景霖正宗四川麻辣米線 (通菜街)

營業中

休息中

好似好耐無來, 今日忽然想食, 叫左素食A湯米線, 微辣, 加左碟手拍青瓜🥒, 又係無熱豆漿, 得凍豆漿, 轉頭送上凍豆漿, 夠凍唔甜, 但無乜豆味, 之後也送來手拍青瓜🥒, 但上面d醬好似太多😅, 只係食到麻味, 再之後送來素食A湯米線, 可能加左微辣, 我個人覺得咸左少少, 不過d湯夠熱, 今日來的份量就多過之前, 入面好多配菜, 米線份量都好多, 浸左湯就更加好食, 煮得剛剛好, 每樣素比二件, 味道最後係素食牛丸同芋頭丸👍👍, 味道都保持水準, 如果又想食素又想食清淡d, 依度都係幾好選擇, 不過今次再食就覺得唔加辣會好食d😄, 下次再來要記得了😅

好似好來無過來食🤔, 今日過來食素食B, 要米線唔辣配凍豆漿, 等左一陣豆漿送來, 依然夠凍, 不過今日覺得甜左d, 再等左ー陣送來米線, 感覺份量好似少左d😅, 覺得少左d菜😂, 飲啖湯先, 夠熱清甜🥰, 米線煮得剛剛好, 唔會好淋😁, 每款素食比左二舊, 黑椒素牛丸, 食到好香黑椒味😋, 蔬菜豆腐入面個饀好滑😄👍, 鮮竹卷入面好多饀🤩, 有d木耳同芽菜😁食落好爽口🤩, 唔係想食好多野, 素食系列的米線係幾好的選擇😆

間嘢好差，又慢，等好耐。佢優先賣俾堂食，根本唔係跟次序。包外賣嘅丫姐好似新嚟咁，慢到個點，等外賣等到20分鐘。如果唔係俾咗錢，真係想唔要啦。買外賣即刻上小巴，間舖頭外面已經係小巴站，點知一落小巴就穿膠袋，外賣加$3，2個米線餐逼埋一個大膠袋，真係值$6咩？另外，食物都唔係好得，酸辣米線超級酸，唔辣。未見過咁差嘅米線，有得揀都唔好買，好後悔貪方便，搞到周圍都污糟晒。價錢又唔係平，計番其他舖頭仲抵食。

一個人放lunch，諗唔到食乜佢下午茶$44兩個餸有埋豆漿，或者係一個餸加兩隻雞翼，味道都正正常常嗌咗蔬菜豆腐同埋萵筍，個面底都幾大碗，食完都好飽，但係味精味偏重，整體正正常常冇乜特別。

今日初一又食下素, 今日叫番素食A, 要上海麵, 唔要辣, 無熱豆漿, 要左杯凍豆漿, 等左一陣, 豆漿先到, 依然夠凍, 不過今日就唔係好有豆味😜, 再等左一陣碗麵也到, 份量依然十足😁, 飲啖湯先😙, 熱辣辣😄👍, 每舊餸都有2件, 百頁豆腐, 素貢丸, 素芋頭丸, 夾d上海麵食下先😛, 浸左d湯, 好食, 麵的份量都唔少, 今日覺得百頁豆腐入面幾滑👍😄, 芋頭丸入面好香芋頭味😋, 今日覺得貢丸都幾好食😉, 亦有大量芽菜, 也有d芫茜☘️, 也有d枝竹, 今日係比生菜🥬, 整體今晚都唔錯🥰😍繼續保持水準🤪

今晚再過來景霖, 原本叫素食A加少少辣, 但店員😅😅落左素食B加少少辣, 另外送凍豆漿, 等左一陣豆漿先送到, 夠凍有豆味, 再來米線, 飲啖湯先, 熱辣辣幾好味🤩, 米線浸左湯好味, 其他素食每樣二舊, 另外有通菜同芽菜😁😉好多菜😍😍好滿足的一餐, 份量十足, 不過還是喜歡素食A😆😆

今晚再來食, 今晚試下酸菜魚🐟少少辣米線, 加十元要兩只香草雞翼🐔, 配凍豆漿, 等左一陣豆漿先到, 夠凍又充滿豆味, 不過可以淡番少少, 之後送來酸菜魚🐟, 我覺得差少少酸菜魚的味道, 但可以接受, 我覺得個湯咸左少少, 米線浸左湯都幾好味, 份量也好多, 魚片唔知係乜嘢魚, 但都幾好食, 完全無骨👍😘, 再等左一陣送上兩只雞翼🐔, 香草味幾濃☘️, 兩只雞翼超大只, 咬落熱辣辣😋👍, 食晒再飲豆漿, 今餐好滿足, 不過我個人覺得試一次酸菜魚🐟就夠, 唔係我心目中個只😅😅, 但算抵食, 不過回到家也勁口渴😆

今日年初一又過來食素米線, 都忘記轉上海麵😅不過話今日無豆漿, 唯有叫熱菜蜜😆 聽到店員話今日無生菜無雞翼🐔, 等左一陣, 兩樣野一係送到, 飲啖湯先, 熱辣辣清甜😋 今次比芥蘭, 入面有腐皮, 百頁豆腐, 芋頭丸, 貢丸, 芽菜, 份量依然十足, 一定夠飽, 每款素食都有各兩件, 還是芋頭丸最好食😍, 芥蘭少食, 都唔錯, 一啖湯一啖粉真係最佳食法😚, 浸左湯就更加好食, 熱菜蜜滋潤一下😆 好滿足的晚餐😀😍👍

今日又來食, 想試下蕃茄素湯🍅配通菜冬菇,要上海拉麵, 由於是自選套餐包一款小食, 我揀左手拍青瓜配凍豆漿, 等左一陣手拍青瓜先到, 都唔細碟🥒, 上面有少少麻辣醬, 食落爽脆, 唔係浸到勁多紅油, 之後送來上海拉麵, 我估係素湯底加d蕃茄醬, 熱辣辣酸酸地幾好食😋, 通菜冬菇份量正常, 不過相比之下, 好似素湯的套餐好味d😄, 不過份量都好多, 一定夠飽😚, 再來飲凍豆漿, 依然夠凍, 今次飲到一点豆味, 香濃唔算好甜🫶👍

今日想試埋素食C, 要米線, 今次唔要凍豆漿, 要熱🍋蜜, 等左一陣飲品和米線一起送上, 飲一口熱🍋蜜滋潤一下☺️, 阿叔話師父手快快加左木耳😅佢話介唔介意, 我話洗唔洗加$🤭佢話唔洗, 我自己都另外加左羅白, 今次d湯依然好味👍👍真係唔加辣更好, C款有紫菜貢丸百頁豆腐芽菜豆卜腐皮芫茜🥰d素菜浸住湯更加好食😁完全食出原味道😋米線浸左湯也是好好食, 唔會煮到太淋, 剛剛好😀 一時又飲啖湯😅 天氣太炎熱, 食下素都會舒服d, 羅白也炆得好淋, 無渣😘, 終於試晒三款, 其實各有各好食😆大家不妨試下👍

今晚再過來幫襯, 見到有蕃茄🍅湯底不如試下😀叫左菜心木耳同豬潤, 轉上海拉麵不用額外收$🤩, 加十蚊可以要二只雞翼, 我要左香草雞翼, 配凍豆漿, 等左一陣, 豆漿先到, 飲左一啖, 夠凍唔甜😁 再等左一陣, 湯麵送來, 又係飲啖湯先, 飲到蕃茄🍅同豬潤水加埋的味道, 好甜好好飲🫶忍唔住要先飲多幾啖, 上海拉麵都比得幾多, 入面亦有d芽菜韭菜同腐皮😘 拉麵好味🤭浸左湯更好食, 而且出面好少有得提供, 又不另收費☺️ 食菜心好甜亦煮得好淋😆木耳也爽脆😄 豬潤真係有驚喜, 除左比得好多之外, 居然唔係硬唔係粉, 係超級爽脆, 而且舊舊都係敢👍💕 浸左湯又係好好味🥰, 整體都真係好ok, 香草雞翼送來也熱辣辣😋好重香草味, 亦唔淋無雪味, 好食🥰😍 而且最主要佢d湯底唔會勁肥好油, 食落都比較清淡😚已經成為我其中一間至愛粉麵店😍

今日又過來景霖食素食米線, 不過今次試B款, 加$轉紅薯粉, 試下要微辣🌶️, 亦係配凍豆漿, 等左一陣豆漿送來, 依然夠凍唔太甜😋👍, 之後送來紅薯粉, 加左微辣🌶️湯底深色d, 又試下湯底的味道, 濃味d, 其實唔係好辣🌶️有d香味, 同素清湯比各有各好, 但我個人喜歡素清湯多d, 因為比較清甜d, 食到食材的原味道😋, B款入面有二舊百頁豆腐, 二舊素貢丸, 二舊腐皮卷, 有木耳, 芽菜, 生菜和大量粟米粒🌽, 紅薯粉亦比得幾多😜煮得啱啱好😚百頁豆腐同素貢丸係A款食過, 今次再食就比較喜歡百頁豆腐多d😆🥰入面個心滑滑地, 又食下腐皮卷, 入面好多素菜餡, 都好食, 但我個人也是喜歡百頁豆腐多d☺️, 有好多木耳好爽口, 夾埋芽菜同粉一起食, 真係會開胃d😅 亦有d生菜🥬整碗份量都好多🤩 悶悶地的天氣都幾啱食🤭 等我下次試埋C款😘

之前見過佢哋有素食湯底, 素食材料的米線, 不過一直未試, 不如今日過來試下, 佢有三款套餐, 入面配料已經配好, 不可揀餸😅, 我接近9:30入去, 以為旺角收夜d😆 點知佢話收10:00, 出面剛好落著大雨🌨️都費時周圍行了😙望下餐牌好似第一個款比較想試, 等左一陣送上, 賣相好靚仔😋 唔會因為趕收工而求求其其, 配凍豆漿都一併送到😄, 習慣都係先飲啖湯😜果然好驚喜👍🥰以為素湯係會好淡又無味, 點知係好清甜好好味😋🥰食下米線先, 份量都好多, 煮得啱啱好, 浸住左d湯更加好味🤭, 試下百頁豆腐,味道幾好, 又食下我每次都會食的芋頭丸, 依然好食, 芋頭味好濃🤩貢丸雖然變左無肉, 但味道食落都好似正常貢丸的味道, 也好食👍另外配左有腐皮,枝竹, 生菜,芽菜, 亦加左d通菜, 亦加左好多粟米粒🌽, 整碗食材好豐富好滿足, 每粒食材都有兩粒, 唔會因為全素而不飽😅 不過費時阻人收工, 唔可以慢慢品嚐, 唯有下次再去, 飲埋凍豆漿夠凍夠濃唔算好甜但唔太重豆味, 今餐真係有90分🫶🫶

放工約人食飯，傾傾下計，突然發現好耐冇食過以前成日食嘅景霖，網上搵下分店，決定去旺角。去到店鋪6點半左右，暫時唔係太多人，坐低揀下食咩餸，發現而家有一人餐，兩餸加一個小食，送豆漿，冷熱飲品加5蚊。食物黎到熱辣辣，非常好，我揀蕃茄湯底幾好味，爆漿鯊魚丸爆爆地，味道唔錯，雲吞就普普通通。朋友食小辣湯底都唔錯，魚片頭，魚肉豆腐幾新鮮，魚肉豆腐星形好靚。兩款小食都好好味，鍾意魚肉春卷嘅泰式酸甜醬❤️總結是次用餐感覺良好，下次再黎過😊

疫情前到現在每隔幾個月都會去食一次魚腐米線加椒鹽豬頸肉，咁啱今晚出旺角買嘢順便去食一次，照舊魚腐米線椒鹽豬頸肉。。。冇嘢飲送因為散叫，都唔緊要。。。見到個阿姐開住半邊門企喺門口，又唔係招手搵客，純攔住。。。有客人入佢會讓開😂我嗰碗米線到咗，得三粒畀牛丸大一點嘅魚腐。。。跟之前相比完全不值一提。。。我問下阿姐，我話而家加咗價後又減咗餸。。。佢尷尬咁答我好似之前係四粒嘅。。。跟住話自己係part time都係廚房決定🤣咁我話唔緊要，但係你望下值唔值41蚊。。。佢笑住行開咗話唔好意思。。。我話唔關你事，但係咁樣我唔會再嚟👻椒鹽豬頸肉兩串30蚊。。。都係加咗價。。。好彩叫廚房要燒得乾身啲。。。口感跟以往一樣。。。今次連相都唔想影。。。下次去食第二啲嘢算😂