朱敏記小廚 (已結業)

曾幾何時在網上見到評語話老板娘做得唔錯，今晚終於有機會試試。～ 豬油渣炒番薯苗油分夠、份量足，合格～ 長沙臭豆腐臭豆腐真係好臭，味道十足，不過非個人喜好，輕嘗一件即只。。。～ 豬肉蒸餃似係交來雪藏貨，入口味道一般般，失望。。。～ 手工羊肉煎餃落單時要求係煎餃，不過上桌時真係無言以對。。。。。。餃子本身已經係冇味，所謂的煎餃真心不懂欣賞，一個字 ～ 差！綜合嚟講只係一間普通到唔普通的小店，希望老闆可以俾心機做。。。啲廚房出品真係唔值得呢個價錢。。。…查看更多

2個人食咗個酸菜魚辣子雞黎親都會嗌凍檸茶大大杯嗌咗幾支青島整體味道唔錯已經係唔知第幾次黎食水準仍然keep到唔會話太辣本人因為唔食芽菜唔記得走芽菜下次再黎會記得🤣…查看更多

2023年7月14日星期五例牌聚餐Thank God is Friday, 本來打算吹雞去隔離較新的xx魚館，但吃了好幾次午餐，發現這間館子有個規定動作就糸“走油”乜都炸左先講，有D驚。最後改去朱敏記，發現除了一眾廣東港男BB辣都吾系好頂得住，普遍他們的評價都吾系負面，好食嘅，而且價格大眾化，是可以再去幫襯的那種。我們叫了烤羊肋條，羊肉串燒，臭豆腐，薯仔牛肉粒，炒花菜，紫菜蛋花湯，上湯浸蕃薯葉，豆沙煎餅，豉油王炒麵。全部都不錯，上星期去台灣士林夜市吃的臭豆腐，我個人比較喜歡朱敏記的，口味比較重，而且臭味仍然有，這個臭豆腐在香港不容易吃到，頂得住的人可以去試試，當然金魚街，登打士街的也不錯，因為夠臭。…查看更多

有一天去銀行入票，路過光暉圍，本來想去麻辣魚館吃午餐，但一想起這間食店“乜都走油”真的有點不想再去，只有酸菜魚無法走油，但都糸全部油浮在碗上。現在乜都加價，點會有好嘅油比你，諗起怕怕。行來行去，看見隔離有間朱敏記，入去試試。點了一客酸菜魚午飯，也是用鱸魚，看來麻辣魚館荃灣店用平價黑魚，來到光暉圍開店改用鱸魚，不是沒有原因的，突然間對朱敏記有些期望。端上來賣相可以，料頭也足，應該有的都有，粉條、大豆芽之類，酸菜份量也不少，油當然也是很多，先喝一口湯頭，明顯系沒有麻辣魚館咸到不得之了，健康一點，但可惜湯頭無乜味道，幸好吃完沒有口渴，否則無下次。整體不過不失，看見有不少菜式，多過麻辣魚館很多，老闆朱敏應該糸內地同胞，有不少可能系老鄉道地菜式，例如臭豆腐，羊肉串，五花八門，堪稱大中華乜都有:)有機會吹雞來試多些款式。…查看更多

是日晚餐叫咗個新疆羊肉串、潮式炸蠔餅、腐乳通菜、一支藍妹同埋一杯特大檸檬茶。坐底好快叫曬野食，之後野飲等咗十幾分鐘先到，羊肉串隨後都上咗。跟著過咗半個鐘都未上到其他野食，重點係當時鋪頭人數唔算多，大部分都係食完吹水嘅客。去到over 45分鐘左右，就問侍應啲餸大概要幾耐，已經等咗九個字，再過多15分鐘左右終於上菜。新疆羊肉串 ⭐️⭐️味道一般潮式炸蠔餅 -⭐️油[億]味好重，炸完出到黎咬落去係冧，味道劣質，唔會再叫腐乳通菜 ⭐️油多過腐乳，一入口全部都係油，最後要過熱水食，味道唔合格再者，侍應叫極都冇反應，用餐感覺不予置評。…查看更多

早兩日去朱敏記食飯，叫了幾個朋友一起。有三個菜式可以推薦一下，剁椒大魚頭，夠大夠滑，也夠香夠味！再加水晶粉撈汁食。烤羊排都好香，夠辣夠味！廚師可能是來自新疆？😂😂😂。酸菜魚就Okay 啦。整體系好有風味的！…查看更多

今日食咗朱敏記，我哋嗌咗一個香辣味嘅烤魚，條魚都多肉得黎同埋得中間嗰條大骨，今日食起嚟都唔會好麻煩同多骨，味道都唔錯，配菜有寬粉豆乾，最特別係有鴨血，整體評分都好唔錯，但係可能係因為小辣嘅關係試唔到佢個辣味正唔正宗（7/10）新疆羊肉串，佢嘅羊肉一啲都唔羶，上邊灑滿左辣椒粉，孜然粉等的香草味，真係有幾分大陸食到嘅味道。（8/10）農家大盤花菜，係用咗福建菜花，蒜蓉同辣椒，用大火爆炒，雖然佢選用好簡單嘅材料，但係佢嘅鑊氣係令到呢一個菜式生色不少。（ 9/10）川味水煮牛肉呢，同一般出邊食到嘅水煮牛肉都差唔多味道，佢入邊就有薯粉芽菜同牛肉，整體嚟講都唔錯（6/10）外婆菜雜糧包，第一次食呢個菜式，外婆菜係湘菜入邊好出名嘅材料，抱着好奇心就想試吓啦，唔知係咪我期望過高，一嚟又可能冇食過出邊其他嘅，冇對比，完全感受唔到湘菜嘅特點，所以呢個係有啲失望。（3/10）香辣煸肥腸，肥腸就炸到脆卜卜，有啲似辣子雞嗰種，佢啲腸都唔會話好大浸內臟羶味，整體都OK。（6/10）…查看更多

平時行過，成日都好想試呢間嘅酸菜魚試下。今日下晝唔想煮飯，就嗌回屋企試試啦。一開蓋見到呈金黃色嘅酸菜魚湯，夾起一片魚片食，點知勁多魚骨，每塊魚片都超過4條魚骨，唔可以同白飯撈嚟一齊。一定要小心翼翼食完塊魚片，吐番啲d 魚骨出來，先可以再爬啖白飯。連個湯都完全冇酸菜味，淨係一味油同辣，完全飲唔落口。 魚片係新鮮帶甜味，但魚片完全吸唔到酸菜嘅酸味。 而配料娃娃菜同紅薯粉都吸唔到酸菜嘅味道。最後連主角酸菜都冇乜酸味。魚、娃娃菜、紅薯粉、酸菜四樣料嘅味道都獨立分開，完全唔覺自己食緊酸菜魚，好失望，以後唔會再叫呢檔嘅酸菜魚食。…查看更多

之前都是和一大班同事來，呢次特地訂檯和小姑一家聚餐，來到經他們提醒才發現原來幾年前我們已經幫襯過土瓜灣的分店了。來三次點兩次的窩窩頭。蒜香烤魚，其實我更喜歡香辣口味的。烤羊排，味道超正，但可能天氣太冷，吃的時候不夠熱。豆沙餅，孩子們喜歡，個人更鐘意羊肉和蔥油餅。水晶粉，辣辣的，我很喜歡。大醬骨，有點點辣，有入味超級正！太飽了，不然我還想吃小龍蝦，酸菜魚～點了三碗飯，三瓶汽水一瓶啤酒，最後惠顧1196港幣。…查看更多

叫了不辣雞㷛，外賣回家辣到 high high, 打电話去要求退换，被要求拎返盒雞去店，點知用返同一隻再煮，拎到返到屋企再食，仲係辣到 high high..街坊服務態度有待改善吧！！…查看更多

呢日繼續喺葵涌覓食，又畀我發掘到一間地道川味平民食店「朱敏記小廚」！聽講呢間餐廳午市成日都大排長龍，咁啱最近天氣有啲涼，都想食下辣嘢，所以就揀咗呢間~ 「朱敏記小廚」主打川菜，無論係酸菜魚、烤魚、小龍蝦、麻辣乾鍋定係各類鑊氣小炒都應有盡有！一入到餐廳就聞到好大陣辣椒嘅香味，超刺激食慾！ 🧡老壇酸菜魚（$138）酸菜魚湯底好金黃色，多油，多酸菜，入口唔會好刺激，偏鹹辣，少少麻，就算唔係好食得辣嘅朋友仔應該都可以接受到！魚肉用油灼過，大塊結實，無骨易食，份量好多！配菜有娃娃菜同紅薯粉，份量同樣好足！ 🧡小炒皇（$98）小炒皇都好大碟，有炸魷魚、蝦乾、果仁同韭菜花！炒得好夠鑊氣，收汁收得夠乾身，食落好香口！唯一有少少美中不足就係唔夠熱，如果係即炒起應該會更好食！ 🧡桂花糯米藕（$58）見桂花同糯米藕片呢個配搭幾特別，所以就嗌咗嚟試試~糯米藕片口感煙煙韌韌，味道甜甜地，充滿桂花香，超級解辣，都幾特別！…查看更多

上完堂，一班人經過就入左去食嗌左酸菜魚，鴨血，口水雞，炒四季豆，土豆絲，炒粉絲，炒蒿荀，薯仔牛柳粒個人最推薦薯仔牛柳粒，因為d牛粒粒都好大，薯仔又甜甜地其他小菜都夠鑊氣，好食係好食，不過就無乜道地既風味之後開始多人就開始會催我地走，呢個位有少少失望…查看更多

幫襯過幾次，唔單止服務態度越來越差就連份量都越來越少。嗌咗個田雞份量少得可憐，問返點解就答返係啲炸粉問題跟住又話係田雞細隻，明知細隻咗收同樣價錢係埋應該補返小小啊？份量又小個外賣盒係埋冇必要咁大個？令人失望唔解釋問題仲喺度發脾氣，完全唔畀人講嘢嗑電話，唔冇話服務態度簡直係一啲禮貌都冇。…查看更多

話說昨晚去試下呢間晚市小菜，見都座滿六成枱應該都唔差，一入去報三位，但係結果俾咗張二人枱我地，仲要加多一張摺枱，但見一入門口有兩張中枱佢冇比到我哋座，宜家呢個時勢仲行緊四人限聚令，點解仲留張無標明留枱中枱起度，所以最終都係走了，唔食了，列入黑名單中，到走先話轉返張中枱比我地，咁點解唔一早安排我地入中枱座呢？安排上及服務上完全唔掂，btw 原本呢間舖頭第一印象都唔錯的有分到B區同C區，但咁樣比枱法，仲衰過食大排檔。…查看更多

公司附近搵食，想食辣野，找到《朱敏記小廚》！辣子雞脆卜卜好好味，越食越過引，好夠辣！尖椒炒肥腸非常惹味，好有鑊氣椒鹽九肚魚相對比較平凡，但保持到外脆內軟！極得一試👍🏻👍🏻👍🏻…查看更多