春水堂 (東薈城名店倉)

營業中

休息中

行outlet行到有啲口渴，諗住飲番杯凍飲。😅咁呢度又冇乜邊間舖頭揀,就嚟咗春水堂。之前試過其他春水堂嘅分店，感覺質素都ok ,咁就諗住呢間都差唔多啦。😀其實價錢都唔算話好平,差唔多40蚊一杯,但唔緊要啦，周圍都係咁上下 .🤧叫咗杯珍珠鐵觀音奶茶，記得之前喺其他分店飲過幾次，茶味都幾濃， 點知今次真係不知所謂🤮， 啲茶淡倒水咁先唔講，我明明叫咗微甜,點知甜到溜,完全係100%全糖咁🤮🤮。 同店員講佢態度好差,叫我不如加啲冰就算😧。我心諗，你哋間舖水準唔得,店員沖錯亂咁嚟， 四十蚊買一杯嘢你同我講加d冰算(即係溝水🥱), 真係不知所謂🤢。另外再叫咗杯黑糖珍珠鮮奶，嗰杯真係一定飲到糖尿病，各位師兄千祈唔好試🤢🤮。難飲都算,店員態度非常差劣，完全係唔尊重客人，侮辱咗其他春水堂良好嘅態度，特別係有位身形比較有福氣嘅收銀大嬸🤬🤬。以後就算渴死都唔會再諗呢間嘢🥱🥱

早幾日在春水堂東薈城分店購買的 凍鐵觀音拿鐵($36)叫了微糖走冰，走冰後茶不會補滿好正常但現在份量會否太少 成半杯都係泡太過份 就算味道幾好都唔得啦一係你就同我講走左冰 會得番半杯咁客人自己衡量囉我在19:23下單，大約19:28拿到飲品拎上手feel到輕飄飄已經覺得唔對路番到公司整左封杯膜一睇唔知以為自己買左杯cappuccino 🤬🤬照片是在19:40拍攝的，用匙又整開左d泡再影第三張相係擺多左5分鐘後再影條水線

第二次日酸菜白肉麵，會食第二次係因為味道不俗，比牛肉面出色，亦比便當美味。個人認為佢地嘅便當太炸，太熱氣，係呢d時間都係食d清少少嘅野酸菜白肉面，真心OK. 酸菜不是太酸，有淡淡的香味，白肉夠爽，而且送嘅分量超多，一啖面，一啖送完全無問題，仲有一段粟米，很有特色，仲湯底清甜，不是死咸上菜快，而且係好熱辣辣！讚另外加了個招牌豆干，味道誘人，停唔到口。飲品點了珍珠奶茶，本人不是珍奶控，所以只知道味道OK ....

很喜歡春水堂的食物和飲品，特別係細細碗既魯肉飯，份量岩岩好。叫了杯愛玉鐵觀音檸檬茶，唔知係咪唔岩我口味，我覺得好難飲，好唔夾，好似變壞咁😅另外，叫外賣送餐時，明明點了併盆，點知只有豬腸，最後食剩好多，價錢仲要差＄30，麻店員下次睇清楚先包外賣。

春水堂我喺香港未食過，之前響台灣試過，感覺上非常企理，地方又坐得舒服，今次入東涌outlet有機會試吓，見條人龍都唔算長，只得三四個人，排咗10分鐘就到我哋。睇了一下餐牌，見到有一個叫做功夫面，唔想成日都係食牛肉麵，於是就大膽試一下。另外知道春水堂最出名就應該係鐵觀音奶茶，都叫了一杯試一試。朋友就叫了一個麻辣牛肉麵，同埋杯牙奶茶。見到朋友的麻辣牛肉麵上菜嘅時候，湯嘅顏色非常濃郁，比我個功夫面賣相靚好多，都擔心唔好食自己嗰個，好彩咬了一口功夫面，麵質煙韌好食，冇後悔揀啱咗另外想講吓杯鐵觀音珍珠奶茶，真係非常之香的茶味濃郁，珍珠口感細細粒煙韌得來有咬得開非常滿意。但係我朋友嗰杯杯牙奶茶，佢就覺得麻麻地，見杯茶有啲少但整體嚟講，食物質素令人滿意，價錢亦都唔貴，唔怪得咁多人嚟排隊啦。有機會都會再嚟。

去到門口5：15，仲趕得切有堂食，但要5：55清場。呢間台灣過江龍出名珍珠奶茶，當然要試下啦。珍珠茉香奶茶（$34）珍珠鐵觀音奶茶（$34）兩杯喺飲到有少少分別，但唔太明顯。兩杯嘅茶底都好滑，但茶香一般。珍珠是細細粒，成粒都好有咬口，唔會表面糊口內裡硬實。呢個價：一試無妨。奶酥吐司（$23）很重奶香味，表面烤到脆脆的，厚多士又鬆軟，不錯。御品三寶牛肉麵（$98）湯底很好味，清得嚟又有牛味，I like it。可惜麵條好一般，而且牛三寶份量不多兼且味道很普通。酸菜另上加丁丁分。呢個價：有點貴，唔太值。另外要加一收費。食完5：50時間啱啱好。

而家去唔到台灣食野，掛住台灣牛肉麵時會去「春水堂」止止癮，之前食過覺得水準比得上一樣是台灣過江龍-專門賣牛肉麵的「段純貞」，而且比打著台灣正宗牛肉麵嘅「尚青商號」仲要好食；但前幾日去發覺水準已大不如前，全部牛肉都好硬，有一塊肉仲附帶超級硬的根，咬都咬唔開！可能是成本考量啦⋯雖然湯的味道仍保持水準，但牛肉質素是牛肉麵的精粹，呢次經驗後唔會再想去春水堂食牛肉麵了。呢次用餐仲有茉香奶茶，水準ok有維持。

主打台式食品嘅春水堂每次經過都超多人排隊🧐今次決定試吓係咪真係咁好食🤣.星期六都等左大約45分鐘😢🌟紅燒牛肉麵（半筋半肉）🍜 $82牛筋好軟林香口 要讚下👍🏻湯底非常濃郁 但係都食得出有好重嘅味精😂食完都有啲口渴🤫麵條係幼身 正常質地.台式芋米糕 $28本身以為會似蘿蔔糕嘅質地但係食落比蘿蔔糕更加有口感非常煙韌👍🏻😋 配埋個醬汁都唔錯😇.黃金香酥雞 $48熱氣嘢 正正常常都係非常香脆😚.蒜泥白肉 $38呢個係超級難食😅普通烚熟咗啲豬肉 然後林少少醬汁落去豬肉仲要係勁鞋😑🤢同三哥譚仔冇得比😥😥

春水堂原來係有甜品不嬲知佢鐵觀音奶茶好飲今次食下午茶牛肉麵正常發揮麵幼身好林牛肉唔算多 可以再林身啲奶酥多士幾邪惡幾吸引焗到金黃色好正一人一件剛剛好珍珠奶茶戚風甜而香個人會中意個多士多啲但幾靚 同細細件總之都係台灣嘅春水堂好食啦但都未至於差一般水準 價錢合理

相信係大家都唔陌生嘅春水堂😚到而家去食都仲成日要大排長龍😛好在佢有得淨係買嘢飲啫🧋有時行過都忍唔住飲返杯珍珠奶茶😍御品三寶牛肉麵紅燒牛肉麵(半筋半肉)每次去都一定係食牛肉麵🐂啲肉同牛肚好大舊而且軟淋😗好入味又唔會太濃味同膩😊之前仲食過麻辣味都好好食🌶下次想試蕃茄🍅黃金香酥雞同個味一樣真係香酥的😆調味都幾好唔會過鹹😗同埋份量唔算太少珍珠鐵觀音奶茶珍珠茉香奶茶覺得珍珠鐵觀音奶茶係必飲😋珍珠好食奶茶好飲🙂每次飲都覺得好快飲哂唔夠喉🥲

今日下晝考完試，嗱嗱臨返去東涌我嘅飯堂嘆番吓、紓解一下壓力。閒日五點幾呢個時間唔使等位，一坐低就即刻叫番一杯熱朱古力珍珠奶茶飲先然之後又梗係唔少得滷香大腸，同埋我最鍾意嘅台式芋米糕啦！呢個米糕平時係屋企叫外賣無㗎，真係要食就要去舖頭食㗎咋。雖然一般要等20分鐘，之但係一諗起熱辣辣脆卜卜嘅米糕⋯⋯等，就等啦不過今次就炸得比較乾咗啲！好彩個滷香大腸keep到水準都唔錯，食到變咗大肚腩之後就起行返屋企囉！

晚上決定黎春水堂飲奶茶今日特登早啲過黎入座，因為都怕再夜啲就排長龍，5點多小小，門口都已經排緊隊等左一陣，好彩吾洗好耐。尼間分店冇諗過裝修幾靚，坐沙發位最好 可以影相打卡，都幾少女嫁❤️1️⃣酥炸豬扒配他他醬便當 - 豬扒今次炸得失色左，口感比上一次食時硬啲實啲，不過其他配菜繼續維持水準，整體黎講，豬扒如果整得鬆脆小小，就會好好食！2️⃣鹽酥雞翼魯肉便當 - 雞翼大大舊炸得岩岩好，肉汁鎖緊，雞肉口感嫩👍3️⃣朱古力珍珠奶茶 - 真心幾好飲，好鐘意春水堂既珍珠，細細粒又有咬口，會比我感覺佢好多粒珍珠。另外，佢既朱古力都濃既，面頭啲碎碎我個人覺得似係Oreo餅，另外面頭個2塊餅乾乾地吾甜，尼個時候再補一啖奶茶入口，即刻好似變左朱古力餅乾，吾會太甜，有餅乾中和返，好正

排隊時間超過30分鐘，為的不是可以外賣的台式飲品，而是品嚐堂食台式料理。這個麻油麵是健康之選，沒有油膩，只有淡淡芝麻香味。上面有蛋和配菜，還有幾粒養生杞子。炸地瓜條是隔了油才上的，配上獨得味粉，令地瓜條比平日吃的粗薯條好吃。這個芋頭波適合喜歡芋頭的朋友，但是味道不太特別。值得一讚是小食雖然油炸，但完全沒痕油膩感，而且香口十足。最有驚喜就是這個珍珠鐵觀音雪糕吐司，不太甜但台灣風味重，好像飲鐵觀音奶茶的味道。上面的奶泡質感十分配合脆多士。未食過春水堂食品的朋友可以一試，這兒不只是飲品的地方。

之前食過便當, 今日試吓牛肉麵牛骨濃湯牛肉麵🐮🍜 ($82)今日唔想食啲咁重口味嘅嘢, 所以揀咗牛骨濃湯湯底幾清, 味道濃郁, 飲咗啲湯都唔口渴應該唔重味精佢啲牛肉似係厚身嘅牛展, 有三大塊, 唔錯仲有啲白菜如果佢啲麵煮得硬身少少就更好👍🏻朋友叫咗XO醬辣拌麵 ($58)飲品方面, 朋友叫咗凍珍珠鐵觀音奶茶 ($34),我就叫咗熱嘅鐵觀音奶茶(走糖) ($31)唔知點解面頭咁多泡😅 不過都幾有奶香, 冇諗過可以走糖, 幾好👍🏻佢好似冇lunch set, 如果要叫嘢飲就要另外加最後埋單都要百幾蚊個人, 唔算好平, 但係味道都可以, 間唔中食下都OK

芸芸嘅奶茶舖之中，春水堂嘅出品最令我難以忘懷，幾乎出名、連鎖嘅台式飲品店都飲過，個人反而偏好呢間唔係專攻飲品嘅食店出嘅珍奶。唔好睇佢menu咁單調，但奶茶好有「料」，又香又滑，唔係茶記嗰種咁重嘅茶底，冇澀味；奶味都冇over到，能夠喺奶同茶之間取一平衡，係幾難得。講吓珍珠，雖然細細粒，但夠咬口，冇慳住落。好少飲奶茶瞓得着，因為春水堂茶唔多，所以幸好都冇點影響睡眠。不過要彈吓啲冰走極都咁多，溝淡晒。