李家 (山林道)

營業中

休息中

9 0 後 的 味 蕾.韓風從來係香港都未減退過熱潮，要食正宗韓國嘢梗係要去尖沙咀，呢間餐廳就係由韓國人主理，提供好多地道韓國小菜。.🪄蒜蓉蜂蜜炸雞 $99就有半份，大概有六件雞，面頭鋪滿左蜜糖，甜絲絲，外層啲皮炸得幾鬆脆，唔會硬骨骨，最重要係入邊啲雞肉好嫩滑，推薦👍🏻.🪄海鮮鍋$199用韓式辣醬，配搭各款海鮮，eg 兩隻蝦、魷魚圈等，再用石頭鍋裝住保持溫度，底下有少少飯粒，海鮮有、細隻八爪魚好滑，口感最正，價錢相對炸雞就有啲貴.🪄西柚梳打& CHUM CHURUM桃味燒酒西柚梳打隻色望落去好似好假，不過出到嚟個味道又OK，唔會有糖水甜味，反而有西柚酸酸苦苦嘅味道，CHUM CHURUM呢隻品牌嘅燒酒非常推介，甜甜地好易入口，唔會好「嗆」。.🪄雞泡魚乾 飲得酒就梗係要有呢啲小食，呢一間嘅雞泡魚乾你平時喺街上面買嘅感覺新鮮好多，表面亦都唔會充滿糖漿，配燒酒吹水一流！

在尖沙咀山林道有一間食韓國炸雞餐廳叫李家。 今日同朋友經過就入去試一試。嗌咗自選半半炸雞，一半係蜂蜜蒜蓉炸雞， 鋪滿蜜糖嘅炸雞望落金黃金黃，份量亦十分之多，嗌咗冇骨就更加食得輕鬆同舒服，雞肉十分嫩滑多汁，配埋外表香濃的蜜糖味， 令人不禁一舊一啖接一啖， 蒜蓉味淡淡滲出，增加了味道層次。另一款係青辣椒蛋黃炸雞跟洋蔥，兩者都賣相十分吸引， 蛋黃醬同洋蔥更加鋪滿曬成份炸雞， 甜甜嘅蛋黃醬配上新鮮洋蔥絲， 既清新又美味， 炸雞係脆皮，唔油膩，炸粉厚度剛剛好， 裏面仍然很多肉汁。我哋仲嗌多咗個魚餅湯， 熱辣辣送到嚟真係好暖胃， 湯底好鮮甜，有微辣提升味道， 而入面都有好多款嘅魚餅，有薄薄嘅，亦有捲，亦都有餅狀， 一次過試曬唔同魚糕款，好滿意， 每一款都好彈牙，有淡淡嘅魚鮮味， 即刻諗起韓國嘅魚糕湯。 最後我哋都嗌咗一個西柚梳打，同檸檬梳打，好大杯酸酸地，可以中和食炸雞嘅膩感。

好耐無去食韓國菜，炸雞同燒肉都係我同朋友既最愛。餐廳環境都幾寬敞，有電視無間斷播韓國音樂，職員為韓國人，成個感覺好地道。黎到坐底會上前菜有醃蘿蔔同千島醬沙律。燒五花腩肉配燒烤醬汁食腩肉就係喜歡夠肥美，軟熟既一層油脂再香煎，口感肥美柔嫩，咬落肉汁香甜四溢，配上燒烤醬份外惹味，中間仲有泡菜以及辣大葱絲，放係五花肉上層一齊食超滋味。自選半半炸雞炸雞雙拼自由選擇兩隻味，揀咗一份無骨芝士味，一份蜂蜜蒜蓉味炸雞，炸雞份量非常多，分開兩籃上菜。蜂蜜蒜蓉味炸雞，上菜熱辣辣咁，醬汁份量好多，蜂蜜味道清甜好出，表層仲有蒜蓉令人好開胃。無骨炸雞啖啖肉，有肉汁同少少油脂，非常香口。芝士味炸雞，芝士粉落得好重手，味道濃郁，芝士迷不能錯過。炸雞炸得十分香脆，咬落肉質嫩滑唔乾身。另外仲叫左烏冬，烏冬彈牙海帶湯底清清地，邊食肉邊食烏冬真係好滿足。

🇰🇷呢間韓國餐廳嘅設計新穎卡座位舒適寬敞,其中有兩位店員是韓國人🧑‍🦱🧑‍🦱仲可以睇住K-Pop MV 慢慢歎.....一坐低店員就送上前菜2碟出奇地不是韓式泡菜而係千島沙律醬菜絲&甜酸蘿蔔又幾有新意喎😍🍗半半炸雞（原味+甜辣） $168✨仲有無骨的選擇 $178（點完餐先至留意到）下次再嚟會試下無骨的口味😉雞肉厚身嫩滑juicy原味炸得香脆,炸粉唔會太厚好有脆口感😋甜辣味醬汁調較相當好十分惹味,亦不會太辣🌶️芝士雞蛋卷 $128賣相好靚嘅蛋卷做得好嫩滑軟口超有蛋味🥚切開後,芝士醬好似瀑布咁流出嚟芝味香濃😍🧀🥘芝士辣雞炒年糕 $168🔥熱辣辣鐵板上枱佈滿香濃芝士在上面見到已經流曬口水超足料,份量好大🤩一口年糕嘅size, 容易入口煙韌嘅口感配香辣醬味😋冇骨啖啖肉嘅雞肉嫩口真係大滿足呀！👍😍

今日一放工就急不及待去李家食我最愛的韓式炸雞輕鬆一下，韓式炸雞加啤酒真的是減壓一流。點了蜂蜜蒜蓉醬炸雞和香蔥炸雞，朋友喜歡食帶骨所就點了有骨。蜂蜜蒜蓉醬真的不錯，好惹味。但是雞件真的太少肉了，少到好像只有骨一樣，而且雞件好碎，食完都好像沒有食過什麼一樣真的令我太失望了。另外點了海鮮煎餅，味道還不錯，海鮮的份量很多，加上一些蔬菜，口感好豐富，不過跟平時的海鮮餅有點不同，李家的海鮮餅加了雞蛋，所以蛋香好濃，但口感就比較軟，沒有香脆的口感。

尖沙咀站📍李家-同女朋友講起去第一次去韓國嘅回憶就係炸雞😹個陣唔知一份炸雞係咁多，2條友一人叫一盒，食到你眼望我眼，自此之後就好耐冇食過炸雞🤣甜辣無骨炸雞（$98）+蜂蜜蒜蓉無骨炸雞（$113）兩條友去韓國餐廳又話當年，見到佢地有個自選半半雞套餐，總共有8款味道可以簡，女朋友就簡左甜辣味同蜂蜜蒜蓉味，食肉獸嘅我一定簡無骨。黎到嘅時候，我已經諗，人類總係要犯相同嘅錯誤😅😂我地冇諗過個份量係咁多！！每款有10舊，夾埋係20舊🤯🤯炸雞外皮炸得香脆，內質嫩滑，醬汁濃厚👍🏻我中意食蜂蜜蒜蓉味多d，好香甜惹味😍（最後食雞食到想嘔😹太多！）酥炸魷魚鬚+年糕湯套餐（$158）韓式年糕煙靭有嚼勁，配埋魚糕，回憶返晒黎，但唔夠辣，再辣d仲正！年糕都有10幾舊😹魷魚鬚份量亦都好多，三大束配沙津醬，炸得酥脆。蒸蛋湯（$58）蒸蛋嫩滑，大大兜，混合少少紅蘿蔔碎同少少蔥花，好快比我清晒🤪Rainbow soda（$38）食咁多炸雞都要叫返杯野飲坐陣😹簡左西柚味，開胃d😹大大杯，淡淡西柚味，食炸雞食到一半都已經飲晒😎環境方面，好有地道韓國餐廳嘅味道，唔講真係以為係韓國😂（諗下好啦😢）餐廳有提供醃製白蘿蔔同埋椰菜絲做

李家係尖沙咀韓國街的人氣菜館，一直都很想試這間韓國炸雞店，老闆係韓國人，作為大廚嘅佢烹煮韓式風味料理，以炸雞及雞蛋卷馳名。店內環境寬敞舒適，環境非常乾淨。前菜有酸蘿蔔和沙律菜🥗以炸雞聞名，當然有多款炸雞口味選擇，有骨和無骨選擇，原味、甜辣味、蜂蜜蒜蓉、要烤雞、芝士味、辣咖喱味、蔥炸雞、豉油味炸雞、款式應有盡有。點了🐥半半炸雞（$168）包括🐤原味、🌶甜辣口味炸雞炸雞份量很大，原味炸雞和甜辣口味炸雞各一籃，份量相當驚人，非常驚喜！原味炸雞雞件炸得香脆，雞肉內裡嫩滑，能鎖住肉汁甜辣炸雞外層沾滿了橙紅色的甜辣醬汁，香甜惹味，不會很辣🌮泡菜餅（$168）泡菜餅同樣份量很大，配料非常豐富，魷魚、泡菜、和其他配料相當足料，外層香脆，內裡軟腍，配試自家調配的醬汁一齊食味道相當好！🦑酥炸魷魚鬚配年糕湯套餐（$158）最後點了個酥炸魷魚鬚配年糕湯估唔到魷魚鬚係原隻上，酥炸魷魚鬚香脆可口，魷魚新鮮又爽口，超級惹味，忍唔住食完一條又一條小鍋呈上的年糕湯味道香香辣辣，濃稠美味，年糕條掛上香辣湯的味道，入口軟糯煙韌，配上片裝的韓國魚片，滋味滿滿整體來說，食物份量非常大，如果一大班人一齊食會好d，可以叫多幾款食物

李家係由韓國人親自主理，一入店內就見到一個oppa，好有去左韓國🇰🇷咁。 我坐左卡位好闊落，唔會睇到前後枱嘅人我覺得私隱度都幾高咁🤣🔸蜂蜜蒜蓉炸雞 $198我叫左有骨既炸雞，份量比我想像之中多好多，起碼超過10件個蜜糖醬汁林左係炸雞表面之外，原來個底都勁多醬🤤個炸雞好嫩滑🐔 唔會好亁身而且無好油膩咁有啲蒜粒同蒜蓉，所以會有少少辣辣地🔸海鮮炸醬麵 $188令我好震撼嘅海鮮炸醬麵😱 好大碟好大碟~唔係淨係得嗰碟大，麵同海鮮🦑同樣多有魷魚、蝦🦐、蜆肉、薯仔粒、腩肉粒等，炸醬味濃郁真材實料呀～～🔸濟州橙汁 $28鮮甜嘅橙味！🔸西柚梳打 $38西柚梳打感覺好清新，甜度啱啱好

▪️甜辣炸雞/蜂蜜芥末炸雞 $93 + 108每次食韓國菜都一定會叫炸雞，黎到李家當然都唔例外，呢道無論有骨雞定係無骨雞既口味都超多選擇，諗左好耐決定叫番d經典野- 甜辣炸雞 同 蜂蜜芥末炸雞新鮮炸起既雞塊咬落外脆內嫩，炸粉唔會太厚，雞既肉汁鮮嫩，醬汁都非常慷慨🥰甜辣醬無係好經典既韓式風味，辣辣地低又甜甜地咁，好地道既風味，而蜂蜜芥末醬就比甜辣醬偏甜，食落有種小清新既感覺，兩款都好中意！▪️海鮮蔥餅 $158呢度既海鮮煎餅都好地道，一上菜既時侯有少少嚇親，無諗過咁大塊～質感方面既煙韌，唔會好似出面果d咁油，用料都好足，有唔同海鮮，如蝦仁同魷魚etc. 而蛋香都好重，作為蛋控既小編大愛！▪️芝士辣海鮮炒年糕 $158一上枱見到成碟都係邪惡嘅芝士已經好吸引，點知一翻底就見到好多嘅海鮮同年糕，最有驚喜嘅係佢有啲麵條一齊焗，令成道菜嘅層次昇華。老牌嘅韓國店年糕嘅質感固然好食，但係同時間有大蝦青口同墨魚仔既出現先令到道菜更加真材實料！如果encore，依度菜一定係首選! .

雖然李家尖沙咀店位置比較格涉，但一路都有唔少捧場客🤣可見實力有返咁上下😙🌟 半半炸雞 $168 黎李家點可以唔食佢地既招牌炸雞🤤可以單拼或者自組雙拼🥳口味有好多款，搞到選擇困難😲今次就揀左最Basic既原味同甜辣😚即炸炸雞皮脆肉嫩，仲要爆肉汁！每啖都好正！甜辣口味比平時食既辣度更高，醬汁完全包裹炸雞，辣得好過癮～🌟 海鮮炸醬麵 $188大大盤既海鮮炸醬麵份量超多！而且配料一樣多，有魷魚、蝦、八爪魚、肉粒、薯仔等，好有係韓國食到既感覺！拉麵爽口彈牙，撈埋甜甜既春醬好好味～🌟 年糕餃子湯 $98呢款都好有驚喜😀即製既年糕餃子湯鍋送上枱仲冒緊泡泡🤣餃子好飽滿，外皮好滑溜、肉餡又多汁。煙韌既年糕份量亦好多，配搭加左紫菜既牛骨湯幾香幾好味

情人節同女朋友去食李家炸雞😍😍😍，佢哋嘅炸雞嫩滑又多汁，雞皮仲炸得好香脆，飲酒配炸雞好chill🥰！.🍗蜂蜜蒜蓉無骨炸雞$113香甜又不失蒜香，蒜蓉香濃好味，亦同炸雞好夾。蜂蜜份量好多，足以沾滿每塊炸雞🥰🥰🥰。.🍗青辣椒蛋黃醬無骨炸雞$118呢款口味好特別！蛋黃醬有好香嘅青辣椒香味，辣度唔算好高。蛋黃醬食落有啲似sour cream。.🦑炸魷魚配年糕湯$158魷魚香脆又鮮味，炸粉有好重椒鹽香味。年糕好煙韌，不過味道都幾辣。椰菜吸收晒辣醬香味好惹味。👍🏻.🍑桃味真露$58桃味重易入口，幾香甜，酒精濃度12%，但實際感覺唔明顯。

李家自選半半炸雞甜辣味 93 + 蜂蜜蒜蓉味 108李家啲雞真係好靚，就算有骨既雞胸位都好滑樂juicy。岩岩炸起超級脆！裡面多汁。甜辣味對於唔食得辣既無勁左少少。不過食第二舊開始習慣，非常好食！蜂蜜蒜蓉超甜！另外仲加左太量蒜頭蒜蓉！就算半份都好多，兩個人岩岩好海鮮炸醬麵 188每次都必叫菜色！呢到既炸醬麵出面食唔到！多料多汁，面底彈牙！海鮮有八爪魚，蜆肉等等。仲有薯仔配翻黑豆汁，超級好食！因為雞太多，個面食左一半就打包左！翻到屋企食翻都仲超好食！李家西柚梳打 38幾好飲，唔太甜，又夠氣，配炸雞一流

韓國野食嚟食去都係嗰啲？今次介紹下一間幾好食 又唔貴嘅韓國餐廳又有得整下又有得食係佐敦站行一陣就到搵到Ramada酒店，前面嘅韓國餐廳🇰🇷就係李家前菜雖然唔近地鐵站🚉，但係都人頭湧湧啊🔹🧀芝士拼辣Bb豬骨 🐷🌶🌶🌶 $288超多芝士，芝士粒粒山只有一隻辣度嘅豬，冇得揀辣度，愈食愈辣，食得辣嘅朋友仔先好點啊薯角我選擇咗最後先食，熱pan令到薯仔皮好脆好脆，入面變左薯蓉狀，一咬就b曬啲薯仔出嚟芝士溶咗之後快快手捲喺豬肉上面，記得襯熱整啊，芝士後來凝固咗就捲唔到喇🙈一開頭OPPA幫我捲咗幾舊😎🔹海鮮軟豆腐湯🥘 $58配咗四個配菜，有個比較特別，竟然有2個芝士腸、蛋餅韓式泡菜湯雖然易整亦容易買到，但偶爾都會想飲下呢個湯夠濃，又辣辣地，惹味而且真係好多豆腐，唔係一兩粒仔仲有青口、蜆、八爪魚仔，令到味道更鮮🔹蜂蜜蒜蓉炸雞🍗（半隻）$99本身諗住嚟到韓國餐廳，炸雞就實點㗎喇，差在咩味啫😌原味？辣味？甜酸？都唔夠特別，所以揀咗蜂蜜蒜蓉味～賣相方面，用個藤籃裝住，上面鋪咗張防漏紙，有啲美式風情🤣🤣雖然係炸雞，但係肉質一啲都唔韌啊 👍🏻食完之後個口都有蜂蜜味（蜜蜂會唔會嚟搵我🐝）📍李家（尖沙咀）

而家無晚市，大家都六點前出街食好西，晏晝2點黎到尖沙咀既<<李家>>，依然好多客。👍點完餐，服務員送上前左，我最愛既酸蘿白同爽口椰菜絲。年糕餃子湯，啲湯滾住上枱，暖暖個胃先。年糕好煙韌，餃子大大粒好味道。加埋泡菜落湯更加好味。原味炸雞 🐤🐤，雞肉嫩滑，咬落好juicy。韓國好興食燒腩肉，我就叫左一份燒五花腩肉🐷，腩肉加小少泡菜一齊食，食到燒肉既惹味，又少左油膩感，唔錯。店員有禮貌，仲有兩個韓國男生服務員😍😂門外仲有個天使造型打卡位，好有韓國街頭feel 。

今日經過尖沙咀韓國街，入咗「李家」自己一個人叫咗個魚餅湯少辣，韓式魚餅即係魚蛋都幾多，有大豆芽等，湯底都鮮甜清澈，另外叫咗半隻蜂蜜大蒜炸雞🍗，外脆內軟炸雞，被蜂蜜大蒜醬汁包住，真係好好味😋😋