有記茶果

沒有賣糖水，只賣茶果、砵仔糕及其他糕點。堂食只有1張枱，賣糕的男士再三講堂食只可本店食物，不可叫其他食店食物坐這枱，非常無禮貌再三講。試了茶果，好細粒，芝麻花生味，皮厚。砵仔糕正常大仔，小豆。現在的經營方式已是今非惜比，相信已經不是以前大埔街市出名的茶果店了！…查看更多

今日上午到街市買餸後，突然想到熟食中心休業火半年重開，就到有記買砵仔糕吧！當時店內一位中年大叔（四眼&雙手有紋身）態度欠佳，但我想食所以仲係要買，返到屋企即刻拎嚟試味，結果就係以後都唔會再幫襯！冇豆香、質地好林，$7一個，不了。…查看更多

雖然係區內都蠻有名氣，但我一直都未食過，今次就嚟到「有記茶果」。缽仔糕（1個，$6）今次淨係叫咗知黃糖味缸仔糕試下。Size嚟講好大舊，出面其他鋪6蚊雞好多都無呢個size。餡料方面，雖然唔係餡多過糕，但都叫多料，起碼都叫「啖啖豆」。我就比較鍾意糕多過豆嘅缸仔糕啦，因為咁先夠糕粉味嘅香。口感方面因爲內層無餡料，所以全部都係糕嘅彈彈地牙質感。因為仲熱嘅關係，所以咬多2啖就會係口溶溶地，果彈糕味同甜味散晒出嚟🤤🤤。味道方面，其實甜味可以再多小小，唔係因為我好鍾意食甜，係因為我想黃糖味再出濃d🤤🤤。…查看更多

成日聽人講大埔街市有檔砵仔糕好出名，難得去梧桐寨行山，起程之前梗係去街市尋寶團啦尋味之旅第一站就即刻去搶砵仔糕！因為男朋友話賣晒就冇，排晒長龍好搶手嫁...去到竟然仲有得賣而且唔使排隊，真係好彩。開心影完相之後就一啖咬落去....ummmm..又未到驚為天人嘅好味，男友話俾佢第一次食退步左，難怪冇人排隊啦！雖然都比坊間嘅做得好，但個人認為口感太軟淋，好食嘅砵仔糕喺咬口上要拿捏得準確。紅豆算多但冇乜味，可能因為我期望太高，所以我覺得比較一般。話雖如此，下次嚟開我都會再俾多次機會嘅🙊…查看更多

香港的傳統小食實在有太多，今次來到大埔墟街市熟食中心的有記茶果，試試他們的砵仔糕，茶果和狗仔粉。 想不到他們的小食都偏淡，砵仔糕稍為軟身一點，可能因為放置時吸收了不少水蒸氣。狗仔粉十分有趣， 基本上是一碗粥水混入很多麵粉球。只有鹹味，但可以加入榨菜添加風味。茶果亦都乾身一點，相信我嫲嫲可以做得比他們更好。但是這傳統食物的做法真的各有各秘方，所以我的口味不能作標準。不過可以一嚐和了解香港和客家的傳統飲食文化，都是一件賞心樂事。…查看更多

平時好日都唔去大埔😂難得黎一次緊係要食多啲大埔美食😈知道呢間有記茶果主打傳統糕點，仲有埋狗仔粉，一場黎到點都要到訪👉🏿✨狗仔粉 Hkd 13 💸📌依家物價上升得咁勁，仲有13蚊既狗仔粉買真係好難得😭食狗仔粉個精華就在於個辣菜脯😍雖然唔太食辣，不過點綴下都需要～成碗粉入面會有些小粉團，粉條淋滑，連埋辣菜脯食味道簡直更上一層樓！惹味多了～👉🏿✨馬拉糕 Hkd 7 💸📌姐姐一打開個蒸籠真係香氣撲鼻，嚿嚿馬拉糕都超足份量！7蚊黎講抵到爛啦！入口仲要鬆軟，可以一層一層撕開食，蛋味濃郁，好食喔👍🏿…查看更多

看到傳媒和報章的報導，專程由馬鞍山程車過去訪尋美食，去到已參不多下午三時，所剩無幾，砵仔糕已沽清，幸好我沒打算買砵仔糕，原因看到好多負評說太軟，沒咬口，心想他們以「有記茶果」為名，茶果才是主打，但沒有選擇，只得一款，咸味欠奉，於是就決定買一個黑色芝麻花生茶果來試，我這個時間買，凍是預了，張底紙又黏着個茶果，成個茶果沒幾多花生碎粒，簡直就只是咬住一舊幾有彈力的粉團，賣茶果冇茶果揀，冇餡料，虛有其名，只得傳媒宣傳後被人盲目追捧，枉說還要排隊買，完全沒有誠意，個人應該不會再光顧。…查看更多

心血來潮好想食茶果 好彩還知道街市有一檔賣茶果的。於是買餸的時候，便特意去買茶果食。本來想買的是雞屎藤，但可惜沒有這種茶果，退而求其次買了板糕。嗯，很久以前，其實也試過這兒的砵仔糕，印象中，口感比較淋，不是我杯茶，所以自此之後，便沒有在這裡買過砵仔糕呢。這次是板糕，沒想到，口感跟當年的砵仔糕一樣比較淋身，而且比較黏。食落真的麻麻地，勝在不用翻熱也能吃到軟身的茶果吧⋯但始終不是我想要的我想這身雖然是專賣茶果，但款式不多，如果不是突然好想食，也不會再買來食呢。…查看更多

細細個婆婆成日整，走左後就無啦， 搵咗好耐終於搵到，$6 per one 糕板呀本身住深水埗搵咗好耐都搵唔到呀， 最終要呢到大埔先搵返到客家的味道食過真係返尋味呀老闆娘都好好人…查看更多

在新界長大，也身為新界的原居民，對鄉村的傳統美食，總有一個外人不會太理解的情意結。細細個，除了為砵仔糕瘋狂之外，也會為客家式的茶果瘋狂。從前，在大埔的富善街，我有一間愛店，他們的砵仔糕，可以說是我食過中最好的。可是，該店已經易手，也不做砵仔糕及傳統新界茶果了。幸好，除了一些新界婆婆及大嬏開的小檔之外，我依然能夠找到我喜愛的茶果同砵仔糕，地點依然是大埔，是大埔墟街市熟食中心內的《有記茶果》。 其實，我既目標是砵仔糕。其實我早已經知道這兒的砵仔糕出色，但我一直糾結著，因為吃慣了以前富善街的一檔，結業後，好一段時間令我鼓不出勇氣去試其他地方做的砵仔糕。但當我一次又一次的經過《有記》的門前，終於決定豁出去，試一次。 最吸引的，其實是店子的大蒸籠，大蒸籠內，有好多好多的砵仔糕，底一層，就是我最喜歡的客家喜粄，而太太，就看中了此店的糯米糍。 糯米糍，好多炒，拿上手時感覺好柔軟。手感說給我們聽，這是即整的糯米糍，沒有雪過，沒有隔夜才會有這樣的柔軟手感。 糯米糍是花生餡，入口煙韌帶柔軟，內餡香口而且不太甜，非常之好。 說完太太的目標，就要說我的目標了，那就是砵仔糕同客家喜粄。不過，美中不足的就是，砵仔糕沒有竹籤拮住，客家喜粄沒有用香蕉葉薦底。 砵仔糕，我喜歡沒有豆的。入口有點煙韌感，黃糖的味道令到砵仔糕非常之香甜，而這一個甜味，是滋潤的甜味。這砵仔糕由外至內都有同樣的煙韌感，比例均勻，雖仍然未達到當年我食過的最好，但已經是80%近似，我非常之開心。 客家喜粄，由細到大我都叫茶果，我食過最好食的，是以前村內某婆婆做的，可是她早已經仙游了，其他會做的，只是過時過節才會做幾隻，根本不夠分。所以，這東西我也是好耐冇食過了。這一個客家喜粄，是輕微甜的。沖一杯茶，一口茶、一啖餅，是非常 enjoyful 的一件事。正式食，當然是配上一杯濃香的普洱等等的中國茶。我比較西化，所以發現到，食茶果配奶茶，也是一絕。大家也可以試試這樣食啊，包你喜歡。 我衝出了自己的框框，重新接受了另一家店的同樣出品，得到的，雖因為先入為主的關係而永遠都覺得有所不及，但我一吃就重拾了小時候的喜悅，這樣就證明到《有記茶果》的出品，的確是很出色。此外，此店有狗仔粉出售，大家也可以一試。…查看更多

次次黎大埔街市食飯或買餸一定試「有記」砵仔糕，貪佢新鮮出爐、味濃、糯米及粘米融合夠香滑有口感。不過今次可能較忙，未蒸透便出爐，中間還有點水狀。希望下次再來可以吃回其高水凖砵仔糕…查看更多

這天很有食神，同事很好，請我吃大埔著名的《有記茶果》糯米糍。先說一下，這一檔的糯米糍每天都是限量推出，而且大約下午2時左右就賣完，還要每人只限買3粒....哈！大家說應該試下嗎？我自己本身對糯米糍的喜好不大，但這個糯米糍很好吃，很有口感，可能帶點甜，對我來說甜味OK，因為這總不能當正餐。咬了兩口才記得要拍照=.=大家都可以一試，聽說《有記》的砵仔糕比糯米糍更好吃，我也要再試一下才可以！YEAHHH…查看更多

是日來到大埔熟食中心, 吃完豬扒, 也是時候吃點甜吧. 在這裡吃甜點, 還是來有記. 這裡除了有茶果供應之外, 當然也有大熱的砵仔糕.砵仔糕 $5: 5分, 一客$5, 還算合理吧. 其實現在有得吃砵仔糕的地方是越來越少了, 這些傳統的甜點, 是否不容於這個年代了? 不過是日吃到的, 水準只算麻麻, 太濕了, 質感很糊口, 沒有了砵仔糕應有的彈牙感覺. 還好的是紅豆尚算香甜, 但作為店子的招牌作, 委實令人失望.對砵仔糕的最大記憶, 還是新不了情. 那個時候的情懷, 真是很動人. 對比香港現今的情況, 最好的已經慢慢消逝了…..…查看更多

早聞有記茶果的名字，可是未有機會來到，就算上次來到，也會突然間忘記了，既然忘記了，就只好留待下一次好了。下一次話咁快就到，群記有記是排隊已久的食店，吃過群記，就過來有記，吃個茶果砵仔糕當甜品又如何？一口氣吃兩個又點話呢？之前吃麵可能不夠飽，現在吃帀個已經飽了。黑芝麻茶果面如黑臉，放涼已經很久很久了，可是涼了又如何？就是因為它仍然有煙韌的感覺，吃下有嚼勁，除了芝麻以外還有花生在內，問你怕未？這茶果既薄但又不太甜，當甜品吃又不錯呢！砵仔糕樣子極為樣衰，一 pat pat 咁，沒有外邊的堅挺。吃下時軟稔稔，紅豆頗多又不太甜，話說砵仔糕樣衰，但又幾好味，又有豆香，都唔錯。其間有位街坊女士與在下閒聊，說有記的砵仔糕是全人手打造，沒有經過機器。而且說是由舊街市搬來現址，閒談中又提及當中的製作過程，在下又吃又可以聽多一個故事，豐富了在下覓食的經驗。…查看更多

午飯時段超多人, 特意來看看這間出名茶果店, 果然排了一條五個人的小龍. 因午飯吃得飽, 只買砵仔糕, 兩件即食, 一人一件, 另兩件拿走, 入口還熱, 未食過新鮮出爐的熱砵仔糕, 感覺有有些怪, 比凍身的較為淋, 口感不算彈牙, 反而感覺有有些過軟, 味道不太甜, 有些紅豆, 有咬口, 合格貨色, 但未算超班.這店的老闆, 不喜歡客人影相, 態度不太好, 也不太友善, 幫襯的人請留意, 講得好聽係”有性格”, 問題係, 生意好時就”有性格”, 但生意唔好時呢? 如果都係咁有性格, 就真係寫個”服”字!!…查看更多