有料案內所 (井財街)

營業中

休息中

呢間位於屯門既「有料案內所」真係有啲料👍🏻可能去屯門區最好食嘅窩夫，我叫左鮮雜莓麻薯窩夫同埋伯爵茶珍珠梳乎厘班㦸。鮮雜莓麻薯窩夫 - 用兩邊窩夫夾著一啲雜莓同埋大量鮮忌廉，而窩夫嘅夾心就係麻薯，旁邊有一球雪糕上面淋上朱古力醬。而窩夫外脆內軟一啲都唔乾，好食👍🏻伯爵茶珍珠梳乎厘班戟 - 我覺得呢個都好食，不過我朋友就覺得梳乎厘唔夠空氣咁，我自己就覺得還好，但係佢嘅伯爵茶忌廉我就覺得佢做得好好，好滑好香夠味。

好耐之前試過一次，覺得麻麻地，跟著都無再試過。見最近好多youtuber話好味，以為有改善，於是黎試下。叫左個大阪燒同兩個甜品，坐得好近個廚房，聞到一陣燶味，心諗唔會係我地既掛。點知個大阪燒黎到，個底係黑色既…當時都未好嬲,心諗算，照食。過左陣，窩夫同suffle黎左，賣相幾好，但係醬太多，越食越膩，食到最後，真係食唔落，將個窩夫撩兩撩，見到個底都係燶既。即刻心諗無下次，blacklist，食完快快趣就走。埋單睇番果兩個甜品分別八十幾蚊一舊….但比d咁既野我….隔離嘆chill d 意粉都係$55一份，仲要好味，對面街，嘆甜品d窩夫大大份都係$6x一份。真係唔會再有下次….係嬲到即刻要獻出第一次寫食評。

名過其實的疏乎厘班戟今次搵咗個屯門牛朋友帶我入嚟屯門食好西試吓呢間好出名嘅疏乎厘班戟叫咗炙燒焦糖布甸疏乎厘班戟💲86當日去嘅時候係閑日 所以唔使排隊Walk in就入到位置尚算闊落，坐得舒服好快就揀咗呢個甜品都等咗成20分鐘先至上菜本身見到個樣好靚 好吸引 而且聞落好香蛋味又聽過好多人推介，所以期待值好高結果食落去十分失望甜品嚟講一啲都唔甜 佢的確做到疏乎厘鬆化嘅空氣感 但係完全冇蛋香嘅味道 又冇奶味基本上成舊嘢都係無味🥹只係得上面 面頭嗰浸焦糖有甜味 而且佢隔離嗰兩個雪糕都係普通雪糕完全唔特別 雖然80幾蚊來講食到一個疏乎厘班戟價錢係好平個樣係幾靚 係可以用嚟打卡嘅 但係我唔會再食🥹🥹🥹🥹🥹🥹🥹🥹嗚嗚🥹

之前食過堂食炙燒焦糖麻薯窩夫，覺得幾好食。今次外賣返屋企食，一打開個盒超級失望，個窩夫唔係圓形嘅，好似俾人食過咁...不過睇真啲其實係造嘅時候落唔夠蛋槳所以冇左一大忽...呢啲咁樣嘅製成品一定唔會俾堂食客啦...咪唯有外賣客硬食，因為拎嘅時候包住膠袋同個盒好難睇得咁清楚😥外賣嘅質量控制有改善空間。

終於有機會試下「炙燒焦糖布甸麻薯窩夫」🧇。今次叫左外賣，都驚佢會淋晒，但估唔到依然咁香、咁有口感，外脆內軟，煙煙韌韌，真係好好味👍🏻😝 雖然個價錢就貴啲，但我覺得都值得一試！

呢間有料案內所食過好多次，佢地嘅甜品基本上係會食上癮。今次試左tiramisu 梳乎厘同搽茶latte, 兩樣都好好食！不過tiramisu 疏乎厘上面嘅tiramisu cream 就覺得少左啲，唔夠喉，同唔夠咖啡味，如果再濃味啲就仲正！搽茶latte好飲，綠茶味唔苦，清清甜甜咁，岩晒食住甜品咁飲

🥰本身其實想去試佢個梳乎厘班戟，點知可能係星期六我又太晏（3pm後）嘅關係，所有班戟已經賣晒，唯有試個食評比較少見嫁啦。🧇 Oreo朱古力窩夫😋主角窩夫雖然係朱古力味，但係其實食落佢有朱古力幾香但唔會因為佢係朱古力而太甜，雪糕有唔同嘅味道可以揀，而且配菜仲有香蕉。雖然望落去好似好大份，但係其實窩夫外脆內鬆軟，食落唔會太飽，但對女仔來講呢個份量真係會食唔晒！🥛芝士奶蓋四季春😋芝士奶蓋好濃厚，而且挺身，唔會溶晒落個茶度，而四季春茶未比想像中濃，叫咗少甜唔太飲到甜味，所以正常都應該唔會太

看到餐廳內的歌舞妓町招牌和固力果燈牌，應該不會想像到它是一間甜品加小食店，連餐廳名稱都相當頂癮！餐廳的招牌梳乎厘班戟，我選了oreo朱古力流心口味，班戟質感鬆軟，但個人覺得少了一點回彈的空氣感，份量亦頗少，不過配上oreo餅碎和雲尼拿雪糕吃整體還是不錯的另外想吃咸的所以隨意點了關西章魚燒，味道正常普通，章魚燒每一顆內裡都有一粒章魚，粉漿比例亦不高

雖然住喺呢邊 都聽人講話呢間既甜品好食趁同朋友交收手信 就不如試下佢啦～-餐廳座位比較窄同埋係吧枱 感覺比較逼同坐得唔算好舒服侍應入座前比低左QR code我地scan 自己落單無特別同侍應有交流-餐廳有最低消費 每人要叫一個甜品如果胃口比較細應該都食唔晒😮‍💨-芒果芝士奶蓋富士雪山 $43雪山份量好足 芒果夠甜 加埋奶蓋都無覺得好漏食到一半發現中間仲有芒果雪糕 變左有多啲野可以食🤣🤣不過都食得出雪糕係啲平時買$10/2球既平價雪糕 味道比較假 係扣分位😕-炙燒焦糖布甸麻薯窩夫 $73雪糕、雪糕醬同配料可以自選我地就揀左綠茶味雪糕、朱古力醬同玄米粒粒雪糕就同芒果雪山既雪糕一樣 都係啲平價雪糕入口第一秒都有綠茶味 但下一秒就無左😂😂😂但個麻薯窩夫真係好出色！新鮮熱辣整起 窩夫外層香脆 但內層麻薯煙韌 同時唔會太難咬開/切開 好好食😋加埋焦糖布甸醬 係一種新體驗 如果啲醬多啲就好了🤭🤭不過缺點就係食晒真係會好飽 自己一個人食真係未必食得晒😮‍💨-明白餐廳都想搵多啲同保證有一定生意額先會有最低消費但係對於啱啱食完飯又再食啲咁飽肚既甜品好容易會食唔晒即使我7點左右食完飯到9點幾先食甜品我都覺得

平日的晚上7時到達餐廳，餐廳內的座位尚有一半。但女侍應卻要求我同朋友坐在左右都有客人的枱，而張枱有一半位置都被令一個客人放置了一個大的袋，但女侍應卻堅持要我們坐，卻冇幫忙叫擺袋的客人移開/協助客人擺放。而女侍應就繼續全程沒有任何尾音去招待/介紹使用QR code/上碟。而由於座位是吊腳又沒有任何東西承托腳，又被一個大袋迫住咁食嘢，成個過程感覺係真的很差。甜品不過不失，但這樣趕客的環境同侍應的態度都令人卻步！！！

入開屯門食完晚飯行行下街想食個甜品～經過見到呢間有啲甜品有疏乎厘就就入去試吓。呢間嘢都好多食物選擇，除咗甜品有疏乎厘，涼粉，窩夫，特色嘢飲咁。仲有大阪燒，炒麵同炸物添～最後揀咗一個梳乎里班戟，滿足下食甜品嘅慾望。🍫Oreo朱古力留心梳乎里班戟 兩個疏乎厘唔係好大哥，上面有啲cream同灑上Oreo碎～疏乎厘入邊有d朱古力醬，一切出嚟嗰下流晒出嚟似流心朱古力蛋糕咁，食落去有疏乎厘QQ軟熟嘅口感，連埋醬一齊食有蛋香得來配合埋個朱古力甜味好好食。啲Oreo碎又增加咗咬口感，連埋個朱古力味嘅雪糕一齊食，真係大滿足！感覺都好balance～～我個朋友都好鍾意食～

之前想試好耐，聽朋友講真心好食，結果一試難忘Oreo凍朱古力流心梳乎厘班戟 $88本身同frd食完lunch，想食吓甜品，驚太飽所以淨係嗌咗一個，冇lum過咁大份。本身覺得少貴，但原來係二人份量。個梳手厘係即叫即做，所以食落暖笠笠，入口即溶極推!不過因為即叫即做，梳乎厘班戟製作需時，如果趕時間，最好預留20-30分鍾凍水蜜桃梳打 $28覺得梳打味道普通，冇咩特別。可能都係梳乎厘班戟出眾啲 整體味道唔錯: 9/10

每次坐車經過都話要黎試，但一直見到都係好多人，今次終於入去試炙燒焦糖布甸麻薯窩夫即叫即整新鮮熱辣辣咁上枱，仲伴隨兩隻貓咪紙牌裝飾，裡面有麻薯夾係中間又好煙靭、加上醬撈埋雪糕一齊食好好味😋 食過咁多間呢間唔算好甜接受到， 不過唔知道原來個份量都唔細 仲叫多左其他野食😂意式triamisu梳乎厘揀左雲呢嗱加朱古力醬，前面食左個窩夫仲擔心梳乎厘一樣好大份食唔到🥹 不過比窩夫細d ge 鋪頭寔幾有心機搞裝飾、印埋有貓咪樣既模聞到好香蛋醬味、夠軟熟、有淡淡咖啡味又唔會好甜，非常好👍🏻

經過見好多人排隊，第二日早去到就即刻入坐，座位吾多，都差唔多坐滿人。最想試係梳乎厘，一坐低就有店員比張有QR CODE既紙你掃描落單。 即刻睇梳乎厘個頁，好多款都想試，最後叫左丸子紅豆抹茶梳乎厘。熟食就叫左 深夜食堂大阪燒，炒麵。 飲品就點蝶豆花荔枝飲。一上菜就馬上打卡，就係你哋面睇到個d，係咪好吸引到流晒口水呢？米住，我講下口感先，飲品最先上，試過同出面既差唔多味道，都係吾錯架啦！大阪燒同炒麵加左“深夜食堂”四個字就令人好想食左先講。 大阪燒好多蔬菜，上面有我最中意既木魚碎，煮得剛剛好。 炒麵好入味，上面隻蛋同炒麵好夾。梳乎厘就冇想像中甘鬆軟，比較實d，配曲奇雪糕都吾錯，如果係抹茶雪糕會更加分！

芒果芝士奶蓋富士雪山$41 ❌因為係刨冰 啲冰係好粗糙好大粒🍧唔係嗰d綿綿牛奶冰 我鍾意牛奶冰多d🤣裏面仲有雪糕 奶蓋一般 一路食 又要咬碎冰唔推 唔會encore!意式Tiramisu梳乎厘$86⛔️疏乎厘幾有蛋香 輕盈🥞入口即溶 但係價錢貴又未好食到要encore!嗰時等左20分鐘到～呢個價錢其實貴完全唔使特登去食 ！📍屯門井財街15號金銘大廈地下3號舖（total 有兩間分店）