木子居酒屋

營業中

休息中

又嚟大圍搵食喇🤣 今次就同朋友試吓呢間居酒屋🙂‍↕️富山炸白蝦白蝦食落好脆口，每隻size都唔細😆炸得香脆但又唔會太油😋用嚟送酒一流😆阿波尾雞翼一上枱就見到雞翼金黃色，色澤好靚🤩雞翼帶有鹹香味，食落好滑，有半煎炸嘅口感😋雜錦天婦羅天婦羅包括冬菇、炸蝦、魚柳、南瓜同埋粟米芯。佢哋嘅炸粉唔會好厚，食落香脆得嚟又唔會太油膩🤩點埋佢嘅天婦羅汁同埋蘿蔔蓉一齊食，味道就更豐富🙂‍↕️和風3格三款前菜包括咗辣味螺肉、醃蘿蔔同埋海蜇。辣味螺肉食落爽口，帶有辣味之餘又唔會太嗆口。醃蘿蔔幾特別🫣因為佢面頭有柚子，所以同平時淨係酸味嘅醃蘿蔔相比，佢帶有柚子嘅清甜，更加開胃🤩而海蜇就用咗麻油調味，食落一樣好爽口。黑松露鰻魚卷最重點就係呢個鰻魚卷，一上枱就聞到濃濃嘅黑松露味，擺盤非常精緻。鰻魚卷中心有青瓜絲，而飯就係醋飯。食晒咁多舊都唔會覺得膩，反而食完一舊會想繼續食下一舊🤣

今晚嚟開呢頭，又揀返木子上次同朋友食完覺得唔錯，環境舒適料理特色，居酒屋最好就份量細細哋又可以試多啲，啱晒我哋女士，仲可以飲吓野傾偈和風三格味付海蜇、醬油牛蒡漬、辣味螺肉開胃茶三文魚加州卷卷物餡料豐富，粒粒黄金蟹籽與鮭魚，充滿Omega秋葵灑上跳跳魚燒得唔會過火，脆脆的免治雞肉，微微軟骨口感，而且外脆內嫩，配上日本蛋及醬油燒山芋口感粉爽驚喜，低卡高纖，健康好味蒲燒鰻魚原條炭爐上，熱住食…充滿醬香燒醬汁，貼心到切成一件件同朋友仔🥢夾得自在，厚實油脂豐富

🤎 以我記憶中大圍好似唔多居酒屋🤔 所以如果真係想喺大圍搵間日式居酒屋食嘢傾偈🏮木子居酒屋都係好選擇😁 樓底好高空間咁都足夠。🤎 角切刺身沙律 $98角切切身都有幾款種類，有赤蝦, 三文魚, 油甘魚等，同埋全部都大大粒👍🏼 仲有魚子添！😍 做開胃菜很不錯~🤎 刺身盛合3點 $168有三文魚，油甘魚，同埋帆立貝😌 非常新鮮🤎 三色腐皮海賊 $98個名叫海賊🏴‍☠️應該係因為腐皮個底好似架海盜船🤣 每一嚿都唔同口味，我自己就最鍾意吞拿魚蓉嗰嚿🤓 腐皮甜甜地，加埋刺身都幾夾。🤎 嚟到木子居酒屋一定要試呢度嘅燒物！好好食😋🤎 阿波尾雞翼 (2隻) $58 燒雞翼~ 我最鍾意食~ 😍 燒得好香脆，又唔會太乾。🤎 鹽燒雞頸肉 $32平時比較食雞頸肉，原來都幾爽脆。🤎 荔枝豚肉卷 $38極推薦呢個！荔枝好甜🥹 加埋包住佢嘅豚肉，鹹甜相加，豬肉嘅油香加埋荔枝嘅清新，好好食呀！😋

本身好期待 老實講入到去環境都算係咁 之後搵服務員問嘢嘅時候佢本身已經有啲唔耐煩咁樣應我 始終佢個餐牌寫得唔係太清晰 第一次入去嚟講問多少少都係正常 點知原來本身想食嗰個飯好似要等成45分鐘 但係印象中入座又有限時 咁其實等完都食唔到好耐 就叫咗另一個貴少少嘅丼飯 點知嚟到個size佢同平時飲水嗰啲杯一樣咁細😅係真係誇張地細同個手掌差唔多 真係一個拳頭咁大 食完好似冇食咁樣 即係都明白本身居酒屋價錢都係偏貴 但係個質量完全唔成正比 因為嗌咗啲小食都唔覺得特別好食 仲要勁誇張嘅係啲小食都真係好少好少之後咁啱隔籬枱同我哋叫嘅類型係一樣 見到佢哋啲嘢食到咗嘅時候都呆咗 佢哋都問個職員有冇得加飯 個職員話上面啲嘢食值呢個價錢 咁但係啲飯使唔使少到咁樣 之後我哋都嚇親問佢哋係真係咁少嘅 佢哋啲態度比本身仲差咗 就連走嘅時候都好似喺度講人閑話 連招待都冇 好少特登留負評 體驗實在係太差 第一次都會係最後一次😅

📍木子居酒屋 (大圍)地址：大圍積富街33號積康樓地下E-G號舖🩵生芥辣八爪魚粒：每次吃日料必點的前菜！生八爪魚粒Q彈有嚼勁，搭配生芥辣，刺激味蕾，真的停不下來🩵火炙左口魚邊壽司：自從第一次吃左口魚後，真的每次必點！左口魚的表面經過輕微炙燒，豐富的油脂爆滿整個口腔，鮮美無比！🩵牛油果松葉蟹肉脆殼卷：牛油果的綿密和松葉蟹肉的鮮甜相互融合，軟殼蟹的香脆又增添了層次感，大推！🩵劍魚腩壽司：厚切劍魚腩肉質肥美且鮮嫩，配上醋飯，口感滑順🩵辣三文魚軍艦（2件）：辣三文魚有驚艷到我！一粒一粒很有口感，辣味也適中！🩵厚燒豬腩肉：豬腩肉經過厚燒處理，外皮微脆、內裡柔嫩多汁，肉質油脂豐富🩵豚肉豆苗卷：很有創意的一道烤串！豚肉的鮮香與豆苗的清爽相互搭配，口感清新不油膩🩵免治雞肉棒：肉質紮實，蘸上無菌蛋，每一口都很滿足！🩵荔枝豚肉卷：這個串串也很有創意！豚肉卷夾了荔枝，讓豚肉的咸香和荔枝的果香相互交融，口感很獨特🩵阿波尾雞皮：雞皮烤得特別香脆，還帶有一點小油脂，咸香味十足🩵土佐豆腐：外脆裡嫩，豆腐的質地滑嫩，配料簡單卻能突顯豆腐的原味！

上次見朋友食過居酒屋.心思思自己都想食.一個人食飯去居酒屋應該都幾適合.係大圍住左年幾都無發現尼間居酒屋.既然食物有意外驚喜.附近終於揾到一間好食的鋪頭.發現有我鐘意食的雞胸軟骨串.正啊..坐吧檯.一個人飲酒玩電話都幾好.

見到openrice咁多正評諗住無問題，原來係一個大伏，order咗一碗三色飯，點知份量少得可憐，同店員理論，點解一個價值$218嘅飯係得一個小碗？佢只答我呢度都有一碗飯，刺身得少少，飯得一小碗，離曬譜！簡直係㩒住黎搶！又唔會好似其他鋪有得免費添一次飯！佢仲話午餐份量多d，而家係講緊晚餐份量少得過份，關午餐份量有咩關係？呢間嘢一定唔會有下次！食到一肚火！完全覺得無良！點可以咁樣對待食客？份量完全係侮辱！

叫個丼飯 可以得拳頭咁大 兩啖就冇晒 完全唔知食緊啲咩 咁就二百幾一碗 真係想講咁樣嘅份量我不如嗌刺身算啦 二百幾蚊得個一兩啖 你咁樣都叫做丼飯？態度仲要差到不得了 我肯定我唔係第一個咁樣講嘅人 因為食飯嘅時候隔籬嗰台一樣都係同我哋嗌咗丼飯 佢哋都嬲到黐咗線 好笑嘅係仲去問個職員可唔可以加飯 依間嘢真係垃圾到不得了

今日去開大圍，search睇吓大圍有咩食，見到呢間幾多好評，又有啲掛住日本嘅味道，就諗住試吓。但入到去第一下感覺係覺得態度麻麻，水/茶都冇一杯，講嘢冇尾音，咁啱坐正風口位想問可唔可以調位，同場只坐咗一半full, 但個staff回應係「唔得。🙄」其他staff個樣都係「🙄」「🫤」<— 真係唔係誇張。講返啲嘢食，份量極細，嗌咗「精選魚生丼- 海鹽火炙左口魚邊丼」同「特上牛舌丼」。海鹽火炙左口魚邊丼 有少少腥，偏油膩，冇乜魚味，亦都唔覺得有海鹽。飯底有調味過，還算可以。特上牛舌丼 - 牛舌非常薄身，冇牛味，白飯底⋯好普通。前菜只係中華沙律，茶碗蒸亦都冇乜料，但調味尚算唔錯。總括而言，服務態度係一個重點要改善嘅地方。價錢貴唔貴對每個人定義都唔同，但冇人會想入去受氣同睇你哋黑面。

今日行左黎呢間日本餐廳食lunch，天氣又有啲焗，行去餐廳又行到出曬汗，所以就想食丼飯，掃QR code 落單見到個角切刺身丼飯有優惠，問下店員有咩優惠，原來今日係$58，再加一，不過個飯會比平時個啲份量少啲。一上枱size又真係幾細🤣🤣好在啲刺身粒都算新鮮，飯又夠硬身，係我中意的口感，用左赤醋，都好食，跟餐仲附送，前菜中華沙律，蒸蛋，麵豉湯🥰🥰$58 加一黎講都算ok，店員都好主動去加熱茶👍👍

呢間日式居酒屋算係值得一試 上個月食過 覺得d野食唔錯 今次再黎首先食物質素keep住幾好 d汁同串燒好夾味 生蠔係店員推薦 都好好食 真係手掌甘大🤣🤣個環境就差少少😅 d枱比較密而且好細 如果叫太多野就無位放 燈光都比較暗 服務態度幾好👍 我地母親節當日去 見到店員妹妹都一直忙緊 但都會耐心咁推薦同教我地點樣食 比上嗰月既西面店員好 今次值得加一  希望可以keep住🙏建議7點半後黎食 可以坐耐啲 唔洗趕住還枱

今日訂位食即日有位，心諗try try 啦，點知＿＿唔好講話好好食，一入去黑口黑面冇笑容好似叫你唔好食，服務態度已經擺明一切，價錢一定貴但服務質素只可以用＜差＞，真係一啲都唔值俾千幾蚊食，壽喜燒火鍋398蚊湯底冇乜味，叫左個刺身六食，個海膽刺身臭，帶子唔新鮮，38蚊杯野飲得兩枝益力份量，其他一般般，收得哩個收費冇理由嗰待應好似屋企人過身一樣，黑口黑面依個部好需要改善。你服務態度唔好唔會有人再黎幫襯你。。

唐揚魫魚鬚 魷魚鬚粉漿做得幾好 魷魚鬚大大條 食落外層酥脆 忍唔住不停係咁食😛三色腐皮海賊 ， 三款嘅餡料分別係松葉蟹蟹肉蟹膏、三文魚同埋吞拿魚，餡料裝滿晒成個腐皮 ， 腐皮甜甜地三款餡料都非常鮮甜👍🏻燒秋葵上面加咗木魚碎 秋葵燒得 啱啱好豚肉韮菜卷 豚肉卷裏面包着大量韭菜 非常足料包得大大嚿 香脆外層嘅豚肉食落嗰時食到韭菜嘅菜汁 唔錯💓福岡凍蕃麥麵 夏天食呢個啱晒 冷麵汁好清新而且配上大量天婦羅水同埋蛋非常好食😍👍🏻蔥碎吞拿魚蓉軍艦 吞拿魚蓉食鮮甜好食辣三文魚軍艦 配上少少辣嘅醬汁而且大量三文魚開胃又清新😍阿波尾雞翼 口感爽脆嫩滑 🐥日式茶碗蒸夠晒熱辣辣餐廳整體幾高質會再嚟食🥰

成間店以木系建築，有榻榻米，亦有木枱凳，外面居酒屋嘅燈籠，佈置到仿如置身日本咁佢食物種類多，如烏冬，串燒，天婦羅都幾吸引，加上聽過佢拖羅新鮮肥美，想試下坐低職員會端上前菜，凍海蜇，凍牛蒡海蜇好爽口，好香麻油味凍海蜇平時比較少啲遇到，係實心爽脆，健康之選點左鮪魚壽司拼盤 $298 有五件,係肥美嘅吞拿魚，其中2件係火炙鮪魚，入口即溶，口感嫩滑，另外鮪魚壽司🍣好新鮮，帶甘甜味旁邊有小卷物一客（6件） 青瓜絲卷物上面有滿滿的拖羅蓉，口感豐富免治雞肉棒 $38雞肉棒好大條，外層用燒汁燒到好香脆，裡面食到雞軟骨，另有月見蛋，點埋蛋汁口感更佳豚肉韮菜卷 $42 豚肉肥瘦分佈均勻，豚肉烤到好香，脆卜卜外層嘅豚肉包住厚厚韭菜芯，韭菜唔會太韌，一啖放入口，豚肉嘅油脂香+韭菜嘅汁同香味爆出黎鹽燒油甘魚鮫 $108 燒到好乾身，外面微燶，食到魚油嘅脂香味，魚肉嫩滑，魚鮫有肉嘅部位算多福岡凍蕎麥麵 $98配料多，有紫菜絲，木魚絲，天婦羅脆脆，溫泉蛋，拮穿蛋黃，拌勻蕎麥冷麵汁食，帶少少酸味幾開胃

唔講食物質素 人均$200+ up（叫左一個手卷，1個得幾塊肉既鍋，喬麥面同一杯野飲）， 竟然仲要同人搭枱食。 坐底杯又無， 茶又無， 又係qr code落單， 想問點解仲要收服務費？ 服務左d乜呢？