曼谷車站

營業中

休息中

🔺曼谷車站早排出到牛頭角搵朋友 行到攰攰地出晒汗😅就入左呢間餐廳飲下野食個沙律解暑🤒.泰式金柚沙律🥗金柚啖啖肉好大舊 非常juicy💦上面舖左好多腰果增加口感👍🏻醬汁酸酸甜甜好惹味😻.酸辣鳳爪沙律🐥每次食泰國野必嗌之選鳳爪切開一半方便進食🤤配菜洋蔥、紅蘿蔔非常爽脆😋酸辣嘅醬汁都好開胃👍🏻.新鮮椰青🥥即叫即開嘅椰青超解暑味道夠晒清甜🤤.總括黎講呢排天氣又熱又濕💦食下涼拌沙律消暑得黎又開胃👍🏻係一個不錯嘅選擇

之前食過一次曼谷車站，覺得菜色選擇多、味道亦唔錯，決定今次再度幫襯！酸辣鳳爪沙律 $55平時食開青木瓜沙律或者泰式柚子沙律，今日想來點少刺激，二話不説叫左個酸辣鳳爪沙律。無骨鳳爪口感爽脆，混合酸、甜、辣的味道，非常開胃。加上紫洋蔥、青瓜絲、番茄仔，越食越覺清爽惹味。正宗泰式無骨豬手 (半隻 $85；一隻 $158)每次去泰國都必食泰式無骨豬手，肉質炆至軟淋入味，嫩滑無臊味，豬皮含有豐富膠質，滿滿的骨膠原吸盡醬汁精華，Q彈軟嫩，豬皮同豬手都能夠輕易撕開，而且做到肥而不膩，送埋飯食真係一流。

疫情關係無得去旅行，唯有喺香港周圍搵下唔同國家嘅野食止止癮啦🙈 今次揀左去朋友地頭嘅牛頭角呢間曼谷車站食泰國野，叫左2餸1菜食～1️⃣ 正宗泰式無骨豬手女仔最愛嘅骨膠原🤤 整得好入味、好香，拆晒骨食起上嚟好方便👍🏻2️⃣ 泰式馬拉盞炒通菜馬拉盞味超香！食起上嚟少少辣嘅香味，好惹味😋3️⃣ 燒牛肉食肉獸點可以唔嗌😍 燒得好靚呀～ 入面仲係紅紅地架，但又唔會有血水👍🏻 點左個醬汁食落口仲無咁膩添☺️約定下次再同朋友試其他餸😌

呢間餐廳好得意，外賣喺有啲車輪碌碌咁，好似坐喺架列車度咁🤪如果爸爸媽媽帶小朋友嚟呢度應該幾開心🤣炸蝦餅炸粉唔算好厚，唔會淨係食到皮食唔到肉，外皮脆脆的，蝦肉份量都算多架🤩仲會剪開咗半舊半舊咁方面食用👍🏻一共有6塊咁多呀！咬落有啲香蝦味好juicy🦐如果點埋個醬汁仲好開胃添😌燒牛肉中間肉質燒到粉紅色咁，一上枱已經好想咬落去🤤估唔到呢間餐廳會燒到粉紅肉出黎😂外層燒得剛剛好，咬落肉質好軟腍，仲有啲汁爆出嚟添🤪點埋個泰式辣醬仲好味😋

九龍灣得寶商場上有不少小餐廳可供選擇，其中一家就是曼谷車站以性價比高著稱，數十元一個小菜，餐廳內的裝潢好似曼谷車站一樣，有著世界各地的時間對照食物：豬手飯$68非常全面的飯，除了炆得軟稔的豬手還有芥蘭，酸辣汁跟白飯，吃起來菜肉飯都有，好像一個ＳＥＴ一樣青咖哩牛腩$72牛腩炆得軟稔入味，份量又大，還有紅椒跟泰式茄子，不可多得的一道小菜！馬拉盞炒椰菜苗$59份量既大又不會太濕、惹味又甜，是補充膳食纖維的好機會

呢期真係經常係屋企工作，完全冇機會可以出到去食飯，而且又怕武漢肺炎嘅影響，過咗兩個星期後我啲朋友一直叫我出去，我終於都忍唔住要同佢一齊出去食下飯，佢今次介紹我食下啲泰國嘢，佢話食下辣可以抵抗下肺炎，雖然係吹下水，不過都好啦照去啦今次我去咗九龍灣德寶商場呢一間曼谷餐廳。由於都係得我同佢我就簡簡單單叫咗兩個餸就算啦！酸辣鳳爪沙律一個鳳爪辣中有帶酸甜，大份又爽脆,真係做得唔錯,又適合怕辣既我，好正啊！回想起媽媽以前親手做嘅白琳鳳爪鹹魚炒芥蘭呢個係泰國菜必食之選，味道濃郁，每條芥蘭好夠鹹魚味，而且佢嘅醬汁完全入晒落條菜入邊食落去非常之香口帶鹹香，唔錯唔錯！總括而言呢一間鋪頭雖然屬於小舖，但非常之有人情味，亦完全食得出泰國嘅風味！價錢亦都唔算好貴，真係值得大家過嚟試一下！

今日收工同同事去九龍灣買野，見有啲肚餓黎左得寶搵野食，經過呢間見佢地餐廳設計又幾過癮，又想食炸蝦餅😂所以點左兩款食物醫醫個肚仔，🍤炸蝦餅$5️⃣8️⃣炸蝦餅炸得幾金黃，食落好酥脆，有時點炸蝦餅都幾驚會係炸左好耐之後上菜會話淋曬，呢間係即點即炸，所以都好脆卜卜，同埋咬落幾札實。鐘意食炸蝦餅既朋友可以一試，呢個唔錯👍🏻🇹🇭 泰式炒金邊粉 $6️⃣2️⃣Pad Thai 係泰國 🇹🇭 出名既美食，自己本身都鐘意食Pad Thai ，所以點左黎試下，呢個就唔會太油，但用料比較少 如果蝦多多一兩隻會開心啲 😂

估唔到九龍灣有間咁正嘅泰菜😋呢晚去九龍灣搵朋友食飯，佢帶咗我去得寶商場搵食。原來嗰頭都咁多餐廳，其中有間個樣好似火車咁🚅，好搞笑，我哋就去左試下，食泰菜嘅，我哋嗌咗兩碟餸加兩碗白飯。正宗泰式無骨豬手🐷👋($88)，Wow豬手好抵，成鍋咁上，份量好多，而且無骨🦴，啖啖肉，正呀😋。側邊個泰式辣醬都幾惹味。估唔到連隻蛋都入哂味，唔錯。整體嚟講，送飯一流。泰式馬拉盞炒通菜🥬($55)，泰式風味不嬲都好香口，而且配炒通菜係最正🤤。抵讚嘅係通菜好嫩，似呀媽炒果啲，無乜下欄野。餐廳用咗少少辣椒炒🌶，所以都有啲辣味。不過應該小朋友都食到。泰國絲苗飯🍚($12)，白飯我就無影相喇，正正常常啦，起碼夠大碗！呢餐泰菜都幾唔錯，街坊小店，大眾價錢，味道一啲都唔失禮👍。

咁岩黎Kowloon bay 之前都想試下呢間曼谷車站，終於有幸一試可能係疫情原故，晚市時間都唔係好多人，眼見都有做足防疫措施，可以安心用餐叫左個菠蘿炒飯&馬拉盞炒通菜菠蘿味鮮甜，好新鮮～ 炒飯的火喉也不錯👍🏻另外一點馬拉盞炒通菜，帶有微辣味，份量都相當唔少，值得一讚本來想叫多杯啤酒，點知叫左好耐都無人理我。最好無叫。食完野坐下果陣，無啦啦個呀姐走黎收我既野食，問都無問 默默地咁收曬，其實勁無禮貌！呢個部分希望餐廳注意一下

味道, 環境, 價錢皆物有所值，數次晚市到來，均不需排隊, 已可入內就坐。環境屬半開放式，幸位處商場上層，人流不算多，不會與外邊相望而食。餐牌均為大路泰式菜，喜見價錢相宜。點餐上菜，所候時間亦不長。味道不賴，尤其青咖哩，是對的味道。

小弟從未去過泰國，今次去左「曼谷車站」感受一下。餐廳將門面佈置成曼谷火車，入面更裝上扶手、行李架，令環境更逼真。另外餐廳另一面掛上代表曼谷、香港同布吉嘅時鐘🕤。- 泰式炒金邊粉我每次食泰菜一定會叫經典菜式Pad Thai，上菜時侯見到熱蒸氣，證明鑊氣十足🔥。金邊粉口感煙煙韌韌，而且炒得不濕不乾，甜酸味配合得宜，唔會過酸，另外蝦肉有兩大粒，肉質幾新鮮結實。- 正宗泰式海南雞飯（無骨）食海南雞梗係要配油飯😎！ 雞肉嫩滑唔韌，油飯色澤微黃，粒粒分明兼充滿油香。另外點上黑醬油更有少少煙熏味。- 半打串燒串燒有齊雞、牛、豬劍俠，牛認真麻麻，雞同豬就唔錯，其中雞肉幾多汁，沙嗲汁偏甜。三道菜加埋唔駛$200，泰國菜真係抵食。

我一直都未去過泰國，相反女友係泰國通，去泰國旅行超過四次。由見及此，女友今日帶左我去「曼谷車站」感受一下泰國既氛圍。餐廳將門面佈置成曼谷火車既側面，入面更裝上扶手、行李架，令環境更逼真。另外餐廳掛上代表曼谷、香港同布吉嘅時鐘🕤。- 泰式炒金邊粉我每次食泰菜一定會叫經典菜式Pad Thai，上菜時侯見到熱蒸氣，證明鑊氣十足🔥。金邊粉口感煙煙韌韌，而且炒得不濕不乾，甜酸味配合得宜，唔會過酸，另外蝦肉有兩大粒，肉質幾新鮮結實。- 正宗泰式海南雞飯（無骨）食海南雞梗係要配油飯😎！雞肉嫩滑唔韌，油飯色澤微黃，粒粒分明兼充滿油香。另外點上黑醬油更多少少煙熏味。- 半打串燒串燒有齊雞、牛、豬三劍俠，牛認真麻麻，雞同豬就唔錯，其中雞肉幾多汁，沙嗲汁偏甜。三道菜加埋都唔駛$200，泰國菜果然抵食👍🏻

得寶商場近年多咗好多臥虎藏龍嘅食肆，今日就約咗個住喺三彩嘅朋友嚟到呢度幫襯吓呢間泰國菜。可能係我個人主觀意願，總之我一見到個餐牌有泰文的話，就會覺得佢嘅泰國菜應該都幾正宗，哈哈哈😂每次食泰國菜我一定會叫炸蝦餅，呢度嘅炸蝦餅都做得非常之出色，蝦肉夠彈牙，外皮炸得脆口而唔油膩，好味！馬拉盞炒通菜炒得非常香口，份量都多，唔油膩，少少辣好惹味！餐牌話呢個牛河有兩隻辣椒，我唔係咁食得辣，好彩佢話可以轉小辣，即刻啱晒我口味河粉仲加入左洋蔥，令成碟牛河好清新，減卻咗食完飽飽濟濟嘅感覺。最後叫咗個芒果糯米飯，原隻芒果分兩邊排列整齊，佢嘅椰奶比平時食到的特別香甜，糯米飯同芒果份量比例啱啱好，大滿足嘅一餐！

好少到九龍灣食野，咁啱係呢頭搵朋友，見到一間泰國餐廳叫曼谷車站，就心血來潮想入去試吓。呢間泰國餐廳裝潢都好有泰國feel，入門口之前餐廳員工幫我們探熱、和塗上搓手液，這個疫情下衛生防範10分充足，讓人有一種安心的感覺。我們兩人點了這裏10分出名的海南雞飯和芒果糯米飯，還有酸辣鳳爪沙律作前菜，在點了一杯龍眼冰，便開始我們的晚餐了。首先上台的是酸辣鳳爪沙拉，這個鳳爪是沒有骨的配上沙律10分清新，酸酸辣辣好開胃，而且鳳爪無骨十分之容易入口。好快主菜便上枱了，海南雞和飯是分開上的，這個飯是雞油飯十分之香，海南雞肉十分之滑溜和新鮮，配上三種不同的醬料可以點，令這個海南雞有着不同的味道。食完海南雞飯我們就食這個芒果糯米飯，大大塊芒果十分之甜，糯米飯也做得十分之鬆軟，兩個配搭起嚟真的很搭配，不枉係招牌餐之一。我們邊吃邊飲這裏的龍眼冰，龍眼冰的龍眼10分之多，用了十足，一杯龍眼冰都差不多有10粒，讓人飲起上嚟很開心。第一次到這個曼谷車站泰國餐廳感受10分良好，下次想吃泰國餐都可以再嚟。

這間曼谷車站的設計就好似一架火車般，幾特別，開設於九龍灣一個比較舊式的得寶商場中，所以食物價錢都比較親民，仲要免加一服務費，餐廳座位闊落舒服。點了一個青咖哩雞，份量不算太多，青咖哩汁亦比較稀身，但椰香味足，雞肉嫩滑，而泰國小茄子，青豆，檸檬葉及九層塔當然不可少，除了點了個白飯外，還點多一客香脆的蒜蓉包來沾這個咖哩汁，好味。泰式炒椰菜苗，炒得脆綠惹味，亦不會炒得太油。青檸疏打，更是用上原樽泰國疏打水。