札幌拉麵 Miso No.1 x 辛味屋

營業中

休息中

想搵個地方食個便飯 可以黎試下架 店員以年輕人為主 喺門口見到好多人排隊 叫到我哋梗係即刻坐低叫嘢食啦 不過今次叫既野食比較特別 雖然話係拉麵主題 但我哋想特別d叫咗兩個定食嘅😗😗燒雞亦雞翼本身冇調味 但一落檸檬汁就酸酸咪咪😋😋炸豆腐豆腐真係好夠軟 作為前菜都幾好食㗎😍鰻魚定食燒*青*魚定食 （要等15分鐘左右）佢哋定食份量都好大 就算係鰻魚定係青魚都係有番咁上下大條 而且仲會跟個湯同薯仔蓉 如果唔係好大食嘅話 其實可以同人share♥️

未食五月糭，天氣已經熱到傻，唔想戶外活動聞臭汗，商場自然係最佳避暑勝地。我最愛去荷里活廣場，搭港鐵鑽石山站上蓋，好幾間大型連鎖店位處其中，啱晒我嘅消費路線，涼住冷氣乾乾爽爽，㨂下又試下，兩三個鐘話咁快就過了老友一早有飯局，留低我孤軍作戰，一於享受獨個兒的購物樂，試埋波鞋運動裝，不經不覺已經晚上九點多，滿載而歸先識得肚餓，巡上三樓搵食，一個人斷估唔會shabu shabu 咁毒，上海菜、福建菜又食唔到幾多款，foodcourt ? 我買到成手貨，冇理由仲要自己捧來捧去。就喺food court 冇幾遠，我找到了🤩札幌，仲要NO.1 添，唔駛唸即時對號入座都成九點半了，全場幾乎滿座，好彩我一個人，可以獨亨二人枱等位嘅時候，喺門外已經知道呢間鋪頭出名係招牌牛油拉麵，睇我買嘢咁狼就知道單一項目唔能夠滿足到我人氣雜錦拉麵日本义燒夠曬腍，仲要有小小肥邊，唔駛點用力咬，入口即融，醬油豬軟骨夠晒入味，食到軟骨咯的一聲，好爽呀😆除左軟硬配搭正之外，但凡食拉麵湯底就係靈魂，我𠽌𠽌聲連麵帶湯，順勢𠽌埋條大蟹柳，三扒兩撥已消滅左大大碗拉麵。片開隻雞中翼黎燒，囗感唔同晒，就好似食梗件好滑嘅雞柳咁，雞皮脆卜卜，薄

行行下街又到左食飯時間，見到依間日本餐廳食物款式夠多元化，就入左去食晚飯。叫左$199自選二人餐，可以揀2款拉麵或飯，再加三款小食。咁就揀左店舖推介既鰻魚飯 (大) +$10鰻魚有飯盒闊度咁長，口感清爽，唔好見佢醬汁普普通通，但甜蜜美味，仲有濃烈既生薑味道，𤏪白飯食一流。另外揀左螃蟹拉麵 +$15湯底係濃郁既豬骨湯，拉麵質感適中，大大條既蟹棒，蟹肉感覺重，加埋昆布、栗米、雞蛋等配菜，份量都幾大碗，細食既朋友未必食得曬。小食有12款選擇，樣樣都好吸引，所以都幾難揀，最後揀左以下三款。吉列蝦大大隻蝦夠新鮮，蝦肉緊繃夠彈牙，炸粉薄薄爽脆，點埋沙律醬食味道不錯。炸豆腐嫩滑的豆腐做到外脆內軟既口感，秘製豆腐汁唔會太咸，食材用料及味道都做得很好。自家製餃子(大)煎餃子用左白菜豬肉做餡，配有餃子汁，雖然香口但味道就稍為普通。隨左二人套餐，餐廳仲有唔少一人套餐選擇，例如奄列咖哩飯、咖哩烏冬、定食等套餐，真係夠多選擇！

札幌拉麵x辛味屋一個人lunch，又心思思乜都想食，可以考慮吓呢間札幌拉麵x辛味屋，佢有好多不同款式嘅午市套餐，有飯有拉麵、有啲配小食、有啲配咖喱飯、有啲係定食。今日叫咗個普通拉麵+自家製餃子拉麵份量較少，三扒兩撥已經食晒。有一塊叉燒，少量京蔥、荀、芽菜。個湯底比較淡口，唔會太杰，無淋痴痴嘅感覺。個自家製餃子，韮菜+椰菜+豬肉。味道是可以，但皮不夠脆。另配凍檸茶，凍飲不用加＄，但有加一＄70一個lunch，表現只是剛剛合格

早前趁星期日與A先生去了荷李活廣場的札榥拉麵x辛味屋食午飯. 估不到星期日也有套餐食, 而且選擇也有不少. 最後, A先生選了海鮮拉麵, 小食選了燒多春魚. 而我就選了漢堡奄列咖哩飯, 套餐配沙律和麵豉湯, 另外加$22要了廣島炸蠔. 店員先奉上沙律和麵豉湯. 再來是漢堡奄列咖哩飯. 份量較我想像中大. 咖喱汁調教得不錯, 帶點甜甜地的咖喱, 啱晒唔食得辣, 又想食咖喱的我. 雖然蛋只係蓋係飯面上, 並不是包着飯, 但蛋的質感尚算滑身. 漢堡肉質的口感還可以. 廣島炸蠔. 一碟有三隻. 炸粉唔算太厚, 唯獨蠔大隻一點, 口感更佳. 而A先生的海鮮拉麵賣相還可以. 麵度軟硬適中. 燒多春魚幾脆口. 兩個套餐埋單也不用二百蚊, 以這個價錢來講算是不錯.

Lunch 就食呢間啦 札幌拉麵x辛味屋 平時見到太多人 都冇入去 今次甘岩五系好多人 有機會食到啦 ~ Lunch既選擇 一啲都五小架 我覺得有好多添 樣樣都好好好好吸引！！ 價錢又五會十分貴 有 蓋飯 咖喱飯 定食 拉麵 、、最後揀左 日式泡菜拉麵 🍜 拉麵- 食落去煙韌彈牙 有口感 因為系手拉麵 !! 麵條分量也不會太少湯底- 飲一啖 感覺湯汁不會太濃郁 反而覺得是比較偏向清淡的一種 整體感覺不會太肥膩 ！！加入了泡菜 更會有酸酸辣辣的感覺 會解膩及開胃 可惜系泡菜有啲小 多翻小小會仲好

位於鑽石山荷里活廣場3樓325號舖的札幌拉麵 Miso No. 1 x 辛味屋，主打拉麵和日式咖哩。星期日晚上的客人頗多，要在門口等待約十分鐘才能入座。晚市套餐的價錢約六十至七十元，價錢不算太昂貴。套餐包一客味噌湯、一客小薯蓉和酸薑，還可以加配要一客小食。吉列豬扒奄列咖哩飯 (Pork Cutlet Omelet Curry) 來到了。咖哩飯的份量頗大，男士也夠吃。咖哩的口味是甘口的，味道頗為鹹香濃郁，送飯一流。飯的面頭是一塊奄列，咖哩汁夾雜著奄列和飯，舌頭一次能嚐到雞蛋和咖哩的鹹味，十分滿足。豬扒約有七塊，不會不夠吃。餐飲方面，可選轉配凍檸檬茶或味噌湯，檸檬茶的味道正常，飲品來到的速度快足。點了一客北海道南瓜薯餅 (Fried Pumpkin Croquettes)的小食。散叫一客有4件薯餅，外面炸得頗脆口，還可點少許沙津醬。裡面的南瓜饀料口感頗幼滑，味道微甜。

返工前近近地食個午餐。如果講經濟抵食 miso拉麵性價比麵幾高！漢堡奄列咖哩飯～ $58一個咖哩飯餐 漢堡加$5。日式咖哩當然唔太辣 帶點微甜。奄列做得好靚 每啖飯都會食到蛋汁 配珍珠米perfect. 漢堡啖啖肉 牛肉味都算濃。配菜有薯蓉 麵豉湯 抵食。$69 拉麵+小食套餐～呢個價錢當然唔會expect有手拉麵 但是質素都OK架 都彈牙有咬口。湯底幾濃 唔會太咸。配料standard 义燒唔會太肥。菜肉餃子 煎得幾香脆既～ 再點了兩個小食～燒雞翼 & 雞軟骨 幾惹味 即叫即燒。蟹籽沙律 爽脆 份量幾大 夏日之選～坐得幾舒服 性價比不錯 想食個拉麵、咖哩飯 呢間都是一個好選擇～

由於今日食飯時間好趕，要速成就冇乜要求，於是揀咗呢間鋪頭食碗拉麵就算，拉麵來講，其實都已經係好普通嘅野，照計都係大同小異，最緊要醫好個五臟廟啫我好快就揀咗個A餐，62元有拉麵有叉燒炒飯，啱晒何車啦，嘢飲就諗住食完野先至order等緊嘢食嘅時候周圍打量一下，裝修都尚算光猛試食，咁嘅價錢都冇得挑剔首先來碗叉燒炒飯，份量實在好迷你，都唔緊要，雖然未去到難食，又未去到個「哽」字，我只係可以講，用來維持生命係OK嘅碗麵嘅賣相就真係好普通，不過都冇所謂，諗住求其快啲食完就走最唔開心就係舊肉「鞋颯颯」，我決定放棄左，淨係食咗啲麵最後我冇order飲品，今日做咗一個普通人，食左碗普通嘅拉麵

即叫即炸!!! 這間拉麵店可謂小食有驚喜，小食份量足夠多選擇。其北海道南瓜炸薯餅是即叫即炸，非常熱辣辣，外面酥脆，內裡軟綿粉嫩。而且南瓜味香甜沒有一點油膩感，配上沙律醬味道更鮮明。自家製餃子煎得香口又皮薄。主食北海道風拉麵有一大粒牛油，拉麵帶點曲線可以掛多點湯，麵質又彈牙。叫個二人餐可以開心share!自家製餃子，皮薄煎得香口，餡料豐富，味道適中，內裏包括豬肉、韮菜、椰菜、冬菇。招牌牛油拉麵，有一大粒牛油，拉麵帶點曲線可以掛多點湯，麵質彈牙。用上豬骨湯，配粟米，叉燒，海帶，竹筍，芽菜。北海道南瓜炸薯餅， 即叫即炸，外面酥脆內夠軟綿。南瓜味道香甜，沒有油膩感，配上沙律醬味道更鮮明。鰻魚飯(大) ，鰻魚沒有腥味，而且沒有魚骨。飯的份量好足。

上星期到了鑽石山荷里活廣場看電影再到超市閒逛，見到一些咖哩的食品，心想已有一段時間沒有吃過咖啡飯，知道這裡的日式餐廳有咖哩飯，二話不說進去回味一下。餐牌選擇蠻多的，也有餐茶提供。蒲燒鰻魚定食跟餐會配送麵豉湯、沙律和白飯，醬汁鰻魚的味道不錯，肉質嫰，吃起來滿惹味。咖哩吉列豬扒飯套餐跟餐會有一份沙律，這個日式咖哩滿合我口味，味道濃配飯一流，豬扒每件十分酥脆，份量滿多的，但個人覺得咖哩可辣更佳。大熱天，是時候要喝一杯，解解渴。

今日終於去睇復仇者聯盟!!! 睇之後就食DINNER ~ 同朋友揀左食拉麵~我地去左札幌拉麵 Miso No.1 x 辛味屋, 要左個2人餐, HK$199 有2個主食+3個小食.我地主要左個雜錦拉麵、燒肉飯~小食就叫左雞軟骨、雞翼串，豆腐、牛舌～雜錦拉麵份量好多，入面有好多餸，eg. 粟米、蛋、木耳、豬肉、etc,, 好好味, 湯底又濃...燒肉飯既牛肉多到滿瀉，而且食落好嫩口，唔會好老咁。雞軟骨、雞翼串燒得岩岩好，唔會話過咸/ 淡;豆腐好香又滑，而牛舌好爽口！overall 唔錯,價錢平, 環境亦舒服, 下次會再來!

這間獨特的二合一餐廳，一邊是主打拉麵，另一邊是咖喱和定食。餐牌也是分開兩本，一本是札幌拉麵，另一本是辛味屋。食物選擇非常之多，簡直是花多眼亂，我們也花了不少時間在消化這些選擇...最後還是決定吃咖哩，店內有兩種制服的店員，我們隨手叫了穿拉麵制服的侍應幫我們落咖喱的單。是我的錯覺嗎？店員感覺好像有點不爽等咗大約10分鐘，食物就黎齊喇，喺滿座的情況下，上菜速度很OK。吉列豬扒奄列咖喱飯 $68先講前菜，薯仔沙律還不錯的，味道清新。麵豉湯夠熱夠味，好飲過直接用湯包沖出黎嗰啲。只是咖喱汁味道太甜，我知日式咖哩係偏甜，但都冇理由咁甜掛？諗住夾啲紅薑絲中和一下，點知啲薑都係甜架...吉列豬扒方面，粉厚且硬，不過都未至於入唔到口。好在啲飯煲得軟硬適中，蛋亦都煎得恰到好處，挽回不少分數。吉列豬扒咖喱烏冬 $72前菜，湯，同豬扒，同上面一樣質素。烏冬煙靭，其實煮得不錯的，但係個咖喱湯底出事...咖哩味淡，質地稀溜溜... 好似有色有味嘅滾水咁。食咗兩啖就已經投降了兩人埋單要百五蚊，而出面仍然堆滿等候入座的人。可能札幌拉麵那邊很好吃？是我們選擇錯了嗎？

很耐沒有食拉麵啦，自己特別喜歡豬骨湯拉麵，每一口湯經長時間熬製，濃郁醇厚的。和朋友看完電影後，又是醫肚子的時間。牛油豬骨拉麵，原塊牛油浸在拉麵之上，熱騰騰的蒸氣慢慢把牛油溶化，香甜的豬骨湯混合了牛油的油香，牽掛在每一條拉麵上，口感細膩柔軟。而朋友食的則是豬軟骨拉麵，每一塊豬軟骨煮得軟滑香稔，而且非常入味啊！另外亦點了兩個小食，配拉麵就最夾啦！北海道南瓜炸薯餅，以香甜的北海道南瓜製作，入口外脆內軟，甜度剛剛好的。串燒雞翼，將雞中翼破邊燒烤，灑上食鹽，簡單做法，卻保留著雞肉的肉味，這就是日本烤串燒最傳統的做法啦。

同fd講起想食拉麵，我同fd第一時間諗起既唔係一d近年先黎香港開既所謂出名品牌， 我地不約而同講起已經係香港立足左好多年既札幌拉麵～講起就想食～佢有個二人套餐 - 兩個拉麵加四個小食我朋友叫左個招牌牛油拉麵，而我就叫左螃蟹拉麵～牛油拉麵我以前都成日食， 本身濃郁既湯底加油牛油加持，令湯更加滑溜更加香濃，叉燒份量亦夠味道穩陣。 今次我朋友既評價亦差唔多， 咁多年都keep住水準係唔易。 而我叫既螃蟹拉麵，其實湯底是一樣，只是螃蟹代替左叉燒～但個蟹肉係好味既，不過變左有d唔太夠份量，好彩有小食搭夠～呢個餃子有水準， 皮薄，亦煎得脆，要挑骨頭既話，入面d料可以多d~北海道南瓜炸薯餅 - 呢個真心正～將南瓜同薯仔搞成蓉再造成炸物，有薯蓉既口感但多左南瓜既鮮甜味道，兩者配合得好夾雞翼及雞軟骨串燒 - 呢個穩穩陣陣， 串燒其實襯熱食就好好味～我特別鐘意食雞軟骨， 配上一兩滴檸檬汁吊味， 無得頂～最後來個蟹籽沙律， 清一清個味蕾，好滿足晚一餐