昌發泰國粉麵屋

營業中

休息中

未食過咁難食的泰國菜，遊船河勁難食，唔知食緊d咩野，鴨河d鴨勁鞋，鴨紅太林，通菜太濕，仲有成條解殻係入面，串燒又凍，真係好難食，講唔出口有咩好食👎🏿👎🏿👎🏿👎🏿👎🏿

依個星期天氣十分之熱，高達35度！天氣熱就諗起泰國菜我叫左“遊船河“, 內有豬肉片，豬肉丸，豬潤，芽菜，通菜，金不換。湯底顏色呈黑色，原來係加左豬血，飲落口帶甜味，正！但豬潤煮得耐變鞋口。一送上即有香濃既咖喱香味，湯底呈紅色，其實係唔辣既（椰汁咖喱味），雞翼有4隻，肉質嫩滑，男朋友大讚成碗都好好味！成張單只係98蚊，好抵食！一定會再來！

接近收工時間收到朋友電話 話過黎同我食飯記得有個朋友同我講昌發既味道唔差難得朋友黎 有人陪 咁我就去試下喇 朋友叫左個遊船河湯底加左豬血所以湯既色澤比較深同埋味道較濃郁，配料有肉丸、豬肉、金不換和芽菜等等，而河粉較厚身!  鴨河味道同遊船河些無幾,但少左豬肉所以無咁濃郁鴨肉亦好入味! 豬頸肉醃好入味燒既外皮有D脆而內裡口感軟彈，沾埋佢地秘製辣醬，非常惹味昌發既選擇都幾多,份量唔少~而且價錢唔貴...低食!

中午，悶熱，九龍城，一個人，找吃。不太餓，一碗粉麵剛好。湯粉麵太熱，要了比較少泰國店子會做的豬手撈麵。豬手已去骨，滷得惹味，份量也不少，甜甜的，很開胃。麵是幼麵，汁剛好滋潤著每一根麵，混和碎花生、通菜、芽菜、葱花等的，香噴噴，呼嚕呼嚕的，就吃個碗朝天。

落九龍城 順口緊係食埋泰菜兩口子 都好鐘意食泰式湯面一行入舖頭 左邊係湯粉檔 (行得太快睇唔切)但個檔 非常有泰國後巷店感覺咁一碗遊船河(船麵轉河)同一碗鴨河 (我最愛)一來到 哇‼️勁大碗‼️‼️‼️好扺食 只係$38‼️‼️個湯底好濃 仲有通菜 芽菜 金不換 闊河粉好泰國原汁原味仲叫左大隻又爽口嘅生蝦 $88魚餅併蝦餅 $68想食泰粉 一定黎呢間

帶媽咪食泰國菜，昌發係首選雖然好多人叫左粉面，但我地今次想食「飯」椰青海鮮飯，椰青好大個，海鮮好豐富好足料！我諗三個人都夠食啦⋯⋯食完啲送記得筆埋椰子肉，精華沙律生菜包，夠辣，不過就鹹左啲。食得好過癮，好飽，媽咪開心最緊要！

天氣依然火熱，太太每逢一到這種天氣就大嚷要食開胃消暑嘢。一碗辣辣放湯的泰式粉麵，便是她的第一之選....說到吃泰粉麵，我這老牧童當然就會遙指龍城區內的老字號泰菜店"昌發"....都有一段時候沒來了。每次來時都只會點她們的遊船河....萬料不到今天讓小友搶先叫了....黑掹掹的豬血湯底依然甜得很，一口氣就大喝了三大口而面不改色；粉條用的依舊是又闊又粗又極具咬勁的貨色，吃得過癮；配料如豬肉及豬肝等登時就變成了大茄 (況且它們食起來也未見突出 ---- 前者甚見粗嚡而後者則處理得過老變縮小帶苦味)....只咬了一小件太太的鴨肉湯河內的鴨肉。肉同樣是有點嚡口而鴨膻味仍存；但其餘的無論是湯抑或是粉條皆是一如前述的船河般那樣香濃及帶Q勁。而且最重要香葉及炸蒜粒下得夠充足，感覺上是十分的"泰"....至於放在我眼前的這碗清邁椰汁咖喱雞麵，則是小弟在此首嚐的....湯甚濃郁的香氣十足但沒有想像中的辣；掌勺的非常好用上了和湯最搭檔的粗麵，掛湯能力可是一等一的；雞全部都是用了翼位，肉是炆煑得一咬便即爛十分軟淰；另外湯內還找到了許多切成粒粒的醃鹹酸菜，邊吃菜邊喝湯口味集鹹、酸及微辣於一身，的確是非常的具泰北

今天和朋友專程去九龍城食泰菜， 隨意的走到一間比較多人的店內，一坐下，竟然看到有報導説蔡瀾也來過。第一道叫的是柚子沙律，酸酸甜甜的，好美味。加上炸蒜，脆脆的。到最後用生菜一次過包起所有材料來吃，更加美味，又多汁。之後叫了鮮蝦炒金邊粉，熱乎乎的，味道香濃。鮮蝦彈牙，又爽。記得要撈埋旁邊花生粒，爽口

星期六無無聊聊走左去九龍城行下街, 估唔到九龍城公園都幾大下幾舒服, 果度仲有間租單店鋪, 如果一家大小想小朋友玩下都唔洗走入沙田, 這裡都係一個唔錯既選擇.係九龍城搵食真係令願早食好過太晏先搵食, 免去等位之苦. 這一間如果唔早來食. 雖然有2間店鋪, 但未夠7點店已經滿座..講真這店細座位都唔舒服, 幸好我地早到所以都坐到2人枱唔洗同人搭枱.這裡最出名就係個遊船河, 上次我試過今次就選擇下其他湯麵, 菜牌湯麵真係好多選擇, 最貴都係$38仲要唔洗加一, 份量又大宜家真係好少地方今次我點左個清邁咖哩米線, 青芒沙律同埋個明爐烏頭酸辣湯原來清邁咖哩唔似平時食過既咖哩, 唔好見到個湯底好似紅噹噹以為好辣, 其實都只係輕微既級數.個似湯底係將排骨, 雞肉一起煮好耐而成, 所以食時排骨同雞骨都化晒好易咬碎, 湯味十分濃郁, 有D酸菜酸酸辣辣好惹味見到好多泰國店都有買青芒果相信宜家合時食啦, 叫左個青芒沙律就岩晒. 青芒爽口加入蝦米仔花生碎再配埋個酸辣醬汁真係夠開胃最後叫左個明爐烏頭酸辣湯, 這一個都要等20分鐘先到, 個份量就非常多條魚好大條, 可惜烏頭有泥味.至於酸辣湯底夠濃不過味道係帶酸

泰菜一向係至愛,今次試下朋友推介既餐廳。時間尚早,一黎到就有位喇餐牌選擇不少,冬陰公湯,泰式沙律,小食,咖喱,更有粉麵食!咖喱軟殼蟹($198)軟殼蟹十分香口美味,而家份量也不少,咖喱一點也不辣,味道帶甜,忍不住叫了薄餅伴來吃泰東豬肉生菜包 ($68)新鮮生菜配上又香又惹味既肉碎,一口又一口呢。鮮蝦炒金邊粉($58)這客金邊粉吃起來又香帶點甜味,加上碎花生,更加美味。

九龍城泰國菜很多,今次試下朋友好評推介既昌發,好期待呀雖然一早黎到,但已經好多人喇,好彩原來位置很多,不錯!冬陰公海鮮湯冬陰公湯不辣,喜歡冬陰公湯又怕辣既人,絕對要點！湯裡有蝦,青口,魷魚,還有滿滿既菇,材料豐富又好味。肉碎粉絲沙律吃一淡已經覺得非常辣,但又忍不住一口又一口本來想買芒果糯米飯外賣,但出到黎見到已經賣晒了,下次一定要再黎食過

去到九龍城,吃泰國菜是常識吧!沿途有很多家泰國餐館,連鎖的一定不會揀的,感覺細細間的更能吃出地道的味道,價錢亦更經濟. 上網找到這間評價不錯,所以就選了這間了~來個冬蔭功湯金邊粉及炒金邊粉.冬蔭功湯金邊粉香料味挺濃,嚐出的椰汁味也很突出.好像覆蓋了辣味.嗜辣的我們當然喜歡更辣啦!材料方面主要是菇及數隻大蝦. 湯金邊粉較軟,口感沒有那麼有嚼勁.可能河粉會更加吸味,更出色炒金邊粉泰式炒金邊粉一向都是我必點之一所以都嚐過很多有質素的.這家的也沒令我失望炒金邊粉的口感比湯的更彈牙,有鑊氣,濕度剛好.配菜充足,光是肥大的蝦已經有4隻.還有荳芽,豆乾,蛋絲,蔥,花生碎粒,吃之前還要擠一點青檸汁.不過這道菜通常都是酸酸甜甜的,較開胃.若本身的醬汁酸多點,會更加惹味!

車媽媽從來也是怕搭車,搭船的人遑論去遊船河但都唔係冇辦法嘅一於去昌發泰國粉麵屋吃碗遊船河還是可以啦~如果你們好似車媽媽一樣怕搭船又想玩水那10/4便要到九龍城喇是關那天係泰國的"潑水節"預備了濕身沒有呢haha!這天氣溫高漲先來碟{青木瓜沙律}$45,沙律吃下辣勁十足而且爽口非常作為開胃菜稱職得很~{燒豬頸肉}$78肉質軟淋有彈性沾上伴碟的辣汁好吃到停不了口,記得那豬頸肉汁要加上烤米粉先夠正宗這兒合格了^0^沙嗲(豬,牛,雞)$68試了雞肉串肉質頗淋沒有散收收的,沙嗲汁略帶甜口但我還是愛較辣的口味多點!!{椰青青咖哩海鮮}$108賣相優雅萬分,海鮮有青口,大蝦,魷魚等十分豐富但也未算最吸引,最吸引我係附滿青咖哩的椰青肉軟滑香甜帶幽幽咖哩香味迷人得很^0^{豬什湯河}$38材料豐富得很有泰式燒肉,豬腸,豬紅,豆卜而組成用上我愛食的粗身河粉,湯底深褐色濃香好喝不禁令人輕易愛上它^0^壓軸終於到{遊船河}$35出場,這碗比起豬什湯河更加濃郁的湯底用上花椒,八角,豬骨,芫荽根等多種香料淆製,但最

九七前，九龍城最多的是飛機；九七後，九龍城最多的該是泰國餐廳和泰國人了！每年四月份九龍城特別熱鬧，皆因潑水節是泰國新年的大日子，當天各種形式的水槍、水桶及水柱等雲集街頭，在街道上施展「亂舞」的攻勢，尤其是城南道一帶，不管您是食客、參觀熱鬧的遊客，又或只是剛巧路過，建議您事前做好「濕身」的心理準備。在此一連兩篇以九龍城兩家泰美味的餐廳為題，在潑水節前給大家卒先介紹在泰好玩的日子，也可順道品嚐美食應節，讓感受更加充實及完滿！在九龍城的泰國餐廳大多沒有豪華裝潢，反而形象更加地道及親民，「昌泰」也亦然，不過牆上食物相片大抵可比媲花斑斑的牆紙，而相片的右下角更附上一個數字，有點奇怪！原來餐牌的設計也是圖片與數字並茂，目的是為減少泰籍侍應與食客在溝通方面的誤會，客人只需自行在點菜單寫上菜式的數字，寫好後直接交予侍應便可。此方法果然方便、快捷，又奏效！椰青 HK$32我特別喜愛椰青，不過椰青的質素要視乎質量和新鮮程度，而「昌發」的椰青清甜，帶有淡淡的幽香，絕對達標！泰式木瓜絲沙律 HK$45第一道嘗試的是泰式木瓜絲沙律。木瓜絲爽口帶嚼感，伴上自家特製的醬汁，不消一會，胃納便被打開了！沙嗲 HK$68

能在九龍城芸芸泰菜中站穩陣腳的老字號，自有過人之處。星期天專程來個小小泰菜之旅，喜歡昌發性價比高樸實無華，同時感覺地道。到達時已是下午茶時段仍然滿座，在隔壁的新舖兜一圈回來才剛好有位。我與同伴都為湯粉而來，選了必備的遊船河、豬雜湯河、馬拉盞炒椰菜苗和清邁豬肉生菜包。以爲湯粉快到想不到是生菜包先來，不知道餐牌上的清邁豬肉生菜包與泰東豬肉生菜包有甚麽分別，清邁豬肉生菜包除了肉碎，還有一點豬潤和豬皮，加入青檸汁清新醒胃，辣度不強，生菜新鮮水嫰，是個很不錯的惹味菜式。然後是馬拉盞炒椰菜苗，在家弄馬拉盞炒菜總炒不好，不及在外吃泰菜狠狠下重手調味，這裏的椰菜苗比較結實，馬拉盞鹹香配蝦米的鮮美，幾乎每次光顧也會點。遊船河的湯底加入豬血所以較濃郁，配料有肉丸、豬紅、豬潤等，金不換和芽菜等自不可少，河粉滑身連同鮮甜的湯底及滿滿的配料同吃，每一口也很滋味。我的豬雜湯河最遲來，原來是潮洲人愛吃的粿汁，雖然粿看來很像腸粉，不過水份較少，所以比較爽滑及沒河粉油膩，用筷子夾起有時會散開而掛上更多湯頭，更添滋味。而汁，則是滷豬肉和內臟之後剩下的湯。豐富配料有豬脷、豬腸、豬紅、豬潤、豆泡和滷蛋等，滿足感十足。吃飽飽結