本命鐵板燒

同妹妹約食飯，最鍾意食鐵板燒！就我哋兩個返工，揀咗銅鑼灣出名高質的🔥本名鐵板燒‼️好彩訂咗位，坐無虛席，誠意推介✨雜錦盛套餐✨ $788/位 另加一！一共11道菜，每道菜師傅席前烹調，擺盤靚到好似藝術品🖼️咁啱我地兩個人加埋消費滿$1500，每人即送一份溏心瀨尿蝦🦐絕對啖啖肉，爆曬膏，微煙燻過真係好香🤤前菜炙燒鰹魚，配柚子汁好開胃大蝦望住師傅巧手工夫，挑蝦肉唧蝦膏出黎做醬汁，蝦身爽口彈牙，蝦頭仲煎到脆卜卜！甘鯛配上南瓜海膽汁，原來係咁夾，甘鯛肉質細膩和牛油花分布均勻，入口即化，想重口味少少可配芥末、炸蒜片及海鹽，一樣太好味了！北寄貝非常鮮甜，貝肉夠厚身，一流！🤤鵝肝以青萍果酸甜中和鵝肝的膩度，再加上脆薄的多士，口感豐富香蒜牛薄燒被燒香的牛肉內裏包住香蒜，但個人傾向和牛多啲哈哈，伴埋炒蔬菜唔錯炒飯加咗高菜同埋雞蛋快炒，連平時好低碳嘅我都食多幾啖飯！ 吸物睇個名唔知係乜，原來係我最鍾意飲嘅魚湯！奶白色好清甜鮮味，一解鐵板燒嘅油膩甘味甜品是超級有驚喜嘅焦糖多士，我俾100分👏🏻 金黃色已經好有食慾！外脆內軟，仲有開心果雪糕!…查看更多

鐵板燒真係令人又愛又恨🤪愛嘅係一次歎盡新鮮海鮮及和牛，好滿足🥰恨嘅就係每次食都飽到上心口，又邪惡😈不過可以邊食邊欣賞師傅功架，確係賞心悅目。之前食過銅鑼灣嘅鐵板燒專門店－本命，覺得佢哋嘅套餐性價比高，於是呢晚再encore。晚市套餐每位$788，有12道菜，消費滿$1500仲送矜貴嘅斑馬瀨尿蝦，以食材質素及烹調手法而言，算抵食🤑雜錦盛套餐 $788／位🐟前菜先嚟煙燻鰹魚打響頭炮，鰹魚好厚切，食落口感好creamy，好似cream cheese咁🧀帶微微煙燻香同酸香，幾特別😚🦐大蝦大蝦新鮮彈牙，師傅用蝦膏做成醬，甘香嘅蝦膏令菜式更添香氣。蝦頭仲煎到脆卜卜可以一併食埋👏🏻🐟甘鯛鐵板燒有得食好考功夫嘅甘鯛立麟燒，認真少見🤩師傅將鯛魚嘅鱗做成立體嘅脆片狀，魚皮酥脆不油膩。魚肉厚實啖啖肉，底下配以清甜嘅南瓜汁，配搭特別得嚟又幾夾😋🥩和牛厚燒常見嘅厚燒和牛，師傅都做得特別出色👍🏻用上慢煮再喺鐵板燒嘅方法，令牛肉肉質軟嫩唔會實，亦可以鎖住肉汁，簡單配鹽食已經夠滿足😋🦐溏心瀨尿蝦而家喺餐廳消費滿$1500，會免費送溏心瀨尿蝦一份，估唔到都好高質😍瀨尿蝦大大隻，裡面嘅蝦膏呈溏心狀，一啖咬落，食到彈牙嘅蝦肉及厚實蝦膏，仲有本身嘅鮮味😛🐚北寄貝燒得剛剛好，北寄貝爽彈帶海水鮮味😋🍏鵝肝食咗幾道海鮮後嚟個邪惡既鵝肝，引發晚餐嘅高潮😏鵝肝煎得外焦脆內juicy軟滑，咬落去油脂爆發，幸好有焦糖青蘋果解一解膩，否則罪疚感十足🤣🥩牛肉薄燒、炒野菜牛肉包住蔥蒜，口感豐富。另外配埋清新嘅炒野菜一齊食，正好起平衡作用😙🍚炒飯、吸物炒飯加入醃高菜粒，師傅炒得好好😋炒飯粒粒分明又香軟，配料好香亦豐富炒飯口感。湯係魚湯，魚味非常濃，比起一般嘅麵豉湯更具記憶點👍🏻🍨甘味甜品有兩款，包括焦糖多士及開心果雪糕，滿足感double😆焦糖多士經師傅慢工細作，多士薄脆富焦糖香。開心果雪糕亦高質，開心果味好濃好天然😋推介指數（10分為滿分）：8.5分…查看更多

銅鑼灣云云鐵板燒餐廳當中，「本命」絕對是首屈一指的一間，距離上次來訪至今已經超過一年，一直念念不忘。午餐鐵板燒低至每位$188，而晚餐錦盛套餐則每位$788，從前菜到甜品整整有逾十道菜式，只要消費滿$1,500更會贈送斑馬瀨尿蝦一隻，即二人享用錦盛套餐便已達標，物超所值。前菜鰹魚刺身搭配京蔥絲及柚子醋，清爽開胃。斑馬瀨尿蝦瀨尿蝦肉質緊緻彈牙，滿滿瀨尿蝦膏呈溏心狀態，濃郁甘香。大蝦大蝦以蝦頭蝦膏熬成醬汁，鹹香鮮美並帶陣陣炙燒香氣。甘鯛甘鯛以立鱗燒方式烹調，魚鱗鬆脆、魚皮煙韌、魚肉嫩滑，鮮美無比，配以南瓜海膽忌廉汁微微帶甜。和牛和牛可以自選熟度並配以蒜片、芥末或岩鹽，五成熟度恰如其份，肉質軟嫩，油香豐腴而又不失肉味，簡單加上岩鹽最能體現原汁原味。北寄貝北寄貝口感彈牙而鮮味十足，大蝦蝦頭亦煎得鬆脆香口。鵝肝鵝肝厚度十足，外脆內軟並近乎入口即化，入口油香四溢；底層牛油多士吸收鵝油油香並保持鬆脆，焦糖蘋果香甜多汁，綴以黑醋汁酸甜清爽，大大中和油膩感。香蒜牛薄燒｜炒菜 牛肉肥瘦均勻而肉質軟腍，裹住大量青蔥及蒜片香氣濃郁；炒菜 以椰菜及芽菜為主並夾雜紅蘿蔔、本菇等，調味較輕感覺清爽。炒飯炒飯加入炒蛋、高菜、紅蘿蔔等炒成，飯粒乾爽並保持粒粒分明，充滿鑊氣。吸物魚湯熬成奶白色，既清而濃，鮮甜並毫不帶腥。甘味甜品同樣以鐵板燒方式製作令人喜出望外，先用牛油將麵包放上鐵板烘香，再加上砂糖煎至表面形成一層焦糖，香甜酥脆，加上雲尼拿雪糕冷熱交織，別有風味。日式檸檬茶 ($48)鐵板燒套餐並不包括飲品，但餐牌上有獺祭23%純米大吟釀、月桂冠Chatty Whale純米酒、京姬柚子檸檬酒、生啤、威士忌梳打、梅酒等各款酒類可以加購，而無酒精飲品日式檸檬茶隱約帶淡淡桃香，清爽解膩。…查看更多

早前去咗銅鑼灣食鐵板燒雜錦盛套餐，每位$788，有多達13道菜✨鏗魚刺身鏗魚有油香味，肉質Q彈帶有嚼勁，搭配酸醋酸酸地幾開胃✨溏心瀨尿蝦 蝦肉鮮甜彈牙，蝦膏甘甜美味✨ 鐵板大蝦大蝦醬汁用蝦頭膏去整，蝦膏香濃美味，蝦肉鮮嫩彈牙，好惹味✨立燐甘鯛外層魚皮香脆，內裡魚肉鮮嫩，搭配自家製南瓜海膽忌廉汁份外美味✨厚燒和牛和牛油花好靚，五成熟肉質軟腍，肉汁味道香濃✨北寄貝北寄貝味道鮮嫩，肉質非常爽脆彈牙✨鵝肝面層鵝肝入口即溶，底層金黃香脆嘅多士吸晒鵝油香味好正，再吃香甜爽脆嘅焦糖蘋果可解膩感✨香蒜牛薄燒｜炒雜菜薄燒牛肉質軟嫩，搭配香蔥香蒜香味更濃更惹味，雜菜食落爽脆✨高菜炒飯炒飯有蛋香味，炒得夠乾身粒粒分明，不經意食晒一碗✨魚湯魚湯呈奶白色，味道鮮甜香濃，帶有魚鮮味，味道唔腥，好暖胃✨焦糖多士｜開心果雪糕最尾要一定食埋甜品，多士金黃酥脆，加埋甜味嘅焦糖，鹹鹹甜甜吃得滋味開心果雪糕帶出開心果香，雪糕好香滑，食得好滿足📣現時消費滿$1500，即送溏心瀨尿蝦一隻…查看更多

屋企人生日🎂，緊係要食好啲慶祝吓！今次專登揀咗銅鑼灣呢間本命鐵板燒，佢而家有個幾抵嘅優惠，消費滿$1500就會送「溏心瀨尿蝦」一份，我哋兩個人嚟食，剛剛好可以送一隻，真係諗起都開心～ 溫馨提示一下，師傅默認會將食材切件上碟，如果想原條上枱影相打卡📸，記住要提早同廚師講聲啊！〰️〰️〰️〰️〰️〰️〰️〰️〰️🏯本命錦盛套餐 $788/人🐟 鰹魚作為前菜好清新，魚肉鮮味慢慢滲出嚟，即刻打開咗個胃口。🐠 甘鯛 | 🎃 南瓜海膽忌廉湯師傅將塊魚鱗炸到立起嚟，好似金色扇子咁，脆到不得了！個湯好綿滑，南瓜嘅甜同海膽嘅鮮味好夾。🦐 大蝦隻蝦大大隻，煎到剛剛熟，肉質爽彈。最正係個蝦頭膏醬汁，濃郁到呢，點嚟食真係一滴都唔想浪費。🌟 溏心瀨尿蝦今晚嘅驚喜位！賣相已經贏晒，蝦殼擺到成朵花咁。一啖咬落去，啲膏多到爆出嚟，仲係流心狀態，口感豐腴到難以形容。🐮 鹿兒島和牛油脂分布好似雪花咁靚，入口即化。我個人最鍾意點少少wasabi一齊食，嗰種辛香恰好平衡咗油脂感，正！🐚 北寄貝師傅好有心思，用返個蝦頭做裝飾，炸到脆卜卜可以食埋。北寄貝超級爽甜，簡單用牛油燒過已經好香。🍖 鵝肝鵝肝煎到外層微脆，入口即化。下面塊多士吸走多餘油份，配上黑醋同清甜嘅焦糖蘋果，完全唔覺膩。🥩 香蒜牛薄燒牛肉薄薄一片，捲住大量香蒜同蔥花一齊食，蒜香爆棚！旁邊嘅炒雜菜都好好味，清清爽爽。🍚 炒飯鐵板燒嘅經典！炒到粒粒分明，鑊氣十足。我鍾意撈埋啲醃蘿蔔粒同蒜頭一齊食，鹹鹹酸酸，不知不覺就清咗一碗。🍲 魚湯食到尾聲飲返碗熱辣辣嘅魚湯，湯色奶白，味道好溫和鮮甜，成個胃即刻好舒服。🍨 焦糖多士配豆腐雪糕個結尾好完美！焦糖多士熱辣辣、脆啲啲，點埋冰凍清香嘅豆腐雪糕一齊食，冷熱交融，為呢餐畫上超滿足嘅句號。🥤 百香果梳打 $48 另外嗌咗杯百香果梳打，真係超大杯🤩，兩個人share啱啱好！入口好清爽，仲飲到粒粒百香果籽，咬落卜卜聲，酸酸甜甜好解膩～〰️〰️〰️〰️〰️〰️〰️〰️〰️💰 總計: $1786, 2位用餐(已包含10%服務費)…查看更多