星光喫茶洋食

營業中

休息中

最近發現了間超有話題性的新餐廳，而且就開在灣仔合和中心，這裡本身也是新開幕不久，所以話題度滿滿🔥星光喫茶洋食 主打昭和風洋食料理，裝潢充滿濃厚的懷舊氛圍。餐廳由日本著名設計師権藤旭設計，完美復刻日本昭和時代的喫茶店。可惜人氣太誇張，剛開幕就已經排滿人，想拍到完美的照片很難耶😂  下午有 HKD 168 Lunch Set，包括沙律 + 主食 + 飲品。🥪蟹肉芝士三文治配北海道薯條 (HKD 168)三文治內餡很豐富且有層次，奶香濃郁的炒蛋幾滑順嫩口，和細嫩的蟹肉幾夾。芝士雖然不算多，但我覺得那鹹香恰到好處。細緻柔軟的麵包吃落口感輕盈，吃完不會覺得很重負擔。最後再搭配外層酥脆的北海道薯條。🍅沙律選了 番茄沙律，有清爽多汁的車厘茄和番茄兩種。醬汁帶有微酸的味道與番茄甜味剛好平衡，是很不錯的開胃前菜。☕️飲品選的是 薑橙烏龍茶，沒特別喝到薑的辛辣感。整體來說是一杯帶有果香的溫潤茶飲吧。加錢點了 星光玉子布丁 🍮 紮實細膩的布丁有著濃郁蛋香。喜歡微微帶苦的焦糖層，頂部點綴的櫻桃和鮮奶油很有昭和感。餐廳在每個細節都想讓客人彷彿置身昭和時代的喫茶店，所以使用的餐具都是懷舊感滿滿。不過價錢稍為高了點，

在10月尾，網上得知由1980年，屹立香港至今44年兼當時 1980~1990 年為最高建築物的舊地標，位於灣仔皇后大道東的合和中心，即將開合和中心2 期的合和商場 Hopewell Mall！ 還標榜是灣仔區的大型新商場，令我十分期待呢！ 在灣仔合和中心3樓，麥當勞隔離通道穿過去，就是新商場合和商場嘞！最近，新商場於11月1日試業！雷聲大雨點小，平日夜晚，商場人流少，冷氣勁！ 我完全感受到既冷清清又冷冰冰！這裡有好幾層商場，卻是新開餐廳數量，至今11月尾，依然寥寥可數，一隻手都數得哂！暫時未免太少吧！ 反而，餐廳比預期少，更有餐廳要等到1月才開！如果滿有期待走來，會滿懷失望離開！臨離開商場前，問了保安先生，洗手間晚上 10:00 close！新商場的新店舖陸續開張，主要是運動用品店、童裝店...唔啱我行，大型家品店要12月開；驚喜找到一間門面好靚嘅打卡餐廳 <星光喫茶洋食>，等待下次 11月8日試業才幫襯啦！這裡似乎劃分好幾個不同區域的裝潢特色：昭和懷舊風裝潢，卻是窗外景觀一般連天花板都掛上花串及植物的秘密花園 (最攪笑莫過於店內的流水裝置，竟然有人當是許願池，見到有

家中有位特別鐘情日本昭和年代的成員，所以今天特地帶他來這裡感受一下😉餐廳以昭和時代的飲食及裝潢元素為賣點😘提供多款和洋料理。午市套餐$168包沙律、主食、飲品（某些菜式需額外+💰）💫番茄沙律🥗，用了車釐茄和大番茄兩種。微酸的沙律醋與番茄甜味很平衡。💫黑毛豬鞍扒（野菜•薯蓉•芥未醬）豬鞍扒有一定的厚度👍🏻煮得恰到好處，不會柴😋除了薯蓉還另外配上一碟白飯😀💫海之幸鮮茄忌廉意粉肥美的蛤蜊肉質鮮甜、海鮮還有海蝦及帆立貝，醬汁是傳統日式料理…偏甜😘我喜歡🥰💫星光玉子布丁 🍮午餐+$38 ，可享用招牌甜品👍🏻震騰騰的布丁，頂部用了櫻桃和鮮奶油來裝飾，很懐舊風😘蛋香濃郁、口感軟滑，跟微甜的焦糖很夾😋💫咖啡是焙煎的，炭燒味濃😉環境舒適，服務周到，侍應們還會主動幫忙客人拍照📷

食物質素很一般，價錢昂貴叫了三款食物：1）厚切煙肉金文筆芝士2）滑蛋厚切煙肉豚肉意粉3）肉醬芝士蛋三文治1）厚切煙肉金文筆芝士和滑蛋厚切煙肉豚肉意粉的汁基本上是一樣，都是羅宋湯底，感覺慳成本，沒有誠意。幸好厚切煙肉本身是好吃的2）肉醬芝士蛋三文治：本身麵包是好吃的，但蛋把麵包浸淋了，上菜時底層的麵包已經完全浸淋了，像糊了一樣，很難吃，138 加一，質素比茶記差3）北海道薯條：跟麥當勞薯條差不多，幼身的，麥當勞某程度上仲新鮮和脆口整體上這個價錢，這個質素，性價比很低。只會推薦單叫麵包。*甜品沒有試不作評論

呢間店好似開咗冇耐岩岩好同朋友約下午茶，就決定直撲去啦！一入到去，復古嘅昭和餐具、深綠色同深紅色嘅皮梳化，再加埋日劇裡面成日出現嘅士多啤梨忌廉蛋糕，真係有種去咗日本嘅錯覺啊！好鍾意呢度嘅氣氛！著住制服嘅店員態度都好親切，服務都好好！而家香港呢類喫茶店真係唔多見，真心希望以後愈開愈多，等我地可以多啲去 chill 吓～同姊妹傾計傾到最後都唔捨得走，下次會再黎！

放工約左閏蜜食飯揀這間餐廳 因為見合和新商場人流好少諗住可以舒舒服服坐耐啲入邊嘅環境係幾好嘅晚市冇dinner set 要散叫牛肉燒得好yum yum 啊朋友是碳水控叫左三文治不過 牛扒才是我的至要愛 有雪糕既野飲 係令人好開心的通常揀餐廳之前我都會睇一睇網上啲評價見到這間有d comments 一般般不過 我自己體驗係好好的 我唔小心倒瀉水Waiters 們都細心遞上tissue 🫶🏻加分 🌟

呢間餐廳位於合和商場,呢間商場上年先開幕,餐廳走日式復古風格,非常適合打卡📸星光玉子布丁 $48布丁口感軟滑😋蛋味香濃,焦糖甜度適中,面頭唧上Cream,令布丁增加了層次,最後有粒車厘子做點綴😍蜜糖牛油吐司 $38吐司烘到金黃色,口感軟熟😍面頭塗上蜜糖同半溶牛油,香氣十足,成個配搭好夾,非常吸引😋蜜瓜梳打雪糕/桃子梳打雪糕 @$48蜜瓜味味道香甜,桃子味道濃郁😍雪糕口感棉密,梳打氣泡令雪糕更輕盈,也增加了清新感😋

當我入到餐廳時, 侍應已經用一面唔耐煩嘅樣子, 問我有冇訂位. 入座後, 我哋就已經立即order. 之後大約等了20分鐘, 只見到遲嚟過我哋嘅客人已經有飲品同沙律, 於是, 我向侍應詢問下係咪漏咗單. 但係, 佢應咗我哋之後, 一直都再冇回覆過. 我哋再等咗10分鐘, 只見飲品同沙律不停地出, 都冇我哋份. 於是, 我哋再問侍應. 可是, 我舉手叫唔該嘅時候, 同一個侍應見到我, 但走開, 扮睇唔到, 最後, 我哋決定等多5分鐘, 冇嘢食, 我哋就離開了. 未見過一間咁差嘅日本餐廳. 

📍灣仔合和新開嘅商場比想像中好行🤗餐廳開喺商場內，除咗日式大型家品店同高級壽喜燒日山之外，呢間充滿和式風味嘅餐廳好多時都要排隊如果唔係知道佢係新餐廳的話，就咁睇室內裝修，感覺非常懷舊：紅色地磚，深木色家具再配以卡位，以為自己喺日本嘅舊式餐廳入面食品方面，亦都係跟足和洋式餐廳一樣，餐牌設計非常日式；主要分小食，意粉，沙律同主菜；亦有三文治，甜品同特色飲品；今日我哋就試咗白肉丸子沙律同日本青椒厚切炸豚肉；食品質素正常發揮，但就係呢種氛圍，所以食得特別開心因為唔太肚餓，有啲後悔冇點到佢哋嘅玉子布丁🍮，下次一定要食返

晚飯時段打算與家人到這裡用餐，進餐廳後一位服務員接待時，皆因母親希望盡量不要坐冷氣出風較強烈的位置，希望能入座卡座。接代的服務員則細聲示意故意讓他的同事不要安排卡座給我們。雖然應是晚市用餐的繁忙時段，但餐廳內用餐客人了了可數。若然的確有人訂座，正常服務態度應是預先告知並詢問客人會否介意安排其他座位，而不是用竊竊私語的態度去作此安排，並讓我們看到，所以令我深感懷疑及不滿，若然真的有人訂座未能安排絕對欣然理解及接受。入座後，還是深感不滿，最後決定離開選擇到其他餐廳用膳。

喺合和商場行街發現呢間昭和風餐廳，見門面裝潢好吸睛又唔使等位，就入去食個下午茶兼打卡。齋睇menu雖然覺得價錢有少許偏貴，但咖啡茶不需另外收費所以都可以接受，不過我地都選擇咗加錢享用哈密瓜同夏威夷梳打雪糕(要加$38 x 2)，因為已經無幾多地方有呢種飲品。我地order咗“星光三文治”同“蜜糖牛油厚切多士”，當食物送上時我地不期然沉默對望，嗰份厚切多士其實只係一塊toast咗兼唔多厚嘅麵包，淋咗啲蜜糖再加一片牛油，咁就定價$78！就算我無揀梳打雪糕要咖啡，食塊麵包都要幾十蚊，個人就覺得真係好唔值！而跟三文治嘅薯條，唔熱唔脆但又唔係腍，極度難食！兩杯飲品，賣相精緻，因為佢地選用咗懷舊玻璃水杯，所以份量係偏少，幾啖就可以飲晒。唯一要讚嘅係佢個雲尼拿雪糕，真材實料，好食。我地諗，既然都伏咗，不如叫多個餐，試埋個士多啤梨蛋糕。件蛋糕好食，夠大件，有新鮮士多啤梨，忌廉幼滑唔漏，不過定價$98，抵唔抵，見人見智。呢個下午茶兩個人三個餐，食咗$427，仲貴過我地喺脆X穿飲嗰餐茶。

日本昭和主題Cafe今日嚟星光喫茶店打卡啦，必須同你地分享呢個雞蛋布丁同牛柳粒！先講講雞蛋布丁，一上桌，那賣相就超誘人，淡黃色QQ der~似啫喱一樣。用匙羹輕輕𢳂一羹，woo~入口即化，嫩滑都不得了，味道更絕！雞蛋香味特別濃郁，淡淡奶香，甜度都啱啱好，唔會好膩，吃完成個人開心晒！而牛柳粒方面，端上嚟嘅時候香氣撲鼻。牛柳煎得恰到好處，外焦內嫩，一刀切落去，肉汁四溢。肉質鮮嫩多汁，鹹香味濃，每一啖都超滿足。薯條脆卜卜，我一定配茄汁，大人細路都愛。總括嚟講，星光喫茶店嘅雞蛋布丁同牛柳都非常值得一試，環境又舒服，兩個閨蜜靜靜地傾吓偈一流呀！賣相：★★★★☆口感：★★★★☆環境 ：★★★★☆整體評分：★★★★☆星光喫茶洋食 (灣仔)灣仔皇后大道東183號合和商場4樓409-410號舖@939439_foodiehk

呢間餐廳所有嘢都超級靚張凳都零舍舒服，而且店員超級有禮貌，廚師會特登走嚟同你傾偈不過要坐卡位就要盡早訂位啦今次食咗炸雞玉子飯，份量超級大，咖喱味好香甜，可惜唔記得影相咖啡就冇乜特別，不過佢啲餐具真係好靚特別推介佢嘅甜品尤其是布甸焦糖味好出

同事大力推介這家彷彿好高檔的餐廳，這天中午就過來試一次。環境店內燈光昏暗，有些人會說這些情調。檯蠻大的，沙化椅子也很舒服，可是跟旁邊的座位只是一個花槽之隔，剛巧這次鄰座坐了幾個雞啄唔斷的女子，有夠嘈吵哦。食物午餐是set lunch，價錢是168元，有一個主食+沙律+飲品。時日有機沙律/蕃茄沙律就是普通沙律～和牛漢堡玉子咖喱日式咖哩超開胃，不會辣，一支匙羹就可以吃完，是懶人必選。北海道厚切煙肉蕃茄意粉朋友說好吃。飲品熱咖啡咖啡還可以，但更好的就是杯碟，非常俏麗的樣子！甜品草莓鮮奶油蛋糕 48元甜品有三款，看來主打就是這個蛋糕，奶油跟平時吃到的不大一樣，但整體來說又不覺得特別好吃...服務看來侍應沒有指定服務的檯，下單時和追加甜品時有些迷惘...整體來說還好，不過暫時就沒有衝動再光顧。

個女跟姑姐去咗睇Disney on ice我同老公四圍行食晚飯等佢見合和大廈那邊有新商場，就去嗰邊食晚飯見到呢間「星光喫茶洋食」裝修幾靚，門口又有人排隊，我哋都排埋一份當時已經8點鐘，排咗一陣就有位喇餐廳最吸引我係門口嘅花園裝飾，仲有個許願池仔，餐廳入面有昭和風裝修，部份餐具亦用了昭和風，不過枱與枱之間距離稍嫌太近了我哋點咗：🍝 明太子帆立貝和風意粉 $168有青森帶帆立貝、明太子、菇、翠玉瓜和洋蔥，個汁甜甜地，意大利粉軟硬度適中，好入味，帆立貝鮮味，整體非常不錯🐷 日本青椒厚切炸豚肉 $188見個名寫住厚切，另外餐牌有一張相寫住滿足感，豚肉賣相好好，炸得好酥脆、個汁酸酸地開胃得來又帶點青椒味道，點知咬落去，個厚切豚肉唔知去咗邊！淨係見到薄薄豬肉，整體有兩塊薄薄豚肉扮厚切豚肉，有啲嬲咗😤幸好味道不錯！覺得廚師好犀利，可以假裝成厚切豚肉，實屬廚藝了得！🍵 凍抹茶鮮奶 $54睇餐牌，似乎是有啲花臣，可以玩吓攪抹茶，實際上就咁一個玻璃杯上，感覺有啲Over-priced （餐牌相片有冰？）最後，想點個招牌布甸🍮，竟然sold out連草莓蛋糕也沒有了整體環境靚，食物味道OK ，不過價錢有點貴