星巴克咖啡

營業中

休息中

晨早入到德福, 先到星巴克醫下五臟廟. 要左一個野莓鬆餅同大cappuccino. 可能時間尚早, 人流稀少, 店員較清閒, 所以親自送上咖啡同加熱後o既食物. 野莓鬆餅o既牛油味無藍莓鬆餅咁重, 味道較清新, 係個人o係starbucks其中一個幾喜愛o既一個口味. 店員沖咖啡o既手勢都唔錯, 杯cappuccino都唔錯.食完後慣左順手執埋檯面, 將垃圾丟o係垃圾筒, 店員即刻唔該前唔該後, 非常有禮!o係一間窩心o既cafe食完一個令人滿意o既早餐, 成個人當堂醒晨晒!

本人很喜受愛薑味食品如薑撞奶、薑味叮叮糖等..,因此今日特意試下薑餅味latte,,點知真係好..難..飲! 我仲怕肥要求唔好落cream... 點知...如果之前我留意食家雪儀之提點,,就唔會咁啦..可能呢個味真係比較特別，所以為特別版，反而薑餅人形曲奇$8/塊，幾可愛!

就黎聖誕,星吧克又出番薑味咖啡喇!由於今朝好鬼死眼訓,所以去左星吧克買咖啡嘆,見到薑味咖啡番左黎,上年無試過,今年試下!咖啡仍然好香,但係多左一陣薑既味道,令人有少少辣既感覺,飲完我覺得個口有少少「慶」,可能係因為我唔太好薑味既緣故,所以我覺得唔係咁好味…不過好在有cream中和一下,唔係就飲唔落,會好嘥!如果唔受得薑味既人就唔好試喇!好似我咁,我覺得呢次唔係一個好好既experience,都係各款frappaccionno穩陣d!不過值得一提既係呢間分店既manager(唔知定係supervisor?)好nice好有禮貌同好好客,佢會向我介紹咖啡,又充滿笑容,服務態度好好,佢係個好短好短頭髮既女仔!

過新出既朱古力曲奇星冰樂,覺得好好飲呀!甜甜的,又食到曲奇,忌廉又滑,不過,唔好睇佢只係一杯野飲,原本都幾飽肚架!

前言：等電影開場，跟六歲的表弟跑入星巴克。食物：a. 草莓忌廉星冰樂（$33/大杯）b. 朱古力曲奇星冰樂（$33/大杯）c. 迷你朱古力林明頓、迷你紅豆林明頓（各$3/粒）評語：a. 草莓忌廉星冰樂：香滑可口，消暑，ok啦！b. 朱古力曲奇星冰樂：好似飲緊溶化了的oreo milkshake，ok啦！c. 林明頓：表弟連吞兩粒林明頓，大讚「好味」！我有得睇冇得食！（不過，睇細路仔食野，都幾得意！）註：週六中午，德褔廣場人頭湧湧，好多人！此店位於扶手電梯下，有點v焗促」！散場後，表弟嚷著要我再買林明頓。於是，又外賣了一打林明頓。老爸老媽都話好味。心想：只不過是一粒沾上椰絲的海綿蛋糕而已！都唔明白何以把家中老幼統統吸引？

琴日買左杯綠茶星冰樂飲,果然係一杯清涼既夏日飲品,味道清清地,唔太甜,幾好!本來都有諗過試promo緊既士多啤梨味,但係驚太甜,因為之試過杧果味,覺得甜左d!綠茶真係正喇!我recommend!

今日放工0係到食0左件cake,飲0左杯0野.我叫0左杯mango frappacinno 同意大利咖啡芝士蛋糕,53蚊.杯0野不嬲都好飲,唔多講,件cake都好好食.睇落去好似溶溶地,但食落口唔會有呢個感覺.又唔會太creamy,好好食呀~中間0既蛋糕texture好得意,而且好香咖啡味,外面又夠滑,d白朱古力又好好食,食完又唔太滯,唔錯呢~呢間starbucks都几細,而且0係個商場中間,感覺焗促少少,不過整飲品個女仔服務態度好好,值得一讚~

係商場正中, 空間比其他分店多, 完全冇侷促既感覺. 而家promote 緊香橙朱古力咖啡, 有pat cream 加d橙絲係面, 甜到癲, 一定要嗌少甜. 芝士波菜批雖然係丁熱既, 但丁出黎滾熱辣, 芝士香氣撲鼻. blueberry cheesecake 質感唔錯, 又有原粒藍莓, 不過賣廿三蚊就貴左d. 再加一個清d既綠茶星冰樂就一餐. 服務略嫌做作, 但係overall 都no complaint 啦.

次次等人都會o係依度飲o野睇免費雜誌~ 勝在夠隱蔽~

回應前文. 絕對同意~! 我都唔明StarBuck點解會揀o個個位開舖.簡直係破壞旗下Cafe一的格調.面積細.太多人經過. 附近食肆多人排隊等食飯.會令到成個環境好迫. Protection 又低(在商場內露天設計)樓底低.勁焗聲~ 總之唔好坐...

香港咁多間starbucks我最唔鍾意沙田果間! 不過都唔關starbucks果度d人事ge, 最主要係果間最迫迫"gim", 重有最最最最最討厭ge係沙田分店d顧客!佢地幾個人得一個叫杯coffe就佔一張table+幾張sofa坐足幾粒鐘都唔走, 最過份係d中學生竟然一班人得一個叫野飲就灘哂d功課出做, 做足幾個鐘! 唔該啦, 學生哥, coffee shop唔係比你當圖書館用ga!

tea set = a coffee + $13 for ($23)cakeavailable weekdays only (except public holidays)tried:blueberry cheese cake: for me, too heavy and 唔好食, 但blueberry is really good and tastyas don't like Starbucks' "watery" coffee, tried "double espresso" this time, frankly coffee feeling comes out la, its texture, taste, aroma are still not very good, but acceptableenvironment here is small, crowdy, noisy, really poor

starbucks係沙田開左間新店, 地點係新城市間意粉屋對出...我去飲左個朱古力忌廉frappuccino, 雖然貴d, 成$28杯, 但真係幾好味~

今日行過飲左個iced coffee，味道同一般分店差唔多，不過個waiter有d問題囉。咁我買個時都幾多人等，佢整完杯野就咁講一聲o個一杯係乜然後就擺係張檯度。咁多人呀嘛，我地排後面既又唔知前面叫乜，大家都唔敢拎杯野，加上個waiter講杯野個名係無人聽得明佢講乜英文，d人更加唔敢輕舉妄動。點知當張檯擺左幾杯無人拎時，佢竟然同我and我個fd講：你地拎張飛比我睇啦，咁會快d架，唔好阻住其他人嘛!嘩，前面有人幾時到我呀，問都唔係問我先喇~~~~

因為近期先開始喜歡飲咖啡, 所以說來有點慚愧, 就係我今日先第一次幫襯starbucks...飲左杯熱既latte, 我覺得咖啡味適中, 香滑程度亦都合格, 不過值唔值廿蚊杯就見人見智啦~