明珠棧

為了不吐不快，我登記了open rice 並即日評論這間我差不多幫趁了十年的上海食店。明珠棧上至老闆黃／王生黄太下至每一個員工（十個有九個有口音的）都唔會同客人講多謝，並黑住面囗落order。唔知其他居民有否同感，還是只是我個人遭遇或問題（我嘗試笑容滿面落order但他們的服務態度依舊）？經商環境困難，除了在定價及分量深思外，保持食物水準及改善待客的態度也是刻不容緩的。…查看更多

我和家人久不久都會到此食晚飯，之前的水準都好ok。 但上星期再食，發現水準直線下降：除了個菜之外，個湯同擔擔麵完全冇味 --- 即使係foodcourt 都冇食過冇味的擔擔麵，但佢竟然煮出完全冇味囉仲有，佢近來都加咗幾次價，依家的份量仲要再少三份一，水準仲要差成咁。我地俾架錢都係有血有汗咁賺返黎，做食市生意都唔好咁過份，俾返d 似樣的野人地食都好應該啫佢地真係好過份囉超失望，一定唔會再去…查看更多

當日在那附近理髮, 要等, 吃點什麼吧這是我之前來過的小餐廳, 長大後就少過來了看了下午茶餐牌, 看不上眼看到有醉雞,來一客吧茶來的時候不熱, 再加一杯豆漿,得知下午時豆漿半價才$6,抵~豆漿先來,熱,微甜, 飲得舒服主角來了, 紹興有一層果涷狀,香而不烈, 寫這時候都聞到了, 雞肉涷,甘,酒香! 合成美麗的圖案大滿足, 剪髮去…查看更多

又是一個偶然.緣份這回事,由不得你~從來也沒來過這裡.今天因事路過,要找吃的,卻不合心水.在一找再找之下,走出商場,跑到街上了,一眼看到這店子,賣的,也是我喜愛吃的京川滬菜式,既然如此,天意難唯喇~不防一試.先來一個: 瑤柱鮮魚粥.不錯,有少許雞粉或味精吧.但也有少許已拆魚肉,一個小指甲大小,份量不多.再來了客蒜泥白肉(雲白肉).有點驚喜.薄薄的白肉片,看似肥肉滿盈,但咬在口中一點也不油不膩.爽且肉味恰到好處,加上那蒜味和醬油味道,配合得很.令我想起了昔日的老店子的味道,就跟這個差不多.吃罷,有點意猶未盡,想吃點煎炸的,也就加了一客炸春卷.嘩,春卷新鮮熱辣,正合我意.吠下去皮脆又香口,令人喜愛.內裡用料又別具一格,九成半以上是津白(黃牙白).其剩有些許東菇絲和雞肉粒.因為肉粒香嫩誘人,在向厨房小師傅求証下(因為他路過呵~),得知是用雞骴肉的呢,才會這樣香嫩囉.今天吃的運氣不錯呢…查看更多

我有一位朋友，曾經好幾次向我推薦藍田的明珠棧。今次聚會，他又再次提議來這個地方，反正我沒有到訪過，也有興趣一睹其風采，看究竟是否朋友所說的那麼好。我和另一位朋友先到，望望四周，貼上了些明星照片，原來也有點明星食客光顧，但於我而言意義並不大，重點還是放在食物上。既然他多番向我推介這裡，想必對其招牌菜色瞭如指掌，那點菜的重任就交由他負責。結果，有冷盤、有熱菜、有肥肉亦有甜品，菜色豐富之餘，亦挺合我心意的。幾款冷盤上場，有素鵝，腐皮不韌，包裹著的餡料雖不是很恭整一致，至少都包得結實，唔會輕易散開，味道不差，合乎基本要求。其次是醉雞，上桌時只見雞件，沒看到幾滴酒。的確，吃時酒香只是淡淡的，缺乏清新感覺；至於雞件，雞皮雖然是薄薄的，可是肉質未算嫩滑，吃到雞胸位時更是有點韌，也是另一要挑剔的地方。還有的是蔥油海蜇頭，海蜇頭本身質素不錯，爽脆有咬口，只是蔥油的香氣薄弱，提算不了整體效果。來到吃上海菜的地方，理所當然的點了兩籠小籠包。熱騰騰的上來，不過一睇就覺得皮太厚了，收口位更是有少許硬，餡料的豬肉未夠鮮，雖有不少湯汁，卻不是肉汁來的，是令人失望的小籠包。之後是蝦子戈塔豆腐，事實上蝦子份量不是很澎湃，同時亦欠缺鮮香味道，只有咸味，但豆腐本身起碼是外脆內嫩滑，所以這味稱不上好，但我亦沒有太多的投訴。同桌有人建議食雪菜毛豆百葉，不妨又來一客。並不是百葉結來的，吃起來口感也屬一般，加之雪菜的咸香味不足，那整體的效果自然不會理想。全晚最期待的，肯定是紅燒元蹄了。其實賣相已不很對辦，毫無濃油赤醬的感覺。元蹄肥肉部份是預期之中的甘香溶化，可是瘦的位置並不鬆化，加上醬油調校的失衡，是失色的一道菜，旁邊的白菜仔也無用武之地。朋友大抵知道我是甜魔，所以點了不少的甜品。蛋白杏仁茶，是稀稀的，杏仁香欠奉；腰果露亦然，又是因為健康的原故嗎?仲有豆沙鍋餅，皮是硬轟轟的，餡料又不香，吃了一件就收手；酒釀丸子，只有很淡的酒香，丸子唔得煙韌，粉粉的口感，十分差勁。最後的是拔絲蘋果，在外面過了冷水再拿上來，質感和味道總算似樣，不過蘋果的口感比較粉，我還是喜歡爽口一點的。食物未見出色，但大家的相聚也總是開心。下次再聚，應該會多一個小寶寶參與了！…查看更多

家住油塘,食肆選擇太少，又冇乜心情老遠去搵食，所以近近哋去咗藍田。上開飯看過資料，最後決定去明珠棧食上海菜。今日叫了個精選二人餐，價錢$178,另加兩碗飯，每碗$10。北京素鵝，腐皮包住籮蔔同菜絲，夠爽口，略嫌味道偏鹹。肴肉質感似食午餐肉，而且味道同樣過鹹。宮保明蝦球，酸酸甜甜，少少辣，蝦球質感尚算爽口彈牙，味道ok。上湯浸時蔬，白菜仔加了少少金華火腿絲，勝在唔油又唔鹹，清清哋，味道尚可。韭黃干貝羹配料算多，有冬菇同筍絲,如果鹹度減少少會更佳。腰果露丸子，味道偏甜，丸子唔煙韌，好粉好腍，口感欠佳，這款糖水唔食都冇損失。整體感覺，味道一般，價錢屬中價，抵唔抵食見仁見智,但服務方面,人客唔算多，但店員唔多理會人客嘅需要，希望此點能夠改善。…查看更多

明珠棧我相信佢係LAGUNA CITY已經有8-9年啦. 我以前住左係到10幾年. 個個SHOP位好多時都轉RESTAURANT.為一. 係明珠棧開左咁耐都做得住.依加 唔再係LAGUNA CITY住. 但係一家人. 得閒都會返去食.係食個份感情.今晚食左:1. 雲吞雞 (D 湯好好味. 奶白色. 好清甜. 入面隻雞好軟好滑. 幾飽都要食埋佢!!! 好大窩. 要3-4個人食)2. 雲白肉 ( 我係仲意隻汁. 好好味. D肉"林"林" 地)3. 醉雞 ( 呢個係我爸爸最愛. 次次來都會食一定ORDER. 佢係整走晒D骨, coldcold地好好味)4. 擔擔NOODLE (十分呀!! 個湯夠濃. D NODDLE又好有口感)5. 高力豆沙 ( 正! 今晚整得油左少少, 平時好D)6. 燻魚 (D汁好味, 又夠份量)7. 小龍包 (入面D湯OKAY. 咁既價錢好好嫁啦)以前會外賣返屋企食. 明珠棧價錢合理. 又好味. 加上有一份感情.另外. 推介以下:1. 雞絲粉皮2. 腰果露3. 紅油抄手** 要早少少去(今日我六點去. OR RESERVE左先* 因為會好多人.…查看更多

一向麗港城都冇咩野餐廳係得耐的！一係自己做唔住，一係俾人加租迫走，其實都見慣晒，所以對呢間都開左業好耐的明珠棧有興趣。話晒自己意吃粵菜就走入去試下，今晚帶埋爸爸同埋妹妹7點行入去，直接入台唔駁等！環境雖然細但都叫好清潔下！唔錯！點菜上菜的速度都理想！我地3人吃了個沙鍋雞，賽螃蟹、小籠包、松子魚、醉雞講真一路上菜都有覺得ok，有水準，心想難怪可以做得住！但係上到賽螃蟹就出事啦！唔知係佢水準問題，定係唔識整，佢真係整左碟同抄蛋白無分別的野俾我地！我阿爸見狀就話有冇攪錯，咁的！我細妹就即時補充明顯係個廚唔識整呢度菜，而偏偏呢度菜佢最後先上，可以話係令帶住遺憾咁走！…查看更多

住在附近一直無試過這間餐廳，見網上咁多好評，今晚去左一試...夜晚六點，人不算多，叫好菜色後滿心期待....等左大半個鐘見其他枱陸續有菜上我地仲未有....隔離枱剛到叫完餐後,一個好似經理嘅人見我地枱咩都無,check完電腦仲斯斯然走來問叫左嘢未,跟住大大聲問d細嘅有無人落過單!! (唔係呀!!!) 一個戴耳環的男侍應看看自己袋的紙仔便走到電腦前篤篤篤,分明無幫我落單!! 一切都發生在近距離的面前，但全部侍應就當咩事都無發生過咁散開!無人想過過來交代一下!!!咩態度呀!!再等左15mins先有菜上!!!竭力忍住度火，但已經無mood影相,只一心希望嘢食好味,點知....小籠飽---一上枱就穿!!醬爆里脊絲---得個油字, 無味風沙雞---乾柴咁......連一向咩都食的爸爸都話無下次!!!…查看更多

小妹和老公是「無飯夫婦」，外出找吃都以方便為主，有些食店水準爾爾但地點「就腳」我們也會幫襯，所以如發現佔盡地利，仍用心出品的食店總會心存敬意，明珠棧就是其中之一。小妹和老公的教會在藍田，這裡自然成為我們與教友的「星期日飯堂」。老實說，這個屋苑說大不大，但吃的選擇不算多，加上同類型的食肆只此一間，店方大可敷衍了事，但這裡的出品無論賣相和味道都及得上高級上海菜館，價錢也尚算合理，所以客似雲來。說也奇怪，小妹和朋友雖常到此處午膳，但「柯打」的食物每次都大同小異，可見這些都是大家的心水之選。上海美食又怎能少了小籠包的份兒，皮薄不說，湯汁鮮美才令人回味，難得的是中間的肉餡軟硬適中，既不會硬巴巴也不致太鬆散，故成為我們的必吃點心。另外，北京素鵝也是小妹的心頭好，用帶有煙燻香味的腐皮包著冬菇和甘荀等清新的素料，是很開胃的前菜；蔥油海蜇頭是另一道好吃的前菜，海蜇吃得多，但海蜇頭不常吃到，以蔥油調味，開胃又軟滑爽口，更勝海蜇。蝦子鍋貼豆腐又是另一道必叫菜式，豆腐香滑，外皮吸收了蝦子汁的鮮味，真是內外兼備。這裡的甜品也不賴，這裡的腰果露丸子很有腰果香，丸子也軟濡好吃，唯一要挑剔的是水準不太穩定，時而濃時而淡，更曾煑焦了，未得為整頓飯畫上最完美的句號。總括來說，食品美味，服務理想，價錢合理，一間有水準食店應有的元素都具備了，每到週日坐無虛席是她應得的回報。…查看更多

同朋友嘅妹妹farewell，係麗港城附近呢間菜館也算不錯。小籠飽 ($28)- 皮薄湯多，味道唔錯。山東燒雞 ($66)- 味道都不錯，半隻雞都幾大碟，但以前個Sauce好味D，而家個Sauce就少了點蒜頭味。宮保蝦球 ($138)- 蝦球都幾大隻，又爽口，少少辣，酸酸哋，幾好味。醬爆里脊絲-薄餅 ($72)- 薄餅不錯，很軟熟，但醬爆里脊就麻麻哋，里脊太淋又冇味，可能下了太多梳打粉。:元貝冬茸 ($68)- 清清哋，一入口就有香濃冬瓜味，雖然雲腿絲太香，但味道是不錯的。洒釀丸子 ($45)- 例牌有五六碗，聞到很香，朋友話好味道。但我沒有食，所以 no comment。:蛋白杏仁荼 ($18)- 這個唔錯，杏仁味香濃又不太甜，如果蛋白唔喺一舊舊，那就更好。呢個係我嘅第一百個食評啦。…查看更多

父親節,老豆話晒事!被安排坐卡位,不過座位很易被移動.醉雞必食,雖然係凍,但好嫩滑,美味,擺底果d,花刁味很重.黃金蝦其實是十分冶味的一道,但實在太貴($150左右,得3隻),所以不是十分推介.大量的蛋黃~伴碟有翠肉瓜.很大的蝦,先吃蝦頭,蝦膏~Yummy~再來就是蝦身,蝦肉未至於完全和蝦殼的味獨立.秘制魯肉普通的一道菜,比較無驚喜.小籠包用料本來不錯,但皮太厚.清菜煨麵小唐菜切粒,清清的上海麵~肉末茄子冇咩特色而穩陣的一道菜.啤酒買2送1.…查看更多

今日係我成為永久香港居民的大日子,為慶祝成為正式香港人,我約朋友來到[明珠棧]食晚飯,高興來,失望回.我de叫了:松鼠黃魚----小小腥東坡肉----太肥膩(瘦肉鞋,肥肉卸油)真失望豆沙鍋貼----太甜都ok............ …查看更多

係我屋企留下,去過好多次。水準都一直Keep住,Ｄ小龍包都算好味~不過碟紅油抄手真好味,Ｄ豆漿都算好喝!且Ｄ麵都ok~,湯淡,不過Ｄ就好味最好味係年糕,不論湯,或其他煮法都禁好味！…查看更多

之前在LAGUNA CITY住，這家京滬小舘以成爲食堂，麵食都做得十分出色。酸辣湯拉麵，嫩雞煨面，炸(蒸)銀絲卷都勝過城中大部分上海菜館。冷盤的醉雞，油燜小竹筍的味道都比小南國更出色，熏魚也是不錯。近兩年不在麗港城住，但過一排都會想念這小小餐館，近日試了其招牌菜松子桂魚，水平頗高。麵食也都Keep水準。飯後甜品高力豆沙為一絕，讚！價錢在同區算中高，但如此質素食物可以接受。…查看更多