明星金閣海鮮酒家

營業中

休息中

經過筲箕灣的明星金閣，被它的價錢牌所吸引。八點幾人不多，先試試80蚊四份一隻的乳豬，乳豬皮脆沒有肥膏， 點糖食 ，食得過👍。花甲夠大碟， 肉質新鮮夠豉椒味，食肆老毛病一半是空殼。四季豆份量足， 有鑊氣， 夠四人份量 ，兩個人掃清。 意猶未盡，見龍蝦伊麵做特價又叫了一碟，是真龍蝦不是有兩隻大鉗哪一種，龍蝦也大隻，肉質有彈性，伊麵的芡汁也很好味。 可能人少，員工有問有答，服務不錯， 有機會一定再翻食。 如果喜歡吃片皮鴨這個孖寶也不錯。

因為同媽咪慶祝生日，佢想食長腳蟹，老公鐘意食片皮鴨，所以就上網搵到呢間，特登由北角去筲箕灣食，一早打去訂定，點知早一日收到電話話冇蟹番，有D失望不過都照去啦。一去到既感覺就覺得麻麻，可能因為星期日比較忙，連位都冇人帶，去到張檯好細，我地6個人好迫，我地嗌左7餸一湯，D野食hom hom聲咁黎，根本冇位擺，食得好有壓力，因為要食快D清D位出嚟。168一隻龍蝦仲有伊麵底係好抵既，味道係好既，我地曬左3隻，但佢分3碟上，更加冇位擺，最後我地食左少少就堆埋變一碟。乳豬嗌左4分1隻，80蚊有7舊，係靚同好味既。片皮鴨🆗生炒排骨炸得好脆，不過個粉係超厚，基本上係食粉多過肉蒜蓉粉絲蒸元貝同蟶子，元貝就有D乾，蟶子不過不失。蒜子莧菜一般，冇咩好講。粉葛赤小豆煲唐排湯煲得唔錯，湯渣D肉好林，唔係乾曬個D瘦肉。總結：食物其實還可以，性價比高既，但食得咁唔舒服，我自己就未必會再去。

I think I go to this place for yumcha every week ever since I moved nearby. I think it is good value for money in the neighborhood as I cannot go too far from home with a baby around. Always so crowded with people, having discounts if leaving before noon time. Nice place to try if in the neighborhood craving for yumcha.

限聚令下，已經很久沒有外出晚飯吃中菜，想不到平日的晚上竟然八成客滿，大部分是街坊，留意到待應們都會周圍跟客人打招呼，似乎熟客居多。不用想太多，就點晚市龍蝦套餐 $688 (另計加一、茶芥$15/位)，四人享用，份量都算足。上湯龍蝦伊麵 - 龍蝦肉鮮，但調味不足，整碟伊麵近乎沒有味道蒜蓉粉絲蒸元貝 - 扇貝蒸得剛剛好，粉絲充滿蒜蓉味紅燒乳鴿 - 每兩位送一隻，沒有太大要求，味道不錯燒雞 - 份量足，皮脆肉嫩，好味小炒皇 蝦醬啫啫通菜煲 - 夠惹味壽桃 

家庭聚餐，有7人一起，見大家都冇食過哩間，地點方便，又是抗疫D類酒家，就揀左佢晚餐，為家人慶祝生日！果然係街坊捧場客多，6:30左右已經人頭湧湧，座位好快就full曬…..我哋落單也快，驚優惠限量🤣今日8樣餸：1）妙齡乳鴿 （酒家送客人，每位半隻）雖然是贈送，但味道絕冇打折扣，very good！2-3）晚餐孖寶，自由搭配：HKD395.-- 上湯焗龍蝦伊麵+紅燒北菇豆腐非常滿意我哋的選擇！龍蝦新鮮，彈彈肉；香菇和豆腐相輔相成，絕配！👇🏼4）欖菜肉碎四季豆 HKD78.-一般情況下，我唔會在酒樓食哩個餸，既唔健康也唔划算，但我哋係聚餐，有人偏好，逢見必點，是但啦😆5）片皮鴨 HKD138.- （一食）都話了，食片皮鴨，我只buy北京樓！但還是果D理由：聚餐！哩度有人專愛片皮鴨且唔揀質素，OK，order！😆果然，發現：哩度上來的片皮鴨圓薄餅被一分為二，是半圓形（點包裹鴨肉鴨皮？），醬料中冇京蔥，只有黃瓜條…，138的價錢係咁㗎質素啦😳6）燒汁彩塘炒牛肉粒 HKD108.-整碟餸好dry，冇菜名給人的豐富感，唔想去嚐試，No comment🙁7）豉椒炒蜆 HKD98.-普通的餸，蜆也不

約朋友午敘，去筲箕灣飲中午茶，兩年前到這酒樓飲茶要等位，今日12點來到不見人等位，即時有位入座。叫了一份午市粉麵配3 款點心，148都幾抵食。龍躉件頭十足，啖啖肉，雖然肉質不是十分嫩滑但也不鞋口。除了香茜皮蛋外，窩米內還有白菜仔、蘑菇等配料。米線滑滑入口容易。叉燒包醬汁豐富，叉燒味道可以，包身軟熟。三大隻粉果，內裏材料豐富，好吃。其後叫了一籠蝦餃，有兩粒。蝦肉爽，餃皮厚度適中。見到有甜品，大良燉鮮奶，價格不貴，也叫來試下。奶燉得香滑，夠熱，不太甜。整個午餐簡簡單單，食物好味。

中秋節晚餐， $998 ，全包，有四罐汽水或啤酒。不過俾錢嘅時候，佢竟然收我哋茶芥，當然同佢地講返啦！好在有帶埋嗰張宣傳菜單過來～其實睇返餐牌，未到正日，都仲有平時嗰啲小菜。唔一定要嗌套餐！估佢唔到個燒雞都唔錯！脆皮冬菇都幾厚肉！龍蝦不過不失蒸扇貝略嫌過火，好un! 條魚OK！原來有得送乳鴿！都幾好味。總括來講，街坊酒樓，就係咁上下。唔會覺得難食，又唔會話勁好食咁囉！打電話來訂位嘅時候，會有少少被盤問嘅感覺不過有一個樓面叔叔都好有禮貌！

如果住筲箕灣，又想同屋企人飲餐茶，近近地，野食唔差，我就揀左明星金閣海鮮酒家！而家飲茶，一家四口，埋單都要$5xx因為唔係個個都食蝦，見到酒樓有2粒蝦餃叫，優惠價$13蚊講一講，而家好多酒樓都無薑蔥牛柏葉，所以如果要食，都好似得呢間酒樓仲有得食，可能牛柏葉既工序好繁複？😅😅😅鮑魚仔燒賣😋😋😋都唔錯，但食左一舊肥豬肉呀😜😜😜😜個粥都煲得好綿☺️☺️睇到有優惠，$40 有一個魚翅湯餃，梗係要叫嚟食吓啦🥳🥳🥳

今日來筲箕灣明星金閣嘆早茶✌️，平時都唔使點等就有位，但今日等左半小時才有位🥺，入去坐低開茶叫點心，結果要等差不多半小時點心才出來，但啲點心都只係暖的又唔係好熱喎😅。而鄰枱的叔叔坐左15分鐘有多叫左好多次靚姐開茶都冇人理佢🥺

就返啲屋企人，揀返一間近地鐡站既酒樓，星期日十一點幾去到，等左半個鐘左右，唔算等左好耐。見到今期出左個鮑魚系列，叫左燒賣同鮑魚雞粥，一開始以為會好伏，但估唔到都幾大粒而且個燒賣仲幾好食，鮑魚咬得開，唔好會好似食緊香口膠咁性價比算高，貴普通燒賣價錢差得唔係好多，有啲新鮮感，可以一試四個人食左三百幾蚊，唔算貴，係啲位有少少迫，但香港地租金貴，大家都明嫁啦

剛與一家人在貴舖品嚐一餐晚飯，貴舖的大衆化價錢而又不失食物質素另我感恩。但對於我家中這位太上老君奶奶意見，我會轉達一下她的評價，她一向對食物質素很高要求，在100.00元一斤鮮豬肉下，對貴舖的燒腩仔有嫌不美味，希望貴舖接受這位VIP的意見，她每逢星期日必來飲中午茶。請貴舖好好款待她。

人大咗就成日想飲茶，見今日放假，就陪屋企人出去飲早茶，去到明星金閣，見到分咗兩邊廳，一邊就大啲，多人啲，另一邊就細啲，類似偏廳咁，咁我地唔想搭枱，就去咗細廳個邊坐底開咗壺鐵觀音，啲茶都唔錯，聞落都好香，飲落好香濃👍🏼嗌嘢食個陣發現有早茶優惠，11:00前埋單離座可以平啲今次嗌咗粉粿同涼瓜煎魚餅粉粿好食，好新鮮，入面唔怕好咸，又多料，有花生、沙葛，無乜肉，唔怕好膩;個皮厚度適中，唔怕太薄，一夾就穿，又唔怕太厚個涼瓜煎魚餅好香，估唔到夾埋會咁match，涼瓜唔怕好苦，同鯪魚味唔怕好腥，好啱小朋友食

我們一行六人，四大兩細， 大約約咗六百蚊左右。今次主力想講 片皮鴨，不過我唔記得影相。通常包住片皮鴨的皮是圓形的，但呢間酒樓為咗慳皮，竟然將圓形嘅皮切成一半，最後發現未必完全包住鴨皮，而且配料都很少。 恕我愚昧，可能這是片皮鴨的新食法除咗片皮鴨其他食物都不錯，有相為證。我的朋友說蟶子好好食，小朋友們 很喜歡吃蟶子下面的粉絲。 非常之入味，yummy 最後想講甜品真係好平， 每個都只是8蚊，有凍的選擇有熱的選擇。 價錢還算不錯!

今日跟朋友到了這間在二樓的酒樓。 此酒樓有兩邊入口, 不見職員在, 我們便從右邊的門口入内, 向一名男職員詢問是否有位。 他隨即指向出口説: 「出去攞飛...出去攞飛...」。 我們出去, 但不見任何職員, 唯有走進左邊的門。 剛見一女職員, 又問她是否有位。 她邊向門㚈走, 邊説: 「去攞飛...」。 我們只好跟著她走, 她才從門外櫃檯上的出票機取了票給我們, 並叫我們等候。 等了一會, 女職員ㄧ連叫了幾個票號, 又邊説: 「要搭枱呀。」於是, 我們拿了枱號, 走入大堂, 沒職員招待, 要自己找桌號。 找到了, 與兩組(每組兩人)的陌生人同桌, 我心想只是坐一會兒, 那算吧, 吃完快走, 即時點了三個點心。 可惜等了又等, 同桌的陌生人所點的食物陸續送到, 我點的點心不知何時到。 唯有喝茶, 可惜茶葉太碎, 品質不佳, 茶味欠奉點心終於送來了。 蠔皇义燒包 : 一籠三個。 一般味道, 不過不失。 豉汁蒸排骨 : 雖然味道還可, 但賣相有點嚇人。 蒜香蝦春卷 : 春卷味道一般, 但以這種水杯盛載春卷, 真的有點懷疑這是一間酒樓註 : 進食期間, 我身後突然有人高聲說

一開始攞籌等位，無過號碼阿姐話過左又要再等過，算數唯有等。終於等到位入去，枱都未執好就要叫客人入去超混亂，都算數，驚俾人加料我都係當無事坐低算，但後面嗰台個阿叔就忍唔住拍哂枱鬧阿姐。食物等左好耐都未有，無筷子用問左幾次呀姐拎都無人理，冷氣凍到好似雪櫃咁，食物質素非常一般，好唔容易終於食哂啲嘢埋單走。$413.5，完全唔值俾錢時個收銀阿嬸A話唔收1毫2毫，難道1毫2毫不是錢？酒樓沒有寫明不收1毫2毫，我同佢理論，之後佢隔籬收銀阿姐B都話收，但收銀阿嬸A堅持唔收就話照找哂啲散紙俾我，爭論當中個收銀呀嬸又叫我食屎又講哂粗口，估唔到今是今日仲有啲咁差嘅服務態度，俾錢買難受以後唔會再食呢間嘢，請我都唔會食極度劣評。請各位都好好選擇🙏🏻