星壹點心

營業中

休息中

原先想喺對面銀津食點心，不過好多人就諗住幫襯吓呢間，點知中伏，首先點心好少，完全揀唔落手得啲好普通嘅嘢，員工落單極之混亂，話冇鹹水角突然間又話有，幫我哋取消咗，之後又上返，令到我哋本身改點咗嘅嘢變咗多咗好多，員工態度差，亦都不熟悉上菜點菜程序，連位置都唔知，地方十分狹窄，個廚房竟然佔咗大半間舖，坐得好迫，本身攞住好多嘢問員工可唔可以上閣樓，個員工發晒脾氣話唔會開閣樓，點知轉個頭有其他人又可以上閣樓，諗住唔使派對試吓下次都係試返對面銀津

服務係街坊街里感覺，大家要乜儘管出聲，街坊街里。價錢$35 一碟到，沒有加一，茶錢$5 位，好親民。平平地一餐，又唔想去茶餐廳，可以選擇呢度，對食物要求唔好咁高，畢竟都只係$35 一碟。午餐：1）鮮蝦菜苗餃，可order , 味道正常。👍🏼2）鮮蝦玉常餃，好多粉，成口粉咁，不要order, 帶子三粒厚薄不一。3）斑斕生煎豬肉餃，可以打卡，但皮太厚，唔好食。4）脆脆紅米腸，推介，加沙律醬好味😋5）星壹蝦餃王，麻麻地🤦🏻‍♀️

尋晚食完餃子，但係間餃子店太豐富。今晚探完病人之後都係落旺角睇吓啲咩驚喜。今次試吓呢一間點心，成個廚房佔咗成間鋪嘅三份二位置，好彩唔算人多，兩個人嘅話佢都照俾我哋坐四人枱。落完單之後啲人潮就開始嚟，不過原來佢好似仲有閣樓。整體食物嚟講都係唔錯，但係有改善嘅空間。尤其是希望佢哋唔好喺洗手盆洗飲水用嘅杯（分唔清女員工係收銀員/侍應/負責人？），呢度真係有扣印象分嘅。先上咗個龍蝦湯鮮竹卷，個龍蝦湯唔算多，應該係因為佢唔想浸林啲鮮竹卷，因為佢啲鮮竹卷同出邊嗰啲有少少唔同炸到脆卜卜好似啲零食齋鴨嗰啲感覺又想試真啲龍蝦湯，如果佢可以分湯上就更加好。個小籠包同埋班蘭葉煎餃都好有肉汁，尤其是個煎餃啲肉汁爆滿到爆曬出嚟。不過蒸餃嚟講就有少少改善空間，個瑤柱鮮蝦餃瑤柱味唔係好出，個蝶豆花粉果都係啲特色嘢，但係蒸出嚟都係塌咗。但裏面啲櫻花就幾香。沙白蒸燒賣，我就唔係好覺有沙白啲肉喺裏便，可能已經打爛晒。另外嗌咗個百香果椰汁糕同埋「金屋藏嬌」，個百香果幾清甜，另外個「金屋藏嬌」初頭睇英文名以為係芒果卷，點知原來係椰汁冰粉再加啲芒果爆珠喺上邊。佢話係師傅自己拉。個粉有幾好食，但係如果佢唔係用爆珠，而家用新鮮芒果

環境：星期一大概12點幾到，人流中等，唔使等有位直接入去，唔似大酒樓，同普通餐廳一樣，不過有上下兩層。茶：茶具幾得意，不過茶包大，茶壺細，所以啲茶有啲結，建議沖多幾次水。食物：菜餃好食，菜包一般般（好似有紫薯？個人唔太喜歡），灌湯餃啲湯幾好飲（似係濃湯），鳳爪不推介（甜味），雜錦海鮮卷（偏鹹），紅米腸推介！啲嘢好新鮮，係脆！熱！唔似返整，不過整體偏鹹。都好吃！*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*

本來去的點心店太多人排隊，行吓附近見這間點心點新開及有位，便試吓，好彩D點心都好食，座位不是太多，職員也有禮貌，點心即叫即蒸，但也不算等好耐，食物上枱時熱辣辣，足料好味，茶用功夫茶具，茶味會澀因杯太細，但有奶茶、咖啡和檸茶可叫，價錢合理及不收加一，點心選擇不算多但有些款式都特別，下次會再去試吓其他款式點心°

放工行旺角見到新開的點心店於是入去試試坐低有摩登嘅功夫茶茶具都幾得意睇點心紙當然係點啲個名有趣嘅嚟試於是乎就點咗一大堆未試過嘅點心（1）金湯蝦餃皇（2）綠蘋果咸水角（3）脆脆紅米腸（4）星壹沙白燒賣（5）黃豆醬蒜香蒜排骨（1）金湯蝦餃皇（有噱頭，蝦魚湯？幾得意，但係呢湯唔夠熱，蝦餃咁樣會受影響。除非改到湯嘅溫度，否則唔太推薦）（2）綠蘋果咸水角（夠熱料足合格，百力枝做枝幾得意）（3）脆脆紅米腸（都夠熱，餡脆身都夠）（4）星壹沙白燒賣 （有趣😁估唔沙白蜆類可做燒賣貝類加埋燒賣嘅層次幾得意，推介）（5）黃豆醬蒜香蒜排骨（好好食，夠入味，簡單得嚟夠入味。）