札幌拉麵 Miso No.1

今晚來荃新天地二期搵嘢食，因為要睇戲，於是就見到有一間日本嘢好似都OK，於是就決定試吓叫咗個赤豚拉麵同埋壽喜燒鍋試吓，拉麵都ok，麵夠咬口彈牙，係比較幼身個種。今晚咁啱冇牛肉，唯有食豚肉啦。豚肉煮完較厚同難咬，味就都正常嘅。

嗰日唔記得搞乜腦細好晏先返到嚟，小毒毒我又唔想自己一個食飯，死等爛等到差唔多3點先有飯開，所以就近近地喺荃新天地食飯。意外發現呢間日本嘢下午茶餐勁抵食，本身預佢細細份，點知出到嚟份量都幾多，有主菜+日本米+麵豉湯+薯仔沙律+漬物😯我揀咗豚肉生薑燒定食，味道相當唔錯，仲有沙律醬俾你點沙律菜🥬真係幾有驚喜，不過前提係你要捱到下午茶時間🤡豚肉生薑燒定食 ～$30-40

以前好鍾意食嘅札幌No.1 人氣拉麵…已經好耐冇食過…. 今日經過就試下 …. 晚餐都有set 可以揀…$89 有個拉麵配小食… 咁就揀個豚肉什錦拉麵….. 再配吉列炸蠔食下….等左一陣… 拉麵好快就上枱… 什錦拉麵.. 有豬軟骨、蟹柳、海帶同埋一片拉麵叉燒….豬軟骨夠冧夠入味..不過拉麵叉燒就切得太薄.. 一夾就散開.. 食唔到啲咩…依個面嘅湯有超級咸…🥲要不停飲水… 水準好似差左好多….吉列炸蠔就好好味….熱辣辣咁送上枱… 蠔都好有好蠔味…

週六中午來荃新天地覓食，由於到的時間1點，許多餐廳需要排隊，祇有這家不需要，於是抱著試一試心態，果然中伏！！！！！！！！我點的丼可以説是我人生吃過最難吃的親子丼，我吃了幾口就難以抑制自己嘔吐的衝動。我女朋友點的黑豚拉麵毫無味道，還有配的叉燒炒飯乾澀無味。失望透頂，再也不會光顧，也希望大家也不要心存僥倖，否則喪失一天好心情！！！又一次告訴我們，沒人光顧不需要排隊的餐廳，千萬不要光顧，沒人吃不是沒道理的。希望它早日倒閉。

舖位非常隱蔽，唔係特登搵唔易搵到，貪佢人唔太多易搵到位，之前至愛食佢嘅泡菜拉麵，只係65蚊加一，今日試網燒牛扒，128蚊加一，竟然有意外驚喜，啲牛真係好鬼正，下次一定會再食，極力推介嗰啲怕排隊而又對食有啲啲要求嘅人。

因為朋友有張優惠卷我哋便來試下一睇菜單選擇好多定食拉麵咖喱飯火鍋小食 咩都有得揀好似日式茶餐廳咩都有得食甘不過朋友唔鍾意食咖哩飯 我就近來食得太多面類就唔想食拉麵住甘就只可好叫定食或午市套餐定食食物固定款 不能轉最後就揀咗親子丼同 B定食-鯖魚加豚肉鯖魚整得幾ok 豬肉各样都可以不過以69的價錢 我覺得可以整得再好食啲親子丼 是我喜愛我的日式料理這個餐是煮到果種風味$55 都值得埋單加一再減優優卷都要106之後又送一張優惠卷給我們果然識做生意

We went here for dinner and there is a lot of people queuing at night. This shop is not easy to find since it is located at the last column of the shopping mall We ordered some ramen and some dishes including the octopus and barbecue beef. I think the food is soso but the price is reasonable. The ramen portion is so large and i could not finish it This is a good news for those who would like to try the Japanese food but don’t have much budget We think that this restaurant is a big group holding

之前啱啱睇完戲,順路喺下面食過午餐,因為趕時間關係...所以揀左呢間拉麵食!!入到去無咩人, 坐得都舒服!!見佢有午巿套餐,可以一個拉麵+一個細炒飯,或者一個拉麵+餃子小食,咁我就叫左個赤豉拉麵+細炒飯!!個拉麵整體都幾好食, 湯頭濃得黎少少辣!!麵質彈口, 唯獨係叉燒有少少乾,份量就唔太夠喉...如果麵量多返少少會更加好!!至於個炒飯都OK好食, 有鑊氣!!不過如果拉麵配菜有多D選擇,或者有得加麵底會更加好!!因為男仔真係會有少少唔夠食

呢度有個好抵嘅自選套餐，只需$69就有一碗拉麵加一個小食，小食選擇都多，例如沙律、芝士年糕、雞軟骨等等，甚至可以揀鰻魚飯、燒肉飯，所以一定夠飽。今次選了招牌牛油拉麵配燒肉飯，牛油拉麵真的有一舊牛油放在面上，另外也有兩塊日式叉燒，加上大量粟米和海藻，也豐富的！牛油慢慢溶化，邊吃邊聞到牛油香，麵質也不錯。至於燒肉飯，份量可不少。一碗飯上面加上好幾塊燒肉，就是薄切豬肉片，味道都不錯。另外還有一些午市定食很吸引，叫了網燒雪花牛肉定食（ $108 ），塊牛肉燒得好好，容易咬開，燒汁和肉汁融合一起，好味呀！還有大量沙律菜，以定食本身附送漬物、一球薯蓉和一碗白飯，還有麵豉湯，麵豉湯都好濃味，非常豐富的一餐。

呢間札幌拉麵除咗食自己餐廳提供嘅嘢，仲可以叫埋隔離間辛味屋嘅咖喱飯，又幾好喎！應該係同一個老細先可以咁安排啫！我就叫咗「吉列豬扒奄列咖喱飯」（ $58 ），個吉列豬扒炸得非常香脆，裏面還保持到肉汁Juicy，奄列煎得都幾滑，日式咖喱就完全唔辣，但都幾香口。$58仲有買麵豉湯同埋薯蓉，所以整體來講我覺得呢個性價比很高！當然要叫多個拉麵啦，佢啲拉麵定食都好抵， 一碗拉麵可以拼一個小食，都只係$69 ，我哋選咗牛肉拉麵就要本身加$5 ，牛肉似打邊爐嘅肥牛，份量都幾多，而且質素都唔差，另外仲有半隻糖心蛋，同埋勁多嘅粟米和海帶等等配料！佢嘅拉麵都做得幾彈牙，湯底就有啲麵豉味，整體都唔錯。小食我哋就揀咗雞軟骨，估唔到有三吋咁多，而且佢嘅肉嘅比例比起我平時食嘅雞軟骨為多，所以都幾好食。我哋仲散叫咗一客小的自家製餃子（ $32 ）就有四隻，一般菜肉餡料，都幾足料，餃子皮又唔會太厚， 不過不失

今日我哋嚟到荃灣諗住搵一間日本餐廳食晚飯，所以去咗呢度睇吓有咩食我哋見到呢間札幌拉麵價錢唔貴，又有好多人食，我地7點去到都差唔多有一半人入咗，而佢個位置都幾難搵，所以我哋試一試 跟住我哋叫咗兩碗拉麵跟住同埋三款小食，有雞翼，牛舌，同埋燒魷魚🦑。味道方面我就覺得有少少似味千，唔算話超級好食但係唔貴，如果對食物質素唔係話超級講究但又想食下日本野咁呢間就岩曬你 啲小食我覺得正常啦，但就有啲乾，似係一早整好，有人叫就整熱拎出黎。我地叫左咁多野食埋單就300幾400 ，唔算好貴！其實佢格離同佢應該係分店，只係唔同名，所以佢都幾多選擇有飯有麵有小食有咖喱等等，下次可以試下佢既咖喱飯先。

坐位都算相隔闊落，樓底夠高，坐落唔會有壓迫感二人套餐十分抵食，268蚊包兩個飯/拉麵、4款小食同飲品兩杯，小食份量一啲都唔少，兩個人差啲都食唔曬🤣黎到當然要試下個拉麵啦，叫左黑豚拉麵，黑麻油十分香，豚肉唔會淨係得肥膏，唔會太油膩👍🏻👍🏻拉麵軟硬適中，湯頭十分濃郁，但一啲都唔咸，拉麵果然係招牌🤩另外叫左滑蛋豬扒飯，有一貫日式餐廳既味道，豬扒都脆，好食👍🏻小食有蟹籽沙律、自家製餃子🥟，芝士年糕同燒牛舌。份量十足，超有誠意🤪推介燒牛舌，牛味濃得黎唔會太「穌」，燒完後好惹味😍飲品最驚喜係飲啤酒同果汁酒都唔洗加錢🤣🤣所以叫左支麒麟啤同日本果汁酒🤭🤭配埋完美既一餐，滿足🥰

CP值很高既拉麵店👍🏻👍🏻喺荃灣行街無意中發現左呢間價錢平民得來，性價比好高嘅日式拉麵店👍🏻👍🏻佢都係堆商場街入邊，位置好就腳，不過就喺角落平時冇咁顯眼。佢拉麵味道好似日本小店既feel😹😹 價錢相宜，平時想輕食/平淡飽肚既話係好選擇👍🏻👍🏻 今次叫咗個兩人餐，性價比超高🙊🙊兩個主食，配三款小食(份量唔細㗎) 😋😋主食揀咗Ankake拉麵，見佢賣相幾好，又有齊叉燒、溫泉蛋、紫菜等等嘅必食配搭。食落味道真係好似日本小店個味，濃而不咸既湯底，拉麵麵質彈牙👍🏻另一個就叫咗吉烈豬扒奄列咖喱飯佢個咖喱都好出色，有啲似銀咖喱嗰種日式甜咖喱嘅味道，配埋吉列豬扒，係一個冇得輸嘅組合😎小食就揀咗日式煎餃子，燒雞翼串，同埋燒魷魚鬚。上菜份量比想像中多，兩個人食，連埋主食都幾飽㗎。個人最鍾意就係個餃子，餃子皮夠薄，入邊嘅椰菜豬肉餡都好鮮味，小食來講係必嗌嘅！而魷魚鬚就好香口，而且份量好多。最緊要個即叫即炒，熱辣辣。雞翼雞軟骨串燒都有水準㗎，舖頭仔嚟講樣樣嘢都整得有功架！價錢好相宜，如果我住荃灣，相信會成日來幫襯👍🏻👍🏻👍🏻

坐低睇餐牌嘅時候就覺得佢哋嘅套餐好吸引 好豐富 所以就同朋友仔叫咗個二人套餐😋😋😋吉列豬扒奄列咖哩飯一上枱就聞到好香好香嘅日式咖喱味🤩🤩吉列豬扒真係無得彈 咬落豬扒嘅表面好脆卜卜 咬到落肉度就覺得豬扒嘅肉質好彈牙 同好有肉汁👍🏻👍🏻黑·豚拉麵除咗黑蒜油嘅香味 拉麵湯底仲有好香豬骨味😋 湯底好濃郁好濃厚 拉麵可以掛湯掛得好好 吸收咗湯底之後唔錯唔錯自家製餃子不錯的日式餃子☺️北海道南瓜炸薯餅我最鍾意食佢哋依個小食 炸得好香脆 咬開個薯餅就覺得南瓜茸好滑口😻😻😻燒雞翼串+雞軟骨串串燒燒得好香口 雞翼嘅表面燒得好脆口 雞翼入面燒得啱啱好👍🏻👍🏻👏🏻👏🏻

最近嚟嚟去去都係食緊嗰啲餐廳，已經食到好悶呀。咁啱經過札幌拉麵發現，咦！原來我都未食過於是就抱持著試一試無妨嘅心態入去食。點知呢間外表唔係超級吸引嘅餐廳畀咗好多驚喜我。我就叫咗一塊牛扒同埋一個咖哩豬扒飯。佢平時啲餐價錢都幾相宜只不過係50蚊上下，又幾好味。不過牛排就貴少少。但係最令我驚喜嘅反而係佢嘅炸物。炸物方面我就叫咗個炸蠔以及炸忌廉。兩個都炸得好好外邊一口咬落係酥脆嘅。個炸蠔冇乜腥味，一盒牛郎係爆汁嘅。個大忌廉個餡又唔錯，兩個都係超出水平之作。下次我會再番兜。未食過嘢嘅人都不妨試一試。