木子居酒屋

營業中

休息中

今次係大圍誤打誤撞入左間幾好氣氛嘅居酒屋😆裝修好有日本feel🇯🇵同朋友吹水一流🔹️爽口牛舌芯🐮👅 $118 超推介‼️必食👍牛舌芯超粉嫩😃仲要每塊都厚切😍食落超爽口😋配埋芥末籽醬好惹味😍食唔停口😋😋🔸️木子特上釜飯 $238 釜飯寫到明要等40分鐘，見到呢個釜飯好特別，有海膽、帆立貝、三文魚籽、蟹肉同三文魚😆飯量唔算多，大約可能有4碗飯到🤔料都有好多，不過呢啲料覺得做刺身會好啲😆擺左落啲釜飯到熟左就冇咁吸引😂但啲飯都做到好香嘅🔹️雜菌釜飯 $98反而呢個簡簡單單有幾款菇去做嘅釜飯好香菇味😆而且呢個價錢都合理嘅🔸️鹿兒豚肉清湯鍋 $138呢個真心好普通，得幾塊冇乜特別嘅豚肉同埋幾條菜🥲唔值呢個價🔹️雜錦天婦羅 $108佢嘅天婦羅炸得好香脆，食落唔會好油膩👍價錢就中規中矩🤔作為居酒屋都唔算好貴，如果想同朋友吹下水都係唔錯選擇jan_foodie

去咗大圍度探朋友，之後去附近到食晚飯，見到呢間居酒屋嘅餐牌好吸引同埋裝修好日本feel，一於入去試吓😋花酒醬油漬牡丹海老：見到是日推薦嘅餐牌呢個牡丹蝦又幾特別，真係冇介紹錯👍🏻牡丹蝦好大條！好多膏，肉質鮮甜爽口😋而最令我感到驚喜係佢嘅花酒醬油漬！好香嘅酒香！齒夾留香！推薦！和風3格：3款嘅涼菜，而我最鍾意嘅係醃蘿蔔，上面鋪咗柚子，醃蘿蔔同柚子一齊食，酸酸甜甜又清爽😋牛油果松葉蟹肉脆殼卷：松葉蟹肉好脆！同牛油果好配搭，而壽司飯係有味飯，所以唔使點豉油，不過好大舊，要咬兩啖😂豚肉豆苗卷：豚肉燒到外脆內軟，肉質嫩滑，而豆苗亦都好鮮嫩多汁，一咬落去，整個口腔充滿肉汁，正呀😍免治雞肉棒：雞肉嫩滑，燒到外面焦香，裡面juicy，點埋蛋汁，充滿蛋香😋😋黃金芝西京燒：食第一啖嘅時候，好creamy!! 之後慢慢透出芝士嘅香味，食唔停口！不過記得襯熱食呀😋

大圍積富街木子居酒屋,和風煮牛舌定食 ：牛舌用日本醬汁烹煮非常入味,而且牛舌煮得淋軟入口即溶,並無太濃牛嘅氈味,配上日本珍珠米食落幸福滿足.定食跟一碗紫菜味增湯,及一客海帶小食，最後仲有日本海鮮蒸蛋,真係有特別驚喜蒸蛋非常之滑流.

去咗位於大圍積富街木子居酒屋食lunch，呢度地方好寬敞，樓底仲好高，入到去見到牆上復古嘅海報、仲有到處擺放咗舊式銀色火水爐裝飾，就有如置身於日本江戶時代嘅居酒屋一樣，好多打卡位😍刺身定食六點配赤酢飯（$148）刺身有厚切肥美嘅三文魚同油甘魚，仲有我最愛之一嘅帶子和牡丹蝦,啖啖肉，而用醋醃製過的鯖魚都好好食，而薄切蜜柑鯛,師傅話這款養殖嘅鯛魚，用蜜柑嚟飼養的，唔怪得知食嘅時候有淡淡嘅蜜柑🍊香，肉質較實，所以薄切可以令食起來較有口感，配埋撒上飯素的赤酢飯，味道濃郁醇厚，還帶點酒的芳香，好好食。另外個set配埋嫩滑嘅茶蒸蛋（有冬菇蟹柳）、美味爽口嘅中華沙律及麵豉湯，百零蚊一個剌身定食，都好抵食👍😋另加一服務費@kiko.izakaya

【大圍•木子居酒屋】 ——————————————————大圍覓食，可以發掘唔少小店，呢間日本餐廳係個人幾鍾意，晚上時段特別滿座，多人一齊食仲可以坐榻榻米。🍯｜牛油果三文魚沙律｜HKD 98前菜揀了開胃的沙律菜，三文魚鮮甜，牛油果軟熟。🍯｜拖羅蓉脆脆餅｜HKD 78護心肉係豬肉的珍貴部位，燒香後油脂不會太多，爽滑彈牙，用生菜和泡菜包住食一流。🍯｜花魚一夜干| HKD 108店舖新產品，一於試吓。唔食壽司淨係食魚都可以食得飽，魚肉滿滿，乾燒後的香味，加上鹽。🍯｜月見燒飯團 ｜HKD 38飯團外面焦脆，入面軟熟，咬落有甜甜的醬油味和焦香，配合蛋黃食。🍯｜日式茶碗蒸 ｜HKD 28蛋嫩滑，熱辣辣🍯｜豚肉韭菜卷 ｜HKD 42醬汁燒得香口，咬落juicy，香濃韭菜味。

精選魚生丼 (秘之丼) $168✔️lunch set跟餐茶碗蒸，小食同面豉湯✔️全部魚生都勁新鮮，有赤蝦，蟹籽，三文魚，油甘魚，拖羅，帶子，鮑魚等等✔️拖羅非常肥美，充滿油脂，入口即溶✔️鮑魚係連殼上，清洗乾淨已剪好，口感爽口彈牙，味道帶點甜✔️赤蝦大隻，肉厚飽滿，蝦頭鮮甜✔️因為啲飯係曬底，個人認為食個陣問店員拎多隻碟會方便餸飯一齊食😂蒲燒鰻魚丼 $118✔️lunch set跟餐茶碗蒸，小食同面豉湯✔️鰻魚肥美充滿油香，而且燒得好香，唔乾✔️醬汁唔會過多，保留鰻魚嘅原汁原味✔️鰻魚冇骨冇刺👍🏼小食係中華沙律，好開胃。另外特別想highlight佢嘅茶碗蒸唔會太鹹，而且蛋係非常滑，亦充滿蛋香味; 麵豉湯入邊嘅豆腐都好香滑👍🏼成個set好有日本feel! 令人十分回味Igable打卡度：8/10好味度：8/10 Worth revisiting返兜度：7.5/10

#MC帶你去大圍大圍雖是住宅區，但自從開咗商場「圍方 The Wai」之後，吸引咗唔少人入大圍覓食。➖➖➖➖➖➖➖➖➖➖➖➖➖➖➖➖🥢 厚燒牛舌心 $118✨餐廳既招牌菜式✨依個必嗌！必點！必食！三件呈粉嫩色嘅牛舌心，火候控制得非常好！厚切之餘，口感超軟腍爽口，蘸埋芥末籽醬，非常惹味。➖➖➖➖➖➖➖➖➖➖➖➖➖➖➖➖🥢 木子三文魚盛合 $98不得不提，壽司飯係有另外調過味，買少見少！三文魚盛合有五款唔同口味嘅壽司／軍艦，好抵食。✅三文魚 ✅三文魚腩 ✅炙燒三文魚 ✅三文魚籽 ✅三文魚沙律➖➖➖➖➖➖➖➖➖➖➖➖➖➖➖➖🥢 和風炸雞 $88份量十分足料！即叫即製，炸到金黃色，熱辣辣，非常吸引！上枱時仲熱辣辣，食落香脆可口。➖➖➖➖➖➖➖➖➖➖➖➖➖➖➖➖🥢 雜錦天婦羅 $108有大蝦、茄子、青椒、脆魚，啱曬乜都想試嘅朋友仔。薄薄一層炸漿，食落鬆脆香口👍🏻。配上蘿蔔蓉天婦羅醬汁，完全無油膩感。➖➖➖➖➖➖➖➖➖➖➖➖➖➖➖➖🥢 福岡凍蕎麥麵 $98✨餐廳既招牌菜式✨配料十分豐富，有木魚絲、紫菜絲、脆米、溫泉蛋。將蕎麥麵同配料撈勻一齊食，口感好豐富😍➖➖➖➖➖➖➖➖➖➖➖➖➖➖➖➖✨ 環境餐

.大圍除左商場，都仲有好多小店值得去試試💁🏻‍♀️今晚同朋友去左木子居酒屋 ..我地兩個人被分派左去bar枱坐，可能見到廚師整野食食左人均大概$300💸💸..和風3格 78和風3格當中包含左3款前菜，包括芥末八爪魚、牛蒡及海拆..拖羅蓉脆脆餅 78拖羅蓉好鮮味，配上脆餅咸咸香香，配搭得好好，小朋友都岩食..長崎縣 深海池魚薄切 198好新鮮，鮮嫩肥美，配上柚子汁，伴碟都好精緻，形成一條船嘅擺盤🧡..三文魚加州卷 128選用嘅三文魚好肥美，飯面佈滿蟹子，爽脆嘅蟹子配上肥美富油脂嘅三文魚🍣做出好豐富嘅口感👍🏻😆..野菜天婦羅 78野菜天婦羅包含左菇、南瓜🎃、紫薯、青椒🫑，配上蘿蔔蓉天婦羅汁，天婦羅炸得香口，但完全沒有油膩感..地址：木子居酒屋 (大圍)大圍積富街33號積康樓地下E-G號舖..

木子居酒屋位於大圍積富街33號積康樓地下店內裝飾非常日式，擺設係日本酒樽同海報價錢非常大眾化前菜三品$78螺肉非常大粒，味道唔似平時食開果種鹹同辣呢度既味道微辣，岩我口味牛蒡健康食品非常爽口海蜇微微辣彈牙角切沙律$98刺身粒拌柚子醋蔬菜同車厘茄非常新鮮串燒雞軟骨$32以鹽調味低脂高蛋白日本宮崎腸$38必食腸仔微鹹咬開多汁酸汁大啡菇$32大啡菇同酸汁好夾草青味減少燒到多汁福崗冷蕎麥麵$98炸天婦羅脆卜卜蕎麥麵彈牙夠晒凍醬汁美味仲有隻溫泉蛋三色手卷$78海膽，吞拿魚蓉，三文魚子海膽新鮮,creamy吞拿魚蓉 口感豐富三文魚子 大大粒，鹹香鮮味松葉蟹軍艦$45＜2件＞即叫即整紫菜夠脆懶人必選唔洗拆殼蒸蛋$28非常滑溜味道岩岩好

《木子居酒屋》 🥗角切刺身和風沙律刺身有三文魚，呑拿魚同生蝦，份量都ok沙律正正常常，開胃既 🫓拖羅蓉脆脆餅香蔥本身都同拖羅好夾加埋脆脆餅食落更香口，有啲蝦餅味之餘，口感都更豐富 🍣三文魚籽海老卷我地影左陣相，炸蝦都keep都好脆，成個壽司卷口感好正，蟹籽卜卜脆，炸蝦脆中帶爽，加上三文魚籽係口中爆開既感覺，多重感受 🍠野菜天婦羅有無人同duck一樣中意食野菜天婦羅多啲😂佢有番薯，茄子，青椒，冬菇，南瓜等不得不讚佢既天婦羅炸漿整得幾好，炸出黎又鬆脆又夠薄個人最中意係番薯同南瓜，加埋天婦羅汁，咸咸甜甜咁 🥚日式茶碗蒸好滑好滑既蒸蛋，加上冬菇，鳴門卷，蔥等，真係唔錯 🍙月見燒飯團飯團焦焦脆膽，用上日本醬油同生雞蛋，都ok既 .__. .__. .__.🐥🐥🐥.__. .__. .__. 總結: 整體都唔錯，地址環境都好日式，可以一試Btw 上次duckduck已經飲過佢既巨蜂同柚子生啤，都覺得幾好飲，好易入口，大家都可以試下 環境：🐥🐥🐥🐥🐣/5服務態度：🐥🐥🐥🐥/5 食物質素：🐥🐥🐥🐥/5 性價比：🐥🐥🐥🐥/5 回頭率：🐥🐥🐥🐥/5

冇預約情況下，隨便揀一間日本野食坐低後其中一位同事幫我落單的一路都正正常常, 但隔咗一陣嚟咗碗海鮮丼飯, 我就同服務員講冇order呢個喎, 服務員便隨即拿走。 然後一位貌似店長或老闆娘的長衣服務員拎住碗飯嚟同我講: 先生呢碗飯，你自己喺個QR CODE度落單架喎！點會冇？ 仲要係講：點會冇？？？咁係咪即係話我厄你？做得飲食業 服務業 係咪睇左自己有冇問題先質疑個客呢？睇完一輪, 當然個飯唔係我㗎啦！一句唔好意思都冇！火都黎埋！乜料？ 野都未食就要受你氣？立時快快食完 快快走影響我心情。身為大圍人不會再幫襯。

今日又黎大圍支持下小店朋友力推話食物好食之餘價錢仲好合理一入到去就好似去左日本居酒屋咁見到佢哋裝修好有feel 勁適合朋友聚會♥︎首先要嗌啲送酒既小食同炸物推薦比大家一定要試呢度既名物煙豬肝 $58如果我自己睇餐牌就未必會揀店員知道我哋飲酒都推介我地試下講真係出面真係好少食到煙薰味好出色 豬肝外層小小煙韌內層就呈粉紅色好嫩滑野菜天婦羅 $78天婦羅炸到好脆 唔會太油三色手卷 $78饀料有三文魚籽、海膽、吞拿魚蓉啖啖都係料 口感真係好豐富 木子三文魚盛合 $98有5件唔同款式既三文魚壽司 好抵食三文魚、三文魚腩、炙燒三文魚、三文魚籽、三文魚沙律軍艦免治雞肉棒 $38雞肉棒入面仲有小小雞軟骨本身都有燒汁 點埋蛋汁更香滑月見燒飯團 $38呢個燒飯團都好有風味底面既飯粒都有微微焦香可以包埋紫菜同點蛋汁一齊食

👌🏻新年機票太貴去唔到日本，係香港搵間居酒屋頂下癮先都好 🇯🇵🎌 話說大圍呢間居酒屋，長期爆滿，見平日有時間一早約埋朋友試試佢 😛🔹牛肉辛味鍋辛辣微鹹既鍋物，湯底呈黃橙色，飲落辛中帶泡菜香辣，有種韓式辣湯既感覺，鍋中有牛肉、生菜、香菇等物，送湯食用滋味十足 💕🔸拖羅蓉脆脆餅無論係口感定味道都幾特別既一道小菜，以鮮甜既拖羅蓉置於脆餅之上，一口就可以盡得軟脆、甘甜既味道 😇🔹豚肉韮菜卷香烤過既日式串燒卷， 以肥瘦勻稱既豚肉包裏住厚厚既韮菜芯，口感係外軟內實 🤣 豚肉帶住獨有既油脂香，但因為韮菜芳馥既氣味而一掃油膩感，正 👍🏻🔸厚燒豬腩肉肥美厚實既豬腩肉，帶住邪惡既卡路里，但食完絕不後悔❗️燒後焦脆有味，帶黎陣陣脂香，咬落肉味香濃多汁，食到停唔到手 😫😫🔹 雜錦天婦羅有海蝦、茄子、南瓜、脆魚等等既雜錦天婦羅，食落薄脆香口，油份不重，食完唔覺油 　👍🏻🔸月見燒飯團燒得焦香乾身既飯團，以紫菜包住再點上月見蛋食用，正好完滿結束豐盛既一餐～🔹🔸🔹🔸🔹🔸🔹🔸🔹🔸🔹🔸 木子居酒屋 (大圍)📍大圍積富街33號積康樓地下E-G號舖💸 $ 440

大圍探朋友再來探訪“木子居酒屋”簡單而美味的Lunch 定食(包蒸蛋/小食/麵豉湯)店內座位舒適寬敞，裝修是日本風木系裝飾,牆邊放滿日本酒樽擺設，在繁忙的生活用短短時間享受午餐，已感覺去咗日本咁好放鬆😍👅和風煮牛舌定食 $ 98牛舌口感嫩滑，煮得淋軟入口即溶,又無牛嘅氈味,日本溫泉蛋超香濃蛋味，配上日本珍珠米有幸福滿足感😍🍚🍣火炙雜錦海鮮丼 $118海鮮丼鋪滿新鮮刺身,大大片帶子/三文魚/油甘魚/左口群邊，炙燒過的刺身,魚油特別香濃好味，配上秘制醬油煮的日本珍珠飯令人停唔到口😋最愛食蒸蛋真係無得輸超香滑😋

木子居酒屋📌大圍火車站A出口,行約4分鐘今日同朋友入咗嚟行大圍圍方及外圍附近商店，行過見呢間居酒屋環境裝修唔錯，外面掛滿紅紅的日式燈籠。入店內見樓底幾高，幾舒服。還設有吧枱及和風座位。今晚我們就叫咗以下食物：1.土佐豆腐 $682.和風三格 $783.鹿兒島豚肉清湯鍋$1384.木子三文魚盛合$985.花子一夜干（$108）總結：呢度適合三五知己放工一齊嚟傾吓，吹吓水，聚一聚。如果喺附近住嘅朋友外賣自取，原來全單有八折。😄咁就好抵食啦。👏👏