杉玉 (惠安苑)

營業中

休息中

呢排身份證數字有三同八就可以$150減$50，就趁lunch時間嚟呢度試吓。嗌咗個10貫壽司連腐皮烏冬套餐，減咗價之後唔使$100算係咁！壽司食落比壽司郎嘅好似更加新鮮，呢款式其實都幾多元，而且都有啲比較貴價嘅，例如油甘魚嘅種類，而烏冬就好入味，加咗啲脆脆同腐皮幾好食。

V poor and no responsibility restaurantThe waiter brought other table glass bottle and broke the glass bottle onto my table , the sharp dropped to the client and hurt client hand causing heavy bleeding. They did not help the client to stop bleeding and ran away . They at last gave the client alcohol prep when client asks for . No staff came for apology . They only kept on saying they had no supervisor on duty today .

夜晚7:30到場已有多款壽司售罄（如拖羅），剩餘選擇多為三文魚、熟蝦等基本款，新鮮度合格但無驚喜。試咗魚子醬壽司，無咩特別，整體普普通通。服務有待改善，一坐低就見到豉油樽見底無人補，明明唔多人，成班staff自己企埋一面傾偈，叫勁耐都無人嚟。食物普通但唔難食，服務扣大分。好在生日有甜品送，同店員會幫你影又有張即影即有送，叫做生日有啲紀念。個芝士蛋糕幾好食，幾creamy 。如果唔係，呢個價錢食其他嘢好過。

係鰂魚涌同太古附近嘅餐廳位置唔算方便但附近做野唔錯嘅午餐選擇<吞拿魚生飯>成碗飯有赤身同埋吞拿魚蓉個餐跟埋個湯刺身不過不失 合理價錢同味道<大盛set>碗嘅size同吞拿魚飯一樣個set有白魚,魚子,帶子等嘅刺身帶子係幾鮮甜其他刺身都唔錯

進店被一位年輕店員隨便帶到一張好細的二人枱，我問另一個店員，想坐對面的四人卡位，對方說是四人枱的….隔離好多空枱又話唔開住，總之就係唔想滿足我呢個小小嘅要求，但好快已經又被其他人客坐。我現場目測坐四人卡位的都正是兩個人吧！下一秒有兩個人客，被另一店員帶到我原先想坐的卡位!!!!再問店員為何會這樣，對方的解釋根本是九晤答八! 我坐了很久都無人來，又未給我QR code成班店員都無經驗，十分趕客。我們二人首次來幫襯，已經有很差的觀感，亦不會再去，食完呢餐未返到屋企已經成口味精及十分口喝今時今日的服務態度，是重要過食物，人客來是享受美食，不是被你們去隨便擺佈。

今日中午要去港島東工作，經過太古坊附近位置見到呢一間舖頭門口好鬼多人排隊，起初心諗：「都係日式店有無咁好食啊。」當我完成工作都差不多午市結束，走個時見到呢間鋪無咩人流，而且又見佢個門面都幾日系，就即管入去試試......   佢哋款式未算相當多，但都有好多重點推介。由於我唔識得魚生，所以最後點咗一份天婦羅丼，等咗大約十分鐘所有食品都已經上晒枱啦~~~ 杉玉豪華天丼：天婦羅炸粉相當薄入口酥脆可口，非常夠熱。餸茶有五款：天婦羅蝦新鮮彈牙，三隻都好夠大，口感相當好；沙鮻魚肉質新鮮嫩滑沒有碎骨，成條食真心嫩口；魷魚新鮮彈牙做到好軟身，一啲都唔韌；番薯及茄子都很新鮮清甜，每口都多汁不會太乾身，再配合珍珠米及天婦羅汁，整體配合得相當好，非常滿意。 荔枝梳打：份量普通得八成滿，感覺比較少。但味道方面清甜荔枝味再配合梳打水，整體上都好解渴。 杉玉堅強布甸配雲呢拿雪糕：布甸口感未算Q彈，配合焦糖醬入口都算清甜，雲呢拿雪糕非常夠凍，入口甜度適中，質素正常。整體性價比合理，但天婦羅我覺得係必點之選。 

恐怖經歷！一入去同佢講兩位,一個黑口黑面嘅四眼女服務員完全冇反應,幾個女服務員服務超級差,都唔緊要啦,可能佢哋心情唔好.嗌咗個壽司,啲飯一夾落去散嘅...叫咗啲嘢食諗住攞枱上面啲碟嚟食..一反轉隻碟仲有上手啲豉油漬喺度.都唔知點樣洗碟！都費事同佢講.反正都唔會有下次.叫咗個啤酒小食套餐佢就嚟咗個小食先,杯啤酒十世都未到,啲所謂嘅服務仲衰過廟街大排檔,好心請人就搵啲正常啲㗎啦.全部都係啲咁嘅師奶阿姐.唔頂得幾耐.檯面啲碟係有積㗎！污漬呀！豉油漬呀！你哋睇唔睇到呀！瞓醒啦！

一直覺得杉玉同壽司郎差唔多冇去食，到新年發現周圍搵唔到食又見到杉玉有開就試吓（仲冇收加二），一食真係相逢恨晚🔥咁高質性價比高嘅居酒屋點解冇人講！！！—— 壽司✅ 欲罷不能鹽燒厚切大吞拿魚腩壽司 $38✅ 特玉盛合 $158拖羅雪花超靚，魚生厚切大塊，帶子大到見唔到嚿飯🤣最重要夠新鮮！完全同壽司郎食嘅唔一樣！俾貴啲都值！—— 燒物✅ 銀鱈魚西京燒 $58✅ 特上鹽燒間八魚鮫 $58收咁平以為會伏，點知好有驚喜！魚鮫西京燒依啲出去食一百蚊，依到半價就食到，魚鮫醃得夠鹹香，燒個皮燒到金黃香脆，再黎一定叫！—— 天婦羅✅✅✅ 赴湯蹈火的蘿蔔 $28依個跪求你地一定要去叫：赴湯蹈火的蘿蔔完全係將天婦羅推到next level！首先炸得唔油膩，一咬脆皮食到蘿蔔清甜水水的，真係太適合做天婦羅！！！自己一個食哂半碟～其他溫物甜品都唔錯，店員service好熱心，4人埋單人均二百幾，去居酒屋咁嘅價錢食到飽飽，唔怪之得埋單個店員都讚cp 值高（feel到佢係真心唔係 hard sell），杉玉真係太underrated！！！ 推介俾大家平民價食居酒屋！🌟推薦指數：10/10‼️‼️‼️▫️▫️▫️▫️▫️▫️▫️▫️▫️▫️▫️▫️▫️

入左餐廳之後有如一般日本餐廳熱情歡迎，今日較凍，服務員專登由餐廳較入位置開始安排坐位，非常貼心，餐廳環境乾淨，木質裝修令人舒服放鬆，坐位闊落。5點至7點有happy hour 大部份酒精飲品半價，掃碼點餐後，送餐速度好快而且態度好好，食物質素新鮮，份量合理，唯一挑剔係個蜆肉拉麵既蜆有沙但唔嚴重。甜品甜而不漏，配合日本梳打酒一流。雖然餐廳位置距離太古城商場有一定既行程，但餐廳既質素同價格值得大家前往用餐。

因有優惠而前來光顧，也預料到午市較多人等枱，但也要等超過45分鐘。有枱坐但後，是自助下單，餐牌選擇較多，飯量可選小中大，按自己食量選擇而不浪費食物，到上菜時，賣相幾吸引，味道也可以。

昨晚得咱兩老開餐 於是同大老爺去撐枱腳佢地做promo 身份證有2 / 5 數字 就即時減$50白子用西班牙油蒜蝦的做法又幾好喎 當然汁都要用附上嘅法包撈哂佢啦拉麵湯頭唔錯 有食到蟹膏味個蟹肉茶碗蒸 好多料 好鮮 但蛋太少啦 唔夠喉天婦羅有水準 外脆內軟 唔油膩燒魚較必食 勁大塊 啖啖肉 鮮味juicy 大滿足反而壽司就普普通通份量係細嘅 但我中意咁可以食多兩款喎呢度食左$358 性貨比ok 今日無飲酒 下次可以試下啲清酒setHappy hour 酒類仲有特價添

平時lunch經過呢間餐廳成日都見到人排隊，起碼超過10個人。今日特登早少少放飯，12點正到唔使等直入。個佈置格局都似日式嘅居酒屋，新裝修整潔。午餐牌都好多選擇。如果唔食生嘢嘅朋友可以揀佢啲熟食. 今日試咗個壽司定食。壽司定食包10件壽司🍣，基本有鰻魚，三文魚，甜蝦，赤貝，蛋。壽司魚都新鮮，啲米飯係用壽司醋，所以啲米飯會黃黃哋，不過又唔太酸。仲有個類似鰹魚湯嘅烏冬，入邊仲有幾隻蜆。講烏冬都彈牙，個麵湯底唔會太鹹。

杉玉係壽司郎集團其中一個品牌，路線就唔係迴轉壽司喇，地方闊落以4人台為主。咁岩我地食飯果日做緊PROMOTION, Like 社交平台就送一杯特飲水果茶，我地揀左冇酒精有汽蜜桃茶👍⭐️ 炙燒海鮮丼呢個丼飯性價比極高，有炙燒池魚，炙燒三文魚，炙燒吞拿魚都係燒到半熟，玉子就冇燒過。D餸鋪滿哂個丼飯面，好3D。另外壽司飯用左有壽司郎浸製的茶式甜醋珍珠米，食落格外開胃😋⭐️ 「布袋」14貫鍾意食壽司既一定要點14貫，種類豐富，有甜蝦，和類魚塊同貝類，仲有埋軍艦壽司TIM。咁既價錢，仲咁新鮮，真係值得一試😆

排隊安排十分差張飛寫“如超過30分鐘請領取新票”未過三十分鐘又問係咪番轉頭初頭就話未齊人唔比入到齊人又話過左號碼要派多兩張枱先入得到派完兩張枱又話暫時滿左要等佢既條款我完全係張飛上面睇唔到亦未於其他地方見到好似佢隨心派咁鐘意點加就點加 擠牙膏式咁講出黎感覺好差 好似留難緊我地唔比入咁後來由另一個同事派位比我地三文魚親子丼刺身飯不過不失料算正常舖滿表面麵豉湯係過濃完全無飲未放入口已經見到色好濃同埋有一點點似粉既野未溶哂咁期間都有人主動收碟及上菜算快

同事形容係高級版壽司朗，價錢又比居酒屋便宜，新開咗一段時間終於有機會試，感覺食物質素相當有水準，壽司湯烏冬簡單易見真功夫，壽司用醋米，比壽司朗精緻，麵豉湯濃，夠熱，同事特別推介鯛魚湯夠味，天婦羅伴碟有綠白兩款味粉，正常會揀白色。埋單平均用呢個價錢，可以食到咁多咁美味，飽，又坐得舒服，雖然限時用餐 60分鐘，依然有人肯熱住咁出面等。今次有段小插曲，上餐其中一份配亂咗，前後出動咗四名店員至講得返啱，繁忙時段明㗎啦。