傅煮得唔好定點。另外間拉麵店亦都的確係好細間，如果係想坐得舒舒服服嘅就唔好嚟呢間度食啦。…查看更多

住朗屏嘅人，相信對東京拉麵唔陌生，地理位置方便，已經成為小編嘅半個飯堂！好多時諗唔到食咩就食佢！唔同日本拉麵店，東京拉麵餐牌比較多選擇，有麵有飯又有烏冬，方便唔同愛好嘅人一齊食！有三隻湯底揀，原味，蝦湯同黑蒜油！今次小編揀咗原味餃子烏冬！保持番水準，餃子係即炸，上到黎熱辣辣，雖然只係普通日式餃子，但勝在有6隻，有番咁上下誠意！朋友叫咗叉燒蝦湯拉麵，一樣 keep到個水準，叉燒大大塊，麵係即煮，煙煙韌韌！總括黎講，東京拉麵唔係一間最正宗嘅日本拉麵店！但絶對係最有誠意，cp value 最高嘅拉麵店，晚餐都只係50-60一個餐，豬扒大大件，雞扒大大件，餃子有6粒，一整粒糖心蛋，味道又唔差！可以話係值得一再幫襯嘅街坊食肆！…查看更多

位於朗屏工聯會附近的食店，也是鄰近西鐵站，外牆設計十分吸引，有懷舊日本風味，因此也走進去試一試，店舖自稱是手拉面，所以下單一試，麵條韌度適中，也是不錯，吉列豬扒飯，略嫌咖喱汁偏少，味道也可以，照燒雞翼，食完要飲返杯清熱氣嘅飲品，份量充足，價錢合理，環境舒適，服務員更熱情招代，值得支持本地食店🥰🥰…查看更多

食物選擇都算多，黎過好多次，會加五蚊蝦湯底，個味超濃超好味，叫餐仲有個小食同野飲，小食試過炸南瓜薯餅，即炸熱新辣辣正！ 我最意佢個芝士餃子雞，漲卜卜好好味！面我就中意食番原味，之前試過胡椒面都覺得麻麻地，味道太辣太搶。 …查看更多

這天為甚麼不知道老是惦掛著這家店，因此又拉著同事去吃一碗拉麵。今天我抱著試的心態點了一個轉紅蝦虎湯的拉麵，蝦湯裡的蝦味道超濃，每喝一口感覺比前幾口的湯更濃，相信是熬了很多小時的精華，由於嘗不到胡椒味，所以怕海鮮「獨特」味道的朋友可能要叫老闆多加點胡椒。這個汁燒雞扒是跟拉麵分開的，這份量超多的，老闆沒有只放幾塊到拉麵，超級有良心，這個吃完已經相當飽；另外這些雞扒都是切好的，超級方便，適合我這懶懶的人，給老闆的貼心一個讚；味道自然不用說，燒汁味道香和濃，有點偏鹹，與雞扒的味道很配。…查看更多

牛肉嘅熟透度就好似打邊爐果陣，放入煲中3至5秒就拿返出來，食落好嫩滑、又唔多油；麵爽口彈牙，食落唔黐牙，師傅話喺手製，唔加防腐劑，唔喺出面買嘅現成麵。韭菜麵底，所以麵喺綠色，望落都已經好吸引。湯超濃，個老闆話用十幾斤豬骨炆，仲有啲蝦殼一齊熬好耐，所以先食到很濃海鮮味，但喺湯就喺奶白色嘅，同埋落咗胡椒，絕對唔洗驚腥。我就算覺得食完麵超飽都好，都忍唔住飲晒啲湯。日式餃子同我喺紅磡某間店食過嘅好似，都喺外層唔太油同香脆，咬落唔會有濃烈菜味搶味，真喺好開心可以食得返果種味道。佢哋做多咗吉列豬扒送咗比我哋食。豬扒炸到相當酥脆，肉質有啲似魚柳，豬肉味岩岩好，唔會太過騷。PS:其實呢度都好多學生幫襯，學生啲口味或多或少可以作為一個參考標準。當然啦，除咗好食之外，另外一樣吸引人嘅地方喺唔夠食果陣，老闆肯加麵比你。…查看更多

原本想去 #大掌櫃 食一人一鍋買嘢遲咗無得食…… 嚟咗呢間隱世的 #東京一品拉麵好好味！！環境不錯，播著舒情的流行曲～需要係高枱為主，坐得都舒服，呢個鐘數，聽住歌可以好放鬆，一個人嚟都好ok。。（要呢個鐘數囉，人多就未必😂）（我今次两個人）佢晚市飯餐$45-47左右，拉麵餐就要$60，見到餐牌有$39下午茶拉麵就好抵食啦！！之前成日經過都想試，今日終於有機會。今日點咗咖哩吉列豬扒飯$45同豚肉拉麵$60, 吉列豬扒香鬆脆，又唔硬，勁正！！豚肉好好味。分量亦好足，跟埋嘢飲，yummy yummy***…查看更多

拉麵主打湯底無味精以及手打麵，因此湯底濃郁不膩，麵條軟硬適中。而本人叫的是和風牛肉拉麵($55,學生減$10)，雖然牛肉並非頂級，但牛有牛味，用作跟牛肉煮的汁也帶出牛肉的風味。總括而言，這碗拉麵絕對價錢合理，甚至物超所值。最重要的是，服務質素頗好，以及餐廳佈局(設有吧桌)跟日本拉麵館完全切合。…查看更多

同朋友食下午茶，佢介紹呢間拉麵店，就入去試下喇，人唔多，全部高枱來，見到師傅即場拉緊拉麵，仲有部麵機，原來呢度既拉麵係自製，所以拉麵既種類都比較特別望到下午茶只係$39碗朋友介紹呢度個自家製吉列豬扒比較大塊，所以點了一個，配上店主自製既芝麻拉麵豬扒唔係厚身，但係都錯，好似話下午茶已經比平時細塊芝麻拉麵，不會太重芝麻味，但都算特色另一碗叫了自家製豬軟骨鳥冬，奇怪在揀烏冬要另加$5，每碗都會有塊大紫菜，少許木耳絲，粟米同一隻温泉蛋，但我個隻就有d實心，蛋黃有d過熟…查看更多

作為拉麵控，想食哂所有元朗拉麵。於是就試左呢間。之前見到間餐牌都幾抵。唔洗等候太耐，一入就立即有位，可能因為我嚟得早。餐點方面，各有烏冬、拉麵、日本料理同各種小食，款式較多選擇。價錢相對嚟講中等。叫左個自家製吉列豬排拉麵。豬排份量唔錯，有十件，唔會落太多炸粉，配埋沙律醬食落味道都幾好。拉麵方面，湯濃度唔錯，適合鐘意飲濃湯嘅人。但係麵方面可能就有啲多同冇甘彈牙，食得多時可能會有啲濟。屬於比較貼地嘅拉麵，可以去試一試。…查看更多

有次經過條路，發現有間日本野啊，咁見門日整得都好日本feel,又咁岩小朋友想食拉麵，咁就入左去試了......一入去都幾和風下，有飯餐有麵餐有小食由於一大一小既關係，叫左一碗炸蝦拉麵追加多個拉麵🍜，炸蝦同平時某連鎖店一樣味道拉麵口感都幾好唔太硬又唔太軟，食落又唔太口渴啦蛋係溏心蛋黎發現依間店拉麵係師傅自家親手猜面粉，再用機砌成拉麵🍜都算係新鮮做既拉麵，職員都好窩心，見我有小朋友會預早準備好多套餐具俾小朋友用！又會主動移張適合小朋友坐既椅！下次會再黎過…查看更多

食物質素不錯，但服務態度極差。連小小朋友一家三口光顧，全場只有高櫈，只好選全場唯一有椅背、較安全的餐桌枱位坐。不一會，有4人在店外欲光顧想坐餐桌枱，侍應即衝過來叫我們去坐bar枱，我反問她小小朋友要如何坐bar枱，她就拋下一句「你話唔想咪得囉⋯」又轉個頭，又有二人客進店，侍應又當即將之前另一位侍應擺低的食具全推過來，險些連碗麵也推倒，急著把枱拉開5cm作獨立雙人枱，完全不知禮貌為何物⋯ 當然隨後的落錯單(無故拉麵變成難食的韮菜麵）、漏單(跟餐小食唔追都唔補入單）也只是例牌的家常便飯⋯食物幾好都無用，服務九流…查看更多