有運燒味飯店

營業中

休息中

外賣双拼，同收銀阿叔講肥叉切雞，佢都有照同師傅講肥叉。攞到返去一開嚟食見到都心知不妙，睇見啲叉燒已知道有乾又硬，一食落去完全中晒伏，真係又乾又硬直頭係全廋叉燒，切雞非常唔好彩，佢比隻全隻雞翼我！唔知係佢專登定係我唔好彩，半年前買過外賣切雞飯又係比隻全翼我，我一返到公司一打開個盒見雞翼就已經火火地你比雞胸雞背我都冇問題，係得隻雞全翼就當正常切雞飯？隔咗半年諗住俾多次機會，點知一樣都係咁差，$43嘅價錢質素真係有啲不知所謂，試過深水埗$25燒味雙拼仲好過佢！

作為一個連續幫襯咗兩年幾嘅熟客，真係忍唔住第一次寫篇食評講吓。見證住佢由好味到難食，由排長龍到而家門口無乜幾個。每個星期至少食一次，多數叫半肥瘦叉燒，但近一年嘅質素真係跌到谷底，今次就同大家分享下我的真實感受！ 食物質素：由驚喜到失望🧐頭一年嘅有運確實唔錯，叉燒半肥瘦比例啱啱好。但自從加價後，質素直線下滑，叉燒硬過石頭，燒肉乾過柴，所謂「半肥瘦」根本係全瘦，咬到牙都軟！最離譜係，乳豬冇乳豬醬、燒肉冇芥末醬、雞冇薑蓉、燒鴨冇梅醬，唔問就當你唔需要，連基本配套都慳皮，點食？ 服務態度：比錢買難受😤堂食同外賣都試過，但服務真係不敢恭維。負責收銀嘅阿叔次次都「睇漏眼」，我明明畀足三蚊銀，佢都可以話我冇畀，仲要當眾質疑我呃佢！大佬，如果真係睇唔清，可以慢慢數，而唔係急住收錢再怪客人，仲要每個月都至少有一次！總結：唔值得特登去試😓曾經嘅好味燒味，而家只剩失望。如果你喺附近返工，建議試吓其他選擇，隔離茶餐廳$35就有交易。拜拜

我覺得好好食，好軟，一D都唔柴，至於滷水雞翼就實在太咸，一D都唔好食，不過如果食燒味飯呢就起值的，因為會送飲品，其中會送1支水或者紙包飲品、包括：道地烏龍茶和道地綠茶等。不過油雞可以一試，其實我今次只係第三次黎，它不差過太興叉燒，不過有點稍肥，太興和有運叉燒的分別就係有時太興的叉燒會給的部位會起硬、食不到，而有運的叉燒就全部食到，正。不過下次再來可以試試其他燒味，因為這間有運我都係來過幾次，例如：燒鴨和切雞等。

食物差,侍應服務差，寧願搵其他舖頭食，d侍應呀伯d態度差到呢，我係黎食飯梗係搵間服務正常而唔係咁差，食物呢燒味又硬喎，真心唔值得去e間食飯，強烈建議唔好試e間搵第2間試

尋日經過見到好多人排隊.今日我就去排.條龍好長.我問前面嘅”街坊”點解會咁多人.佢話好味又抵食架. 雙併飯只係$40,仲有得揀紙包飲品. 我叫左叉鴨飯. 原來排左成30 分鐘.我食完覺得超好味.叉燒肥瘦平均,軟淋淋. 勁多料. CP值超高. 難怪咁多人去.竟然我冇同事食過.

有日lunch突然間好想食燒味就搵到佢 鋪面唔算大就決定買外賣番去食午飯時間12點幾去到已經見到人龍超級長目測應該已經有20-30人(掙扎左一下但覺得多人等都應該係好野黎 就決定排隊)最後都大概排左20分鐘 但食完之後覺得係值得的因為雙拼燒味飯只係$40 仲送一包紙包飲品今次叫左叉燒燒鴨飯叉燒肥瘦適中 唔會乾到嚼唔到個種 而且燒得有焦香 好香口亦都好好彩 燒鴨佢俾左鴨脾我 同樣唔乾身$40呢個質素絕對值得排隊等一等

之前「有運燒味」舊舖關門，相信喺附近住嘅街坊或者做野嘅人，應該同我一樣，都有D失落。有日見佢啱啱喺隔離舖位，再次重新開張，而且間舖頭闊落咗，就入去坐低食。（以前係好難坐入去食）以往幫襯都必定會點叉燒油雞，Lee 間嘅半肥瘦叉燒，依舊切得厚度適中，啖啖肉又腍又多汁。唔似連鎖茶餐廳或者快餐店咁切到薄切切。油雞肉質嫩滑唔嚡口。由細到大最鍾意係個薑蓉，細個嗰陣直情可以用佢嘅薑蓉撈成碗飯食，買任何斬料加餸，都要多薑蓉。估唔到老師傅依然記得「多薑蓉多汁」吖吓 乳豬皮夠脆，調味唔會太鹹。喺其他地方應該好難再搵到呢種道地而熟悉嘅味道同人情味。