明新鐵板咖哩皇

營業中

休息中

行完街返嚟又未夠鐘食晚飯一於嘆個下午茶又唔想食咁飽但又想食有鑊氣嘅嘢咁就揀咗迷你版嘅乾炒牛河啦細細碟份量啱啱好係就係 油膩左啲但係我就覺得好香再加埋茶餐廳嘅辣醬感覺真係夠晒懷舊最後嘆番杯凍鴛鴦好舒服

我唔知有無睇錯下午茶Menu係寫住咖哩星州炒米$3x 抵食之餘仲夠鑊氣因為下午茶嘅關係所以size係迷你嘅但對於女仔嚟講一定一飽顏色就夠啦但係味道就爭啲米粉比較淡都有D火腿叉燒我反而最鍾意係佢入邊嘅蛋保持到老茶餐廳風味

周末同朋友入大埔house warming，食個tea再去朋友家，見餐牌幾吸引，就入咗嚟。呢間餐廳都幾多人食，下午茶時間都等咗10分鐘度。下午茶好多選擇，炸雞脾+紅豆冰=$27，oh no.....好鬼平喎⋯⋯但我target係煎雞扒芝士撈丁，$34，個樣幾靚仔架滿滿嘅芝士汁蓋住下面嘅雞扒同面，好邪惡呀雖說下午茶份量，雞扒好大塊，面亦是偏大嘅面餅，夠分量👍🏻雞扒煎得香脆，滑一滑，充滿香味。丁面唔知係咪出前一丁，但見到只係輕輕過水，好爽身，撈完芝士汁都仲彈牙，唔會淋哂，索咗個汁好正😚芝士汁唔夠芝士味，食完唔會好味精、唔會好口渴，讚！$34食到一個咁豐富嘅下午茶，大埔嘅食客真有口福

下午茶至愛炸雞脾大大隻自選下午茶餐1款$27，2款$34，所以揀咗2款唔係第一次來上2次炸得幾好，但今次有點失準，太乾，可能天氣影響狀態吧西多士正司華力腸挑花有心思值得再來

好耐冇反過大埔，咁岩比賽就歷史性咁反左去，行到大元村，就諗五到附近有咩食， 只係諗到中學個時放學都會去元商場到食野。好多餐廳都汁左，ps: 中學嗰時啲餐廳。 我就隨便搵一間，叫做明新鐵板咖哩皇，見個名都幾吸引就入左去.....惡夢就開始發生。。。。。。 叫左個黃咖喱牛腩飯，d飯五凍五熱但偏凍，咖哩，冇咖哩味，係完全冇，牛腩同牛筋比例3:7啦，食食下發現，有多d毛髮，真係無奈，不過我肯定五會再一次食呢間餐廳既牛腩飯

天寒地凍見到這店潮式蠔仔湯飯，$38連例湯同熱飲，都好抵。一大碗湯飯送來，見到不少蠔仔，而且更有幾隻都幾大隻。啖啖湯飯伴隨肉碎同蠔仔，實在美味。大隻一點的蠔更有鮮味。湯也好好味，加點莞茜，十分好味。食完大半碗已飽，實在大滿足，暖笠笠。