明前茶館

心血來潮黎住飲台式野，見到個店門面幾靚就試試。一共買左6杯，除左水果茶係正常之外，什麼鮮奶烏龍，鮮奶龍井都好好好甜(已經係少甜黎)。呢2杯野除左甜味，咩味都無，零茶味，十足係煉奶加水。最誇張係仙芋鮮奶真係難飲都一個點。成杯野都似沙冰，因為實在太多冰，但香芋味全無。我覺得似係飲完奶無洗杯加水嘅味道，飲左一啖就倒左，真係好差。總括而言，如果一杯野吾得都算，但咁多野都難飲就接受吾到。仲有店員態度有待改善…查看更多

陪朋友去完灣仔VTC攞完資料，見口乾，諗住去7仔買嘢飲之際，居然見到間還用紙封着招牌的茶館，正好買杯珍珠奶茶解渴，順便頂吓肚。台式飲品店咁多，新店一定有些特點才能突圍。反正未正式開張，人流不多，就同店長吹了吓水，睇吓有咩好介紹。店長原來從台灣學藝歸來，話茶底用貴價的"明前龍井"，並以之作店名。果汁茶飲的果汁每天在店內用鮮果榨，珍珠更是自家店內手搓，3小時內未賣出就會倒掉再做，保証Q彈。。。講到咁堅，同朋友點了珍珠奶茶，紅豆冰加椰果，鮮柚紅茶加椰果。值得番兜再試。…查看更多

今晚返學前經過，佢哋好似新開張，7-11飲到驚，試吓佢咩料，個個而家都話自己手制珍珠，即估試吓，哈哈，佢又真係幾好飲，正宗台灣feel，上堂嗰個幾鐘飲晒，晚飯唔使食😂！下星期再試下其他先…查看更多

尋日去灣仔睇跌打去咗VTC附近,睇完有啲肚餓去咗食腸粉，食完覺得有啲口喝見到一間新開嘅台式飲品店，裝修環境都幾高雅幾乾淨，睇完餐牌價錢好似比其他台式飲品店平少少，店員推介鮮果茶，於是試咗一杯西柚茶加椰果，店員話佢哋嘅果汁係新鮮榨嘅，我一飲亦都覺得好新鮮因為都好濃郁嘅西柚味，仲有啲細有果肉同有少少西柚皮嘅味道，椰果不過不失，茶味都好平均唔會比果汁味搶走晒，店員服務態度都唔錯幾好笑容，如果路經此地我諗我都會再飲😊…查看更多

個日見佢試業就諗住試下佢d珍珠係話手製 咬落幾煙韌 即整即煮好新鮮 唔擔心d咩防腐劑對身體唔好 仲有杯水果茶 好有果味 甜度岩好 又唔會澀好fresh啊～仲買左杯海鹽奶蓋 好creamy 同d茶都幾夾 d店員態度超好 我問左好多野 佢都勁有耐性解釋仲要幾靚仔哈哈哈 真係幾正！…查看更多