明愛餐廳

營業中

休息中

中午去了明愛餐廳食午餐。明愛是我讀暑期班的地方，聽朋友講它最近裝修過，就趁今日老細不在，山長水遠的上堅道食午餐。仍然是三樓，仍然可以憑窗眺望動植物公園，歎著冷氣看外邊的樹影婆娑。午餐是半自助式的，任食的包括沙律三款、煙三文魚、cold cut、旦糕仔、芝士餅仔、果撻仔等。主菜分西式和泰式，各有五款任揀。另包餐湯及餐茶。先說餐湯。餐湯是番茄雜菜湯，略甜。主菜朋友要了咖哩飯，我要了蕃茄石班飯。咖喱雞飯有白飯一碟及咖喱雞煲一個。咖喱是甜咖喱，味道不錯但唔夠熱，雞肉實督督的應該是雪雞。蕃茄石班飯：白飯一個伴以煎石班一塊，上面澆上混有番茄和水瓜的甜酸汁，味道不錯但同樣不夠熱。兩人埋單$166加一。餐茶是茶和奶分開上，又是那個問題，唔夠熱。整體而言，食物水準一般，但勝在環境清淨，招呼亦算週到。可能是暑假，一個下午全間餐廳十來張檯，只有四張有人坐。人不多加上全餐廳禁煙，說著說著一小時就過去，如果不是趕返工，可以留耐一點、再食多兩件餅仔、再傾多一陣。我覺得，soho區食肆林立，明愛收這樣的價錢不可以說「抵」；但少年回憶加上裡外環境，這裡又比外面好多人聲沸騰的餐廳好。

前言：週四早上到銅鑼灣開會，散會後胡亂跳上新巴的「23 號」公車。車子在這兒埋站，遂一試此店。中午十二點三十分，剩下二張二人餐桌。沒訂位的我，幸好都有得食。其餘位子都陸陸續續在十五分鐘內坐滿，真的是「滿屋」！（滿屋：full house）！食物和評語：「$88 半自助午餐」提供餐湯、餐包、自選主菜、餐茶。逢週一、二、四，附送自助沙律吧和自助甜品吧。主菜有多款選擇，如牛柳、豬扒、雞柳、魚、焗意粉類…等，價錢由$78 至$98 不等。 1. 麵包籃：每位有一片切得薄薄的意大利香草包（focaccia）、一小個酸味酵頭餐包（sourdough）。可沾餐桌上的橄欖油和意大利黑醋食用，頗有風味。 2. 意大利菜湯：料多味偏淡，頗有自家製出品的風味，不俗。 3. 自助沙律吧：除了‘沙律菜’和‘煙三文魚’。還有三款預先調製的沙律：‘蜜桃火腿薯仔沙律’、‘粟米鮮白菌車厘茄’、以及‘三色螺絲粉沙律’。味道一般，食得過。煙三文魚味道一般，蜜桃沙律雖用罐頭蜜桃，但味道都幾討好！ 4. 主菜：選了$88 的‘煎石班柳配白酒忌廉汁’。 a. 超大的圓形餐盤裡，盛有兩大片石班柳。每片約

今朝好早起左身，八時多已經去到中環，心血來潮行上堅道食早餐，一來有時間，二來行下當晨運都好。米睇呢度位置幾偏僻，都有唔少人來食早餐的，除了返明愛的學生外，亦有剛晨運完的退休人士。早餐分中式同西式，都只係十零蚊。要了火腿魚片麵加熱咖啡，麵是蛋麵，看過匿尼的食評，專登叫阿姐唔好淥麵淥得咁腍，再同叫佢加五香肉丁辣油，對的呢類幫襯少少又麻煩多多的客人，佢都笑笑口有求必應，服務態度好好。魚片是炸過才放上來，熱辣辣好香口，咖啡是一般快餐店貨色。加上窗外綠化的景致，實在是個不錯的早餐。埋單12蚊，價錢平亦幾好食，會再來吃。

成晚對住Project毫無頭緒兼o訓唔著，見係星期六朝早，把心一橫早o的出門口番工，一心碰彩數搵下哩度（估計一落車就係）食番個醒晨早餐。一落車，仲要行高少少，上左三樓但漆黑一片，巧遇其中一個待應話餐廳未開門（o下，都成八點幾未開門，明明見開七點喎！），細問之下，早餐要落二樓o既飯堂幫襯。雖然哩度（二樓）比較簡陃，早餐選擇唔多，咖啡奶茶又唔係好得，但不失都係一個好地方，我選擇近窗位置，對住一棵棵陳年大樹食住我碗「餐蛋麵」，另有一番風味o既！雖然麵身煮淋左（下次叫阿姊唔好煮得太淋先），但望住佢煮有o的阿媽feel，熱辣辣，簡簡單單一個早餐，夫復何求丫！食完行番落山（真係幾醒晨！），路經禮賓府，見差人叔叔貼緊指示牌，細問之下，原來一連兩日（朝十晚五）係「開放日」，大家不妨去踐番幾個腳印咯，順道試埋明愛個午餐，相信到時餐廳會開o架喇！

午餐幾好吃呀，不過款式不多啦，甜品都唔差，如果有的話，法式焦糖燉蛋係唔錯呀，不過芝士蛋糕就麻麻啦。

呢度o既早餐都幾掂o架, 又早開門(6點50分), 方便o的early birds.西式早餐(大約15-18蚊) 有煎雙蛋, 一大片火腿/兩條腸仔, 牛油方包再加一杯餐茶. 唔算好平, 但整得幾好食, 夠哂energy去應付新的一天.

在這裡食野有D似去左某中學的飯堂，因為都幾多學生幫襯。呢度由明愛的學生打理，服務幾好，有禮貌又週到，加上全部戴上口罩，感覺好衛生，值得一讚。叫了焗豬扒菜飯鴛鴦汁，夠份量，但汁幾多，要撥開先見到飯。味道都唔差，35蚊連一杯熱飲又有咁好招呼是不能苛求。都估呢度D咖啡同茶都唔多掂，所以索性叫杯熱檸茶好過。見佢有個特色甜品是蛋白焗椰皇，只賣10蚊，又叫來一試，真係成個椰皇上檯，味道都唔錯，抵食。不過由中環行上來有行山feel，秋涼天時就無所謂，天氣熱就唔好搞。