星座冰室

營業中

休息中

叫咗個外賣返去食，一碗蕃茄豬扒麵同一份奶醬多+可樂！點知嚟到變雪碧，一份多士變咗得半份重點個面入邊塊豬扒唔係用一塊塊嚟形容，係用兩條嚟形容！以後都唔會再叫呢間嘢食叫所有嘢都係只得一半

勁難食，隔夜飯, 口感味道非常差見到個蕃茄汁真係嚇親試咗半啖就放棄，即轉場！個男店員完全冇去了解客人點解會即刻走之前試過芝士麵都係一般，但未至於難食諗住今次去試吓D飯餐，竟然差到咁

星座冰室應該唔陌生，幾年前大家都喺香檳大廈排晒隊嚟食，但而家搬咗新舖，一於嚟試吓到底個味道有冇唔同到！🧀 芝士蕃茄撈蛋麵（$46）蕃茄湯底同以前差唔多，但好似淡咗啲，微酸甜味，拌入炒蛋後口感都好滑，頂層再鋪上一片芝士，不過熱力就未足以令佢融化😅。即食麵係偏硬身，但蕃茄汁又唔多，食落有啲哽胃🙈 今次揀咗配雞翼（+$6）同配豬排（+$6），雖然$6一個餸唔係話好貴，但份量又少豬扒又細嚿，真係唔值！！諗住入嚟食吓回憶，點知反而令我對呢間餐廳留吓唔好嘅回憶😢🍞 奶油多士（$15）多士好普通，牛油融到已經睇唔到，煉奶又少。明明應該係即刻整，但係上枱嘅時候唔熱…整體評價星座冰室雖然喺尖沙咀嚟講價錢算平，但而家呢個水準真係唔抵食😢

蕃茄豬排麵+可樂 55 牛油多士18$67 真係以後都唔會幫襯。。。食得真無辜蕃茄豬排麵+可樂 55 。豬扒得兩嚿咁都可以送餐出去。牛油多士18打過去舖頭問，佢仲叫我問返外賣APP喎。 外賣APP外賣嗰張係好大件正方形嗰啲西多士，圖文不符。 真心想問第一日做外賣咩😹特登叫多個$18 諗住食飽啲…點知咁樣。

2025年1 月1 日諗住嚟試吓之後我入嚟叫咗個牛肉雙蛋麵加雞絲$41+$6=$47諗住都ok飽啦份量同味道都算啦當我食完之後打算買單嘅時候就發現根據老闆嘅計法就係 $41+$6+$6=53 之後我哋覺得唔合理就同老闆問返個餐嘅計算方法老闆表示如果要個餐入邊有雞絲就會係$41起跳之後每加一樣餸就再加$6 一個 好，希望大家敬請留意呢間舖頭 真係冇中文5星星都唔入去

今日難得的半日閒，想找一個尖沙咀一人午餐的好地方。突然想起好久以前朋友介紹的一間冰室，想再試下有沒有以前的味道。可能平日早上，唔多人不過都有幾枱客人👍🏻👍🏻味道依然，當然店舖裝修就新點乾淨好坐一點。店舖門口細細，有點唔起眼。不過一個簡單的蕃茄蛋撈公仔麵加一片芝士，在冷冷的天氣食，尋回一種懷舊感一種溫暖的感覺。🤗係尖沙咀要搵一間$50以下一個飯的一餐麵唔容易，呢間麵係一間性價比高的小店。係一間一人的好飯堂🫶🏻多多支持香港老鋪同小店

回憶的味道，簡單的裝修，親民的價錢，份量比以前少了一點點，但可以接受的！最令人懷念的是那隻破了邊的湯碗😆 仍舊是我記得的第二代老闆，請繼續承傳下去，請支持本地小店！

星座cafe. 我都係由細食到大。所以之前知佢汁我都好吾捨得。有次無意中經過，原來佢搬咗新店，好開心，因為我都好掛住個碗蕃茄撈蛋通。但係搬咗新店之後個味道好似唔同咗，我覺得個蕃茄湯好鹹，冇咗蕃茄嘅鮮甜味道，同埋啲豬扒都好鹹，睇得出啲豬扒用豉油醃咗好耐🥹🥹🥹其實我真係好掛住以前淡淡嘅蕃茄甜香味道，配有呢個淡淡嘅蛋甜味….懇請老闆改良一下湯底嘅配方，同埋醃豬扒嘅方法。希望下次再食嘅時候會有驚喜，謝謝。

因事到尖沙咀，早了一點在閒逛。在大街上發現了剛搬遷不久的星座冰室。店面佈置簡約復古，招牌不大，但外型搶眼很容易找到。由於時間尚早不用等候，於事立即入內叫了芝士雞絲茄蛋撈麵加一杯凍檸茶。賣相依舊，味道仍然是很好味，由於是用新蕃茄製作，醬汁帶點清甜微酸，配上芝士是一絕。讓人一口接一口的吃下去。座位好像比舊店少了，但仍然坐得很舒服，環境很舒適。小店搬到地舖，方便了很多，很容易找到。蕃茄控來尖沙咀必食的店家。

好開心知道星座冰室搬咗去大街繼續營業，熟悉的味道，親民的價錢，吃著吃著很多不同美好的回憶。以前每次行入去香檳大廈舊鋪都很不舒服，去到夜晚更加唔敢入去，而家搬到大街感覺更加親民了！希望小店繼續得到大家的支持，加油加油！