春水堂人文茶館 (創紀之城五期(apm))

營業中

休息中

一啲都唔陌生嘅春水堂😍​無時無刻都勁多人排隊！十分推介：豬手魯肉便當❤️​豬手超林仲好重骨膠原❗️勁好食❗️​好多配菜好豐富🤤​黃金香酥雞都好正❤️​炸得剛剛好 又香口😋​​

在台灣吃過春水堂的蕃茄牛肉麵，回味無窮，一直未能有機會嚐。知道Apm開左新舖有堂食，第一次先買左外賣珍奶、鹽酥雞同滷蛋，珍奶味道如初，鹽酥雞香脆、放涼了仍然可口，滷蛋味道亦非常入味。週末決定再去，星期日下午3:30要等位，20分鐘左右入座，其實入面好多位，但應該廚房做唔切啦！叫左牛筋半肉蕃茄牛肉麵、熱珍奶、流沙小丸子，味道一如台灣那碗麵，湯底濃、麵有咬勁，要彈的是牛肉得一小塊、筋得2條，真係咁姑寒？！到喉唔到肺...索價$92，真係唔平呀！其他兩樣還算中規中矩，性價比不算高

☺️唔錯 堂食嘅空間好大，座位之間有啲距離，所以喺度食嘢傾計都唔錯👍我試過春水堂嘅凍珍珠奶茶外賣，真係好香，今次試吓熱嘅版本😆可能少糖，就無「正常」嘅好飲小食揀咗黃金香酥雞，金沙芋泥圓，雞粒調味唔錯唔會太咸，但係大粒少少，肉比例多少少就更好👍金沙芋泥圓就好好食，甜而不膩，一人兩粒剛好紅燒牛肉麵係我朋友至愛，牛肉軟淋而無渣，湯底濃郁唔油膩，麵條麵相當爽口㗎👍

記得春水堂開張的時候真是人頭湧湧， 要食到都要有耐性排隊， 對上一次吃已經差不多一年前。 今次中午時分到達， 人流相比晚上小亦不要排隊， 坐近窗口位置比較舒服，我們兩個點紅燒牛肉麵$82、魯肉飯$28、滷香牛筋 $58、台式芋米糕 $28、珍珠紅豆鮮奶茶$38。⭕紅燒牛肉麵～ 湯底好濃， 牛肉軟腍， 味道確是唔錯。⭕魯肉飯～ 細細碗的份量，濃郁醬香，美味。⭕滷香牛筋～牛筋口感Q彈軟嫩，富含膠質，滷得好入味。⭕珍珠紅豆鮮奶茶～ 凍和熱各叫一杯， 淡淡的鮮奶味，配上珍珠和紅豆， 好食又好飲。⭕台式芋米糕～ 外脆內軟的口感， 食落好香口。春水堂食物質素果然不錯， 服務就普普通通。😊

朋友話想食台灣野所以就去呢間試吓 晏晝時間 堂食要排隊 外賣都有人排隊等咗唔算好耐 15分鐘就有位叫咗牛肉麵 滷肉飯 炸雞 豬腸樣樣野都好食 牛肉好淋 叫咗辣味 個人嚟講唔算太辣滷肉飯好惹味 佢都有啲肥豬肉粒粒炸雞 普通 份量都唔算少豬腸 幾入味 份量都好多 兩個人都食唔晒期間限定嘅草莓珍珠奶茶新野 幾香幾清新嘢食正常好味 唔算驚艷呢個價錢黎講唔平

個人本身好鐘意食紅燒牛肉麵，春水堂既牛肉麵不過不失，湯都濃郁好味，面既質感都幾好，但係牛就唔太林，因為佢都比其他牛肉麵偏貴，所以對佢期望會高d，覺得性價比唔太高🙈不過勝在佢都幾多件牛肉仲有牛筋✔️鹽酥雞味道都唔錯，粉唔厚，都唔會太咸，可以一試👍🏻

聽人話《春水堂》嘅珍珠奶茶好正，啱啱好友人都想試下味，我哋就特登買兩杯唔同口味嘅飲品嘗試下！！真係不負眾望啊！珍珠奶茶-茶底正，奶香味好濃，珍珠小小粒，又Q又彈，好有咬勁，我飲奶茶習慣點微糖，少冰，咁就唔會太甜，味道就啱啱好！！友人都話不錯。另一杯愛玉檸檬綠茶-第一啖檸檬味好重，繼續飲就可以嘗到綠茶嘅清香味，兩種攪渾後，味道咁就啱啱好，酸酸甜甜，好解渴！！都好適合解膩解油。但我都係鐘意飲珍珠奶茶多點，味道真係正，下次都會來幫襯。

之前見到成日排隊一直都無機會食到，今次終於食到，仲要唔使等黎到即刻有位。 太耐無食台灣野咩都想食，首先叫左個滷香拼盤 ($78)，有大腸、牛肚同牛筋，入味得黎唔會好鹹，好夠味！牛筋唔韌，充滿膠質既感覺，大腸好香，牛肚係最好食 跟住叫左個黃金香酥雞 ($48)，唔係好有鹽酥雞既味道，唔太夠味，比較似普通炸雞，不過係外脆內軟既。 主食有個紅燒牛肉麵 ($82)，個湯幾好味，不過唔知係咪放得太耐先食所以啲麵有少少淋，但係份量係唔算少，分別有兩塊牛筋同牛肉，同樣地唔會好韌，肉質幾嫩，幾香既牛肉味，略嫌少貴。 之後仲有個細碗既魯肉飯，食完個麵其實已經飽左，個飯都唔係好食得落，係正常味道既魯肉飯，有肉鬆喺面，細食既女仔叫一碗都夠食 飲品方面，分別叫左杯凍既珍珠鐵觀音奶茶 ($34) 同凍既珍珠茉香奶茶 ($34)，茶味幾香，叫左少甜真係無咁甜既，珍珠有咬口，唔錯 最後食飽左見到人地食甜品都忍唔住叫左個珍珠熔岩蛋糕 ($58)以為佢流心點知切開原來係實心，有少少失望。蛋糕夠軟熟，啲cream好香，但整體係甜左啲，食完會口乾果種兩個人食連加一埋單$398，其實晚餐黎講唔算貴，不過可以再食好少少

建議：無咩事都唔好試🙈除非你好鍾意食乾身蛋糕💆🏻‍♀️ Fd子生日想食台灣野，又想食個輕型甜品，所以揀左春水堂人文茶館😌 飲品主食都正常水准，主食價錢偏貴 (紅燒牛肉麵 $83)份量又唔係好大。上菜時間極快，落左單5分鐘都無，碗面就上左 😂🍜 值得讚既係牛筯牛肉都好淋，亦都有4,5舊 👍味道唔錯講番今日既伏品 「珍珠熔岩蛋糕 HK$58」外形幾靚，有啲小珍珠舖面。不過蛋糕十分乾身，好彩既係好多cream 同有啲黑糖漿，令食落無甘乾🙈試左一啖淨蛋糕，係無味既😂而且好實好乾，唔鍾意食cream既Fd子都即刻潷番啖cream食🤭個蛋糕都有個好處既，有一定飽肚感囉😂 又乾又實，飲多啖水，咩都飽😉🎂

春水堂出名奶茶正😄真係不負所望，茶底正，味道和在台中飲分別不大。比起其他台灣過江龍，本人認為春水堂是最好👍🏻小食黃金香酥雞真係好好味😋好難🤯在香港找到好食的香酥雞滷香大腸味道可以，冇咩驚喜牛肉麵一般，唔需要抱太大期望，份量較少女性都唔飽，何況男性？拌麵可能是本人不習慣它的口味，我覺得唔好。份量和牛肉麵一樣都係少餐廳燈光明亮，坐位之間距離適中。服務態度好👍🏻看到服務員💁在空餘時間會與客人打好關係

今日有朋友入左黎觀塘同我食午餐，諗唔到食咩好大家都想食少少炸物，就決定黎呢間春水堂!!!呢間野每次經過都見到有唔少人係度排隊，難得朋友黎，就早D放LUNCH出黎排定隊啦~係食方面，珍珠奶茶就唔少得，但竟然發現自己唔記得左影相主菜方面:滷香拼盤 HK$78呢個拼盤好值得食，好香，同D肉質好淋身!!!主菜方面:紅燒牛肉麵 HK$82魯肉飯 HK$28黃金香酥雞 HK$48黎到主菜，黃金香酥雞同魯肉飯的配搭一定無得輸!香酥雞外皮炸到脆脆的，同時又唔覺得太油膩! 真心推薦!!

如果要食台灣野，我只可以講唔會選擇喺呢度食。比普通更普通，沒平凡更平凡。其實佢舖頭擺得冇錯，出邊就係買嘢飲。佢呢間野嘅嘢飲確實係唔錯，行過錯過可以試吓佢嘅珍珠奶茶🧋但當我入到去食裏面嘅嘢，真係一啲驚喜都冇。所以我都唔多作評論，呢度啲嘢唔算貴，但真係一般般。試過就知㗎啦。

我被餐牌幅相同甜品名吸引著, 於是我就點了這個珍珠鐵觀音雪糕吐司小編本身好喜歡食吐司, 喜歡飲珍珠奶茶, 又好喜歡飲鐵觀音茶和雪糕 所以我就決定點這一個集於一身我喜歡的甜品最驚喜係雪糕上面灑了一些珍珠, 而吐司就好似我哋平時食嘅西多士一樣, 切開咗四塊, 烘得金黃色, 裏面麵包係香口的, 夾住鐵觀音雪糕同珍珠一起吃, 非常之特別, 加上灑上一些焦糖汁, 並不是太甜, 是小編最喜愛的一款甜品之一

「春水堂」其實我想嚐試很久了，可惜老公一直都覺得它價錢昂貴，食物份量又少，而且味道亦相當一般，所以一直都沒有機會嚐試....不過今天終於成功說服了老公陪我品嚐，我當然立即「老實不客氣」地分別點了一系列菜色，除了經典的牛肉麵和魯肉便當外，還點了比較少見的芋泥圓和高山金萱No.1【紅燒牛肉麵(半筋半肉)】$82雖然整碗牛肉麵只有各自兩塊牛肉和牛筋而已，但是牛肉的肉質一點也不堅韌之餘，質感更非常細緻柔軟，肉嫩可口，細嚼慢嚥的時候，牛肉的鮮甜味更立即傾巢而出，肉汁四溢，香甜可口，口感豐富而飽滿，讓人口舌生香，回味無窮牛筋應該慢火炆了很久了，質感軟嫩得來又有點彈性，同時更充滿著濃濃的膠質，就好像正在吃花膠一樣，口感細膩而綿延，讓人陶醉其中，吮指回味最後便是麵條了，麵條比較幼身之餘，質感亦微微煙韌彈牙，十分有嚼勁，而且更滲透了牛肉湯的精華，每一口都相當有滋有味，五味俱全，美中不足的湯底的口感略為油膩了一點，如果下次可以清淡一些便好了No.2【鹽酥雞翼魯肉便當】$92雖然這份便當比起剛才的牛肉麵昂貴了 $10，但是賣相看起來大方得體多了，分別有齊蔬菜、肉類以及飯，感覺上比較值得 $92這個價錢可惜雞

最近唔係太開胃食唔落飯，所以最岩食就係麵條了！次次食麵都來到春水！因為在公司附近！久不久都幫襯！店舖好整齊乾淨！以啡色木牆同啡色木枱櫈為主！頂上吊燈與餐廳的整體布局協調一致。更有不少壁畫裝飾。坐下看了餐牌一陣叫了個手工麻香米線~係就咁淨食碗麵又好似差緊啲野咁！梗係要叫埋小食食豐富少少！就叫了個麻辣青瓜！青瓜上枱都好夠凍，加埋個麻辣汁！好夠麻好夠辣，份量多啲重好！麻香米線表面鋪滿蔥、肉碎、半隻蛋、花生、粒及西蘭花等配料，個湯比較清淡，無我想像中麻香同濃味....米線都比較軟，本身我喜歡濃味人..而且我中意比較Q 彈既麵！所以就覺得一般般，中意淡口味既人應該會比較中意....