李家 (山林道)

營業中

休息中

🌍李家 (山林道) (尖沙咀)有個韓國fd推介我黎食呢間炸雞店 原來餐廳係韓國人主理 除咗飲酒之外🍻必食之選一定係炸雞啦 我地叫左Pick N mix 即兩款炸雞口味 仲係無骨既 好正 ▫️蜜蜂蒜蓉炸雞$113▫️原味炸雞$93兩者用既炸粉適中 雞肉肉質好嫩滑 個人好鐘意食原味炸雞 脆皮炸得好香脆 咬落去卜卜聲 好香口 雞肉又滑又熱辣辣 好正 食完一啖又一啖 另外 蜜蜂蒜蓉炸雞味道唔錯 表面係結身既蜜蜂蒜蓉醬 蒜蓉味重d 而外皮無咁脆 所以推介原味炸雞 芝士雞蛋卷$128嘩！蛋卷內既芝士分量十足 半熱情況下做到拉撕效果 配埋一層層雞蛋好夾 如果好膩可以加檸檬汁🍋 味道更佳 💵消費：442✨環境：6.9/10 🙋🏻‍♀️推介：7.1/10📍尖沙咀山林道54-56號利雅商業大廈地下2號舖

今日又好想食韓式炸雞，就同朋友黎左山林道呢間韓國餐廳食dinner。半半炸雞$108+$108=$216幾鍾意呢種有得雙拼嘅選擇，咁選擇困難嘅話我就可以試晒兩種我想試嘅炸雞，唔使放棄任何一款。有得揀要有骨定無骨炸雞嘅，我覺得通常有骨嘅炸雞都會滑啲，所以就揀咗有骨。我揀咗芝士味同埋蜂蜜蒜蓉味。兩款炸雞都係新鮮熱辣啱啱炸起嘅。芝士味嘅炸雞上面滿佈芝士粉，有種甜甜嘅芝士香，同埋仲食到少少微微嘅辣味，幾惹味。至於蜂蜜蒜蓉味嘅炸雞，食落有甜甜地嘅蜜糖香，蒜蓉嘅香味都好濃郁，我個人比較鍾意食呢款。海鮮炸醬麵$188呢個價錢嘅炸醬麵唔算好平，但份量真係好多，份量有成個Pizza大批咁大，算係值回票價。入面魷魚同埋蝦仁嘅份量都好多，炸醬麵嘅味道鹹鹹地甜甜地咁，麵質係彈牙嘅韓國拉麵，呢個份量多到兩個人share都食唔曬。Pear Juice $28忌廉溝鮮奶 $18

李家( 山林道)今日喺社交平台睇返動態回顧， 見到去首爾旅行的照片， 真係好掛住當地的美食 咁今日就約埋朋友去尖沙咀山林道"李家" 回味番韓國食物 門面已經好有韓國feel， 入到去有位韓國大叔 熱情招待半半炸雞🐔～ 有原味同埋甜酸味 可以揀有骨或者去骨， 關鍵係好大碟架 ，雞肉好juicy， 原味炸雞， 雞皮香口， 甜酸醬炸雞 ，酸酸甜甜 辣辣， 十分惹味。芝士雞蛋卷~ 雞蛋 🥚捲很厚, 表面充滿蛋黃醬同埋蕃茄醬 🍅賣相十分吸睛 😃一切開裏面住滿 半溶拉絲一芝士🧀 芝士份量超級 多, 蛋味濃沃 🥚魚餅湯~ 本身好鍾意食魚板， 個湯熱辣辣 有芽菜 超多魚板 辣辣地原來有青陽辣椒 清清地飲完十分舒服暖胃三樣已經食到好飽， 下次一定要約三五知己嚟食 #山林道#炸雞# 啤酒#蛋卷#魚餅

李家算係第一代黎香港既韓式炸雞店，店員好多都係韓國人，店鋪入面仲播住啲韓文歌，感覺好似黎到韓國咁。午市套餐幾抵食，有炸雞、麵、辣炒年糕、泡菜鍋等等既野食，仲唔洗加一。一坐低店員就會擺低兩碟前菜，有醃蘿蔔同埋沙律，食完之後店員會幫你refill。而且想讚係店員勁細心🥰中間朋友食野沾到啲醬係件衫上面，攞紙巾抹緊既時候，店員好快發覺，遞上成包濕紙巾比我地👍 1️⃣辣海鮮湯麵（$78） 海鮮好多，有魷魚、青口等等。湯底比我想像中辣，但係係可接受既辣，幾好味，不過拉麵煮得有少少淋。  2⃣️無骨蔥炸雞（半隻）（$99）黎到一定要食炸雞🤩午市既炸雞好似抵食啲！味道方面有好多唔同既醬料組合，今次揀左兩款唔同既炸雞。無骨炸雞啖啖肉啱曬我呢啲懶人🙈而且呢度既炸雞炸皮好脆 ！真係食落去會有喀嚓既聲。蔥炸雞面頭既蔥真係爆多，食落帶清爽既辛辣感，同炸雞沾上既甜甜酸酸既醬汁好搭。  3⃣️無骨蜂蜜蒜蓉炸雞（半隻）（$104） 另一款炸雞揀左蜂蜜蒜蓉味，炸雞沾滿蜂蜜醬，甜甜地😍面頭仲有啲磨碎既蒜泥，同埋蒜蓉片，好香蒜蓉味🤤不過呢款食多左會容易啲覺得膩，建議同2-3個朋友分享。  4⃣️芝士雞蛋卷（$128）可以話係重頭戲😋雞蛋卷

09.12.2021李家（屯門分店）因為未見有屯門分店，所以評論惟有寫在其他分店。同事們提早開聖誕派對，但疫情下無法想以往般，叫一盤盤外賣齊齊分享，所以有同事提議叫「李家」，每人一個韓式套餐，試過味道不錯。因為份量不少，共廿一份加小食，所以預先聯絡餐廳，原來李家是戶戶小廚其中一個加盟餐廳，透過中央廚房模式提供外賣式餐飲服務，所以好有規模。我早一天用app落單，發覺無法完成，通知戶戶小廚客服，他們迅速找了app，再由專人聯絡我，很快就解決了。整個過程體驗到戶戶小廚同app的優質、快速的服務，實在不能不讚嘆。到送外賣的當天，外賣盒很整潔乾淨，套餐包括主食之外，還有幾款韓式配菜，真的很豐富、份量很充足。外賣包括：BBQ牛仔骨套餐這款我自己試過，牛仔骨有四、五件，份量比想像中多，我預先要求多配菜少飯，結果配菜把盒子裝得滿滿，飯份量仍然不少，牛仔骨偏鹹些，略嫌硬些，但外賣来說已算不錯。烤特級牛肉套餐烤去骨豬肉套餐泡菜豬肉湯套餐海鮮軟豆腐湯套餐石鍋拌飯其他套餐同事都話很美味，份量很充足，吃得很開心無骨蜂蜜蒜蓉炸雞我試過，偏甜，不覺有蒜蓉味全隻無骨半半炸雞這款沒有試過，但同時有兩種炸雞不錯芝士雞蛋卷

呢間李家有幾間唔同分店，我想試好耐，今日終於同朋友去左尖沙咀分店☺️☺️雖然話喺尖沙咀分店但係喺佐敦地鐵站過去比較近，佢位於山林道嘅盡頭，位置都算方便😉😉半半炸雞🐔🐔呢間店好既地方係半半炸雞可以任選餐牌上既味道，仲有有骨同無骨可以揀添，岩哂我呢d 咩味都想食既人，仲可以唔洗咁齋😛😛原味 ($93)🐣🐣原味可以食到佢雞本身既味道，而且鋪頭好貼心跟左個甜酸醬，食原味雞都可以點醬又多左變化，雞炸得夠脆，肉質都幾滑幾好食😋😋芝士味 ($113)🧀🧀芝士味就係原味炸雞嘅表面灑上大量嘅芝士粉，芝士味夠濃而且有少少甜甜地嘅感覺，食落好香好好食，同炸雞非常夾，兩者比較我更鐘意呢個味道🤤🤤酥炸魷魚鬚加年糕湯套餐 ($158)估唔到除左炸雞之外既野都好好食！！呢個餐既魷魚酥超高質😍😍佢係原隻魷魚酥上碟，仲要自己剪返開一條條鬚🤣🤣炸得勁脆，配佢既蛋黃醬超好食，食到停唔到😆😆年糕湯入面有年糕同埋魚糕，配埋甜辣醬就係美味既年糕，食落冇乜辣味，難怪餐牌都冇辣椒另外佢一開始黎既前菜少有地唔係泡菜，而係蘿蔔同椰菜絲，應該係預大家都叫炸雞黎解膩既😙😙都幾貼心士多啤梨梳打 ($38)藍色多瑙河梳打 ($38)我地叫左兩杯梳打

📍李家📮尖沙咀山林道54-56號利雅商業大廈地下2號舖.趁weekend放假放肆少少, 心郁郁想食炸雞, 迫🙎🏽‍♂️陪我食下熱氣野先.無骨甜辣炸雞 HKD178作為甜辣口味既super fans, 見到有呢款口味唔洗諗已經即刻落得order🤭可以揀有骨/無骨, 價錢只係差HKD10, 懶惰既我地當然要無骨啦炸雞分量幾多, 甜辣醬味道開胃, 雞肉炸完都仲好嫩滑, 只係略嫌當中有幾件炸粉上得比較多厚皮左, 餐廳仲提供左酸蘿蔔, 一邊食雞一邊食下酸蘿蔔, 可以解下膩😌燒五花腩肉 HKD198雖然唔係幾好豬, 韓式既五花腩肉又唔同講法😙腩肉夠厚身又唔算好肥, 最怕半舊都係肥肉既五花腩肉, 燒完之後好香口, 咬開有肉汁, 邊位脆脆地, 配埋泡菜同辣大葱絲食仲正🤤檸檬梳打 & 西柚梳打 @HK38食咁多肉飲返啲梳打飲品refresh下balance返, 唔會好甜好假, 唔想飲汽水/啤酒既話都可以試下.唔好俾個地址厄左以為係尖沙咀, 餐廳係近佐敦地鐵站多啲咖, 過來人分享下🥲.整體環境：👍🏻👍🏻👍🏻👍🏻食物味道：🤤🤤🤤🤤服務態度：🕺🏼🕺🏼🕺🏼🕺🏼物超所值：💰💰💰💰回頭基率：💨💨💨.#nonstop

心癢癢想食韓式炸雞 李家係我之前食過想再食嘅一間對上果次喺港島個間分店食今次同朋友喺尖沙咀附近見OpenRice 已經full左 冇得book位 唯有行去博下 睇吓要等幾耐 6點半左右已經到咗唔使等位就入得去我地叫左半份蜂蜜蒜蓉炸雞同埋半份香蔥炸雞炸雞粉同肉恰到好處 啲皮唔會太晏 啲肉肉好滑個蜂蜜蒜蓉汁又做得好好👍🏻 多到可以比另一份雞沾黎食仲有芝士蛋卷同埋辣炒年糕太肚餓啦！！！唔小心食咗先影相🤪🤪🤪仲有炸雞點少得飲酒可惜有唔飲得酒嘅人去咗做試伏器表示如果想體驗下飲洗潔精嘅味道可以試下叫杯薰衣草梳打

身為炸雞界嘅傳奇，一講起炸雞就會諗起李家，今次就特登重溫一下當年星星爆紅嘅炸雞熱潮☺️🍗半半炸雞 （甜辣/ 蜂蜜蒜蓉）$168首先不得不讚李家嘅炸雞多年來實力未退，仲貼心地可以選擇兩種汁，甜辣將水準出色，惹味而不會太辣，令人回味無窮；第一次嘗試的蜂蜜蒜蓉也十分有驚喜，蒜香味從雞塊中湧出來，配上蜜糖的溫和甜味，令炸雞耳目一新😍🍕泡菜餅 $128每次食韓國菜必點小菜之一，泡菜餅先得香軟，當中更夾有泡菜，為軟熟的薄餅加上一份爽脆的口感，和一陣酸辣味的味道🍲豬肉泡菜湯 $158天氣凍嘅恩物當然係熱湯，泡菜嘅酸辣中和了豬肉的肥膩，加上豆腐同和大蔥，材料十足，食完成身暖笠笠☺️

香港越來越多韓國餐廳，無論鍋物韓食定炸雞烤雞，有連鎖又有小店，但我都係掛住韓國傳統市場的地道炸雞店氣氛，而最常吃的李家炸雞店就最相似。 每次朋友約食韓國菜，總會提到李家，其實除了炸雞，其他鍋物和煎餅小食都夠地道風味，餐廳風格模仿首爾傳統市場，再加新穎設計，而且都是卡位，坐得寬敞舒服。 趁周末到尖沙咀閒逛，說到煲韓劇追韓星，突然想起韓劇情節，就直接去左李家，位置山林道的食店，簡單叫了幾款韓食必點，飲杯燒酒，韓國感覺返晒黎，食物質素保持，而且份量超多，豐富滿足！ =半半炸雞(無骨) $178=落單可選有骨無骨，我地食開無骨，食落啖啖肉，每一口雞肉都厚肉又夠嫩，炸得香脆，原味炸雞已有調味，唔會太鹹，雞肉和油脂比例剛好，夠juicy又唔膩；另一款甜辣醬的炸雞，加上惹味醬酒後，，應該因為雞件即炸關係，比起外賣店或連鎖店，炸雞外皮依然可以保持香脆，甜辣醬汁唔會好辣，濃度和醬汁份量剛好。 =泡菜餅 $128=好大份！傳統的泡菜煎餅，食落厚身又多料，有泡菜魷魚甜椒洋蔥，煎得脆邊，加上秘製醬汁，感飽滿又唔會好粉。 =年糕餃子湯 $98=韓式傳統餃子很大隻足料，入面有菜絲碎肉等，餃子皮薄，連埋韓式年糕一齊

韓國正宗料理李家吃到韓式家常菜味道！就連名物蠶蛹湯都有得食，聽講好高蛋白質同埋營養好高，夠膽試嘅可以挑戰下😆！不過我還是比較愛食炸雞🍗😂今次試咗蒜香蜂蜜炸雞🍗可以揀有骨和無骨㗎，選用細細隻嘅雛雞，所以食辣肉質特別嫩口好食😋 強烈推介呢個炸雞！甜甜嘅蜂蜜味無得輸呀！而且呢個炸雞完全唔辣，只有香噴噴嘅蒜蓉味，一家大細都可以食啊！勁鍾意佢炸到個雞皮勁薄脆，仲晒滿晒蜜糖醬，咬開就嫩嫩嘅雞肉口感，可能因為呢度用雛雞，所以肉質特別正！連啖啖肉雞胸都滑一滑㗎！海鮮炸醬麵勁大碟，多醬多麵多海鮮😍而且海鮮同埋薯仔切成小粒，加上已經預先攪拌好，可以每一啖都食到海鮮，醬汁味道好濃厚，麵質有少少彈牙，而且勁大盤，性價比超高👍@leechicken_tst

星期日去咗山林道間李家食下午茶，一個從外觀到入面裝修都好地道嘅韓國風味小店。之前叫快遞有食過李家幾次，覺得佢啲炸雞好唔錯，送到嚟都仲好熱同脆，今次一於再試試佢堂食！佢嘅炸雞有好多款口味，其實叫快遞都試晒咁濟，哈哈！今次我再encore我最鍾意嘅咖哩味，老婆就揀咗甜辣炸雞。呢度嘅炸雞份量真係超多，一份應該係足一隻雞，不過佢有得揀半份（但一定要叫兩個半份），兩個人食啱啱好。另外，我會鍾意無骨炸雞，只係加多10蚊，食起上嚟就方便好多！我比較鍾意冇醬嘅炸雞，食落冇咁膩，所以好鍾意佢嘅咖哩味，咖哩粉嘅香味配埋脆脆嘅炸雞好夾！甜辣炸雞都好惹味嘅，但食兩三件真係會膩。泡菜餅都好大塊，滿滿嘅泡菜同埋魷魚，不過略嫌煎得唔夠脆。淨係食炸雞會有啲膩，所以食吓泡菜餅酸酸辣辣咁可以平衡返。李家暫時係我食韓式炸雞嘅第一首選！

今日同媽咪一齊放假，先去睇場電影，再嚟尖沙咀李家食炸雞🍗原味炸雞無骨$168炸雞口味款式都幾多，我哋食試吓原味，炸雞都物超所值，上台好大碟有驚喜，食落熱辣辣香噴噴☺️泡菜煎餅$128煎餅賣相外型就好似大pizza咁，一大片又圓又薄身 煎至金金黃黃的薄餅，有唔少泡菜喺入面，混合左薄餅嘅鹹同泡菜嘅辣味魚餅湯$158湯底清清地好好飲，魚蛋有三角形，圓柱體、球體咁，不同厚薄不同形狀令到入口口感亦都唔一樣，又d層次～辣度有一隻辣椒至三隻辣椒可以揀，我叫咗中辣，係可以接受又過癮嘅辣度

之前已經知道尖沙咀山林道李家食韓國菜好地道，今日終有機會試下。依度主打係炸雞，我地今次點左蜂蜜大蒜無骨炸雞，仲有辛拉麵、雞泡魚乾，飲品有藍梳打及黑莓梳打。無骨炸雞啖啖肉，連埋蜂蜜醬及大蒜亁食好惹味，而且每件雞塊都炸得好均勻，皮脆肉嫰，果然係招牌炸雞。辛拉麵係傳統韓國麵，有獨特辛辣味，加入半生熟蛋及泡菜絲，好好味。雞泡魚亁燒過之後特別惹味，剪開一條條點埋沙律醬或韓國辣椒醬食食到停吾到口。而2杯特色梳打好清涼及有滿滿果汁味。

今日拍拖揀左黎山林道嘅呢間韓國炸雞店食dinner，門口有個天使打卡位，啱曬我呢啲港女。入到去大部分職員都係講韓文嘅，超有喺韓國食嘢嘅feel，但其實同佢哋講廣東話佢哋都明嘅。我同男朋友心大心細諗唔到叫咩味嘅炸雞，見到有個自選口味半半炸雞，啱曬我哋，想食啖啖肉嘅我哋叫咗無骨炸雞，一個係蜂蜜蒜蓉，一個係新出嘅青辣椒蛋黃醬配洋蔥。炸雞嚟到份量好多，炸雞上面有滿滿嘅蛋黃醬，仲有超級多洋蔥，炸雞炸到超級香脆，完全唔會因為啲醬汁而淋左，入面仲好多汁好嫩滑，個蛋黃醬帶少少辣味，但又有少少似甜嘅沙律醬，愈食愈上癮，同埋嗰醬汁令整體變得濕潤好match。蜂蜜蒜蓉都一樣好味 好香蜂蜜味，值得一讚呢度啲炸雞件件都係咁滑，好建議大家叫無骨炸雞，啖啖肉真係好正！另外我哋叫咗個芝士雞蛋捲，上面淋咗好多茄汁，切開蛋捲入面勁多芝士，無論芝士味定蛋味都好濃，軟綿綿。野飲就叫左杯 non-alcoholic beerita ，飲落有淡淡西柚味，有少少酒味，啱曬唔飲得嘅我過下癮。整體嚟講真係好推介食呢間嘅炸雞，係我食過數一數二好食嫩滑嘅炸雞。