木子甜品

營業中

休息中

今晚好想好想食芋圓，求其搵到呢間，近近哋試吓囉芋圓海底椰豆花配芒果雪泥 ($31)豆腐花、海底椰及芒果雪泥其實唔係好夾，要分開食先會覺得好味，不過豆腐花唔夠滑吖，雪泥又唔滑，食落成個口都好似鞋晒咁；好在芋圓夠晒煙韌有口感，紫色嘅有淡淡芋頭味、但相比起黃色嗰啲嘅蕃薯味就濃好多咯；雖然已經有好多粒，但都係唔夠喉，所以extra再叫多咗份三色餡芋圓（$10），有紅豆、蕃薯及芋頭餡，超級好味到唔捨得食，夠晒大粒而且口感更煙韌，食落好暖、彈牙，唯一就係比較偏甜囉，但係甜品唔甜又點叫甜品啊？木瓜蘋果燉海底椰 ($27)有些熱氣，要潤一潤先，一個好傳統嘅糖水，不太甜，容易入口，材料十足，木瓜和蘋果都煲得剛剛好，有口感，仲有我最喜歡嘅雪耳，食完晚飯個胃仲有小小位，食完剛剛好

今日同朋友食完個出名嘅雞煲後就想去食返個甜品,於是就去朋友介紹嘅木子度食。朋友話抵食夾大件,心諗依家乜都貴仲有野抵食,吹水咩!好!!就去試下。入到去裝修都ok,地方出奇地乾淨。都多人,咁就有返D信心。我叫左個xx踏雪,奶冷底加元肉,龍眼肉同D透明和椰子珠,覺得好好味,奶味唔重,加龍眼肉好好味,D珠珠卜卜聲似食蟹子咁feel，份量堅多,$3× 抵!! 朋友就叫左個心太軟,感覺同其他差不多,係個唔知雪糕定冰比其他正D。另一個fd 叫左仙草xx ,重點係甜品舖都有呢D野食?食落又堅正woo, 仙草好香。推介! 另一㨾就係試左個芋圓,見呢排流行都唔知乜黎就試下,ㄧ黎到就見到.... 咁大碗嘅,有大有細咁。食落到正,原來黄色係蕃薯,紫色係芋頭,食落感覺煙煙韌韌超正 i like。見D人寫服務差,今日去到又唔差woo, 仲推介我食芋圓。menu 仲有好多未試,下次ㄧ定要再去!好回味個芋圓。

同一家人食完飯，想食糖水，喺呢度搵到間木子甜品就去試下，老闆娘推薦 心太軟，但係我一般都好少叫心太軟，雖然我好鐘意食黑朱古力，亦因為食過好多間都唔會係流心，所以都唔點叫呢食。但係今次完全無令我失望，熱辣辣，一切開，d朱古力就流哂出黎，而且唔太甜，加埋個雪糕既配搭，一凍一熱，口感一流！木瓜蘋果海底椰既用料都好新鮮，木瓜味濃郁又唔太甜！紅棗竹笙燉雪耳，好清甜，竹笙雪耳都好爽口，又一證明用料新鮮！手工豆花系列，雪糕球用豆腐制成，味道濃郁！

今晚一家四口去悅來坊晚餐後到此店食甜品. 其實店內真係無咩人. 重諗會唔會中伏呢!! 第一次食. 感覺很好...店內唯一的服務員EE 見我個細仔坐唔定. 驚張圓凳跌親佢. 我怕麻煩人都話不用了. 她都堅持換張四腳椅比他. 食物質素中上. 但大眾化價錢. 我們食台式甜品. 可可雞旦布丁 + 西瓜撈 + 海底椰撈. 糖水真的很凍. 走重送左兩隻布丁杯比我兩個仔.

初五食完飯諗住去食個糖水，好多鋪頭都未開巿，於是事旦搵間糖水鋪鋪頭主打台式甜品同中式糖水我叫左個糖不甩首先係衛生問題，個膠匙羹好似用過，循環再用咁。之後係啲丸子，根本未煮熟，肉眼都睇到個心仲係白色，未煮至透明

其實門口接待果位男仔態度都ok既，最大問題係，我地落order既時候，有位女侍應態度極惡劣我地成班朋友六個人，咁其中一位女性朋友點餐先，咁正常都係直接講糖水名架啦。點知個女侍應一句彈埋黎「講NUMBER！」而且佢仲要係黑口黑面既，當堂成班都呆哂。講number冇問題，可以友善d既其實。到糖水送埋黎，都係個女侍應送過黎，佢就咁擺低唔出聲就走左去，又係黑口黑面，我即刻叫住佢，問佢係咩糖水，佢答我糖水名，come on james, 我再問佢咩number? 佢即刻黑哂面轉身走，佢要求我地落單講number，我地其實都想知佢送黎既糖水係咪岩number囉其實。我不停叫住佢，點知佢越叫越走搵第二個黎解圍。其實做人就唔洗去到咁盡既，係咪d客唔出聲代表可以比你侮辱啊？又要威又要戴頭盔。整體糖水就一般，不過以呢個價錢黎計都可以接受既。不過都唔會再黎，我係黎消費，唔係比錢買難受。

是日吃過飯後，與友人走到這間吃甜品。走到門口，看見兩位職員，同行友人說了好幾次"唔該、唔該''，店員扮作看不見、聽不到，還越走越遠，這是什麼服務態度？？？？我們看見店內有兩張空枱，就直接走進坐下其中一張枱，怎料店員用極差的態度和不滿的表情說：「呢度唔坐得！！！」 便轉身就走了請這是什麼規矩？有枱但不能坐！這情況不是第一次了，麻煩檢討一下！！！當店員轉身走了後，有一張空枱，但當時店員並沒有提醒，也沒有詢問可否轉其他枱！服務態度很差，俾錢買難受，寧願不再光顧。煩請公司檢討一下店員服務質素！！！！！

朋友帶我來呢間店食甜品品種好多。但點單時好多沒有，點解？人流量少，配貨不足？花生糊太膩，底下的小圓子不糯。朱古力不流心，味道🈶️點苦。吃著沒食欲，算了，沒有下次了。

等左差唔多40分鐘，專門就係黎食最出名既芋圓，入到去先同人講成頁都無😡😡😡真係火都黎！不知所謂！D 店員工作混亂，明顯好多都係新人，安排枱安排得好差，明明有吉枱，但又要人地係出面呆等！以後就算幾鐘意食 都唔會再黎！😡

個人認為尼度嘅食物唔算太差但係就服務三流d人做野冇合理安排大檯入晒去細檯成日都要等服務態度極差好似好趕時間咁成日催落單講都未講完就雞咁走一係就十問九唔認連基本禮貌：唔該，多謝幫襯都冇就算d野再好食我都唔會尼service真心好差

好耐之前嚟過呢間分店，比起旺角前分店…係差幾皮…感覺已經麻麻，今次嚟多次諗住比多次機會佢…點知一入到去店面，見到成班職員坐喺度食米線同傾計…你行入去,係冇諗住招呼你…到落單，職員話冇哂蕃薯…又唔可以轉雪泥味…之前係可以架到成品上枱，真係好失望…睇圖…啲長方厚圓嘅芋圓全部變哂珍珠奶茶入面珍珠size嘅芋圓！！ 仲要幾十粒痴埋一大舊！問職員點解同之前可以咁唔同？佢話啱啱轉左呢款喎……呢個係木子嘅招牌item..咁都可以轉？！咁我去飲珍珠奶茶冇咁嬲…唔會再嚟…

仲記得幾年前，第一間開嘅木子甜品係開在荃灣，作為荃灣人既我地，當然係開業一星期未夠就去左食，當時好受歡迎，係成條甜品街（路德圍）最旺既一間初初食真心覺得唔錯，價錢算平，食物又算入到口，地點又方便。所以短時間內，就已經好成功地開左唔少分店，但後來又慢慢咁，一間又一間咁執笠，變得越來越少，可能係因為真係愈做愈差，朋友們都話，勁hea同難食左激多開頭我覺得紅豆湯同芋圓都好好食，紅豆湯算濃郁，啲芋圓又Q彈煙韌，岩晒我呢啲鐘意有咬口既人，同埋當時覺得雪芭都幾好食，尤其係豆腐味但最近食返，真係可以大呼好難食同無敵失望👊🏻👊🏻已經去到一個地步係，開始唔在乎味道了，只想滿足一下食芋圓既心，只求平平地食到個口感Q彈就算但，今時今日既木子話你知，除左愈來愈難食外，仲可以做絕啲，就係直頭連啲過左期，總之變左質（變酸左既芋圓，勁苦既白果）同激激激甜既紅綠豆等甜品材料都可以夠膽拎比客人食！！真心想問，係咪癡左線？有啲食材變壞左都唔知！食壞客人飽肚好大件事既道理都唔知道時，真擔心僅餘既幾間既前景，再這樣下去，應該做唔長了

今晚同好姐妹出來食糖水聚下~哈哈  佢地極力推介呢個木子 好啦,甘我就來試下啦我好中2食芋圓加,所以我就食呢個抹茶雪泥芋圓 我覺得個抹茶雪泥就普通啦,因為得好淡既抹茶味只不過,佢既芋圓真系好好味哈咯 ~~ 整體來講,都大致ok加~其實呢間幾平 哈

對不起 難聽啲講 今次係比錢食垃圾真心極之失望！我以前都好鐘意食木子架本來但無諗過變到咁差 咁食水深我都不過想同妹妹大人食個甜品姐 點解都要呃我錢喎 價與物毫不成正比！嬲！這樣過得去良心麼 真心dislike👎👎👎枉我當年好鐘意食你地既竽圓 又成日同朋友去食無食一排姐 紅豆沙湯底變紅豆糖漿水一灘有啲紅豆味嘅冰水載住幾粒一啲都吾Q嘅芋圓 仲要啲竽圓少到呢 除左必定有既3粒大竽圓外細粒果啲連4粒都無 會不會太慳成本了？大佬 成$24蚊碗比咁少料？紅豆水又甜到爆，食到一半已經食吾落去 🌚到碗咩椰子米線刨冰上枱 差點破口大罵除左舊椰子雪泥 同幾條啫哩粉絲外 其餘都係碎冰！碎冰！仲要都幾大粒！仲要無味 唉 好歹都加少少果漿果啲調味啦 咩味都無點食無味既一大碗碎冰！呢碗碎冰價值$30蚊！😡我們放棄了，除左想大叫「回水！」「回水」「回水」「回水」外，都唔知講咩好啦好多糖水鋪都出名食水深估唔到呢間會離譜到咁😡😡一杯碎冰$30 腐女我就不懂欣賞了！

之前喺旺角食過一次覺得唔錯 咁啱呢排勁想食芋圓 同時又去咗荃灣 所以就嚟咗木子甜品到食今次食咗熱嘅紫米湯椰果芋圓 啲椰果配喺熱嘅紫米湯到真係好香 好好食 令人好回味 碗嘢好足料 有好多地瓜圓同芋圓 地瓜圓嘅地瓜味好濃 相反 芋圓嘅芋頭味就淡啲 但我都非常鍾意 所有嘢都好夾 我個人嚟講好鐘意食另外 碗嘢都幾飽 食半碗個肚已經差唔多full 同時價錢都抵 呢碗只需$25 店員服務態度都好好 所以唔錯唔錯 值得一試