望月軒

營業中

休息中

新年前總是有一大堆工作，太累了！這晚放工跟朋友到上環望月軒喝杯茶靜心一下，再來川粵菜系小菜，為自己充充電！即使最近消化不良，這晚我也吃了不少呢﹗先來有我愛的蜜汁火肪配夾包，金華火腿肥瘦得宜，把鹹甜的金華火腿、脆炸腐皮、青瓜夾在軟熟包內同吃，口感豐富，絕對是一試會愛上的。甜蜜過後，有川式香辣蝦球，蝦球大隻爽彈，加上料頭及醬料爆炒，微辣且惹味，回味中。清炒萵筍絲，加上少許紅蘿蔔絲簡單快炒，爽脆細嫩又鮮甜。京蔥爆安格斯牛肉，好大塊的牛肉，而且份量也不少，跟平時吃的京蔥爆牛肉有點不一樣，這裡加入了孜然粉，加上香甜京蔥，有驚喜。啫啫芥蘭煲，芥蘭幼嫩爽甜，搭配大量蝦乾、薑、蒜放煲中炒焗，好惹味，建議不要放太久，不然，芥蘭會過於腍身了。最後，來個滋潤的銀耳羹降降火，多謝朋友為我們安排這頓晚飯。

在求學時期十多年及在家裏，從未聽過學過「儀式感」這個名詞，直至三數年前，在社交媒體才認識及了解，其實父母輩並不重視甚至漠視甚麼生日或結婚週年，所以為人子時，到了生日，莫說是生日蛋糕，連烚雞蛋也沒有，然而，時代變遷，為人夫為人父後，在家人生日或紀念日，生日蛋糕、禮物，吃餐好一點等等，我總不會遺忘，雖然做了，但不知這就是儀式感。若干年前，小弟是在這商場這個位置，為了人生大事而大排筵席，就儀式感而言，今晚是要慶祝的，舊地重遊，想懐緬嘉賓滿堂，觥籌交錯等情景，然而桃花依舊，人面全非，大酒樓變成小菜軒，為免望門興嘆，望月軒也一試無妨！小軒有好幾間廳房，據說已訂滿，而散座約有三、四檯左右，檯的分隔不密，舒適怡人。細閱菜譜一遍，種類繁多，多省會的菜式也有，惟我倆都鍾情於二人套餐。先來時令燉湯，以小湯盅盛著，甫入口是燙口的，還會黏黏嘴唇，湯最重要是夠熱，縱使有什麼珍貴材料，若湯是不熱或是和暖的，那些材料真是「泡湯」了。這盅燉湯的材料很豐富，有螺頭，瑤柱，赤肉，雞腳和很珍貴的羊肚菌，湯色清澈，味道甘甜，我一滴也喝光。宣威蜜汁火肪，伴着蝴蝶餅來，火腿給蜜汁餞得通透，用蝴蝶餅夾着，加上青瓜和炸得脆脆的腐皮，

「海上生明月，天涯共此時，情人怨遙夜，竟夕起相思」。這間鄰近上環碼頭的望月軒，以海為鄰，以月為伴，以家鄉的味道撫慰遊子思念之情。精選海鮮二人餐 $688🍀時令燉湯是日燉湯乃雲南鮮天麻汽鍋雞，材料十足，滋潤養生，暖心暖胃。🍀宣威蜜汁火肪必點推介的經典菜式，雲南的宣威火腿，肉質細緻，鹽分較輕，師傅以蜜汁調配比例非常恰當，不太甜膩且不減火腿的咸香，同時增芳添鮮。以軟熟的刈包夾著火腿及脆片同吃，口感豐富，人間極品。🍀板燒薑蔥鮮鮑魚鮑魚在鐵板端上，縷縷輕煙，滋滋作響，香氣撲鼻，令人食慾大增。師傅刀法一流，鮑魚片切得超薄，爽口彈牙，惹味到極。🍀蒜蓉開邊蒸波士頓龍蝦相當足稱的波士頓龍蝦，食材新鮮，龍蝦肉質結實彈牙，海量的蒜蓉配搭粉絲，增添無限風味。🍀翡翠時蔬🍀養顏冰糖銀耳羹或水果🍀茶位 $25

望月軒格調優雅，座位舒適，環境比一般酒樓寧靜，透過落地大玻璃，無敵海景盡收眼底，令人食慾大開。雀籠點心拼盤 168🌸啤梨咸水角（2件）🌸蝦餃(2隻）🌸望月小籠包（2件） 🌸燒賣(2隻）🌸大桔大利包(2件）🌸蝦多士(2件)點心以三層鳥籠盛著，啤梨型咸水角可愛又圓碌碌，內裡填滿豬肉碎、韭菜和蝦米，帶濃濃肉汁香。蝦餃皮薄熱燙，包著滿滿的鮮蝦，爽口彈牙。小籠包很誘人，大口咬下去，肉湯洶湧而出，鮮香美味。蝦多士甘香酥化，配上彈牙蝦肉，十分惹味。大桔大利包鬆化包皮，裏面滑溜的奶黃，甜度適中，令人百吃不厭。海鮮套餐（2人餐）688是日燉湯天麻氣鍋雞是滋補的藥膳美食，加入雞件、天麻、枸杞、大棗及薑絲，蒸氣慢慢凝聚成湯水，食材保持原汁原味，味道鮮甜，十分暖胃。入口充滿雞汁精華，加上綿軟的雞件，薑絲提鮮，微微香辣，滋補暖身。蜜汁火肪蜜汁火肪是傳統江浙菜，質感變得鬆化。以火腿加入蜜汁慢熬，把金華火腿的咸香精華，與冰糖融合，色澤赤紅的火腿，切成薄片，夾在蒸軟的饅頭中享用，集鹹香、蜜甜及鬆軟於一身，令人再三回味。板燒薑蔥鮮鮑魚鮮鮑魚拆殼切片板燒，浸没在濃郁的薑蔥蒜油之中，味道香濃，呈現另一份風味。鮑魚肉感紮實，

她, 要與閨蜜BOBO餞別, 換言之又有朋友移民, 無奈.她叫苦榮找地方. 主角要求好簡單, 川菜和點心, 因為怕在外地吃不到正宗味道. 苦榮想到了早前與她食過, 念念不忘的望月軒. 蝦餃燒賣做到傳統口味, 啤梨咸水角外型吸引, 味道唔錯. 酸菜魚好大份, 桂花魚片好多, 好嫩滑, 酸得黎小小辣, 開胃, 苦榮追住黎食. 甜燒白苦榮第一見聽, 原來係四川傳統野, 是糯米飯蓋住五花肉和豆沙, 上面有埋砂糖, 當咸食又得, 當甜品又得, 有趣.  叫多份真正甜品, 雷沙湯丸, 好熱, 好香芝麻味, 軟熟好食.苦榮與她, 祝BOBO在外地生活愉快.

近來多咗同老婆出街食飯，其實無咩原因，當喺支持吓香港餐飲業，亦可以話喺想試吓唔同嘢。今晚佢要過嚟港島區攞證書，而食友推介，就嚟咗信德中心嘅「望月軒」，因為信德呢度好似進行大翻新，所以，都要兜兩兜先搵到餐廳。踏進餐廳，環境真喺幾雅致，雖然都有啲傳統中菜館嘅格局，但一來枱櫈排得唔密，二來侍應都好醒目，安排啲客人坐疏啲，隔住枱咁坐，咁大家傾偈都自在啲。入門口左邊有幾張二人座嘅馬蹄位，其實功能就等同卡位，當然，依家設計成咁就顯得優雅好多啦；仲有，抬頭一睇，啲吊燈都好靚架。此外，近門口位放咗個魚缸，擺咗好多活海鮮，因此，我哋今晚都揀咗個套餐食，因為品嚐到其中兩款海鮮。再行入啲，見到幾大罌酒，好奇望兩眼，原來喺自家手工釀造嘅酒，由左至右：有機檸檬養顏酒、天山瑪咖養身酒、梅子酒、野生蟲草松茸酒，每壺定價$68-$108，不過，我哋就唔好酒，否則都可能叫一壺試試。 主餐牌內有好多選擇，主打喺川菜同粵菜，亦有唔少秋冬推廣嘅精選菜式，甚至盆菜都有做。而我哋就睇啱店家嘅套餐，分別有2人、4人套餐，前者為$688，後者就$1,588，另收茶位$25及加一服務費。睇過散點嘅價錢，好似燉湯都要近百元一客，一份例牌

為免聖誕節多人，加上不一定要食西餐；在12月中，跟一位好姊妹先約在上環信德中心3樓澳門廣場的 <望月軒> 嚐中式晚餐，然後，一起搭地鐵到金鐘太古廣場影聖誕裝飾！餐牌 依上桌次序：糯香蓮藕 $68一客8片，這是涼拌小食，見到餐牌發現這款小食幾特別！ 由於配上蜜糖、桂花，味道甜美；熟透的蓮藕質感粉腍，有時，一夾就斷開，就算蓮藕孔隱藏糯米飯，也不會覺得膩滯！宣威蜜汁火方 $198/ 4件包括：夾膜、青瓜、脆片、被蜜糖醃製的豚肉，脂肪晶瑩不甜膩！水準之作！花膠菜膽燉花菇湯 $108/位食材包括：花膠、螺頭、雞脚、瑤柱、瘦肉、冬菇、燉湯清而鮮， 其鮮味相信主要來自螺頭，連冬菇也有菌香及鹹味，而且好少油！健康又滋補！清炒蒿筍絲 $98口味清而夠味，蒿筍絲入口略帶清爽，而且少油，是一道清新味蕾的菜式！板燒薑蔥燒鮑魚 $238起初，我們打算點黑松露炒鮑魚，男店員推介我們另一款抵食啲嘅鐵板鮑魚，師傅刀功一流，薄切鮑魚香口惹味之餘，還提升鮮味！配料的洋蔥、蔥也不要放過呢！茶位：$25

飲食趨勢不斷在變，個人也隨之而改變口味喜好；近年越來越喜歡吃辣，不論香辣、麻辣、酸辣的刺激，都能攻陷到我。當然，吃辣也要吃得有要求，冬天這晚就來一埸「尋辣記」，和同樣嗜辣的好友來個辣局。在門口已見到四款特色自釀酒：自家手工釀造天山瑪咖養身酒、自家手工釀造有機檸檬養顏酒、自家手工釀造野生松茸酒、白家手工釀造梅子酒，由 HK$68至 HK$108不等一壼。本來想點檸檬養顏酒，可惜女侍應阿姨話未浸夠時候，反推介我這個「天山瑪咖養身酒」HK$78小小的一壼，養身酒味道微甜帶少許紹興酒香，女侍應阿姨說適合男士飲用。見到有瑪咖成份，明白晒，阿姨鬼馬啊妳！XD這裏拿手的辣菜，主打川滬系，「四川回鍋肉」HK$138首先要一讚取材，五花腩片肉質柔軟，肥瘦相間帶皮，薄切之後爆炒。肉和蔥絲沾滿川椒辣醬，濃味卻不油，整體鑊氣夠，可說是下飯神器，我自己就吃得很過癮：秋冬時分不能排缺乏湯水，點了兩個冬天湯品，「花膠菜膽燉花菇」HK$108，內有雞腳、冬菇、白菜膽、瘦肉、還有巨型花膠：正氣暖胃，湯無味精感，甚真材實料，厚肉南非花膠除了口感豐富，也極具滋補作用，飲完全身暖笠笠 ：「雲南鮮天麻汽鍋雞」HK$88此湯用產

節慶為冬日帶來溫暖，家人和朋友則是節日𥚃不滅的火光，至少我感受得到。大抵已有一年時間了吧，大家各有各忙，沒有好好的詳談，就以 年尾作為無可推搪的理由 — 朋友總是要見見面，保持溫度啊！那天三個半小時不絕的話題，感覺到那兩個老舊熱水壺保溫度極高，還罕有地衝破容量的界限，點心、麵食、小菜一道接一道，最後再來一個羊腩煲，火光就那樣微妙地燃亮著！望月軒集合廣東及四川兩大菜式，友人發辦先來幾款廣東點心。造型可愛的啤梨鹹水角 HK$49 ，皮薄而不油，餡料除不會糊糊外、更散發著懷舊鹹水角的蝦米香，能重溫得到鹹水角的美味，實在是大滿足！一啖可以吃到爽口蝦肉與及彈牙的蝦膠，加上蟹籽吊出的鮮味，蟹籽燒賣皇 HK$59 的質素絕不遜色，不能放過啊！樣子討好、顏色奪目，意頭滿滿的大吉大利包 HK$49，特別在於蓮蓉與吉士中西合璧的包餡，香味獨突、甜度輕柔，可以當作甜品享用！而我最喜歡它鬆彈軟綿的皮層。我們沒有吃太辣，不過奇味小酥肉 HK$98 卻是另類的四川選擇！酥肉火喉恰好，入口完全不油膩，咀嚼到表層酥脆的同時，極香的豬肉又在口腔裡彈出，令人一口接一口，惹味得無法停下來！平易近人的四川擔擔麵 HK$49，

星期日放假去咗港島行街SHOPPING，晚餐時間揀咗位於上環既望月軒，餐廳之前星期日同假期都唔開，而家星期一至日都開啦～以後港島區食粵菜又多個選擇！雲南鮮天麻汽鍋雞天氣凍咗唔少，叫咗個湯暖暖身。鮮天麻汽鍋雞唔落水，飲落啖啖原汁原味，湯頭清鮮，雞肉嫩滑，具有補氣養血、潤肺補腎等功效，呢個天氣飲用特別適合！四川口水雞冷盤試咗四川口水雞，紅油用得豪氣，滿滿一大盤上枱，集麻辣、鮮香、嫩爽於一身，辣度十足，嚐辣人士必試～老字號樟茶鴨經典菜式之一，香氣濃郁，皮酥肉嫩，色澤相當紅潤，入口帶獨特樟茶香，鴨件肉腍嫩滑，口感豐腴而不失鴨本身味道，啖啖肉，酥香而不膩。松子桂花魚是日最愛菜式！先將魚去骨、炸製再澆上糖醋汁，味道鮮甜脆嫩、酸甜醒胃，口感一流！大廚將火候控制得宜，桂花魚昂首翹尾，魚身粉漿厚薄適中，魚肉細嫩無比，實在令人回味無窮！瑤柱銀絲雜菜煲呢個雜菜銀絲煲好有媽媽的味道！足料又惹味，粉絲煮至軟腍，雜菜新鮮翠綠，健康之選。望月軒📍上環干諾道中168-200號信德中心西座3樓澳門廣場3017號舖

想食滋味粵菜，好友推介可到上環一試望月軒✨以往因疫情星期日及假期均休息，而家復常後天天開放，周日同屋企人終於有機會一試😍😍🔹羊肚菌燉走地雞鮮美滋潤湯水最岩秋冬乾燥天氣滋補一下🩷 羊肚菌香爽，走地雞滑嫩啖啖肉，味道鮮香又有營養👍🏻🔹鮮百合翠炒帶子大大粒帶子相當吸晴，彈牙爽滑～鮮百合脆甜、蜜糖豆飽滿有咬口，顏色鮮艷大人小朋友都岩食😋😋🔹面醬栗子炆雞煲精選季節時令栗子🌰粉糯香甜又入味～雞件經長時間炆煮後依然嫩滑多汁，原煲上保持熱度，值得一讚！🔹老字號樟茶鴨金紅色澤誘人，外酥香內嫩滑，食落更有樟茶獨有香氣，咸香風味十足，好出色！難怪成為四川經典傳統名餚之一！🔹松子桂花魚造型生動，師傅功架十足，味道酸甜咸鮮，魚肉飽滿，又脆又嫩，酸甜汁加入松子更能豐富口感。望月軒✨📍上環干諾道中168-200號信德中心西座3樓澳門廣場3017號舖

有些地方，總會因為某些原因，到咁上下時候都會翻兜，包括呢間望月軒。再次踏足此地，感覺好像有些不同，後來店員提醒我，是換了地氈，的確是小改變大改善。是夜只得我與朋友兩人，坐在靠近門口的沙發位，更加舒適。以往外出食飯甚少會點湯品，不過近排缺乏湯水，忽然好想喝口湯。朋友飲天麻汽鍋雞，好似幾滋補，而我則選擇羊肚菌燉走地雞，清甜濃郁的湯頭，喝得非常舒暢。宣威蜜汁火方，是每次來到必點的好東西。自行將軟熟的蝴蝶包包裹著脆卜卜的炸腐皮與及咸香甜蜜的火腿，一同放入口，實在滿足。特別欣賞呢度既金華火腿夠香而不死硬，愈嚼愈滋味。認識我既朋友都知道我中意食香口嘢，食菜都唔例外，啫啫芥蘭就岩晒我。上桌時的沙沙聲響已夠吸引，爽脆、惹味，合心。食埋碗清潤既冰花雪耳糖水，同埋清新的桂花糕，已經飽飽。

朋友，我就嚟講下上次去到間港式茶樓嘅真切體會。首先，條蝦餃真係得！蝦餃蝦肉彈牙，皮薄透明，一咬落去，鮮味直沖腦門。😍然後望月小籠包，啫啫汁水喺餡裏面打轉，好滋味，不過攞相攞得遲咗，啲皮略硬，真係有啲嬲。🤦‍♂️ 生煎包就無得輸，底部酥脆，肉餡又多汁，一啖一啖嘅，正擰擰地來！蝦米腸粉煎得又香又滑，啖啖心水。👌至於啲上素菜苗餃，吖，菜嘅清甜固然好吸引，但嗰皮呢，略嫌有啲太黏口。最後個素鵝，叫好！脆皮五香味噌，味道夠香，入口即化，簡直係素食界嘅神來之筆。結尾嘅酒釀丸子，香甜適中，完美收尾。整體來講，呢度嘅茶樓小食真係可以話係點心界嘅良心，個個都攞嚟解饞，真正憎得放唔落。下次仲要再嚟挑戰啲新小吃！你地都快啲試吓啦！

呢排個中菜胃真係好有食神！之前食咗兩間酒店嘅中菜好今餐就去咗間有質素嘅中菜館開餐。講緊就係老婆大人好鍾意去嘅望月軒，之前佢已經想約朋友嚟食飯點知嗰日原來仲未全面恢復而休息，不過而家已經正常返晒每日都可以嚟食飯嚕！老婆大人真係好鬼眼利(我要小心啲哈哈)！見到廚房門口掛咗呢對偽臘肉，其實係玉石嚟嘅不過真係好似勁搞鬼。坐低整碗熱辣辣嘅燉湯飲吓先！上次試咗汽鍋雞今次就飲羊肚菌燉走地雞，嘩一飲落口好香羊肚菌味加埋雞香味呢碗燉湯真係好鬼香甜。大家都知我老婆大人最鍾意食辣嘢可惜我唔爭氣唔係好食得辣！好彩有朋友陪佢食咁就嗌個四川口水雞俾佢哋嘆吓，其實我都試咗一舊雞味道真係幾香，可惜對我嚟講真係好辣唯有放棄！不過四川菜又唔係剩係得辣嘢嘅！呢個老字號樟茶鴨都好好味㗎，鴨有煙燻嘅香味啲肉又唔會乾好食喎。今晚嘅彩蛋肯定係呢條松子桂花魚！首先淨係行出嚟個賣相都已經夠掂啦！桂花魚炸得好香脆連魚翅位都可以成個食，嗰個酸甜汁唔會搶喉酸得好開胃呢個魚真係超正斗。冬天梗係要食返啲熱辣辣嘅煲仔菜，鍾意食栗子同雞嘅話咁呢個麵醬栗子炆雞就冇得輸喇！炆餸嘅精髓就係夠濃郁入味呢個完全做到晒我哋嘅要求，雞肉夠新鮮彈牙加埋啲栗子炆到又