曼谷車站

營業中

休息中

系德福商場逛完，打算平平地搞掂個晚餐，走左去得寶商場果邊食薩利亞，去到勁多人，最後放棄左，唯有系呢個商場發掘下Ｄ美食。其實food court都幾多野食，不過吾想同人搭枱。曼谷火車站好多人系到食應該吾差，就入左去食。雅座裝潢到一卡一卡火車，有假窗有埋座位篇號，夠哂闊落又舒服。自行手寫點菜。【炸蝦餅】$58 見到有手指公推介，見到又幾抵食就叫左份黎試下。香脆外皮，彈牙蝦肉，有成6件，2個人食太多。【泰式豬手】$88 豬皮炆到入口即溶卻不膩，充滿骨膠原，而且肉又吾老又入味，仲有清甜濃郁既鹵汁，浸住啲菜勁好食。【黃咖哩牛腩】$72份量好多，咖哩椰奶味重，醬汁撈飯好正，牛筋滿口膠質，薯仔粉軟。【蝦炒金邊粉】$62炒得惹味，甜、酸、鹹均勻剛好，酸酸甜甜開胃又爽口，加埋青檸汁，清新氣息別一番風味。

食泰國菜個個都會入去九龍城先好味，但交通上唔係話咁方便，今次發現到九龍灣商場內有間泰國菜都幾正同價錢相宜得寶商場樓下翻新到活化既牛頭角下村，而樓上都有一間特式小店--裝修到火車車箱既泰國菜--曼谷車站店內以卡位為主，配合返火車為主題，入邊會有香港同泰國既時鐘，抬頭仲會見到拉環同行李架，而行李架上亦放置行李，仿如置身火車車箱內食泰國菜當然要點冬蔭公湯湯底好足料，有齊秀珍菇, 草菇, 蕃茄, 洋蔥 香茅, 檸檬葉等香料，仲有一大隻蝦，食落好鮮味同爽口，吸哂湯既精華湯底好濃郁，酸酸辣辣十分刺激味蕾，而且好欣賞佢會用個小火爐一路滾住，所以每飲一啖都熱辣辣，而且仲愈滾愈辣，好滿足小食就叫左半打串燒(牛, 豬同雞)本身有醃過肉，食落好香香料味，而且燒得唔會太乾身，幾嫩口最重點係個沙嗲醬十分香滑同香花生味泰國菜都要叫個海南雞飯雞肉食落好嫩口，雞皮亦爽脆，雞香味突出雞油飯粒粒帶油光，有淡淡香料味，不過質感較軟身好多地方都唔會有濃甜豉油，最正係呢到有齊三個醬汁--酸辣醬, 姜蓉同濃甜豉油蘸完後會各有三種風味，小編就比較中意濃甜豉油較惹味平時通常都係叫馬拉盞通菜，見呢到有個推介--飛天炒通菜，當然要試下通

又再encore平靚正嘅「曼谷車站」，其實我哋好專一，連食嘢都係，所以食物方面都會叫返食過返尋味嘅嘢食😋泰式正宗海南雞飯（無骨）$68感覺好抵食👍🏻😊 雞嘅份量都幾多，有雞翼同雞鎚，雞都算幾滑，配三款正宗醬汁，每樣都非常好味，而且油飯都係好好味😋 值得推介👍🏻青咖喱牛肉 $62青咖喱味道濃郁，牛肉分量好多，味道好好，配蒜蓉包一齊食一流👍🏻蒜蓉包 $28本身叫咗一客蒜蓉包，但係覺得好好食😍 非常香脆，係外脆內軟，所以忍唔住叫多一客🤤馬拉盞炒芥蘭 $55芥蘭新鮮，馬拉盞炒得入味，味道好～泰式炒金邊粉 $62金邊粉份量好多，味道好好，蝦亦有好多隻，加上青檸汁更好味～餐廳唔使加一，卡位又坐得舒服，服務唔錯，食物質素好，晚餐好選擇👍🏻

食在牛下自從得寶花園整咗個牛下新城之後 的確係煥然一新 多咗好多好嘢食 今次就食小胖男友最愛既泰菜呢間曼谷車站裝修好過癮 外面有火車頭 而餐廳入面就整到好似火車內部咁 感覺猶如置身係火車車箱內食thai food小胖男友最最最鍾意就係飲冬陰功湯 幾乎去到邊度食泰國菜都必點 今次仲order埋蒜蓉包配湯 份外和味飲過無數咁多間冬陰功湯嘅我哋 都要讚下呢度嘅冬陰功湯 夠酸且辣 咸度恰到好處 夠正宗因為冬天通菜唔係最當造 所以我地揀左馬拉盞炒椰菜苗 椰菜苗爽脆 炒得夠鑊氣串燒都要讚下 水準之作 燒得好香 猶其串燒豬更加係又香口又好味主菜我地叫咗個重口味嘅泰式香葉肉碎炒飯 嗜辣嘅我哋覺得可以再辣啲不過都炒得好乾身唔駛加一 飲埋椰青都係三百蚊 價錢公道

今天是好友的生日，好友很喜歡吃泰國菜，知道這間泰國菜正宗又好吃，而且價錢又合理，所以便來曼谷車站一試。這裡的裝修好特別，有一卡一卡的卡坐，好像置身於車站裏。食物很正宗冬陰功河粉泰國嘢就一定要叫冬陰公湯，呢個冬陰公湯底辣度適中，微辣， 配料有蝦肉，青口及魷魚。 冬陰功湯味道香濃， 河粉彈牙 。柚子沙律 柚子很多也大粒亦不會碎濕濕。柚子上面有少少椰子，仲有蝦同埋腰果 。柚子嘅鮮甜，加埋椰子嘅香味，味道十分特別。 蝦炒金邊粉金邊粉味道可口，有酸酸甜甜嘅味道。 麵嘅質感彈牙 ，裏面有蝦同埋花生碎。河粉夠炒鑊氣 。芒果糯米飯 呢個係必点既泰式甜品 糯米飯煙煙韌韌 ，暖暖的，所用的泰國芒果很香甜 ，而且配埋椰子汁， 十分好味。沙嗲串燒 有豬牛雞選揀。我哋就揀咗豬同牛。 雞肉好嫩滑，而牛肉串燒好有牛味，也很有咬口。加埋佢個沙嗲汁，十分惹味。我哋叫咗半打之後 ，因為太好食 ，又再叫多半打。飲品住咗芒果沙冰同埋凍咖啡凍咖啡味道濃郁， 十分提神茫果沙冰意外地好飲， 感覺係用新鮮芒果打出來的，不是糖漿的甜味，值得推薦!

曼谷車站喺牛頭角得寶商場裹面，聽講呢間餐廳食泰國菜幾地道，我又系呢頭番工， 平時有時都會去得寶食吓野。屋企人鐘意食泰國野，所以今日同埋家人一齊去試下 ，餐廳嘅裝修好有特色， 好似一個車站咁，座位亦寬敞舒適我地叫咗碎肉生菜包肉碎炒得香口而且有微辣。除了肉碎，還有香茅，九層塔， 另外跟一兜生菜 ，夠哂惹味。無骨海南雞飯呢個油飯有好香的油雞香味，加埋無骨嘅雞肉同埋三款醬汁 ，小弟弟們好快就將個海南雞飯食曬了。飲品叫咗青檸梳打，茫果沙冰。青檸梳打用泰國嗰隻梳打水，好夠氣，加上青檸梳打的酸甜味十足， 飲完更加醒神。 芒果沙冰茫果沙冰係用新鮮芒果同冰去的好香，也不會太甜。 蝦炒金邊粉呢個金邊粉面嘅質感彈牙， 裏面有蝦同埋花生碎， 加埋啲青檸味 ，炒得又香又有鑊氣 。呢間曼谷車站的服務和食物也不錯。 價錢也十分實惠， 下次同朋友再嚟。

位於牛頭角既得寶商場，雖然係一個小商場，但入面既餐廳多的是！係食平野之選~上次放工同同事食飯，點指兵兵咁搵左呢「曼谷車站」，估唔到都有驚喜！又係兩個女仔，叫左3樣主食，1樣甜品同2杯飲品，真係會飽到癲左！因為呢間餐廳每碟菜好似好平，但分量適中唔算小。飛天炒通菜 – HKD52泰國菜必食之選，而且呢間整得鑊氣十足，而且啲通菜炒得脆卜卜，唔會過火過老，味道帶點微辣及咸香。青咖哩(豬) – HKD62大大碟的青咖哩，真係好送飯同送薄餅！因為朋友唔食得太辣，因為叫左青咖哩，好少好少辣，但椰汁味十足，味整個咖哩既味道更加可口濃郁，加上豬肉嫩滑。唔叫薄餅點真係對唔住自己 蝦炒金邊粉 – HKD62面質彈牙，味道酸甜開胃，同樣都係好夠鑊氣，加上配料十足，主角蝦肉都好新鮮！芒果糯米飯 – HKD48最期待的畫面出現了！呈上黎既時候，啲飯仲係熱烘烘架，令這個冬天不太冷，加上濃厚清香清甜既椰奶，味道好夾！而且芒果雖然不是當造，但都唔會太酸。芒果沙冰同龍眼冰 – 分別HKD28, HKD25同樣都是好RICH既感覺，配上呢餐飯，真係大滿足呀!

阿姨剛剛起醫院出嚟，佢話想食有味道嘅嘢。於是帶去佢。從九龍灣地鐵站就出來走大概廿分鐘，對老人家嚟講有少少辛苦。不過仍然可以。蒜蓉炒翡翠苗。這個菜我覺得比較有特色。首先他們用很香的蒜蓉炒 非常有鑊氣,最啱冬天食。其次翡翠苗很新鮮,就好像農夫剛剛收割好一樣，吃出那份真誠及誠意。海南雞飯這是我阿姨的最愛，她年紀比較大。已經冇牙，但係仍然能吃到他們的海南雞飯，主要是雞肉嫩滑無骨，很多餐廳也做不到。覺得唔錯。😊😊

呢日同親戚到得寶花園食飯估唔到而家得寶花園咁多嘢食平時要食泰菜都要去九龍城但呢度已經有間喺openrice評價不錯嘅泰菜館 - 曼谷車站咁當然要試試啦海南雞（半隻）雞肉好滑亦有正宗海南雞必備嘅三式汁醬但屋企人話呢度冇半隻雞雖然有齊髀翼但冇咗部份雞胸飛天炒通菜夠鑊氣但份量偏少炒金邊粉全晚最受歡迎夠鑊氣 配料足酸酸甜甜好開胃牛肉串燒肉質有少少乾醬汁有大量花生好好味但平均唔使$10/串真係平得好少見過下口癮都幾好小食拼盤包括有蝦餅 春卷 腐皮雞卷 魚餅蝦餅彈牙魚餅香料味道濃香細個食泰菜最鐘意食芒果糯米飯糯米 芒果 椰奶分開上芒果嘅香甜加上椰奶嘅清香解膩一流

The next station is......... Bangkok哈哈，呢日要到九龍灣做野，搞掂之後就由同事帶左我黎呢個車站度開餐中午套餐唔貴啵，仲跟餐有餐飲添我地一人要左個set之外，仲口痕痕咁叫左個“炸蝦餅”HKd$58一份六件，件件都新鮮熱辣，炸至外脆內彈，食落香口唔油膩，正呀同事既“海南雞飯”HKd$53賣相唔錯啵，份量唔少，我仲聞到個油飯好香添而我就要左個“青咖喱牛腩飯”HKd$49，同樣大大碟牛腩入味鬆化，仲有滿滿膠質既牛筋架青咖喱帶辣富椰香，配飯一流我個日仲加左10蚊轉飲香甜有o趙口既珍多冰我同呢位好同事都係嗜甜之仕，所以大家都好齊心咁話要黎個飯後甜品先滿足雖然我地已經每人食左個飯，但食泰菜啵，唔係唔食“芒果糯米飯”HKd$48做甜品呀所以我地就要左一份share食，芒果香甜，加上軟綿既暖暖糯米飯，真係又sweet又好味呀

《曼谷車站》 #食在牛頭角📍牛頭角牛頭角道3號得寶商場1樓218號舖-牛頭角得寶商場翻新後有好多特色美食進駐，今次試下呢間泰國菜。🔹肉碎生菜包 $65生菜夠新鮮，肉碎夠味，香料有啲過多，有時食食下會掩蓋咗肉味，但食落去都幾香，不過個人覺得可以再辣啲～🔹正宗泰式海南雞飯（無骨） $68配有三款醬汁迎合不同客人需要，個人中意左手邊必有既海南雞飯汁，酸度同辣度都剛好！油飯軟硬度適中，雞肉亦唔算”鞋”。不過佢明明係寫無骨海南雞飯，唔知點解啲雞肉都仲係有骨☹️🔹辣椒膏炒大蝦 $158大蝦有手掌咁大，一碟有4隻。雖然大蝦未去到好新鮮，但加埋配菜同香料炒，非常香口！而且每隻大蝦都好入味！加上食個陣好方便，本身蝦既中間已經切半，唔洗用手剝殼都可以食哂成隻蝦～呢個價錢有咁既質素都算唔錯！🔹青檸梳打 $23賣相夠特別，好小餐廳會用呢款玻璃樽黎另上梳打，青檸都算新鮮，但青檸可以放多小小，篤咗片青檸好多下，初初幾啖只係飲到梳打味，飲到落底先有啲青檸味。🔹芒果糯米飯 $48非常推薦！係用熱既糯米飯黎整，加埋芒果食落去都唔覺得奇怪。糯米飯唔會食到痴住啲牙，芒果甜度適中，配埋椰汁完全都唔覺得漏！兩個人食飽再share

呢間一直係我其中一間好鍾意嘅泰國餐廳 因為環境坐得好舒服同埋款式正宗得黎真係好多炭燒豬頸肉呢度嘅炭燒豬頸肉係半份既所以份量好多最啱同朋友一齊share黎食 豬頸肉經過碳烤之後外皮脆口仲散發住焦香味 而且經過碳烤之後成功將肉汁逼出 豬頸肉超級入味食到香茅香料既味道 炸魚餅炸魚餅一直都係泰國小食嘅代表作之一 呢度嘅魚餅每一件都好厚身彈牙 一咬之下肉汁更加係爆滿 即使唔加辣醬已經好夠味！泰式芒果蟹肉炒飯同行既友人超級欣賞！首先炒飯嘅配料超級豐富芒果粒、蟹肉碎、腰果粒、粟米粒蘿蔔粒加埋一齊炒好夾呀 主角芒果粒成功發揮到香甜既作用所以令成碟炒飯好入味 我仲每一啖都食到蟹肉 炒飯仲好有鑊氣！

難得亞妹來探我們, 難度真是在家煮個麵佢食嗎? 於是就和她去我們附近的其中一個"飯堂"開餐。 這間曼谷車站主打由泰國主廚處理的泰菜, 款式也頗多樣化。 而且座落在商場一角, 內裏空間十足, 又不會太嘈,  坐得舒服。坐下來我們很快就點了餸 (基本上常常都吃那幾款), 而店員亦很快上了菜。 炸蝦餅送來時真的冒着"熱氣", 非常香口的炸物每件都頗有份量的蝦餅, 味道不會只是一舊粉, 帶着蝦的鮮甜, 配酸甜汁吃十分惹味, 是個百吃不厭的小食。炒飛天通菜鑊氣十足, 想不到在秋冬時節通菜還是翠嫩脆卜卜, 煮得也不會過火過老。味道帶點微辣及咸香, 非常好"送"飯。乾咖喱炒豬頸肉不會太辣, 是甜中帶微辣那種。豬頸肉爽滑啖啖肉, 加上內裏有不少泰式小圓茄, 把咖喱和肉香的香味的吸收了, 更為滋味。這晚最驚喜的是菠蘿海鮮炒飯, 外表普通, 但饀料十足。除了有不少我喜愛的豬肉鬆外, 還有不少海鮮如魷魚和蝦仁, 帶來多層次的口感。而飯粒亦炒得乾身, 加入了提子乾更有水果的甜香。不只在炒飯中有菠蘿粒, 而最開心的是有四份一個新鮮菠蘿拌碟! 菠蘿非常清甜解膩, 而且切得一口一件的十分細心, 睇得又食得。最後還點

今日放工後想起很久沒吃蒸魚了，尋找一下附近，淘大附近的得寶商場有間《曼谷車站》職員服務態度、落單、上菜的速度都很快。 四周環境仿效車站，左手邊有車站全位，右邊有各國時間顯示，像真度很高。 明爐烏頭魚 （冬陰公湯） HKD 142 即叫即整是最為美味，而呢到有爐具邊煮邊食以保持其熱度，最岩凍凍地天熱！原條魚開邊鱗打得乾淨，旁邊有磨菇、菜、泰式料及冬陰公湯等材料，很香溢。夾起魚肉不易散又雪白。不單止，晤夠湯底旁邊還有碗冬陰公湯底不斷加。吃飯後可步行到九龍灣站只須10鐘！很近呢 ！

突然間好掛住曼谷街邊嘅小食同埋面，本身諗住都去九龍城食泰國嘢，但係點知搜尋之下發現九龍灣開咗一間名為曼谷車站嘅餐廳，見到食評介紹唔錯，來試吓！這個地點好方便，地鐵站一出行5分鐘就到！一去到你一定會認得出，他們嘅裝修就好似一架列車同埋車站，裝修10分有心思有得食！感覺就好似置身於曼谷當中！午餐時間他們都有不同午餐嘅選擇！而且價錢都係$50-60，泰國餐廳相當抵食冬陰公海鮮湯麵： 又香又辣嘅足料冬陰公跟湯麵一齊食，10分開胃，真係連湯都飲晒! 海鮮配料份量OK！泰式豬手飯：啲豬手比平時出邊嘅大隻一啲，好入味，而且煮得好琳，跟飯食一流見到隔離枱叫咗個串焼，我都忍唔住食！串焼三款，豬牛羊，沙嗲汁夜香味比較重，香而不辣，出到嚟係唔夠熱，但係都仍然好香！青檸梳打：夠大杯椰青：新鮮清甜今天來說這裏嘅泰國菜式都很正宗，價錢都好平民，想食泰國嘢可以過嚟一試