有得餃

營業中

休息中

tastytommy良心食店 (6月起支持反送中 最近搬新舖 同隔離#醋頭家 形成繼水門海南雞+清玉後元朗第二黃店經濟圈 上埋蘋果💛)金菇肥牛炸餃💛 $47/6隻第一次食到咁金黃酥脆既炸餃子😈 皮薄重蛋酥香 金菇肥牛餡多汁惹味 內外好大對比!😋 但d餡比較碎濕濕 其實食唔到d咩口感秘製醬汁撈麵+芹菜豬肉餃4隻 $44秘製醬汁望落黑蚊蚊同平時豉油冇乜分別 其實好重醋味!! 一啖驚醒沉睡已久既味蕾🤯 仲充滿生蒜同芫茜香 好開胃 撈埋粗身大大條既自家製麵條會食到口臭 仲可以自選辣度😂 餃子冇試因為我唔中意芹菜🙊野味溫室蕃茄豬肉餃 $42/8隻蕃茄同豬肉味道都好自然 調味唔會太鹹蓋過蕃茄味 餃皮厚度適中😋 湯係清淡既胡椒湯 唔係老火湯 不過連湯上要加2蚊 連湯上要加2蚊 連湯上要加2蚊秘製上等德國醉豬手 $58彈牙少爽口 酒味都ok~呢度醉雞翼同煎薄罉都ok ga

叫左幾款的餃子🥟同朋友分享，加埋煎餅！餃子不算特別好食，湯餃同煎餃的肉都好「梅」，而且個幾款煎餅，根本唔值得賣成40幾蚊，過份油，而且勁焦，都幾可怕，無下次！

用程式找到這間黃店，和朋友來支持下，可惜三位一致認為一般，三十多元只得湯麵，加餃子要再加錢，麵，湯，餃子，都沒有什麼特別，撈麵醬汁是酸的，配上咸的餃子，有點奇怪。

🔺姨臣炒麵 $ 46😋指數: 🌕🌕🌕🌕🌑◻️每次黎都點 貪佢料多 醬料特別 入面有 木耳絲 胡蘿蔔絲 玉米粒 肉碎 份量都多🔺香脆芝士煙肉薄罉 $ 46😋指數: 🌕🌕🌕🌕🌕◻️💥必點💥 唔點我會嬲 (講笑) 做得好香脆 食到芝士味 好食到停唔到口一口接一口 🔥🔺野味溫室蕃茄豬肉餃$42 @8😋指數: 🌕🌕🌕🌕🌗◻️蕃茄好新鮮 🍅加埋豬肉成個餃子🥟變得好香甜 呢個我都係第一次試幾好唔錯🔹之前試左佢嘅菜苗餃 都好好食 菜苗餃係 #期間限定大家想食快啲去試餐牌上冇的🔹呢間鋪有同隔離 醋頭家 合作 打造 #黃色經濟圈

啲餃子好多特別款式，價錢相宜。豆漿好好飲，好香豆味，唔知係唔係即磨。長期排長龍，我下午三點去都好多人等，佢啲嘢食完全解釋左點解。店員好有笑容，依家香港好少有呢啲有人情味嘅食店舖面係小店格局，但係感覺好warm，大家一路食一路傾計。天旋地轉雞翼好香酒味，望落去好平平無奇，估唔到食落去咁香酒味又有雞味。另外叫左一個番茄撈面加韮菜豬肉餃。啲餃子好新鮮。好味過八方XX好多。最後再叫左一個頂級蟹粉豬肉餃。啲蟹粉一啲都唔腥，仲好香蟹味。

今晚與友人在元朗用餐，友人因為特別原因堅持到該店幫襯，去到未開舖，晚上要7點先開，很有性格，我從事飲食業多年，從來只有殿堂級的食店才有呢個氣颷，所以我都很期待，因為我係餃子的超級愛好者。回頭七點二已經全店爆滿，等了半個鐘終於可以入座。點了三樣，芝士pizza炸餃，蒿菜豬肉餃，荳苗豬肉餃。芝士pizza炸餃-最期待，中西合璧fusion嘢，不過希望愈大失望愈大。根本就唔係pizza😡係中式味道，勁似之前🍋老麥果個煎旦免牛包的味。味道ok嘅，但同預期好大落差。蒿菜豬肉餃-肉調味好濃（唔係味精），我比較prefer肉汁同肉鮮味的餃子，呢個除咗調味外乜味都食唔到，唔係我柸茶，可能有其他人喜愛🤷🏽‍♂️荳笛豬肉餃-黎到見到個餃皮唔夠熟，心諗可能係style唔想皮太軟，入面豆苗係鮮的，但友人發現豬肉唔熟，向店員反影，但店員話因為用新鮮豬肉係粉紅色，友人展示俾店員睇唔係顏色問題，係肉質見到唔熟，咬唔開果隻，店員堅持係因為新鮮豬肉所致反指好多客人有呢個疑惑，根據經驗店員堅持拗落去都冇意思，我話算啦。店員行開咗之後番轉頭，「如果你覺得你有需要我幫你再煮熟啲...」。加完工，一睇今次餃子皮就正常好多，皮全熟

食咗個蕃茄豬肉餃好好味，蕃茄唔會酸，又冇味精，唔會好重味，個芝士煙肉薄罉正!!個醋汁唔會好酸，應該係陳醋，好香!雖然價錢唔算平，但一分錢一分貨，絕對值得推价!一碗八隻餃，食一碗都幾飽。

上網見到好多人介紹呢一間小店，由於本人非常之喜歡食餃子嘅關係所以就嚟光顧一下啦不過要注意嘅依間店7:00晚上先開門，所以7:00之前淨係可以買生餃子同埋有好多餃子都未準備好嘅，所以要留意一下外賣生餃子嘅話一至六款就係$64 一打，七至10呢就係$69 一打，一打入面可以兩溝不過由於我晏晝去買嘅關係所以本身想食蕃茄餃子都冇得賣😞最後就揀咗甘筍雲耳豬肉餃同埋粟米餃之前上網睇已經知個靈魂精髓係果汁入面，夜晚黑煮嚟食嘅時候一點果汁真係如虎添翼果汁入面係非常之多料，小小算小小辣，好香幾好食，相反個餃子呢就都足料嘅，食材都多同新鮮不過我哋認為個水餃皮比較厚，有啲扣分但係個汁真係好正，冇咗個汁嘅話啲餃子就個人認為唔值呢個價錢😂所以強烈建議一定要點嗰個汁先食餃子

出街食飯，又係幫襯良心小店既時候今次第一次黎食“有得餃”呢到既餃子自家製，用既材料都係好新鮮我地叫左：冬菇有機白菜豬肉餃配豬骨湯麵相信係用料真係好新鮮，第一啖咬落餃子，已經好有菜香，d 菜係有咬口，唔係碎到食唔出個隻。由於清湯，老闆好好自動附上秘製醬汁，醬汁有蒜，芫莤，我估計有少少醋，好惹味！另叫左溫室蕃茄豬肉餃撈麵撈麵醬汁就係頭先提及既秘製醬汁，可見用料幾豐富餃子入面既蕃茄，切左一粒粒，食落感覺好清新！總結：係超級好味！員工都好好，好親切！絕對要encore!

食材新鮮，餃子種類繁多，除了湯餃還有炸餃子、手攪麵、撈麵、油渣麵、薄罉、豬手、雞翼等等。本人是素食者，他們的素餃是我食過最好味的，簡直是一試難忘！味道好，食材很重要，我見過老闆娘用新鮮粟米拆粒，絕非罐頭或冷藏粟米。另一推介是姨臣炒麵，我會special order走肉的素炒麵，一樣咁好味。搬了新舖地方大了飲品選擇也多了，終於有奶茶咖啡供應。老闆娘好好人，食得開心，通常在元朗開餐這間店會是我的首選，推介