映月樓

營業中

休息中

我所屬的業餘樂團和老師一起春茗，師姐們選了映月樓，因為老師很喜歡這家酒樓的「撈起」!!!我們一圍14人 (13位為女士)，點了一個信用卡優惠的「撈起」套餐!!!談天說地一番，過了一會兒便見到今天的主角「撈起」登場!!!一上檯便是一大碟菜和兩小碟，分別是三文魚和原隻鮑魚!!!另外還有幾款不同的醬汁和三封利是~ 我們一邊聽著侍應的指示，一邊跟著她說出吉祥的祝福語，真是非常有氣氛!!!由第一樣檸檬汁，一直到最後的橄欖油，總共九樣配料或調味料，長長久久，意頭十足!!!最後侍應叫我們每人都拿起筷子，一起將配料及醬汁拌勻，並同聲說著「撈起撈起，風山水起」!!!老人家當然非常高興，不斷地拍照及短片。最後侍應還主動地替我們拍大合照，非常專業!!! 完成所有拍照的動作，當然要開動及填飽肚子!!! 出乎意料地，這個撈起是非常多蔬菜，作為前菜真的非常不錯!!!這道菜以椰菜，蘿蔔，柚子，海蜇，酸瓜，洋蔥等等蔬菜製作而成，配以新鮮的三文魚及口感煙韌的鮑魚及薄脆片，口感真的非常豐富!!!至於味道方面，由於有青檸汁及魚生醬，味道酸酸甜甜，非常惹味醒胃，因此很快便被掃清!!!至於這個套餐的其他餸菜都非常好，共有八道菜

年尾總是特別多聚會的，昨日晚上的時候我們一群老朋友就聚集在映月樓，位於尖沙咀的中心區域吧，位置很顯眼的，粵菜餐廳。鮑汁鳳爪的味道麻麻，中規中矩，唯一令我印象深刻的是，鳳爪特別的入味，連骨頭都是有味道的感覺，但是又不會味道過重而導致鹹了。鮮蝦餃的鮮蝦是真正的鮮蝦，味道很正，口感非常的鮮甜可口，忍不住吃了幾個。片皮鴨的味道不錯，確實是很正宗的味道，皮鴨很香，表皮都是黃色誘人的，但是不會過於油膩，也是很入味的。滑豆腐也是真的很滑，口感對得起這個名字吧。環境也不錯哦、

聽同事講映月樓啲鮑汁鳳爪特別出名，於是我就叫佢搵日一定要帶我嚟試下。今日終於有時間帶我嚟啦，然之後我發覺呢度唔單只鮑汁鳳爪好食，仲有好多其他好食嘎！當然一嚟就試下啲鳳爪先啦，鳳爪俾啲鮑汁浸住，好入味，而且啲鳳爪超級無敵大隻，每隻食落去都好滿足。蘿蔔糕，煎噶時間啱啱好，唔會整得太隆或者整得太生，而且入面有好多蘿蔔絲，唔喺單純只有蘿蔔粉，所以性價比好高呢款鮑魚燒麥真係每次嚟都要食一次吖，強烈推介！！雖然一籠只有兩隻，但係一隻就已經可以令你欲罷不能啦，鮑魚燒麥鮮嫩多汁，口感嫩滑，簡直喺人間極品吖春卷，入面噶食材非常多，而且春卷皮好鬆脆

一直都是粵菜的忠實fans,食咗咁多年粵菜，宜家口味越來越挑剔喇，之前有個朋友介紹去映月樓。今日與朋友一起去食午飯，鳳爪都系要點嘅，覺得太重口，噶虐太鹹喇，咬咗一啖就無想再食落去咯。腸粉都係值得點嘅，以為真系唔錯，腸粉都系皮薄餡多，入邊嘅餡都系手工做的，食個時候都感覺好彈牙，口感真的是爽滑，油光閃閃，咬開軟嫩多汁。叉燒包也是不錯，呢度啲叉燒包都唔會覺得好油膩，包子又軟又熱，叉燒餡好多，叉燒都很多。春捲都麻麻，其實有小小難食，春捲味道一點都唔正宗，炸的很過龍，油味太重。服務都算麻麻，環境都唔算話好，唉，好失望。

朋友請飲喜酒，本來不想以此去作品評，但食到翅就真是不能寫了。一上乳豬就已經感覺有點問題，一隻乳豬的皮有兩種色，兼且刻意皮肉分離地擺放，乳豬皮完全不脆，但豬肉味道尚算有肉味，食落去的菜式都是一般過一般，除了乳豬外，其中另外兩個更經典的食品是那個翅和飯真令人塑難以忘記。紅燒蟹肉翅，所謂的翅，入口像吃粉絲，沒有噬口；蟹肉又淋又削，也全汉有味道；但個湯底就杰到像漿糊一樣，有相為證，入口完全是漿粉水，口感像生吞茨汁，味道就只有"師傅"味。鴛鴦鷄絲飯，完全像是湯飯一樣，茨汁跟先前食翅的湯相比就還要稀，為避免'開飯'這裏某些編輯又指我發放不實﹑捏造事實﹑惡意 猜測或含誤導成份的內容，也附相為證，味道就尚算有點酸酸的茄汁味。

有親自遠方來，不亦樂孚，帶他們遊了文化中心同星光大道，就近去映月樓食lunch～腸粉入面啲蝦好大隻，又多～腸粉又好滑。鹹水角就standard左啲，不過都唔會油淋淋的，上枱仲熱騰騰的。炸藕餅，一般般喇，層皮都不算厚嘅，不過真係無咩特別，就無咩ｃｏｍｍｅｎｔ了。呢個湯飯啲飯不會太爛，有啲海鮮，口感不錯，湯飯來說已經算處理得好好了。雪菜雞肉米粉，米粉不算太南，雪菜同雞肉都好有口感，個湯亦不太味精。大大粒蝦蛟，出面啲皮又薄又熱騰騰的，very good！我本人最喜歡的就是呢個蛟的皮，透明好靚又熱騰騰，口感煙韌到不得之了，至愛呀～燒賣都好，皮好薄，隻蝦頂到好上，好足料雲吞，我就覺得出面好味的雲吞面店的略勝一籌，呢度個皮唔夠貼同實身，可能個人喜好喇～雜菌魚肉河～　材料都好新鮮同足夠。味道不錯，湯不是很濃，淡淡的好fresh好大包的雞紮～火腿條粗粗的，不過出面層腐皮可以唔好咁老身同深色就更好了。另一樣appreciate的就是珍珠雞了，開正我喜歡的整法，即係呢種好似糯米burger咁，唔會太多糯米，又唔會太多meat同juice，因此不會太鹹。

早前堂妹結婚了，她並冇大搞婚禮只是簡簡單單搞觀禮儀式,揀了TST文化中心進行小型婚禮，堂妹在女家親友只邀請我們一家,衷心祝福她 ,觀禮之後就在映月樓進行午餐，由堂妹同丈夫宴請親友，親友團共有2圍，眏月樓是美心其下,我第一次來映月樓,估唔到又幾好味,我覺得唔油膩呀,春卷又幾好吃，同平時吃有唔同,炒河都OK,我相信映月都唔平,起碼平均200一位啦 它的食物水準比想像中好,服務都OK,棲高2層地方幾大,我覺得環境都唔錯呀,它的的腸粉［幾好味,点仙之中最愛春卷/奶黃包/叉燒腸粉 ,我覺得整體幾好味,以前去過美心感覺又貴又唔好吃，原來美心其他品牌有好味地方，映月樓分店唔多，我同屋企人好少去中式酒樓，亦唔會專登坐車出來飲茶，今次因堂妹結婚才出來呀味道:我覺得整體好味,少了平日油膩感覺環境:我覺得地方夠大,感覺都舒服服務:我覺得都OK價錢:我估平均200一位,因為不是我埋單推介:3粒星

從北海道回來翌日和家人，不想煮飯到映月樓飲午茶。煎堆夾鬆糕~~鬆糕凍可以接受，煎堆是凍吃得不滋味！鮮蝦腐皮卷~~雖然不是凍，腐皮入口脆中已偏韌饀料鮮蝦和雜菜都包得滿滿。風沙豆腐粒~~皮脆肉滑和鹹香乾蒜吃得開懷。鮮蝦腸粉~~鮮蝦爽腸粉滑。XO醬炒腸粉~~XO醬沒有炒腸粉，只是舖面。XO醬好味的，故此腸粉沒有味道！炸雲吞~~賣相可觀，餡料少得很！棉花雞~~味道都係很淡，雞肉很淋滑。豉油王吊片炒麵~~明明是白雪雪的鮮魷，唔明會叫吊片？？？味道都係很淡，相信是標榜不加味精有關。五位盛惠$468以前映月樓的自助午餐很棒現在改茶市食物一般，不介意不用味精味道淡，很介意油器凍冰冰或不夠温度。相信會有一段時間不會再幫趁啦！

位於尖沙咀的映月樓已經多年沒有光顧，昨天和三位同學往文化中文欣賞畫展，順道在映月樓飲午茶，雖然話順道但都有預約，因為朋友遲到，到處映月樓也遲到，但映月樓並沒有像一般食肆，過了預約時間來電摧促。中山蘿蔔臘味蒸盆糕，蝦米、瑤柱、臘腸舖滿不銹鋼蒸碟，再放入木盆上枱，賣相吸引。入口都係蘿蔔粗條的蘿蔔糕，味道啱我夠清淡，嫌唔夠味道可沾豉油，蒸盆糕不像一般厚粉蘿蔔糕，是軟綿綿蘿蔔糕。鳳冠水餃，個湯底幾特別，有點似昔日大地魚雲吞麵湯底，鳳冠水餃嬌小，如載上鳳冠小美人，水餃內饀普通，個名改得真係好！蜆蚧炸鯪魚球，炸鯪魚球外型夠號召力，也頗爽口彈牙。帶少少辣蜆蚧，就係我食過當中最和味。三文魚帶子炒飯好正，雖然不是炒到每粒飯都被蛋漿包裹，但料足、味道適中，可惜油多是美中不足！點心紙標榜「所有烹調不添加味精」茶聚後果然不覺口乾，前菜費$15，可以不要。我們沒有拒絕，但不好的前菜，Stella已經忘記是什麼了！埋單$341，簽咭時發覺有信用咭優惠，折實$311.7

1月3日晚在這裡吃了顿寿宴, 當晚開了４圍,在4楼. 每席 $8xxx. (全包)首先环境不錯, 廳房很大, 有落地玻璃海景, 但因是夜晚的關係, 所以沒甚麼看頭.乳豬全体 - 分量不少, 皮脆, 但敗筆在完全不熱.帶子蝦球西蘭花 - 蝦球剛熟, 有少許百合在内,幾好.但帶子就好细粒, 略兼小家.蟹拑 - 颇弹牙,好鲜味, 但件頭不大.發财瑶柱菜苗 - 好像是一道年夜反菜式, 發财颇多, 瑶柱很细小, 但味道不俗.排翅 - 排翅好多,伴有娃娃菜,  好足料, 吃罷很腻.海参扣原隻鮑魚 - 海参發得剛好, 原隻鮑魚有咬囗.清蒸大海斑 - 好大條,蒸得剛好, 豉油調得好好味, 葱也很多, 个人应爲是最好的一道菜.炸雞 - 炸得剛剛好, 皮脆肉嫩, 很快一隻就吃完.駌鴦雞絲反 - 份量很少, 完全冇味, 好差.水餃湯伊面 - 份量很大, 伊面好淋, 但也是完全冇味, 也是好差.杏仁茶湯丸 - 杏仁茶調得好香, 湯丸是芝蔴流心, 夠熱, 好出色.壽包仔2打 - 因没有大 size 的壽包供应, 只有壽包仔, 所以每圍有24个, 普普通通, 就是夠熱.水果拼盤 - 西瓜, 密瓜, 哈密瓜. 因之

好耐無同班舊團友一齊食飯，約得成事都喺多得大家合作，事關當中有做教師嘅，成日忙到飛起，做家長嘅就更加唔使講。映月樓新裝修後都未嚟過，所以，既就大家方便，又一向對美心中菜有一定信心，再者，啱啱同匯豐做緊個套餐推廣，覺得都啱食，定價唔貴，所以，好快就定實晌映月樓一聚。個套餐「龍蝦、冬瓜盅、海斑宴」屬全包宴（包茶位、加一及指定數量飲品），不過，又另外收番前菜錢，而且，我哋7個人點半席，大集團即喺大集團，當然收番足額外多出一個人嘅茶錢（$13）。用匯豐卡，就額外平多少少，85折，就以我哋平日半圍計，只喺$975，連甜品共9道菜，由於女多男少，都夠我哋7個人食。環境方面，比以前高雅咗，多組大型水晶燈，但枱櫈排得有啲密，加上我哋被安排坐得較入，近廚房通道出口位，所以，靚景欠奉。前菜 $15依兜仔就喺要收番錢嘅炸魚仔花生，4人一兜，7個人就放低兩兜，等人打牙骹時嘅香脆零食。一見鍾情 $26全包宴半圍包一渣橙汁，不過，每人都喺分得半杯。其實同枱女生都唔好喜歡汽水、果汁之類凍飲，反而花茶啱佢哋多啲，從飲品餐牌中揀嚟依款「一見鍾情」，實際唔知喺乜，問個侍應佢都只喺話一球球嗰類花茶。透明玻璃壺內，一球綻放嘅

小妹早前生日行過映月樓，見到一圍全包都唔需要$2000家人立即定左一張枱黎試試一到左，眼見四周既枱都係點尼個連大陸客行完街街，都上黎食環境靚，對住海景唔洗講服務就一般般，七八枱只有兩三位姨姨service照顧唔到每個人，連骨碟都冇換食物方面都唔錯首先，芝士上湯焗龍蝦(伊麵底)芝士味好濃，龍蝦肉都幾新鮮同出面街酒樓差唔多雲耳勝瓜炒魚崧賣相幾好，好少少瓜果又幾refreshing魚崧厚厚一片，有口感金衣花姿球一圍圍好少見到炸蝦丸，個蝦丸都幾彈牙，但冇咩蝦味囉!但蝦丸上面既"脆脆"好硬，入口時候容易整損口腔錦繡冬瓜盅 或 海皇冬茸羹我地就揀左冬瓜盅，都幾足料既有超多蓮子同蝦但真係食唔出味精瑤柱杞子泡菜苗一放上枱，全家都嚇親堆菜有少少似雜草，同街邊既草一樣嫩咬落口真係有少少草青味全家都唔太接受到另類既食菜體會鮑螺腐卷伴翡翠鮑螺同生菜冇咩好講，個腐皮卷又唔錯，似潮州菜既米粿肉粿用腐皮包肉，外脆內軟都幾特別同驚喜清蒸花尾躉成晚光係條魚已經贏唒出面小妹我對酒席中既蒸魚係最concern魚的quality有時候真係太能分得出因為出面酒樓次次都唔新鮮，食到麻木左有d 更加唔熟，番蒸再拎出黎望見條over

同事昭哥，與愛侶拍拖十年，終於修成正果，值得恭喜！這晚筵開十數席婚宴於尖沙嘴映月樓，經過一輪竹戰，便到開席時間，是晚席珍如下：金豬慶賀締良緣，結婚酒席一定不可缺少的一道菜，乳豬燒得紅彤彤的，溫度夠，皮夠脆，不油膩，肉也香、幼嫩，想多吃幾件。蘭花鲜蝦仁帶子，這是一道熱門筵席菜式，蝦仁很大隻，帶子色澤鲜明，入口爽及彈牙，味道也調得剛好，不太咸，太咸便扼殺了蝦和帶子的鮮味，西蘭花也煮得剛好，軟硬適中，太腍便很難吃。翠環碧玉瑤柱脯，瓜脯內藏一粒江瑤柱，瓜脯夠腍，江瑤柱略細粒，伴碟用小棠菜，個人較喜歡髮菜伴的版本。花姿炸釀蟹拑，單看件頭是頗大件，以蝦膠和花姿包著蟹拑，炸成金黃色，入口非常熨熱，先是一陣脆口的外層，內裏是彈牙的蝦膠和花姿粒，炸的時間掌握得很好，剛熟而不過火，蟹拑仍黐有一些蟹肉，味道鮮美。海皇燴燕窩羹，主人家支持無翅筵席，改吃燕窩，以花膠，鮮蝦，帶子，魚肉粒等同燴，燕窩幼滑，花膠切成細塊，其餘的海鮮料很新鲜，若是這麽足料，我當然不介意不吃魚翅！蠔皇翡翠鮮鮑片，鮑味濃郁，口感煙韌，蠔油茨汁不錯，可送飯，生菜底也做得爽脆。清蒸原條大海斑，體積算大，火喉蒸得到位，肉離骨，豉油調較得很好味，

今晚同frd又去試食美心集團旗下中菜酒家，全因frd有指定信用卡平日有5折，今次我地揀了映月樓，我frd嚷著要食龍蝦，order如下：翡翠鮮拆雄魚羹 - 被menu圖吸引住，好似西式啲菠菜茸及西蘭花湯一樣好碧綠，夏天無論視覺或味覺都應冇得輸。湯羹來到一打開，當然，冇圖咁翠綠同咁靚都預左既，幸好個湯羹味道真係好清甜。我估佢用白菜切碎，加入蛋花及鮮魚肉等，炎夏除了冬瓜盅外，大家不妨試試這道湯羹~龍蝦水晶粉 - 能夠半價就食到龍蝦固然興奮，仲要佢俾足夠，起碼有兩隻鉗，5,6舊蝦肉，龍蝦及水晶粉(口感QQ質感有點似紅薯粉)用薑葱爆到好香，好惹味，食完都仲好回味~~一品八珍扒大鴨 - 全場唯一敗筆之作，首先同個圖好大出入都算，半隻鴨切得勁碎，有咩可能啲鴨肉一夾就散？個湯羹既魚肉仲結實過佢，味道包括冬菇兩舊，海參一片，竹笙一片，雞肉數片，蝦及蚊型帶子2-3粒都唔錯既，但試過一次便足夠~total以上3道菜連一碗白飯加埋茶介加一，信用卡半價後$318.P.S: 紫色背心制服既waiter哥哥好nice及好有禮貌，有問必答，唔識答會去問同事再返來回應，又主動幫我地換下碗拾下野咁，呢啲咁好既服務態度已買

朋友退休及升職，經一輪相議決定到地點適中而且有信用咭優惠的映月樓晚宴。望維多利亞港的位置已滿只能坐沒觀景的一方，但良朋相聚，只管談天說地也冇所謂。友人升職宴請所以加添了双拼及燕窩蛋撻。双拼差強人意，乳豬件六人份量剛够分，叉燒微韌。龍蝦伊麵好味，肉厚。花枝片大大碟稍微過熟，微韌。腐皮卷內是蝦肉，好味。燉湯清鮮好味。花膠份量足，肉掌軟滑。魚份量剛好但稍歉蒸煮時間長。翡翠苗大大碟，味度適中。雞是失望一環，冇金蒜，白切雞淋豉油，貨不對辦，雞肉又是微韌。甜品有驚喜，不太甜，小量金桔吊出鮮味。蛋撻已涼，冇味。整頓飯是不過不失，但全部是微溫或涼，美心出品應該有改善空間。