李家 (山林道)

營業中

休息中

整體食物都可以，但。。。。1）d冷氣完全唔涼，熱到抽肺，我同朋友根本一度食野，一度係咁流汗冇停過，唔知以為食緊川菜🥵🥵🥵🥵2) 張2人枱細到一個點，擺咗水就根本唔可能再叫野飲，而且連放2個餸加配菜都好迫，迫到再放唔到第3碟餸3) 炸雞size勁細，啖啖骨，冇乜肉食所以同朋友食咗唔夠45mins，就即刻埋單走人，因為根本又熱又唔舒適，攪到食完連行街情緒都冇哂，一致認為冇下次❌希望店舖會有改善，因為市面真係唔少呢類型食店係唔錯tim，如果依然係咁，應該會流失好多客

近排睇完魷魚遊戲，成日都好想去食吓韓式炸雞，終於今日喺尖沙咀放工走咗過去韓國街，去食一間好耐冇去嘅炸雞店李家到食番個韓式晚餐🐲——————🐽 魚餅湯咖喱魚蛋就食得多，而韓國魚餅其實都係我另外一個最愛，韓國魚餅唔似魚蛋嘅形狀，仲有其他長條型，扁形等等，食落味道大致相同，有少少魚味，湯底亦好清甜🐽 泡菜餅泡菜餅煎得好香，切開見到大量嘅泡菜同埋魷魚，每一啖都係大滿足🐽 醬油炸雞主菜醬油炸雞醬油味帶少少辣，但食落炸雞好香口，內裏好Juice，就算雞胸位都唔會炸到好老乾晒

🔻芝士排骨 $288好易拉絲既芝士味道不嬲唔算好濃與甜辣醬醃製好既排骨一齊食就絕配啦😝店員一開始會示範點卷芝士，之後就要自己郁手芝士一凍左就會變香口膠，所以要趁熱快食😉🔻蔥炸雞（無骨) $94炸皮唔厚，好香脆👍🏻醬汁酸酸甜甜好開胃🔻甜辣炸雞（無骨) $84經典韓式甜辣味，口味偏濃，多食易膩🔻海鮮炸醬麵 $188超大一碟😅應該夠3人分享麵身似米線，味道唔太咸，幾好食………………#sissyfoodie

李家在尖沙咀屹立已久，在很久很久之前，通常夜蒲完，朋友都指定吃這間的炸雞。因為疫情期間冇得夜蒲，決定與朋友晚上來吃晚飯，紀念一下當年夜夜笙歌的情懷。.燒烤雞 $188 - 當年晚晚都吃炸雞今次就試吓燒烤雞，用鐵板上熱辣辣keep住溫度，肉質嫩滑多汁，真心好正。辣BBQ豬骨 $188 - 豬骨是意想不到地好食，豬骨size 剛剛好方便咬，而且調味適宜，辣得來很過癮，愈食愈想食的感覺！蒸蛋湯 $58 - 第一次在這種如此健康叫清淡的食物，本身我以為是蛋花湯，但原來一整壺也是蒸水蛋！水蛋水潤，食下食下會有湯汁流出，所以歸類為湯類而不是食物類。.去到差不多時候天色已暗，店員還會把燈光調暗，更加有氣氛呢。

同朋友去尖沙咀行街，大家都想食韓國野，第一時間諗到好岀名食炸雞嘅李家。我同朋友都唔係第一次幫襯，大家都好有目標，知道自己想食咩。我地叫咗蜂蜜蒜蓉炸雞，魚糕湯同辛辣麵。~~蜂蜜蒜蓉炸雞叫咗無骨，啖啖肉，好方便。即叫即炸，熱辣辣。雞炸得好脆，雞肉好嫩滑。炸雞食落充滿蜜糖蒜蓉醬，好惹味。~~魚糕湯好大碗，熱辣辣。有好多魚糕，魚糕食落好彈牙，個湯好清甜。~~辛辣麵大大碗，d麵好爽口，唔會煮得太硬。d麵食落辣辣地，好惹味，加埋雞蛋，完美的配搭。餐廳環境幾好，d座位好闊落，仲要播放住k pop，好似去咗韓國旅行咁。

炸雞都是大家所熟知的韓式料理表表者，於原味炸雞基礎上，透過不同的醬汁或者調味作出千變萬化，這天我就來到位於尖沙咀、香港首代韓國炸雞專門店 - 李家解饞一番。餐廳裝修風格樸實，枱面放有一個吉桶，可用來放置雞骨殘骯，方便又衛生。餐牌上也有很多炸雞以外的菜式，選擇繁多，不是單調地獨沽一味。下單後便會送上醃製的酸蘿蔔切粒和沙律菜，味道甜甜酸酸，口感清爽，也可減低吃炸物的油膩感。看到滿枱地道炸雞美食，真的有一秒到韓國的感覺。蜂蜜蒜蓉炸雞 $198一碟炸雞份量也不少，首先嚐到的是蜂蜜甜味，緊接著是蒜香味撲鼻而來，最後由甘醇的醬汁留下餘韻。將特製醬料包裹在炸雞上，不但不影響外皮的酥脆度，甜鹹醬料搭配軟嫩多汁的雞肉，更能增加整體口感。外皮變得黏黏的，鎖緊肉汁，雞肉的肉質嫩滑，外脆內嫩，蜜糖味清甜而不膩。芝士雞蛋卷 $128雞蛋卷將蛋漿層層捲起，表面擠滿蛋黃醬及番茄醬，鮮艷配色的賣相絕對夠「IGable」。一切開就見到中心位注滿半溶拉絲芝士，份量超澎湃，每一口裹滿奶滑芝士香和濃郁蛋香。內層入口吃起來柔嫩濕潤，享受韓式蛋卷香甜軟嫩的滋味。年糕餃子湯 $98石鍋溫度夠熱，蒸氣騰騰，從頭吃到底都可保持熱燙溫度

位於尖沙咀山林道的「李家」，係一間主打韓國炸雞的餐廳，店內以舒適卡座為主，熱播著韓國歌曲，恍如置身韓國品嚐風味炸雞餐牌上以炸雞、芝士豬肋骨、辣炒年糕等等韓國食品為主，選擇豐富，花多眼亂蜂蜜蒜蓉無骨炸雞一上枱已經傳來陣陣蜂蜜蒜蓉香，好惹味！無骨炸雞啖啖肉，方便食用，外脆內軟，保留左雞肉鮮嫩嘅口感，好juicy咖喱味無骨炸雞沾滿咖喱味粉的無骨炸雞🍗香噴噴，微微辣，咖喱味道幾特別，好好食拼盤腸腸仔有4-5款，分別有芝士腸、辣腸，紐倫堡腸等等，每條都煎到金黃色的，外皮脆脆的，內裏滿有肉香，鹹香滋味，配上甜芥末醬更加美味！伴碟仲有香脆薯條，啱晒大班人開心share

門外長樓梯上去 就見到大大個招牌仲有一對翼俾你打卡影相 有心思座低便送上前菜酸白蘿蔔 椰菜絲Menu有好多選擇 大大份雞好吸引亦有不同味選擇但我見唔係好餓 亦有個更吸引我嘅 就選左酥炸魷魚鬚 年糕湯套餐 $158 以鍋送上甜辣有點質感濃稠的年糕湯 年糕軟糯Q彈 熱熱的一鍋 香氣四溢 每舊年糕都沾上湯 好好享受 而酥炸魷魚鬚炸得酥脆 炸粉薄薄的 唔會滿口粉三大舊魷魚鬚細心附上大剪刀同夾夾俾你剪短食亦有配埋沙律醬 呢兩者的配搭好夾 Corona Rita 雞尾酒 $88 大大杯上 亦配上片lemom & fresh mint加埋滿滿的碎冰 食炸嘢辣嘢真係絕配

中秋假期同朋友去左尖沙咀，行到咁上下覺得肚餓，朋友又話想食熱氣野，我就話不如去呢間，佢炸雞都好出名！🤣我地就叫左d單點食物，諗住每樣叫小小，點知全部都份量好足，食到我同朋友超飽！👍🏻最正係佢d野真係好好食！半半炸雞 (原味，甜辣) ($168)其實好多款味既炸雞可以揀，仲可以自由選擇半半既配搭。不過朋友話想下佢個原味，睇下咩質素先，而我就好想食甜辣。🤣佢個皮真係炸得香脆，肉身都頗滑，調味都做得好好，唔會好似出面食咁鹹！👍🏻個甜辣醬簡直係我至愛！小小辣，小小甜，我覺得佢調味上做得好出色，完全岩曬我口味，朋友都覺得好正。😍芝士雞蛋卷 ($128)呢個我次次黎都必叫架😋啲芝士勁拉絲超正仲好大份好足料添😚芝士辣海鮮炒年糕 ($158)突然想食炒年糕叫左呢份 點知原來超大份😱🤩🤩入面有蜆、八爪魚等等🐙 仲有炒烏冬添呢個年糕辣辣地好過癮添架😋😋

今日放假同男朋友突然好掛住韓國🇰🇷🥺🥺就出尖沙咀搵美食😋😋就搵左「李家」食 其實依間之前就想食🥰黎到就一定叫炸雞🍗！原味又怕太dry 又想食埋甜酸炸雞 所以叫個半半炸雞$168一次試哂兩款口味😍超級脆！同d肉肉勁嫩滑芝士辣海鮮炒年糕$158嘩！上枱熱辣辣 d芝士可以拉絲架🤩🤩同埋真係好足料 好多海鮮 有蝦有青口有魷魚😍😍最估唔到原來入面係有埋烏冬😝真係超級飽叫左個辛辣麵🫕$58辛辣麵點煮都好食 過下口癮🤪豬肉泡菜湯🥘$158個湯比較酸 好開胃 差啲比我飲晒啲湯 同埋亦都好足料🤤炸雞配啤酒🍻而我就飲濟州橙汁 有陣柑桔味😛依間韓國餐廳原來樣樣都好大碟🤣🤣🤣

一行10人慶祝中秋節，當然有預早book定位及上嚟open rice睇定其他食家嘅推介菜色啦餐廳位於山林道最入最入最入嘅位置，對於我由尖東站行過嚟，真係好遠入座後，待應姐姐立刻奉上酸蘿蔔及椰菜沙律(可以添食㗎)落order後10多分鐘就陸續上菜了.....炸雞(原味及甜辣味),燒五花腩肉,魚子湯,酥炸魷魚+辣年糕湯,海鮮炸醬麵，芝士雞蛋卷........，其中五花腩肉最受媽媽讚賞由於無限制進餐時間，所以大家食飽後，聽住電視播放嘅韓國MV，一家人高談闊論，可算是渡過咗一個溫馨愉快嘅中秋節

山林道食店林立，這店位置在盡頭迴旋處位，酒店旁邊，很容易找到。店內裝潢背點韓式間格，防疫設施亦充足，食得安心好重要Menu的菜式很多，主要的炸雞選擇亦不少，最後挑了2款味道，可以點選半份的啊甜辣炸雞這個是超級推介，甜辣汁非常好味道，讓人食過不停，雞肉亦嫩滑，必點啊芝士味炸雞滿滿的芝士粉topping，淡淡的芝士味散發出來，雞肉同樣嫩滑，芝士粉絲不要錯過酥炸魷魚鬚+年糕湯這個魔鬼組合，怎能沒點它們。魷魚鬚同樣即叫即炒，大大隻的，配上沙律醬非常一流。細心的送上剪刀年糕湯同樣出色，紅紅的湯加上年糕，煙韌的口感實在太吸引了，微辣的味道充滿口腔呢飲品亦非常多選擇，其中推介手調的飲品點了1杯士多啤梳打，原來杯身非常高，份量像是2杯的。甜甜的亦很好喝，下次再會試試別的味道

好耐無食韓國野，呢排睇韓劇好想啤一啤食炸雞，去左尖沙咀呢間原祖炸雞🍗.🍴原味無骨炸雞 $168鋪頭提供有骨及無骨炸雞，想要啖啖肉，所以就擇左原味無骨炸雞，韓式炸雞真係好正，脆口得黎無多餘油份，有鮮味且濃郁的雞肉味。而且份量搭夠👍🏻.🍴辣bbq豬骨 $188醬燒bbq豬肋骨，一大排以燒烤醬醃得惹味的肋排，烤得軟腍，仲細心地上碟時已經切好一件件。.話明食炸雞配啤酒，想講呢度飲野價錢都幾合理，好似Soju 成大支只係$48，Stella Artois 生啤就$58 ☑️ 呢間炸雞🍗真心正，價錢唔貴，大愛李家炸雞😋

事源17/9晚已朋友已左OpenRice喺山林道哩間李家訂左6位，我地其實一早18:20已到，但因為用餐時間上限90分鐘，而我地有朋友趕不上，有見及此，我地決定1840先入餐廳，入到去人頭湧湧，等入座都已經好耐，只早1個短髮女侍應細細声又好荒失失甘同第二啲客人係甘講，係甘講，我地講左幾次唔該都未有人招呼，直至我地要走去面對面同個短髮女侍應講我地訂左6位，之後佢叫我地等陣個男老闆去睇睇有無位？！之後返黎無人交代，一片混亂甘無人理我地，嬲嬲地捉住個女待應問其實你地係咪Overbook, 根本無枱可以安排呢？（企我地後面最少有3-4枱已到，而佢張訂枱單1830係水蛇春甘長）如果係應該一早講唔係喺度龜縮，特別嗰個男老闆，自以為韓國人同我講：我唔識廣東話！我就同佢講英文，但一啲歉意都無，只推個短髮女侍應出黎，但哩個女侍應係甘話唔關佢事，佢都係part time第一日返工，又話係open rice個system有問題pop 唔到啲booking wooo... 但pop 唔到點解又會寫到我地個電話喺張booking list度？？？非常不知所謂，不吃也罷！

李家～幾多年冇食過？！之前經過先知原來唔係執左、而係搬咗去呢個比以前更隱蔽嘅地方😅呢班人終於第一次一齊出城食飯～大家都讚好味，又成功帶人食好西啦～個人覺得食物水準同以前一樣正！前菜醃蘿蔔味道幾好，如果再酸啲應該仲正高麗菜絲正常魚子湯$188好飲！越飲越辣🤤魚子幾好食，冇怪味、唔腥～蔥炸雞$188炸雞有得揀無骨/有骨，識食一定係要有骨！新鮮熱辣，又香又脆！炸雞上面既蔥同埋醬汁係精髓！超級好味😋甜辣炸雞$168雞上面沾滿甜辣醬，食落甜味比較出，唔覺辣🤭由於撈左醬係炸雞上面，食落冇蔥炸雞咁脆，我個人黎講鍾意蔥雞多啲！芝士雞蛋卷$128除咗炸雞，芝士蛋卷都係必食！！好正呀…..李家嘅芝士蛋卷依然係香港食過最好食的！海鮮薄餅$158睇落好普通煎蛋餅咁，內藏雜錦海鮮同蔥，就咁食就唔算特別，所以一定要沾啲佢跟黎嘅醬汁！唔點係冇味架！芝士辣雞炒年糕$168一樣係爆多芝士既一碟！年糕炒得好好食！雞都OK～個汁係有啲啲辣嘅，但要提一提既係呢碟野帶好濃嘅青椒味，如果唔食青椒既人要注意啦～海鮮炸醬麵188炸醬、配料各樣野都好味！如果個麵冇咁淋就更加好啦😎真露+啤酒128一支咁嘅野……6個人飲都飲唔晒！個個掛