春城銅鍋米線

營業中

休息中

喺尖沙咀鬧市人氣爆棚嘅米線店，特色銅鍋米線，打卡一流，價錢抵食，份量十足，服務親切，湯底同米線都好彈性可以客製化，實揾到一碗最啱你心水嘅米線！.🌟招牌海南胡椒豬肚雞米線胡椒豬肚湯底濃郁唔鹹，加上大件雞肉鮮味十足，豬肚爽口彈牙又入味，雞肉又多又嫩滑，湯底配米線超夾，微辣刺激開胃好正！.🌟招牌豬扒酸酸辣米線湯底轉咗麻辣，同酸菜出奇地夾，加埋米線即刻有飽肚感，餐廳嘅辣度偏勁，建議第一次去嘅朋友由微辣開始試，如果太辣餐廳可以俾清湯你㗎。豬扒炸到外皮香脆，肉質嫩滑仲keep到肉汁，必試！.🌟炸脆脆蝦膠豆卜餐廳招牌小食，喺豆卜入面加入鮮蝦同蝦膠，炸到外皮酥脆，裏面有蝦膠嘅軟滑，又有鮮蝦嘅爽口，口感豐富，點埋酸辣醬，開胃又可以清新返個口，平衡返米線嘅鹹味。

尖沙咀一向好多嘢食選擇，身為米線控嘅我哋今日嚟到位於尖沙咀厚福街呢間「春城銅鍋米線」。一直想試呢間米線，今日大約七點幾經過附近呢間舖已經滿座，聽聞呢度嘅蝦膠豆卜，銅鍋米線都係必試！果然係冇介紹錯！好味得來價錢亦都唔貴，真係性價比之選！炸脆脆蝦膠豆卜🦐 呢個蝦膠豆卜絕對係必點，炸到金黃色脆卜卜嘅豆卜外皮，包住啖啖肉爽口彈牙嘅蝦餃，一咬落去非常香脆，完全係食到停唔到口。招牌海南胡椒豬肚雞紅薯粉 + 新鮮蠔仔🍜呢度同樣都出色，煙靭得來配搭埋鮮甜嘅胡椒豬肚湯，非常開胃，另外我哋加嘅配菜蠔仔非常鮮甜。招牌豬扒酸酸辣辣銅鍋米線🍜呢個銅鍋米線喺呢度嘅招牌菜之一 ，呢碗係用銅鍋載住米線食落真係特別有風味。呢個酸辣米線，酸味同辣味都非常之突出，令到越食越開胃，當然如果唔食得辣嘅話亦都可以揀少辣。重點係呢度塊豬扒超級巨型，容易切開得來，亦都一啲都唔會太韌~非常推薦👍🏻

天氣🫠又悶又熱， 悶到冇哂胃口🥴， 係時候去食碗酸辣米線🍜醒醒胃😜。 尖沙咀嘅厚福街係食肆界少林寺， 隱藏不少特色小店， 眼見呢間店多人排隊， 而且見佢係用銅鍋， 好型好特別， 仲要價錢好親民。🍭招牌豬🐽扒酸酸辣辣🥘銅鍋🌟米線 + 蟲草花椰子🥥雞湯飯今天嘅目的係對準呢個招牌菜🌞而嚟，到店見到塊豬扒肥瘦均勻， 外焦內嫩， 好吸引，而酸辣湯味道好出但唔過酸扎喉， 配菜量多口感好有嚼味。 另再叫咗蟲草花椰子雞湯飯， 原來米線店嘅湯飯嘅味道都唔錯， 椰子味好濃而且雞件嫩滑， 所以連湯都飲哂， 之後都冇口乾。🍭豬肉腐皮卷 + 炸脆脆蝦膠豆卜見到隔離枱食腐皮卷， 賣相好吸引， 所以追加一碟，鬆脆嘅腐皮包住滿滿嘅餡，另再叫蝦膠豆卜, 蝦肉 Q彈， 飽滿嘅蝦膠充實豆卜。

在餐廳林立的尖沙咀厚和街選擇了這間春城銅鍋米線，果然是名副其實的銅鍋米線，米線使用銅鍋裝的，很有特色👍👍👍❇️招牌豬扒酸酸辣辣銅鍋米線🥘豬扒超級大塊，米線酸酸辣辣很開胃❇️番茄泡椒肥牛金菇銅鍋米線🥘另外加了腩肉，腩肉肥瘦均勻，蕃茄湯底味道濃郁，適合重口味的朋友❇️炸脆脆蝦膠豆卜外面好少可以食到蝦膠豆卜，用豆卜包住蝦膠來炸，新鮮熱辣，金黃酥脆，蝦膠很彈牙😋😋❇️凍咸檸七喜全新口感和鹹味的結合，很適合食辣時飲

🥢米線控必食｜厚福街美食🌟主打銅鍋特色米線, 保溫力強勁♨️🇨🇳沿用雲南古法配方的招牌酸辣湯底🥣可自選辣度🌶️及米線軟硬度, 自由度高😉另有多款養生米線/湯飯/ 飯類, 特色小吃等🔸招牌海南胡椒豬肚雞米線🥢   $68 7/10+$8 轉雞髀🍗
🐔雞件選用三黃雞, 肉質嫩滑豬肚爽口冇腥味👍🏻米線爽彈順滑🥣胡椒湯辛辣度適中, 暖胃驅寒😙🔸蟲草花椰子雞米粉🥢  $62 7/10
+$7 蘿蔔｜+$9 豬潤🥢份量超多, 好大碗🤣🫨☑️配料豐富, 有蟲草花, 木耳絲, 紅棗
豬潤新鮮軟嫩, ⚪️蘿蔔清甜無渣🥥湯底椰香味濃, 滋補養生😌🔸即灼生菜🥬  $20🔸涼拌芥末魚皮🐟  $38  6/10爽脆魚皮拌微辣的芥末, 清爽消暑☀️🔸熱檸水  +$3🔸凍檸茶  +$6🍋可自選檸檬片的數量, 甜度, 幾貼心～

今晚又黎到厚福街食飯 但係一個人想簡單食 見到呢間春城銅鍋米線好熱鬧 就入去試吓睇餐牌都幾多米線款式 小食同飯類都有 見到其他人都一個個小鍋咁食 好滋味咁 最後點了個招牌豬扒酸酸辣辣銅鍋米線 $55 仲可以加埋麻辣 另外仲有小食炸脆脆蝦膠豆卜（3 粒） $25食物都上得好快 豬扒分開碟上 好細心地𠝹開了幾件 容易進食 豬扒雖然唔算厚身但唔會柴皮 咬開還有點肉汁米線質地幾好 不會煮得好腍果種 湯底又酸又辣 配有酸菜、枝竹、肉碎等 都幾惹味 用小鍋上枱的好處是可以keep到個熱度最後脆脆蝦膠豆卜係必點之選！本身睇相已經覺得吸引 上枱仲靚仔 配上泰式辣醬 外面炸到脆卜卜 咬開入面蝦膠幾彈牙 成粒野配搭幾好又好食👍🏻諗住之後冬天要再黎食胡椒豬肚湯底米線一定好暖笠笠😌

春城銅鍋雙拼米線 ＄52（自選蘿蔔+雞肉）.個價錢都幾進取下，不過見社交平台有唔少人推薦，就去試下個人覺得個米線就冇咩特別，之前去昆明旅行吃過米線，當地個米線同呢個質感唔一樣至於個湯底都幾濃郁，但我厭佢太油，所以飲幾啖就算個蘿蔔都幾清甜，唔錯值得一讚係個雞肉！未試過出面吃米線叫雞肉個雞可以咁多，而且唔係雞絲！舊雞都幾嫩滑，仲有d雞皮連住唔錯

店舖位置就腳，近地鐵站同大型巴士站。環境舒適乾淨，位置尚算寬敞，櫈下面有位放袋。店員態度有善。餐牌多選擇，地段嚟講價錢平，味道好、材料足、質素高。 ✦ 炸脆脆蝦膠豆卜招牌小食。豆卜脆卜卜、乾身、唔油膩。入面塞滿大大粒蝦肉，鮮甜爽口。點埋甜醬，非常惹味。 ✦ 三鮮銅鍋米線銅鍋上枱好保溫。餸包括豬肝、豬腩，螺旋藻。厚五花肉有四片，大大片、肥瘦分明、香酥。豬潤大大片、鮮嫩。螺旋藻類似海帶，令口感更豐富、湯底更鮮美。 米線可以揀選爽/中等/淋，人人合適，線身偏粗、吸湯。少辣好香口，忍唔住飲多幾啖。

平時經過必定好多人，今日差唔多下午兩點，有位攝到，揀了酸酸辣辣銅鍋紅薯粉，配2款餸：手打鯪魚肉及新鮮蠔仔！湯底濃郁，酸菜芽菜等配菜惹味，手打鯪魚肉嫩滑，蠔仔新鮮肥美，入味不會淡口，揀選了紅薯粉，好煙韌，酸辣度剛好，不會偏酸或偏辣，紅薯粉份量適中，特別介紹是蠔仔，味道鮮甜，份量也多及好食！見到其他顧客揀的小食：炸脆脆蝦膠豆卜也好吸引，下次也要試吓！服務也很不錯，雖然是繁忙時段，員工們很nice！推介👍

尖沙咀人氣銅鍋米線，位置相當方便。米線夠哂足料，味道濃郁，小食令人驚喜，抵食之選。✨炸脆脆蝦滑豆卜 $38 👍🏻👍🏻👍🏻必食之一，表面腐皮炸到金黃色色超鬆脆，內餡蝦滑非常足料大粒，口感十分彈牙，食到濃濃鮮蝦味，配上甜辣醬完美組合。✨口水雞米線 $62嫩滑雞肉上有粒粒脆口炸蒜，令口感更豐富，味道甜中帶少少辣，濃濃花椒油香，非常開胃。✨招牌豬扒酸酸辣辣銅鍋米線 $55外酥內軟嫩豬扒，完全唔乾柴。米線用上銅鍋上，保溫好好，食到尾都仲熱辣辣，湯底內有酸菜芽菜，酸辣剛好，令人好開胃。

餐廳：春城銅鍋米線地點：尖沙咀厚福街菜式：雲南米線餐牌：醒胃酸菜飯、即叫即滾湯飯、昆明媽媽推介、自選雙拼米線、小食推介、飲品。蟲草花椰子雞米線 $62 轉雞脾 加$8米線熱辣辣上枱，聞到好香椰子味，椰子混合雞湯，唔油好飲。面頭一大隻雞脾切開方便食用，皮滑肉嫩，食到雞味。米線滑溜較淋身，配有蟲草花，紅棗，木耳絲同兩條生菜，材料豐富有口感。呢款米線養生之餘又好味道。炸脆脆蝦膠豆卜 $25呢個價錢係三粒，可以叫五粒。炸脆脆蝦膠豆卜炸得外皮香脆而入面蝦膠好彈牙又鮮味，配甜酸醬非常開胃，墊有生菜解膩。支裝豆漿 加$12支裝豆漿好大支，夠凍。米線果然唔錯，小食都幾好，主食價錢好平。餐廳裝修光猛乾淨，平日晚市都有唔少食客。

尖沙咀開咗間米線店，呢間特色係用銅製嘅鍋裝住米線，鍾意食米線嘅粉絲就唔好放過啦！餐廳裝修光猛，坐得舒服。❤️蟲草花椰子雞紅薯粉香濃椰子湯底，配上蟲草花，搭配半隻雞肉，雞肉非常之滑溜，再加上滑溜彈口嘅紅薯粉，口感滑順，味道鮮美。👍❤️招牌豬扒酸辣銅鍋米線豬扒煮到金黃香脆，搭配特製酸辣湯底，酸味同辣味完美融合，令人食過返尋味。米線嘅彈牙口感，吸收咗湯汁，每一口都帶住滿滿嘅滋味，米線用銅鍋裝住，食起身好有風味令人心滿意足。❤️脆卜卜蝦膠豆卜蝦膠用豆腐包住炸到金黃色，外脆內軟，咬落去仲有蝦汁，呢個一定要試😋

尖沙咀厚福街食肆林立，有一間米線我經常回頭再食，就是春城銅鍋米線，最抵食是下午六點前，一碗銅鍋米線會跟餐飲❤️.主打是這個招牌豬扒酸辣銅鍋米線，湯底酸辣濃，辣度有得揀，重點煎豬扒超好食，本身有醃過有底味，再香煎，一試難忘，經常回頭就係為咗呢塊煎豬扒✨✨✨.朋友就試咗蟲草花椰子雞米線，湯底同樣濃郁，啖啖椰子味，雞肉嫩滑👍🏻👍🏻.小食必點炸脆蝦膠豆卜，配咗甜酸醬，外皮炸到卜卜脆，蝦膠爽口，外脆內軟！

話說嗰日喺尖沙咀行街，點知突然落大雨！🌧️ 行到攰晒又有啲餓，喺厚福街見到間鋪頭門面搶眼到不得了，入面仲係人頭湧湧，啲客一個接一個，感覺好似好有料到咁，於是一於闖入試下！🔥📌 蟲草花椰子雞米線 🥥🐔湯底清甜得黎又有少少藥膳香，飲落好似有種滋補嘅感覺米線好爽口，唔會淋晒，份量啱啱好雞肉嫩滑到一個點，吸晒湯底嘅椰子香同紅棗甜味，仲有蟲草花嘅微微草香，雞肉仲要有幾大塊🤤📌 炸脆脆蝦膠豆卜 🦐💥外皮炸到金黃酥脆，咬落去完全唔乾，蝦膠彈牙又有鮮味，仲有豆卜嘅香口感，邪惡到極點但又停唔到口！😈 幾乎每枱都嗌左呢個📌 凍檸檬 🧊🍋茶底好香，檸檬味夠濃，夏天飲一流！

今日來尖沙咀, 印象中記得尖沙咀都有分店, 係新開, 而且未試過, 望下餐牌先😄, 都係食番蟲草花椰子🥥雞🐔湯米線, 要左BB辣,今次加蠔仔🦪, 另外配杯熱駌鴦☕, 等左一陣, 飲品先到, 少甜少奶, 味道都算ok, 再隔一回送上蟲草花椰子🥥雞🐔湯米線, 感覺依度賣相比旺角靚, 今次好明顯望到上面d椰絲碎🥥, 飲啖湯先, 雖然叫BB辣, 湯面係有紅色, 但飲落唔係辣, 係香😍👍, 亦飲到椰子🥥的香味, 今次亦揀番米線, 係食落比薯粉夾, 浸左湯就更加好味🤩, 而且份量都好足夠, 入面有紅棗有蟲草花, 真係感覺好養生😂, d雞🐔雖然有d肥膏, 我都全部無食皮😆, 但食落d雞都唔算好柴, 有咬口無雪味, 感覺上好似雞🐔的份量比旺角多, 另外d蠔仔🦪粒粒脹爆又飽滿,食落味道都鮮甜🥰😘👍, 整體味道都好似尖沙咀分店稍為優勝一点😄