明愛餐廳

營業中

休息中

星期二與友人到了明愛餐廳用膳由於本身是IVE的學生...所以對這些Training restaurant也特別有興趣我們於早一天訂了"木台"當天客人不算多....予人寧靜舒適的感覺餐廳提供半自助形式的午餐沙律頭盤及甜品是自助的我們點了紅酒燴牛尾($88)及意式芝士焗石班($88)為主菜,跟餐包及雜菜湯我覺得味道偏咸了一點, 但整體來說味道不錯,分量也很足服務也不錯我們用CREDIT CARD結帳,免收加一...還有一張VIP卡...等待再去的機會

考完試, 又忙完, 固然想輕鬆一下. 星期五既lunch time, 問了同事去唔去遠少少食飯. OK之後, 行上黎, 當然唔制, 一落公司樓下. 當然的士到. 印像中是一家西餐廳, 但不知是否找錯 Department, 定已經轉形快餐. 上到三樓, 只找到快餐店. 親切的靚姐, 見我地生面口. 順道就推介下有乜好食. 隨即令我們點下兩個充滿南洋色彩既菜式.一個比較乾身冇汁的, 是南瓜大蕉焗牛柳. 其實個全名好長. 真正既名字完全記唔到. 這個牛柳, 辣中帶點香甜. 只是沒有汁. 淨佢送飯就真的有點哽口.同事叫的是巴東牛立方, 幸好這個東東有汁. 不然, 我都唔知點食個飯. 這個牛立方. 辣味比起個牛柳少D. 而且個汁送飯亦好好. 而且又比較多菜. 不失為 Today's Special.可能見我影相, 收銀靚姐亦好親切咁叫我俾意見. 之後, 亦真係講返俾廚房大哥聽. 不過, 地點實在比較遠, 不然可以黎多幾次.

之前對明愛的食評引起了幾位食友的興趣，於是於兩天內在Facebook開了event，約好了時間便再一次來臨大吃一番。 而這次我跟女友都學乖了，從公司前的巴士站走上途經明愛的巴士，不再需要像"爬山"那麼吃力才來到這裡。今天的客人跟上次差不多，也只在寥寥數檯而已﹔到達時已有一位食友在等候了，跟他問好後便坐下等待其他出席者。今天半自助餐的食物，由上次的滷牛展換成了"cold cut"肉片，其他的食物如沙律也大致上是相同的。今天我們分別要了四種不同的食物，而今天的出品，好像有點失準....先說<<胡椒汁西冷牛扒>>，牛扒沒有經過梳打處理，所以也很有咬口。可是煎牛扒的火候失衡，以致大部份的牛扒也煎得過熟了，原來要的五成卻變成七、八成....至於<<香煎豬扒>>卻是意外地的好，富有肉汁和質感，亦帶一點點鬆化口感，食友形容它是超額食物。女友要的<<煎魚柳>>，味道亦屬一般，魚味不重亦不多汁，還好是魚肉仍有點滑口，不致難以進食。而我要的<<鮮蝦茄醬螺絲粉>>，蝦肉有一點點快要

認識明愛餐廳，是在中學時代跟同學到界限街分店開始的。對於那兒食物的印象尤其深刻，因為價廉之外，食物質素都非常之好。而今天，本應想去的餐廳已經關門大吉，在不知到何處食飯之際，從眼角處看到熟悉的名字，也就是因為這樣，來到了為於堅道的分店。店內的裝修簡潔而光猛，給人很有活力的感覺﹔在天花上那大大的明愛標誌，雖是這宗教團體的標示，但是也不失為一個好的"裝飾"。 在進店後才知道，這裡的午市是半自助式的。除了一般的沙律和甜品外，也有供應五香牛展和煙三文魚。 原來不想吃太多的我，也就沒辦法要暫時擱置計劃了。 午餐價錢由$78至$138，豐儉由人。點好了主菜後，午飯便正式開始了。先來的一小籃<<麵包>>，烤得不錯，有很高的纖維亦有麵包該有的香味和口感。 吃了一點麵包後，也是拿"前菜"的時候了。<<五香牛展>>味帶甜而濃厚，口感不算腍但亦不至乾硬，它那陣陣的香料香氣，實在令人有衝動一吃再吃。 在旁的<<煙三文魚>>卻是意外地肥美，加上那份濃密的煙燻味，可以肯定一會別定要再來幾片。 沙律方面有四種選擇，包括:雜

與同事一試明愛餐廳的半自助午餐, 點選了紅酒燴牛尾, 發現較其他餐廳做得更加入味, 簡直是物超所值, 而同事則只點選了自助沙律吧, 以$68的價錢可享用煙三文魚及多款沙律甜品, 亦可回本. 結帳時, 更可得到一張五送一優惠咭, 於一個內惠顧滿五次, 就可於下次更可得到一張五送一優惠咭, 於一個內惠顧滿五次, 就可於下次惠顧免費享用一客行政午餐, 對在附近上班的我, 十分吸引.

每半年一次既大會之後一定係到會, 今次有頭盤- 沙律菜, 什果, 日式八爪魚仔, 煙三文魚, 酸菜青瓜, 紅蘿蔔等等...例牌無食, 因為夏天怕污嘈, 膽小既我只好望住同事大大啖食!串燒牛, 雞- 牛太乾, 雞唔錯!咖哩魚- 炸魚塊皮厚, 無試!雞骴菇扒津白- 津白好腍, 但個汁好"傑"!紅米飯- 夠哂硬, 健康!紅燒牛腩- 夠腍, 夠味!上海粗炒- 無食, 但其他人都讚!燒豬骴仔- 細細隻, 幾"鞋"!羊扒- 即場有人serve, 我覺得無乜味, 麻麻!今次較特別, 有人即場整格仔餅, 雖然無北角雞蛋仔咁好食, 熱辛辣辣都幾受歡迎!生果併盤(西瓜, 蜜瓜...), 又係切定既, 食幾件, 只能說清甜!甜品- 木瓜雪耳糖水, 料太少, 好稀!日式芝士蛋糕- 雖然芝士味唔濃, 但淡淡既香味, 又唔太甜, 適合作為此餐的ending 呢間既服務員態度唔錯! 食物唔算最好, 但呢搭夠, 因為最緊要食得開心!

xx-3-2006 13xx公司終於要向東移，表面上的風光，是直線下降的開始。幾個禮拜來大小公私忙個不停，臨走前去番遠少少食午餐，今次就選擇這裡。如閣下曾經係「包書膠」一份仔，附近環境或不陌生，以前每年亦要係後面聽人講耶穌。這裡分為快餐及西餐廳，兩邊只是一門之隔，而西餐廳從斜路上會較為近一點，我當然選了後者。一入到去，裝修還好過IVE裡一般訓練學生的餐廳(亞洲/主題餐廳例外)。這裡的午餐是半自助形式，除了主菜，沙律及甜品也是任食，款式其實真係好少，有煙三文魚及意式火腿食已經偷笑。主菜我要牛柳，牛柳在脂肪部份有少少un，但也能切到及食到，最簡單最傳統的配合薯蓉、蔬菜及燒汁，質素來講以加埋一百多元來說會稍為差一點。但服務及環境不下於好味/值回票價的西餐廳。經理及實習待應生(學生) 細心及反應快，明愛旗下有開設酒店及餐飲的課程，理論與實淺並重，也要向上頭交代。環境來說，絕對適合拖友黎或愛靜的你/妳，燈光又唔會太暗，就算多人應該比較有禮，一般人如不是在附近工作、突登黎、被迫或有眼光，也不會行或搭車黎，而我係屬於第2及4個原因。

餐\\\廳環境好舒服, 人流又不多, 食物質數幾好, 價錢又合理。最重要係餐\\\廳服務一流! 必定會再次光臨!!! 午餐\\\價錢: $68 (包湯, 沙律自助吧, 餐\\\茶) / $88-$148 (包湯, 沙律自助吧, 主菜, 自助甜品及餐\\\茶) 加一服務費唯一欠缺是附近沒有泊車位及營業時間只到下午三點!

今天下午公司叫了到會, 一年三兩次都係搵佢地, 次次既都唔同--- 今次有頭盤- 沙律菜, 什果, 日式八爪魚仔, 煙三文魚等等...無惦過, 因為次次都怕唔乾淨, 不過, 我見好多同事都食!炆牛尾- 唔腍, 差!燴什菜- 又係唔腍, 差!咕嚕魚- 太腍!菜膽雞- 夾了件雞骴肉, 唔錯!燒排骨- 又係唔腍!炒烏冬- 無食, 黑炆炆!五穀飯有芋頭粒- 唔錯幾健康!甜品- 蓮子百合紅豆沙, 呢個最好食, 因為蓮子同百合都好腍! tiramisu, 無食, 同事話有酒味咖啡味, 不過無芝士味! 今次有新產品- waffles, 仲係新鮮出爐, 好味道! 生果併盤(西瓜, 蜜瓜...), 又係切定既, 無食! 現場有waitor 幫手執野, 處理飲品(檸茶, 檸水, 奶茶, 咖啡), 服務態度唔錯!

真係照上一位"阿董" 推介黎食聖誕自助餐, 都九成full, 男女老少都好健康家庭feel, 又有小朋友扮聖誕老人派禮物, 食物方面有十幾樣, 有煙三文魚, 火雞, 烤羊, 打邊爐, 飯, cheese cake, sald....總之種類唔係話好多好多, 都算ok, 而味道質素係唔錯, 真係160蚊一定回到本有突, 再加上環境唔洗講係好闊落,又candle light咁都真係幾得人歡喜, 最重要最重要係來明愛食聖誕聖誕自助餐, 有一種比較家庭, 比較warm, 好溫馨咁聚首一堂既feel, 我就係buy呢種聖誕多於走去"蒲"

我第一次來就覺得應該用”斯文”這兩個字來形容這間餐廳．不單附近環境清幽，侍應有禮，連食客都斯斯文文．我和男友去那天是星期六，很少人．我們吃了個半自助餐，沙津和甜品任食，雖然種類不多，但質素都幾好．主菜可以有好幾樣選，我們選了羊扒及泰式炒飯．兩樣都相當不錯．食完問有冇聖誕餐，經理說有（又是個斯斯文文的人）看過餐牌，雖然食物種類不多，但價錢以節日價來說算是相當平宜．而且食過知道這裡是重質不重量，於是決定平安夜約班朋友到這裡聚會．如果你正在為聖誕訂不到聚餐，不防考慮一下這裡．這兒很近中環，食完可以行去中環蘇豪區繼續派對或看燈飾．

16號星期日天氣好好, 一行8人, 6大人2小童來此餐廳食lunch. 餐廳供應半自助午餐, 沙律吧、甜品自助任食, 再加湯、主菜及飲品, 收$68-138不等. 我地六個大人叫左六個餐, 再散叫一客炸薯條($30)比兩個小朋友. 由於當天午餐提供薯茸, 所以個薯條是叫廚師專登泡製, 即叫即炸, 上面加d有味既粉, 味道有少少似卡樂B薯片咁, 好好味, 連大人都停唔到口. 至於午餐, 包括:蔬菜燴春雞($78), 份量足, 有半隻春雞, 肉香滑唔"鞋口", 薯茸加入牛油好香又滑. 黑椒牛肉意粉($68), 意粉爽口, 牛肉好"林", 汁豐富, 美味.BBQ骨($78), 有3條, 味道似Shooters d燒排骨, 份量少左d, 如果男士一定唔夠飽.芝士燴豬柳($128), 呢個最唔抵食, 因為價錢貴一倍, 但豬柳好鞋, 似豬扒, 而且份量同其他差不多.至於個沙律吧同甜品就好好, 成張長枱提供10款食物, 選擇不算多, 但以好味新鮮取勝. d煙三文魚好新鮮, 廚師好勤換新出來, 粉絲沙律個味調得好好, 焦糖燉旦又香又滑.呢度環境清靜, 裝修簡潔, 食客同侍應都係斯斯文文. 老豆都話唔慣

上星期日與朋友到動植物公園遊覽完畢, 時近中午, 打算到蘭桂坊一帶醫肚, 偶然發現明愛餐廳的存在, 於是抱着一試的心態光顧. 可能是星期日的關係, 餐廳較靜, 於是同朋友點了「澳洲雪花西冷」($138)及「沙律餐」($58), 發現水準不錯, 尤其「雪花西冷」簡直是超值之選, 因餐廳內所提供之套餐($68-138), 均包括餐湯, 自助沙律及甜品吧, 餐茶, 而且沙律及甜品吧較坊間一般餐廳所提供的較多選擇. 但可惜此餐廳只營業至下午三時, 不設晚市, 否則定必成為我的聚腳之地.

響堅道搵食實在太難, 貴都唔在講, 最慘係一食完就要走, 間間都人多店細嘈到拆天。約左同事傾密偈, 雖云明愛餐廳有樹影婆娑, 但七十幾蚊一個set 喎, 同事話, 咁未好law, 冇人幫襯可以放心傾, 又係道理。為省錢也為修身, 要了一個西汁燴雞扒餐($78: 一個例湯、沙律甜品任食、餐茶一杯), 同一個沙律餐($58: 一個例湯、沙律甜品任食、餐茶一杯) 兩份食。沙律有四款(生菜沙律、沙律醬通粉、南瓜沙律、罐頭生果沙律), 有cold cut, 有煙三文魚。甜品碟有fruit tart, tiramisu, 檸檬芝士餅, 朱古力旦糕等。加上椰汁羔、西米布丁、吉士布甸, 生果盆, 一樣一件雞扒未到已經食飽晒。餐湯是西蘭花忌廉湯, 飲完唔口渴。西汁燴雞扒用我喜歡的蕃茄汁, 混合了西椒、青椒, 用小紅蘿蔔和小唐菜伴碟。侍應錯把跟飯當作跟薯條, 好好人地給我們補回一碗飯。食完好飽好飽。跟同事盡訴心中情, 正!

我最近為了辦一個一百人的生日晚宴，頭痛不已。因為預算有限，支付不起酒店的價目。要招待的大都為青少年，選中菜館又怕不受歡迎。去過不少樓上餐廳視察，地方淺窄又光線不足。後來發現堅道明愛餐廳，地方：正！相當美觀！自助餐食物都不錯，份量充足。職員十分合作，又有禮貌。至於最緊要的，是價錢完全在預算之內！！！