星之戀

營業中

休息中

今日第一次嚟到新酒樓食飯，見佢新開咗冇幾耐，所以走到嚟試一試。一共六個朋友上到嚟食飯和一個小朋友，嚟到都有七成爆滿，叫咗一個四人餐再加多三四個飯餸，可能今晚是由余經理招呼，所以服務態度也好好，不過唯獨煲仔飯等候時間有點耐，最後來咗個鮑魚雞粒炒飯🤪其實係order 臘味煲仔飯，經過一輪check單之後,最後他們都有煮煲仔飯出來，但係最後都要等多15分鐘時間，不過一班朋友傾吓偈吹吓水，都OK。食嘅各樣餸菜也不錯，份量都算多，比起集團食酒樓都算唔錯。有機會都會再過來幫襯。

諗住同屋企人做冬岀街食，見呢度岀哂社交媒體網站賣晒廣告就想試下。一入到黎見d員工行黎招呼都覺得好似幾好服務態度，嘩一坐低就見到d碗碟全部都係塵，落左單食左兩三個餸就加單，點知食到連加單個餸都食完個菜都仲未到，個個都食都差唔多飽想叫員工取消啦，點知佢走入廚房吹單，當我地想走碟菜就上左枱，擺明就係唔比我哋取消個餸，即係我覺得你唔比我取消無問題既，但可唔可以講聲呀，個二百幾蚊咪豪比你囉，一定唔會再幫襯😡😡😡

點解咁講？一入到去櫈都未坐暖就係咁催人落單，大佬呀 我都未睇完☺️另外 係咁上錯菜 咁我地落單黎做乜 不如廚師發板啦🤣🤣🤣個年紀稍大嘅侍應 語氣態度簡直一流 當我地食緊飯時 直接拎單睇 睇唔清問我地都算 個態度成個老鳯咁 👍👍👍👍👍柚子帶子 就中規中矩 外熱內冷😳玉掌遼參 遼參成條配汁都係冇味 中意清淡冇味嘅可以點😉食到最後 剩低啲乳豬 嗰位侍應上前用霸氣👹嘅語氣講「你哋唔要呀？」冇啦啦俾人兇 當埸我都嚇一跳😲叫佢打包 仲西利 有表演睇添 粗魯咁dum 乳豬件入盒 然後佢見點粗魯都合吾埋個外賣盒 佢就索性連合都唔合直接dum入外賣袋😃😃😃幸好我媽咪叫佢拎橡筋 佢可能不滿我地尼個大大嘅要求 佢就發脾氣 勁大聲同大力係咁拎個外賣袋出氣🤣🤣🤣🤣🤣 然後走去拎橡筋🫡🫡埋單果下 我就叫另一位員工幫手埋 態度幾好我都明香港服務業係唔容易但未至於要咁樣對待d客人

1. 7:30 入座, 友人覺得熱叫左罐汽水. 叫左 3 次先拎到罐汽水黎, 仲要唔凍.成 3 - 4 個waitress 姐姐淨係 service 房入面班大客2. 叫套餐 4 人餐, 問佢可唔可以加多 1 個人做 5 人餐.阿姐都幾無禮貌話 4 人餐你 10 個人食都得架!3. 叫好野食, 等左 45 分鐘都無野食黎.原來阿姐落完單就放左張單係檯, 無幫我地入機.4. 個套餐有甜品, 我地問可以上甜品佢地竟然話送晒, 要下次先. 原來拎晒 d 甜品送晒俾檯 VIP. 我地唔係叫你送甜品 wo, 而係我個 set 本身有你唔俾我 wo.下次先補返俾我, 我係唔係可以下次俾錢?雖然最後都有俾到, 但唔係一句送晒下次俾返啊.5. 野食 overall 係好既.燒乳豬好香口燕麥蝦球, 個底有炒飯底, 同時炒得好乾身文昌雞, 好嫩好滑 

$32.8一隻乳鴿厚肉勁抵勁正！1蚊隻金魚餃食得過。三色小籠包皮薄多汁，龍蝦湯味、蟹粉咪味、原味各有特色，40蚊3隻一籠幾抵！$32.8鮮蝦菜苗餃皮勁厚，料唔多，麻麻，食多隻乳鴿好過😑$32.8 芝士荔枝蝦球，都唔錯但食唔到咩芝士😅$32.8蝦角又少料又有油益味唔推介😅成餐最貴$58三文魚拿破崙勁差！！！勁失望🤨又凍左又唔鬆化👎👎👎👎👎茶錢14蚊位，服務就一般般啦…乳鴿有下次🤣

位於荃灣海之戀新開酒樓，餐桌擺設有心思，座位就稍擠逼，稍為熱鬧，加上星期日生意不錯，若閒日光顧會清靚一些。首輪滿座，次輪就翻到幾枱客。招呼算吾錯的。吸客賣點係特價乳豬，300幾蚊原隻上枱堂剪，我地6條友叫半隻就198，乳豬皮算脆，略肥，算抵食，基本上枱枱必叫。水晶雞都叫招牌菜，是冷盤，個人略嫌肉質未夠滑，但賣相佳。燉豬肺湯都話係馳名，質素OK啦！湯渣顯示真材實料的，半隻雞仔加大量瘦肉但豬肺吾多囉！最讚係柚子元貝，新穎菜式，元貝嫰滑。其他菜式中規中矩啦！人均消費270，一試無妨。

好朋友生日，今次已經係第二次嚟呢度慶祝，皆因上次大家食後都覺得呢間酒樓的食物很創新、很有水準、招呼亦不錯。今晚我哋6個人，開了2支紅酒，點了些招牌菜，最令人回味係蜂蜜柚子脆元貝，個個食完都讚不絕口。另外有個類似糖醋骨的招牌菜（忘記了名字），放了個孫悟空擺設，裏面加了乾冰，做出孫悟空噴煙的效果，很有意境，所以呢味菜印象特別深刻。其他的食物例如羊腩煲、蟹粉豆苗等均十分有水準，下次朋友飯局都會首選星之戀。

今天我來到荃灣西最大的商場海之戀，搭電梯到三樓後左轉，參加了好朋友的飯局。前菜：⭐️ 涼拌雲耳魚皮：雲耳軟糯，魚皮爽脆，酸味十分恰到好處。⭐️ 藍莓淮山塔：淮山磚塊清新可口，伴隨著桂花糖的香甜，與藍莓構成了視覺上的完美組合。主菜：⭐️ 堂剪奶豬全體：豬皮薄而酥脆，味道調整得宜，整體上沒有多餘的油脂，只有豬頭附近稍微有些肥肉，搭配著脆米飯，米飯由糯米、脆米、白米和燕麥組成，每一層都非常美味。特價$298的價格真是物超所值😂。⭐️ 蜂蜜柚子脆元貝：脆皮外層十分酥脆，第一口吃起來有像是軟殼蟹的口感，大廚的手藝非常高超，帶子肉剛剛好熟，吃起來就像是在享受新鮮的帶子刺身。⭐️ 生啫蝦乾唐生菜：十分美味，沒有過度鹹味，用菜汁拌著脆米飯簡直是極品。⭐️ 生拆蟹粉扒豆苗：不使用蟹肉而是選用蟹膏，豆苗搭配蟹膏一起食用，自然鮮甜的味道更勝一般的蟹肉。這家酒樓是新開業的，從裝修到食物的味道以及服務都非常出色，價錢也很合理。

琴晚等一次過去海之戀商場行街，去到3樓見到有間食肆新開，於是埋去睇下有咩好嘢食，睇下份meun，見啲菜式好精緻，於是就同老婆入去試下，咁啱當晚個行政總廚係度，佢介紹我哋兩公婆叫套餐食，於是就叫左兩個「廚師長富豪位餐」同我老婆一人一個，由於佢叉燒賣晒嘅關係，佢幫我哋轉左個「酒薰鮑魚」，作為第一度菜，上枱嘅時候超夢幻，乾冰嘅效果令到我同老婆處於仙境當中，起筷時候更有驚喜，海蜇頭十分爽脆，白雲耳酸酸地，主角鮑魚食到啖啖酒香，令到我哋異常開胃；之後到第二度菜「宮廷雞煲翅」，雞湯味濃郁帶鮮，啲翅份量多到以為自己食緊碗湯米，以牙揀翅嚟計，呢個價錢真係足料抵食；第三度菜「蠔皇五頭鮑魚伴花菇」，呢度菜就不過不失，冇乜驚喜；到第四度菜，呢個好食喇！「金獎燕麥脆米蝦」呢度菜個蝦只係配角，真正嘅主角係用米，糯米，燕麥所做嘅飯底，集香脆軟糯於一身嘅口感，唔洗5分鐘，已經清晒碟；第五度菜「燒汁煎魚扒」，由於我係唔食魚嘅關係，總廚好好人，幫我轉左個「柚子汁脆炸元貝」，據老婆口感憶述，魚扒煎得香脆，略嫌唔夠厚身；至於我份元貝呢~~柚子汁清新微酸帶甜，元貝外脆內軟，正呀！到第六度菜喇~~「上湯蒜子菜苗」，真係用豆苗上

未滿座都不斷執碟，待應係位到泣泣樣樣，成日係唔同枱附近行黎行去，好似巡邏緊咁，食客一食完一碟，就即刻執走一碟，最後食唔到1個鐘想埋單走人，點知話未夠三百蚊唔俾簽卡，食到一肚氣……反正點心都係普通屋邨酒樓質素，以後唔洗再幫襯。

有得邊唱邊食既VIP房人數：12位 VIP房(唱K)🎤*菜單:*🐷🐟🐤🪿😋杏汁豬肺燉湯🍲 ：好入味好補身下😋脆皮乳豬(堂前剪豬🐷) ：都唔算細隻，皮脆多肉😋鮮梨🍐拔絲咕嚕肉 ：鬆脆唔乾身😋北京烤鴨🪿：麵包皮夠薄，烤鴨都好薄入味😋踏雪尋梅(海班🐟雙食)獲金獎🏆：海鮮斑好新鮮，最緊要個賣相好靚，有乾冰一齊上，好似仙境咁靚😋豬油渣炒水東芥(時令蔬菜)☘️：平時都好少食芥菜，就咁清炒都好爽脆😋主廚脆米飯🍚：這個賣相好像火山有脆脆咪好好食😋壽桃🍑：新鮮熱辣，大大個，一個大蒸籠上，好靚(包汽水 ,無開瓶費)可供12位全包宴1席$5888