村爺爺龍蝦湯.泡飯.燉湯專家

營業中

休息中

油麻地嘅｛村爺爺｝非常出名，見今日時間尚早唔洗等位，就即管試吓係咪真係如foodies所介紹般咁高質先🤓✴️牛魔王龍蝦湯湯飯✴️男朋友叫咗依個湯飯，有肥牛、鮮牛肉、手丸、翠肉瓜同生菜，配料多！不過我就麻麻地龍蝦湯，覺得味道有啲腥，唔係好夾牛嘅味道🤔✴️豬膶鮮牛肉蟲草花螺雞湯米線✴️依個湯底相當不錯👍🏻有鮮味又唔油膩，不過食完係有少少口渴～鍾意佢豬膶唔柴唔乾，有彈性夠粉糯🤎另外仲有啲白菜仔，螺片同雞肉，整食餸都飽🤩✴️墨魚條拼魚腐✴️即叫即炸，略嫌魚腐偏油膩，但都可以一試～✴️百香果冰茶✴️意想不到好飲，茶底夠濃，百香果味清淡😎重點係依杯茶好大一杯，兩個人飲都足夠！

其實今次已經係第二次嚟川爺爺食泡飯，上次叫咗個牛魔王今次就梗係要試吓佢嘅雞湯泡飯啦！我叫咗個套餐包嘢飲、油菜一碟。首先講吓個雞湯，送到來的時候我大吃一驚因為入面竟然有半隻雞，果然係足👍🏻。首先梗係要試吓個湯的味道，一入囗好有好鮮甜又有雞味，令我回想起細個嘅時候家人煲嘅花膠雞湯。近幾年自己喺屋企煲雞湯都冇呢一種鮮味我即刻懷疑係咪加咗味精呢？但係我飲咗幾啖之後又發覺我並唔口渴，我相信係真材實料真係好想知道啲雞喺邊度買🤭，試完啖湯之後輪試吓佢啲雞肉啦，通常煲完雞嘅雞肉都比較「鞋」但係又估唔到這個雞肉係相當之嫩滑，再配上佢嘅辣椒豉油果然係一絕😋。至於飲品同埋油菜都係一般水準價錢方便我覺得都公道。如果有時間又唔使排隊，我相信都值得一試。唯一美不美中不足座位比較狹小同埋逼夾。如果想坐得舒服又想傾偈咁呢一間餐廳就絕對唔適合，如果以性價比嚟講，我係會推介呢一間餐廳嘅。

極之抵食🎉大過塊面嘅原隻雞，真材實料，價錢底！非常值得一試。 而且成日都排長龍㗎⏳🐓花膠螺片雞煲 ($68)咁抵食！70$有找原隻雞上枱！慢慢撕，慢慢食🤤每一口都充滿了深厚的雞肉，而且鮮美的螺片也帶來了一定的嚼勁。此外，將飯當泡飯連埋湯汁一齊食口感非常濃郁，是一道非常有飽足感雞飯♥️🐖鵝腸皇平黑毛豬片 ($68)麻麻地～雖然係招牌小食，但唔係好新鮮、有啲老、嚡熠熠😟

有日行過見到呢間鋪頭好多人排隊而且應該係香港本地人排所以出於好奇心入左去試 個menu睇到人地眼花撩亂終是我直接叫左3大推介之一既蟲草花螺頭雞湯泡飯 佢入面包左有2隻南乳雞翼仲有2舊手打魚餅，蠔油冬菇同蘿蔔 我覺得d餸真係麻麻地冇咩特別個雞翼冇咩南乳味個魚餅又細舊又冇咩口感同我想像中唔太一樣 不過個湯係唔錯飲落好清甜，有d似啊媽煲既老火湯咁而且入面有大量菜，食完覺得好健康唔會有罪惡感食哂d菜同配料，先再將d飯泡入去食咁就可以keep到飯粒既口感同享受到個湯，正

叫左牛魔王龍蝦湯泡飯🐮🐮🦞🦞，入面個牛丸有怪味，食左半粒就全部冇食。另外都叫左個花膠海鮮雞件龍蝦湯泡飯🐓🐓🦞🦞，兩個泡飯既湯底都完全唔覺係龍蝦湯🦞，係好普通既湯，同expect中有龍蝦鮮甜味有出入。作為村爺爺必食六大推介，叫完都幾失望。雖一係分量都幾大份，會食到好飽。兩個泡飯既飯都係另上。我地坐係雪櫃房出面，有個垃圾桶，員工換垃圾袋個時，d 垃圾水Fing曬去我身上，影響用餐體驗。😌😌

油麻地Local必食推介將車仔麵昇華到另一個層次出名用料充足 湯底濃郁非一般車仔麵地道湯底🉐🉐🉐🉐🉐🉐🉐🉐本人最喜歡以下次序 1）龍蝦湯2）鹿茸菌龍躉湯3）麻辣鮮魚湯4）蟲草花螺頭雞湯以下係鹿茸龍躉魚湯，豐富嘅濃湯魚味，微微帶鮮甜，估唔到仲有龍躉骨配上材料多到圖片就可以見得到。配料嗌咗：鮮牛肉同炸枝竹 （多到呢，食唔唒）嗌一個配料，送蔬菜：油麥菜湯底+配料 🧡🧡🧡🧡🧡可惜泡飯轉咗拉麵底拉麵浸到發脹同偏淋，影響口感🥲拉麵底🧡

是日去開油麻地，即刻搵吓之前有邊間bookmark咗想食可以去試吓～ 於是午飯時間，揀咗呢間食！去到嘅時候已經13:15，門口有條龍，都排緊8-9個人。等緊嘅時候俾咗個menu我哋睇，張menu「花呢綠」都睇咗陣有咩想食🤣 最後揀咗上面寫住No.1嘅 花膠螺片雞煲，一路排一路已經有侍應落單🫢 所以入去坐低無耐就有得食。#花膠螺片雞煲 + $15 跟飯、鼓油、油菜，跟咗一對筷子之外，仲有刀、叉、一對膠手套。份量都多，有半隻雞。估唔到隻雞好嫩滑，仲有一舊花膠幾片螺片，加埋個鼓油食好食！個湯雖唔算好濃，但加埋飯食都唔錯～ 食到咁上下少咗湯，我轉咗用膠手套直接食，其實都有啲「呢hea」，驚太大力，或者跌返舊雞落個湯就會彈到周圍都係😂😂 隻雞都好多肉，食完好飽～由於落單嗰時有啲急，佢問我要唔要加嘢飲，我習慣性話要凍檸茶 （+$3），其實個雞煲已經有湯，可以唔駛加😂 食完餐飯成肚水～

環境較舊，整體感覺稍欠企理路過幾次，又要排隊，原本吸引力總是沒有那麼大朋友有興趣嘗試，只好一起。叫左村爺爺三寶小食：頂級蠔油冬菇、南乳炒雞翼和手製魚腐花膠龍躉雞煲翅 ，花膠龍躉螺片雞海鮮 ($108) 基本滿足。

好多年前都已經有幫襯過村爺爺泡飯，到依家大大話話都有幾年無去，今日舊地重遊估唔到門口都依然 Keep 住有人排隊。咁多年無幫襯價錢都好似冇乜大加幅，等咗半小時左右就已經可以入座，同朋友一行兩人叫咗飯餐同小食。鵝腸拼黑毛豬片 ($68) : 鵝腸非常爽口而且半點腥味都無，黑毛豬片肥瘦適中，兩者配辣椒豉油食滋味得很，加上定價又唔太進取可以一試。花膠龍躉雞煲翅 ($138) : 有半隻雞之餘仲有生菜伴碟，花膠同龍躉亦足料，最後飲埋味道濃郁嘅湯飽肚又暖胃。花膠龍躉螺片雞海鮮 ($108) : 一直以來都係食開龍蝦海鮮湯泡飯，今日第一次食呢款，雖然個餐一百蚊多少少但係都幾足料，龍躉同花膠非常有驚喜因為好大塊，湯底下就有勁多螺片、雞柳同蜆，所以味道非常鮮甜，將整個白飯放落去食正到暈。熱情果梳打同菠蘿梳打都只需 $16 蚊。

好評甚多嘅龍蝦湯泡飯原來都幾普通🥲 ​✨花膠海鮮雞件龍蝦湯泡飯 $88配料同海鮮份量都算正常，有青口，蜆，魷魚... 另外仲有花膠，雞肉，翠玉瓜...不過白飯另上有啲奇怪😐飯一pat pat咁 口感非常差🫠所謂嘅龍蝦湯都食唔出味道，沒有一點鮮味👎​味道👅👅抵食🤑🤑環璄⭐️⭐️服務👍🏻👍🏻番兜🍉 ​ ​ ​ 伏🚁🚁🚁(最高分x5）​

無限重複再食重複再食嘅花膠雞，每次同唔同朋友去親旺角都一定介紹去食嘅川爺爺花膠雞湯。回報花膠雞都有半隻雞，真材實料，冇味精，好少油，每次就算飲晒成煲，依然都係覺得唔夠喉，個湯好甜，同好重雞味，夏天食雖然熱咗啲，但都一定要嚟，冬天就直頭係超正啦，雞肉嫩滑，份量十足，加錢跟餐仲要有油菜，嘢飲同飯，一定夠食。餐牌入面有好多款選擇，但係其實分別唔算好大，主要係睇你想食咩配料。餐廳有手套提供，唔使驚食到成手都係。

外觀：這碗花膠雞米線的外觀讓人一看就垂涎欲滴。米線擺放整齊，白淨綿軟，散發著誘人的米香味。湯底清亮透明，看起來非常清爽。雞肉切成薄片，肉質鮮嫩細軟，讓人不禁期待每一口的口感。口感：當我第一口咬下米線時，它的滑嫩口感立即融化在口中，帶來一種極致的享受。米線與湯底的結合完美無瑕，每一根米線都吸收了湯汁的滋味，令人愛不釋口。雞肉薄片的口感非常嫩滑，入口即化，彷彿融入了湯中。而花膠的彈性和嚼勁為整個口感增添了層次。整碗雞米線的口感豐富而細膩，每一口都是一種令人陶醉的享受。味道：這碗花膠雞米線的湯底鮮美而清爽。它擁有濃郁的雞肉香味，並帶有微妙的花膠風味。雞肉的鮮甜與花膠的鮮味相互襯托，創造出一種令人難以抗拒的美味。湯底的調味恰到好處，不會過於油膩或過鹹，讓人喝完一碗之後口感舒適。米線吸收了湯底的滋味，為整碗花膠雞米線提供了一種溫潤的口感。這碗花膠雞米線的味道經典而美味，絕對能夠滿足挑剔的味蕾。

極上海鮮龍蝦湯泡飯+炸蝦拼吉列蠔*Time : Sep 2023, Lunch*Price : $78+36 -HKD *Place : 村爺爺龍蝦湯.泡飯.燉湯專家*Review : 本來就喜歡吃湯飯，龍蝦湯當然要試試。- 龍蝦湯飯：湯的味道不錯，的確有海鮮跟龍蝦的味道，可以一整碗飲完，海鮮用料十足，大大隻凡立貝，青口等，吃完絕對很飽- 吉列炸蝦拼蠔 ： 沒什麼，也是典型在香港吃到的吉列蠔及蝦，粉沒太厚，用料還不錯的整體不錯的，價錢合理，用料也十足

話說上次同男朋友食完食「德福」，入去嗰陣見隔離間村爺爺排曬長龍，一直好想試下係咪真係咁好食，有日行完街又餓又攰，油尖旺唔知食咩好，男朋友話不如試下上次排曬長龍嗰間，我哋都喺覺得排曬長龍好好奇，大家都明嗰個心理～其實果日非繁忙時間，條隊好短，排咗5分鐘，姐姐就攞個牌叫我哋揀嘢食，見到個menu，個嘴o咗，又雞又魚，湯飯普遍都喺100蚊內有交易。我就揀咗個招牌半隻雞嘅湯飯，我男朋友揀咗個海鮮湯飯，等多2分鐘左右有位坐，不過入面啲位少少窄。🦞花膠海鮮雞件龍蝦湯泡飯 $88睇上去非常美味我試試咗幾啖貴啲確實有道理不過食食下覺得無岩岩食嗰陣個位咁濃😂🐓花膠干貝龍薑雞件湯泡飯 $98嚇一跳成半隻雞原隻擺落去食食下真喺幾好食佢屬於第一啖感覺唔驚艷但慢慢食落去味道都Keep到湯飯嚟講哩間性價比確實喺極高如果你哋想試特色湯飯哩間喺一定走唔甩不過我建議大家平日非繁忙時間去如果唔喺排隊可以排好耐味道：🌟🌟🌟🌟🌟環境：🌟🌟🌟服務：🌟🌟🌟🌟性價比：🌟🌟🌟🌟🌟📍 村爺爺龍蝦湯.泡飯.燉湯專家 (油麻地)油麻地砵蘭街72號地舖

每次經過村爺爺都見到好多人係門口排隊，今日我都排埋一份，睇下係咪真係咁好味，我地係門口嗌定嘢食，一入去就有得食啦。自選生滾湯泡飯$68呢度啲湯好出名，揀左龍蝦湯泡飯，個泡飯包埋時菜，仲可以揀多2個餸，我揀左魷魚同竹笙，個湯味道濃郁，湯底鮮甜，碗入面仲有有蜆肉、青口等等，非常充料。墨魚手指拼手製魚腐$32炸得幾好食，炸到脆卜卜，點泰式辣醬食係好夾📍村爺爺龍蝦湯.泡飯.燉湯專家油麻地砵蘭街72號地舖