暹羅苑

營業中

休息中

暫時未有得去旅行，又好掛住泰國野，所以決定約班朋友去食泰國野，呢間餐廳係七姐妹道，餐廳入面好光猛又寬敞，有好多枱，打開餐牌有好多唔同種類揀，啱曬一大班朋友嚟食。本身都想嗌套餐，但見散嗌嘅食物再啱食啲我地5個人都叫咗7樣野食一開始食個泰式生蝦同炭燒豬頸肉泰式生蝦有6大隻生蝦配蒜片同紅椒再點埋個秘製汁生蝦都幾新鮮餐廳好有心思將蝦頭炸埋可以一齊食，咬落好脆口又有少少膏炭燒豬頸肉份量都算多，豬頸肉燒到個邊有少少焦，好香口同埋切得薄，所以好淋主食有泰式炒金邊粉Pad Thai黃咖哩雞 有咖哩點少得配埋個香油酥餅泰式炒金邊粉Pad Thai金邊粉炒得幾有鑊氣，配料有蛋絲和芽菜外仲有花生粒，想再酸啲可以嘖兩滴青檸汁蝦肉肉質爽甜整體不錯黃咖哩雞個咖哩汁比較稀，雞肉幾滑。入面有洋蔥、青椒、薯仔。有少少辣黃咖哩用嚟送白飯一流香油酥餅唔點咖哩直接食好脆口，佢又唔會整到好油淋淋點咖哩汁都好正，所以有兩種食法小菜有馬拉盞炒通菜、鐵板蠔仔炒蛋馬拉盞炒通菜炒得幾香口，個馬拉盞幾惹味又不會過咸，一上菜就好快食曬鐵板蠔仔炒蛋非常推介鑊氣好夠，蠔餅入口唔腥，而且蛋和蠔的分佈也很平均，幾乎一口可以吃到2-3隻蠔仔又好快掃清

因為食物水準唔錯，特別係泰式豬手，所以幫襯過兩三次，今次第四次幫襯，上一次幫襯已經覺得個經理態度好差，而且仲要落錯單，最離譜係外賣出都唔會叫你，每次都要人等到唔耐煩問先攞比你，真心，唔係佢d嘢食ok真係唔想再幫襯，今次係相隔成個月屋企人話要食先去買，諗住今次會好少少，點知今日 係史上最差,入門口無招呼都算，直頭企係佢面前話叫外賣都唔理你， 好老實講，雖然我係叫一個飯，但係都唔應該有咁既服務態度囉，仲要係堂堂一個經理， 雖然啲嘢食ok，但我以後都唔會再幫襯佢。

人生第一次寫OpenRice 食評野食一般，都好小問題問題係個態度野都味飲完 趕客走知你想轉多幾輪，都大家醒目快快食，早到過我地都味食完 就黎開口2次叫還台Lunch time12:5x分到齊啲飯。 岩岩爬完入口13:05就趕你走。 咁我不如直接去食快餐啦真係食到一肚火 想受氣既 歡迎大家去食為左你呢間垃圾服務既餐廳，一食完就要醒返個中肯評分比你，真係唔知你點做生意，講幾次飲埋就走，都可以1分鐘催2次單 直接叫新一台客黎 逼人即走

北角有間泰國人開的泰國菜，小食及主菜都好好味，除左有泰式沙冰还有泰國啤酒飲，4人枱/6人枱卡位，坐得好舒服，員工態度親切有禮！今晚order 了泰式白雲鳳爪， 炸魚， 泰式串燒， 泰國生蝦， 泰國海南雞， 叫了一支紅酒飲！ 味道好好，尤其炸魚， 起曬骨啖啖肉 ，食得開心！今晚好滿足， 好食過九龍城嘅泰國菜館多多聲。 一定會再來光顧，下次叫埋屋企人或者朋友嚟食飯先！ 又畀我發現一個好地方！ 原來北角有一間好好食嘅泰國菜《暹羅苑泰國餐廳》，Siam Garden Thai Restaurant.

倆小口這天碰巧都想吃泰國菜，於是便四出找尋港島區既便宜又好吃的泰式風味。✨泰式金邊粉✨金邊粉炒得很有鑊氣，味道酸酸甜甜的很易入口。配料除了有蛋絲和芽菜外，還有數隻蝦仁，蝦肉比想像中好，肉質爽甜而且沒有雪藏味。✨海南雞飯(轉雞脾)✨白飯帶些少蒜香，不油膩，跟餐奉送清甜火湯一碗。海南雞脾份量很足，每件都非常厚肉，雞肉嫩滑不過味道較為清淡，沾一沾附上的酸甜醬汁一吃起會更惹味。✨泰式炒通菜✨有時總覺得在泰國餐廳點炒菜不化算，因為一碟馬拉盞炒通菜索價70、80元，而且通菜質素平平。這次見到餐廳的泰式炒通菜價錢合理，即管一試。通菜上碟時色澤仍舊翠綠，醬汁惹味得來不會過咸，正合我們心意，這次果然沒有選錯！

今日lunch嚟咗食呢一間餐廳，因為佢通常都有位。今日我就叫咗個午餐B菠蘿炒飯加串燒雞肉，講真個炒飯完全冇味只有有幾粒碎菠蘿只係食到少少菠蘿味，我食咗三份一碟都唔知有冇食😞不過串燒雞肉就唔錯，但我都係食咗半支，其餘分左比同事食😊其中一個就叫咗個咖喱牛腩飯，佢話唔錯有個就叫左呢個喇沙，睇見好多油好似好辣，但係得小小小小辣，對唔食辣嘅人都啱食總括嚟講我嗰個就唔好食佢哋話自己嗰個有啲就話好食有啲就話普通（難道我真係比較嘴刁🤔)

父親節時帶住老豆🐷去食飯，又要就近原則，街坊推薦食這個泰國野~ staff都係泰國人，一定好正宗。街坊泰國菜有個188晚市套餐，包括冬陰功湯魚同任選一個菜。我地仲加咗雜菜粉絲煲冬陰功湯會提前俾多碗，飲完仲可以免費加，超好味，不會太辣，又食得出香茅等的香味，入口順滑。烏頭魚煮到入味，肉質都比較緊緻，比較新鮮的魚🐠🐠🐠🐠湯裡面仲有d配菜，例如豆芽，菇，金針菇，白菜等。海南雞偏肥d，不過好抵食，仲係雞腿添

周末同屋企人黎食dinner, 因為有小朋友，而呢度座位都比較寬敞，所以就book呢度啦😊😊炒金邊粉夠鑊氣，而且唔係好多油，蝦彈牙串燒好香，肉汁夠，配埋沙嗲汁好惹味...冬蔭功材料十足，香辣程度適中，焗青口中規中矩，菠蘿沙冰唔會太甜蝦餅彈牙有蝦味，燒豬頸肉食物質素高, 但服務態度好一般，嗌左個小食拼盤，都起碼追左3，4次先黎...枝裝飲品都要追2次🤦‍♀️🤦‍♀️有時根本分唔清係漏單抑或製作中🤷‍♀️🤷‍♀️希望食店服務質素可以改善下，唔好浪費廚師嘅一番心機同美食啦

中午時段鰂魚涌都係一個人來人往好難搵到位食晏晝嘅地方但我呢次都要介紹俾大家呢碗雞絲喇沙$60真心講呢碗野個湯底真係做得好好非常非常咁入味平時食嗰啲係比較淡冇咁[結］但呢碗不得不稱讚60蚊大大碗難怪每次每次中午都大排長龍

一行八個人來到，為了方便聊天，選了一張圓桌。但是桌子很小。餐牌上可以選擇的菜式還是比較多的，鋪子雖小，但是有生蝦。我們選了一炒辣蟹的套餐和鱸魚的套餐。本人覺得辣蟹不夠辣，偏甜一些。黃金蝦炸得很香，但是蝦可以再新鮮一些。泰式生蝦不錯，那天的蝦比較新鮮。冬蔭功湯極力推薦。豬頸肉的水準中規中矩。如果點了套餐，可以用12塊錢的價錢買一瓶小瓶的泰式啤酒。總的來說，味道和價錢是合理的。來吃的客人越晚越多，總的來說，餐廳坐的還是比較舒服的。

兩年前錯光顧一次，印象不深，今次我跟同事於鰂魚涌開完會後齊齊過來再吃，不過行遲一步，我地足足等左15-20分鍾先有位！如果2-3人都容易拎位，他們出菜好快，大量製作仍然是新鮮出爐，但好似我地成6-7人食飯，就要有心理準備等耐d呢度午餐選擇多，我叫左咖哩雞餐，鮮黃咖哩特別有椰香，香滑好味，咖哩汁有少許偏甜，撈飯真係好好食架！特別一讚是薯仔，軟腍入味，想不到呢道如此簡單的咖哩雞，真的冇泰國咖哩的風味！餐廳面積不大，但座位幾多，比較擠逼，符合香港餐廳特色，免加一，特免飲料+7，午餐可以一試！

2018年9月21日。晴。北角。夜晚出街食～揀咗呢間泰菜！有套餐～～～超級抵！$188可以有魚，又有雞泰式明爐冬蔭湯烏頭魚冬蔭功湯底，非常香濃，鍋下面點住火，不停煮，湯會越煮越濃，越來越辣但可以叫店員加湯，係咁飲係咁飲，好味！！套餐另一個餸可以三選一，我哋嗌咗雞雞就普通啲，腍咗啲，鮮味亦唔夠，仲有啲雞毛。。。4個人食兩個餸唔夠飽，所以再嗌咗個肉碎飯香葉肉碎飯味道唔錯，本來以為係辣嘅，但原來唔辣無乜特別嘅地方，不過不失椰青食泰菜必點飲品，清新可口，果肉清甜～

啡色 水吧男侍應態度 極度 惡劣， 對大人小孩都冇禮貌吹落單，黑面對客但又漏單。 食物品質不算差。家庭有小朋友千萬別帶去，他們放熱食物時會在小童頭上經過，十分危險。希望佢老板改善一下，今時今日這種服務態度，不要期望客戶會再來。

今日約好朋友出街食，佢囝囝們訓覺後就可以gathering, 我們今次選擇了這間泰國菜。在七姊妹道，好大的餐廳！今日假期所以客人都幾多好光猛又寬敞，好多枱（大及小），所以不用等好耐就好快有位有好多唔同套餐選擇，有蟹或魚選，之後再選多一種配搭（蝦、肉或菜）幾抵食好朋友好喜歡這個生菜包肉碎，微微辣味幾開胃，可惜咸了點；生菜都好乾淨新鮮泰式焗粉絲蝦煲好香呀，粉絲好入味，吸引了醬汁及蝦精華好正又美味好愛這個粉絲大蝦好爽口，大隻鮮味泰式青檸明爐蒸魚微微辣酸酸的，青檸味唔錯；烏頭肉好味，點汁食更正；配上香香莞茜好味；另有一碗汁可以加，唔怕煲乾

抵食之選，夜間188蚊有魚又有肉，但大大份，試問邊度搵到。呢間舖頭就可以做到。晚市套餐B，只需188就有冬蔭公烏頭魚一大條同埋一大邊海南雞。而且佢嘅製作出品完全唔會將貨就價，渣流灘。由於無主食，所以另外叫咗大蝦金邊粉。呢個冬蔭公烏頭魚，味道幾好，份量又大，個湯好飲，飲到咁上下，仲可以叫佢另外再俾一個湯你，如果唔係燒到痴曬底你話點算啦。海南雞，夠曬嫩滑，不錯。金邊粉就軟咗少少，有點易斷。總括嚟講，188兩個餸可以話係無得輸，冬蔭公酸辣酸辣咁值得推薦。