曼谷車站

營業中

休息中

住在九龍灣的人，通常去開德福廣場和淘大商場食飯，其實還有一個社區商場叫得寶商場，有些食店是卧虎藏龍，好抵吃的。這間曼谷車站常常是我和老公假日踢拖落樓之選。廚師炒得有鑊氣，熱喇喇上碟，今次午餐，我們叫了：炒貴刁，少少辣🌶好香口咖哩豬扒飯，味道剛剛好我覺得最好食其實是豬手飯，上次食了，今次無叫，平平地，值得試！

自從發現屋企附近有呢間泰國餐廳後好開心，以後想食好味泰菜不用再遠遠走去九龍城。餐廳設計成車廂般，好有創意，不少座位形成獨立廂座般，好有私人空間，坐得舒適。價錢超平民，菜式又比想像中多，有驚喜。香草粉絲大蝦煲熱騰騰香噴噴，好有鑊氣。估唔到有咁多隻大蝦，仲要超大隻啖啖肉，彈牙爽口。粉絲份量也多，吸滿濃濃醬汁，惹味十足。正宗泰式豬手，第一次吃，頗有驚喜，完全無骨吃得好爽，豬手非常軟稔，浸在醬汁上好入味，加上滑滑的豬皮，十分滋味。芒果糯米飯看似平平無奇，但驚喜十足，熱熱的糯米飯非常黏糯煙韌，椰汁香滑濃郁，滿滿椰味，芒果又夠多又非常香甜，極度美味。

今日去左徳寶商埸，原來裡面有咁多野食！俾我發現左呢間成個裝潢成加車咁既泰國菜！價錢平民化，仲要唔洗加一添。真係好抵！如果鐘意飲啤酒🍻仲可以試下呢度既泰啤。環境都幾好，坐得舒服夠闊落😬食泰國泰當然唔可以無既 泰式生蝦😻生蝦大大隻，冰鎮住夠哂新鮮，蝦肉彈牙肥美！沾埋個泰式辣醬，無得頂！泰國小食拼盤。大大碟，有四款每款有四件。岩哂四人食呀😬炸蝦🍤餅，好味！好彈牙，食落非常香脆！春卷 好足料，有好多蘿蔔絲青瓜絲，食落口感豐富惹味。魚餅同鳳凰卷也不錯！濕炒海鮮河粉😃食咁多炸野，食啲濕濕地既河粉岩哂喇，無咁油膩，又幾大盤。有唔同既海鮮 大蝦，魷魚等炒成，將汁撈匀，河粉夠哂入味！馬拉盞炒通菜 炒到好香又濃味，食落有少少辣味，幾開胃。通菜炒到好爽口，唔會話好乾。個汁又幾好味🤭仲叫左甜品🍮椰汁西米糕。香濃既椰汁糕，底下仲有粒粒西米，好有口感。☺️

想不到在牛頭角也可遇到地道泰國人主理的泰國餐廳，裝修以車站為主題，客人就坐在車卡似的卡位內進食，很有風情。但也不會奪去有素食物的風頭，所以食物仍然是主角。吃泰國菜自然就是喜歡它的濃味，但不一定要很辣。這個馬拉盞炒通菜就一點都不辣，反而帶有一點甜味，很易入口。菜也很鮮嫩，無需多咀嚼便可吞下，與鮮甜的馬拉盞成為很美好的配合。串燒也是必然的選擇，牛和雞就是自己的最愛，配上惹味的沙嗲醬，叫人吃完一串又一串的。明爐烏頭的質素也不錯，清湯底很清甜，可以飲用。魚也沒有腥味，質素很不錯呢。

朋友指引下，去左間隱密的泰菜餐廳。抵食多選擇味道又夠正宗，個人覺得值得推介。辣椒膏炒青口 $78甜辣濃郁的辣椒膏，加入左青椒、洋蔥、九層塔同青蔥，炒起上來好好味。薄餅 $28薄餅唔一定要配咖哩，用來點辣椒膏汁一樣掂。馬拉盞炒椰菜苗 $59馬拉盞好惹味，又香口，椰菜苗夠鮮嫰，可能呢個季節好啱食，正！菠蘿海鮮炒飯$72有別於一般菠蘿炒飯用上的半殼菠蘿，佢係成條切左粒粒的菠蘿上的。鮮甜之餘，仲食得好方便。炒飯大大個，炒得夠乾身。足料海鮮饀，有魷魚、蝦同青口肉等等，真係幾 good ! 泰式燒烏頭 $118好大條，表面舖滿鹽霜，仲用左香茅、薑葱、蒜等釀入魚腮位，增加香味。燒到脆卜卜的魚皮之下係嫰滑的魚肉，大大啖厚肉得來又唔會嚡口，幾 good 的。泰魚辣汁，冇限潻加，正呀！龍眼冰 $25龍眼冰的茶底好香，有淡淡的香葉味 （班蘭？）在香港實熟少有的，應該係正宗泰式做法。西瓜沙冰 $28上枱比較慢，加上已經溶溶地，可能係放左一陣先出來，少少失望。影相冇咁靚，但無損味道的。夠大杯，飲極都有夠過癮。

平時見到屋邨入面嘅泰菜， 都冇乜興趣。但係見到呢間門口 大大隻字寫住真正泰國廚師主理 好似好有信心,ok就搵日俾個機會佢。今日同阿媽講起呢間餐廳，佢話平時經過見佢新開裝修幾靚，好似又有啲誠意，咁岩今日出完去花墟買花行左好耐好攰，就決定去唔去咁遠，今日就試下佢 。一入到去有好多卡位， 每個卡位就設計到好似啲火車車箱座位， 牆上面又有火車站既大鐘， 天花有扶手手把。真係好似置身於泰國火車一樣 ，係火車車箱入面食個感覺幾特別。睇咗嗰餐牌，選擇都幾多，又唔使加一，價錢又唔貴合理。 最後就叫咗 海鮮濕炒河粉（$65)、泰式辣椒醬炒青口（$78、馬拉盞炒芥蘭（$55） 同埋 泰式鹽燒烏頭（$118）海鮮濕炒河粉話明海鮮炒河粉，海鮮又點少得呢，有魷魚青口大蝦，而呢度俾GE份量都幾多下，認真大方。 再加多菜粟米芯、芥蘭、 紅蘿蔔， 成個河粉即刻生色不少，口感同味道豐富哂！成個河粉上面有好多餸鋪係面見唔到d河粉咁滯，個份量真係好好好大份。泰式辣椒醬炒青口，青口一向都係我最愛，呢個個醬汁非常好食，如果佢份量再多D，就更加開心啦。馬拉盞炒芥蘭 ，芥蘭新鮮，落左D酒、糖同埋馬拉盞去炒，所以唔係好食到芥蘭本身G

約咗舊同事食飯，當然要揀一個大家都方便嘅地點喇！九龍灣的確係唔錯嘅選擇！去德福呢啲大mall都係得連鎖嘢，聽聞得寶商場裝修過，一直未有機會去食，就一於去得寶喇！見到呢間泰國嘢裝修好得意，就忍唔住入咗去喇！😂有齊要用嘅嘢，好方便呀！泰式炒金邊粉（HKD65）~炒等好乾身，加了青檸汁後味道偏酸，非常開胃！海南雞飯（HKD68）~噢！雞肉好嫰喔！而且雞油飯都好香！配上三個唔同嘅汁，呢個海南雞真係多變化呀！肉碎生菜包（HKD62）~非常惹味！除咗包菜外，拌飯都一流！珍多冰及龍眼冰（HKD28@）兩杯都足料唔會過甜！好飲！椰汁西米糕（HKD28) ~有5件呀！內裡仲有芋頭㗎！好耐都無見過喇！

下午茶時間食午餐，就黎餓死，40零蚊就有個飯或麵，包熱飲就試試佢。點左個泰式炒金邊粉，黎到份量都幾足，餓底女仔食完好飽。而個味道最驚喜，調味適中，酸酸甜甜，唔會太濕，蝦就無咩要求，有三粒，無雪味，有七成似泰國食ge味道！

之前送野黎得寶見到lee間餐廳個名幾得意就記住左，曼谷車站顧名思義係食泰國菜，今日先生蛇過黎同我食個lunch。我地叫左海南雞飯，雞肉已去骨方便食用亦好多舊雞，油飯幾香亦帶有香茅味，唔錯黃咖哩牛腩飯咖哩唔辣帶少少甜味送飯一流，薯仔鬆軟，有牛筋牛腩炆得剛好。每次食泰國菜都會叫既生蝦刺身，肉質彈牙厚肉，沾點甜酸汁好味道。椰青夠凍夠甜餐廳環境裝修似火車，有扶手，行李架等裝飾幾有心思。有位短髮侍應都幾nice。

地方好大坐得好舒服，餐廳以綠色懷舊火車做裝修椒鹽軟殼蟹，113蚊，蟹起碼有6件，好脆口入味，真係令人想食完一隻又一隻，除左椒鹽仲加埋四川辣椒爆有少少麻辣味，好正菠蘿海鮮炒飯，72蚊，菠蘿已經切成一片片方便食用，值得加分，飯粒冇黐埋粒粒分明，仲有大大隻八爪魚鬚炸蝦餅，58蚊，外脆，蝦肉彈口，用料十足薄餅，28蚊，表面帶點油光，又軟又香口，每份有3片，所以叫左2份椰汁冰，23蚊，好濃郁既椰子味椰青，35蚊，都幾大個，好清甜

大大架火車造型作餐廳出入口，其實內裏係4人卡位$35椰青，大大個清甜多汁，椰肉又嫩$28芒果沙冰，大杯，芒果味濃，凍天飲凍野真係好正$65肉碎生菜包，生菜爽口冇爛葉，約有9片，肉碎炒得好香，辣度對香港人黎講會偏辣，但我覺得岩岩好$58炸蝦餅，先講醬汁應該泰式醬再調較過，味道帶微甜，蝦餅好彈牙，夠厚身大件$55泰式馬拉盞炒通菜，會帶點辣，炒得唔錯，好入味$62泰式炒金邊粉，擠d檸檬汁落去可以帶少少酸味，更開胃惹味

之前同朋友食過呢間，覺得真係性價比高，唔來食多次都真係對唔住自己，今次就同同事來左呢到食lunch, 間野近九龍灣港鐵站，係得寶商場入面既1樓，餐廳裝修就係一架火車，所以都幾特別的~設備都好齊，已有水杯水壺在枱上呢到既lunch真係抵食又好味跟餐可加20轉椰青，加10轉龍眼冰平時散點椰青都要35，龍眼冰25所以叫set lunch轉飲品好抵龍眼冰好足料，啖啖龍眼肉木瓜沙律 呢個d醬汁酸酸甜甜，同埋有少少辣都幾開胃，木瓜都好爽口青咖喱牛腩飯lunch去食都係49份量都好足料夠食，牛腩牛筋都算多青咖哩好開胃，甜甜地又唔辣泰式炒金邊粉這個炒得唔油又好食味道都係酸酸甜甜咁，吱埋d青檸汁再撈埋d花生碎食一流細冬陰公湯都好大鍋下，3至4人食都得冬陰公好足料，有蝦，草菇，冬菇，蕃茄味道酸酸辣辣，好飲馬拉盞炒通菜d菜炒得剛剛好，炒得入味又爽口呢個都少辣服務員十分有善，食物又唔錯價錢又唔貴，真係誠意推介

生蝦刺身 $78菠蘿海鮮炒飯 $72沿著九龍灣地鐵站連着的天橋，一直向上行就到得寶商場，呢度有間抵食泰國菜，地方開揚舒服，食物味道好又新鮮。尤其侍應態度好好。生蝦刺身我最鐘意生蝦刺身，配上蒜頭辣椒，仲有秘制醬汁，下面墊有冰保持新鮮，肉厚好味。菠蘿海鮮炒飯，好juicy, 好多海鮮，仲有旁邊切好哂既波蘿，好正，好滿足。 #kanaka獨食 系列- [ ] 獨食氣氛：地方空曠座位多- [ ] 獨食配合：款式多份量分吃更好- [ ] 獨食份量：12分飽- [ ] 獨食價錢：$150—————————————-身邊越來越多朋友鍾意獨食，社會亦開始出現獨食文化혼밥，有見及此，經常獨食嘅小編決定多啲寫一系列嘅《一個人食飯》，以方便經常獨食嘅朋友做參考，希望大家多多支持我，follow我，或者俾個like我。你對我嘅支持好重要架。謝謝你。❤️

經過九龍灣，順便搵餐廳食個LUNCH，諗起上次去過呢間餐廳，D泰國菜唔錯，就再次去幫襯仲好記得餐廳裝修得好似火車上的車卡一樣大部分座位都係卡位, 好似坐上行駛中的列車，呢個特色相信都比較少有點咗一道菜蒜蓉炒芥蘭最鍾意食芥蘭，口感爽脆，仲要炒得好香，而且喺菜上再額外灑上惹味蒜片，做到色香味俱全，簡直就係製作認真，令食客驚喜又欣賞第二道菜，再次order明爐烏頭魚，配香味濃郁嘅冬陰功依然水準十足~魚有鮮味，夠嫩滑加上濃郁酸辣冬陰功，裡面有香矛、泰國薑等等足量香料，醒胃又提神！最重要係質素高之餘，價錢又實惠餐廳嘅泰菜仍然保持水準，下次再經過會再嚟！

落樓食飯@曼谷車站地址：牛頭角牛頭角道3號得寶商場1樓218號舖 九龍灣食肆雖多，但食泰式菜只佔一兩間，心血來潮想食泰國野，一於去最近個間，務求快海南雞同泰式豬手都是店中名菜，由泰國廚師主理，有跟碟頭飯，也有為多人而設當一道菜。但我唱反調，因想一次過食豬同雞肉$68 串燒（半打）咪一次過滿足我2個願望。一串插了好多肉，比想像中大串，加上沙嗲醬，花生椰糖香茅及多種香料炒成，錦上添花更好味。肉又帶股燒香味， 所以我怎會不愛呢！自己都食得曬一碟。$52炒雜菜，成日覺得幾款菜炒埋一齊比單一種菜更好，不論在營賣相同口感，一碟食到幾種蔬菜好似抵好多，今日出街食都不另收啦！清炒最好simple is the best 同埋沒點白飯，就避開太多濃味食物，炒得利落蔬菜爽口。 偷偷告訴大家仲有海鮮，重點是百來元一點都不貴，改變了我食泰國海鮮一定比人斬到一頸血我印象，下次帶妹來試先。