有營坊餐廳小廚

估唔到何福堂都有藍店！初初唔知，以為普通餐廳！見佢門可羅雀，唔洗等位，就去試試啦食食下聽到老闆娘、侍應同一個食客傾計，聽到佢地原來係支持警察！我立即起身致敬！ 播埋國歌！一齊唱！依家個環境，一定要撐藍店！我叫左斑腩飯！不過食落應該係鯰魚柳！大獲！大家藍友都呃！仲要冇味…. 影衰藍友所以打算報海關，睇下係咪真係斑腩，希望可以還佢清白🙏🏻講返個飯，啲飯一食就知係cheap 野，一啲飯香都冇，一定啦係祖國絲苗米，亦唔係泰國香米，懷疑係平價越南米…. 奶茶就冇茶味，一定冇用立頓Lipton… 唔合格啦！難食唔緊要，只是係藍色良心店，我一定會撐！點知道… 今日二十大開會，習主席先話要堅持清零，依間餐廳竟然唔洗人用安心出行！嬲到我一肚火！我拍枱問佢地有冇搞錯！點解入左兩枱人都唔洗用安心出行？佢地理都唔理我！我放低啲錢就走！真係激死我！我懷疑佢依間野係扮藍搵錢！呃政治飯食！…查看更多

又嚟到屯門我主場嘅地方今次都係經朋友介紹試一試隱世嘅泰國菜餐廳係泰國師傅親自主理嘅位置係良田村不過餐廳鋪頭都當眼嘅由於好肚餓所以馬上落單泰式豬肉炒河一上碟真係幾有鑊氣賣相嘅色水都幾唔錯食落亦唔會好油佢係用上比較闊身嘅河粉口感算唔錯串燒牛肉一客有六條仲配上咗沙嗲醬同埋泰式辣醬配上醬汁嘅牛肉相當惹味而且店主對牛肉嘅部位都講究所以牛肉食落都彈牙菠蘿炒飯食泰國嘢點少得菠蘿炒飯呢呢度嘅菠蘿都係用咗新鮮菠蘿食落非常之香甜而且配料都多有肉鬆，腰果和提子乾等等令到個飯嘅口感相當豐富和清新泰式燒豬頸肉豬頸肉非常彈牙亦燒好香口配上泰式辣醬嚟食真係幾正龍眼冰呢杯真係消暑良品飲落順喉清新而且龍眼粒粒果肉飽滿…查看更多

近排去屯門，竟比我發現左衣間隱世正宗泰國菜，雖然間餐廳位置不太起眼，但食物質素竟超乎預期😋😋😋👍🏻今日點左4樣餐廳招牌菜😋海鮮冬陰功湯，飲落口充滿泰式冬陰功味，又唔會太辣，再配上2隻大虎🦐👍🏻👍🏻正之後再來一個泰式炒金邊粉&串燒雞翼，串燒雞翼燒得恰到好處，又不會太乾，肉質一流，再配上兩個招牌醬汁，真係冇得輸👍🏻👍🏻👍🏻😋😋😋最後就係招牌泰式燒豬頸肉，豬頸肉好有肉汁,完全不會覺得有乾的感覺，再加上絕配就是佢哋既秘製醬汁，叫兩碟都唔夠食，必叫😋😋👍🏻下次再去試佢哋既招牌菜海南雞和生菜包等😜😜😜…查看更多

邊個話大西北無好野食 只要你肯行入多啲 就發覺好西就係左近 今次呢間泰國野完全啱曬大熱天時食 酸辣開胃 一入門口就見到兩個泰國人 以為佢哋係老闆啦 點知唔係bor 泰式燒豬頸肉去食泰國菜必嗌no.1 要知道一間泰國野好唔好食 食佢豬頸肉就知啦 新鮮燒嘅果然唔同啲 好香口 外皮脆卜卜 食得出肉係有事前醃製 重口味人士唔該要點爆佢個汁 佢唔係求奇俾碟泰式辣醬你 而係自家製整 好重蒜味 我拎咗佢個汁撈飯 真係識食啊(⁎⁍̴̛ᴗ⁍̴̛⁎)泰式生菜包食泰國野必嗌too 我最怕啲肉碎好多汁 搞到包生菜食滴到成手都係 但呢個整體口感唔會過乾或者過濕 包住生菜食唔會食到周圍都係 香料味偏重 辣味都偏突出 好辣嘅baby要bookmark佢啦海鮮冬陰功湯again! 嚟食泰菜 唔整啖冬陰公邊正㗎 泰菜最神奇嘅地方就係用料好重 整到好酸酸辣辣咁 明明食咗好多都仲係有好多quota咁 今日一飲個湯 嘩 開心返埋嚟啊 酸酸辣辣 又多配料 一啖湯一啖蝦 一啖蝦又一啖gugu 建議大家人頭冬陰公 一齊開心返埋嚟泰式菠蘿炒飯老細話呢個係新品 第一日推 雖然我之前都有食過 但不得不讚 佢地真係好地道 入面係有提子乾同炸腰果 which is 唔係間間舖都做到 仲有！ 佢啲菠蘿好甜好juicy 無話炒太耐無曬啲水份 溫馨提示 記得順手撈個豬頸肉汁汁 包你話正泰式龍眼冰食完發覺 同行朋友無留龍眼俾我 係到聲討下先！成杯野唔死甜 都好有龍眼味 仲有想讚下呢間店 無嗌走冰 但都唔會裝到成杯冰 好良心泰式青檸梳打水mami比較鐘意呢個 夏天飲好梳乎 青檸同梳打水好match整體真係要俾大手指公 可能因為我愛thai food 樣樣都正中我心 再加上老細雖然唔係泰國人 但都請泰國人做廚 feel到好想食客食到地道泰菜 同埋老細仲話間舖好無食 要睇個老板係咪係間舖食 佢話佢係 我信佢㗎 因為我係佢都會 完全唔洗擔心落唔到單 因為個到嘅泰國靚jai靚女都好friendly 講廣東話仲好過我(⁎⁍̴̛ᴗ⁍̴̛⁎)…查看更多

去何福堂探朋友新居，佢知道我鐘意食泰菜，就帶我嚟附近呢間試吓。呢間小廚無論名字、外觀都想像不到係泰菜，原來同一招牌下，日間與夜晚經營不同嘅菜色，夜晚先至有泰菜食架食泰菜梗係要飲冬蔭功湯啦，海鮮冬蔭公湯二人份$68冬陰功湯好足料，有鮮蝦、草菇、秀珍菇、蕃茄、洋蔥🧅當然唔少得香茅、南薑、檸檬葉、芫茜。湯水味道酸辣中帶鮮甜，鮮蝦爽脆，最重要係有湯嘅靈魂 ~草菇，夠地道。海南雞半隻$108啖啖肉海南雞，配兩種醬汁，分別係廚師嘅海南雞醬，同埋老闆特製嘅口水汁。嫩滑海南雞點唔同嘅汁，有唔同風味，口水汁唔係太辣，好惹味。精選燒烤任選六款$88串燒都有兩種醬汁，沙爹汁同燒汁，任你點，牛肉$15夠腍豬腩串$15用特別方法醃製，有香茅同椰漿嘅味道，肉質鬆腍雞中翼$15呢個好惹味，送啤酒一流。泰式燒牛肉牛仔骨$88又香又腍嘅牛仔骨，又係啤啤佢嘅好朋友。泰式燒豬頸肉$68豬頸肉肉質爽腍，醃得好入味，好食下次想嚟試吓佢嘅豬脾飯…查看更多

屯門性價比高泰國菜有營坊餐廳小廚 (屯門)屯門良田村96號地下屯門人有福了，喺何福堂開咗一間泰國餐廳，廚師係泰國人，主打地道泰國食物，非常好客熱情❤️‍🔥❤️‍🔥❤️‍🔥係冇得去泰國嘅情況之下，黎呢度就可以望梅止渴啦，一解泰國嘅相思之苦。呢間環境呢就弱左少少🤏🏻地點都唔方便，不過食物有水準，想食好味嘅泰國嘢就要黎呢度試試佢，只係開晚市，真係要預準時間去。泰式燒豬頸肉 擺上台已經聞到非常之香，佢嘅泰式酸辣醬，真係超級惹味，好大塊，好長一條，份量好足料，厚切豬頸肉具爽脆有口感，由於厚身都會少少韌。手撕雞生菜包 手撕雞同樣係清遠雞肉，撕成一條條涼拌各種配菜同辣淑乾，非常香辣醒胃，夾喺清爽生菜裏作為饀料，相當滋味嘅生菜包。但注意辣淑乾，吃嘅時候唔係好辣，但吞完之後啲勁辣就嚟料，好勁抽！泰式無骨鳳爪泰式酸酸甜甜嘅清遠鳳爪，拆骨係功夫，無骨係享受，好似食緊一款惹味至極嘅骨膠原咁，但皮內裏依然保留好有咬口嘅腳筋，又好味又醒胃。泰式豬髀飯 呢味豬髀完勝各種德國鹹豬手同東坡肉，首先非常入味，喺口感上肉質燜到好夠淋，連肉帶皮入口即溶帶啲黏口，一啲都唔難咬，嫩滑無比。最推薦呢道！海南雞半隻 係馳名清遠雞，雞肉少少結實係唔韌，仲非常嫩滑有鮮雞味，雞皮好有啫喱feel但冇咩肥膏，配咗2個靈魂醬汁，分別有海南雞醬同口水雞醬，兩種醬汁加淨食3種風味，回味無窮。椰漿黃飯 呢個黃飯有鮮豔嘅黃薑色，雞油香而且水份剛好粒粒分明，最強嘅就係椰漿味特濃，絕對係罕見高質油飯。青檸梳打透心涼梳打帶青檸鮮果味，咩熱毒都一筆清。龍眼冰大大粒龍眼，再配冰凍蜜茶，消暑解渴。…查看更多

有一半泰國血統嘅我🇹🇭由細到大大部份都係食泰國菜😆所以對於泰國菜都有一定嘅固有味蕾準則今次去咗一間位於屯門良田村嘅泰國菜小店個地點都好容易搵就係玫瑰花園條天橋過對面就見到每個晚上五點開始佢哋就會搖身一變做晚市泰國菜館🇹🇭由泰國師傅料理泰國菜海南雞半隻😍 （ $108 ）跟咗三個醬汁分別係一般會有嘅海南雞醬汁（中間嗰個）跟住有口水汁（下面嗰個）同埋老闆特別調製嘅薑蓉汁（上面嗰個）雞肉肥瘦適中👍🏻 冇過熟 完全冇韌嘅感覺 雞皮都好滑一碟雞有三款口味對於我呢啲鍾意食好多唔同味道嘅就非常適合😆海鮮粉絲沙律🦐（ $68 ）酸辣甜鹹味道適中👍🏻 粉絲夠爽口加上又好大隻蝦同埋扎肉同埋炸花生粒👏🏻 一啖放晒咁多種材料入口好豐富😋泰式生菜包🥬（ $68 ）材料有豬肉，芹菜，洋蔥同埋唔同嘅泰式香料加埋有薄荷葉喺裏面一齊食好清新👍🏻冬陰功🦐二人份（ $68 ）材料充足 👍🏻 味道夠水準😋兩個人絕對足夠🙌🏻叫咗兩杯嘢飲分別係龍眼冰同埋青檸梳打另外都好想食木瓜沙律不過由細食到大就試其他嘢啦😆對於正宗泰國菜木瓜沙律有生豆角係好正常😂之前去泰國食嗰啲全部都有而且都係有個揸咗汁嘅青檸係側邊咁樣係代表佢係用新鮮青檸汁而唔係用支裝嗰啲不過有好多泰國菜嚟到香港為咗迎合香港人嘅口味都會可能改咗少少對於今餐泰國菜味道正宗冇出錯👍🏻而且價錢實惠如果大家經過都可以試吓多啲支持小店😆…查看更多

見社交平台「食在屯門」有組員講呢間小店好食，食完頭round就諗住過來食下串燒飲下啤酒，點知店員話「唔好意思，啤酒未雪」當下真的想調頭走，不過一場黎到支持一下小店！我地點左：《燒豬頸肉》及《青木瓜沙律》，飲品全店就只得「青檸疏打」及「椰青」（但椰青賣晒）即係無得揀，店員俾左兩隻碗我地，碗內都有污積，枱面叉及筷子亦不太乾凈，但無提供食水俾顧客清潔碗筷⋯等待食物期間觀望四周，發現門口有一枱食客，枱上面有一盒沒有蓋好的醃肉食物（未煮熟的），食客如果打個「乞痴」口水可以直飛那盒醃肉中，而直到我用膳完畢果盒醃肉，依然沒蓋放在枱面，天氣咁熱肉類不用冷藏的嗎？！食物方面：豬頸肉 - 味道偏甜，但還可以😌青木瓜沙律 - 沙律中有3隻蝦，但都唔新鮮，青檸榨完汁，其實係咪應該拿掉，而不是連青檸皮也撈在沙律中？！其次豆角是生的，有草青味（據我所知豆角不能生吃，會中毒的）希望店主注意‼️有一點值得讚的，是老闆見我地好似唔太岩口味，會過來問下食物有咩問題還主動話送兩隻雞翼俾我地食，但因為連飲品都無得選擇，亦唔想等，所以無要！希望你睇到食評，能有所改善…查看更多