昇麵館

營業中

休息中

係因為睇左車仔麵群入尼既我今日經過入去試下味～四餸車仔麵表現dou ok ~~ 仲要唔貴抵食，唔似有啲車仔麵店成六七十食個四餸車仔麵😅😅今日都用餐體驗係唔錯，今日個麵湯底口道中規中矩，唔係好重口味，個人覺得加埋啲腩汁就係啱啱好☺️啲餸都無乜問題，要deliver既都deliver到，無話一樣唔好食，不過我覺得個牛腩係值得講下，$13都有幾多舊，有四五件，原本係諗住得一兩件，點知有四五件，當賺左！有bonus分加🤣🤣魷魚爽口，豬紅ok，牛腩正，豬腸都可以。overall 我覺得呢個價錢五十頭有埋杯凍檸茶唔知輸咩。住附近既都應該間唔中去隊一碗。抵👍

今日係附近做完運動勁肚餓求其入左間車仔麵店 食左都覺得OK!!! 叫完先知自己嗌左全豬宴😝😝點左豬紅，豬腸，豬手同豬潤🤩豬紅⭐️⭐️⭐️⭐️/5 高過average,夾住唔會散冇腥味豬腸⭐️⭐️⭐️⭐️/5 處理乾淨冇怪味，入味，同埋有啲肥膏幾正豬手⭐️⭐️⭐️⭐️⭐️/5 點解比爆分？因為佢真係煮得好入味，口感好好味，我食前有睇下open rice有人話好味，所以叫左尼試，無伏呢！豬膶⭐️⭐️⭐️⭐️/5 豬膶正常發揮，呢個分數係比佢嘅份量！勁大塊唔洗慳住食😂😂😂有位姐姐俾咗佢哋自家製嘅辣菜脯比我試係幾香，夠辣。我likey 👍整體都唔錯啊，食物ok,環境ok同埋服務都ok!👍👍

同事介紹話呢間車仔麵抵食又ok, 所以今日lunch time過左嚟試左！午餐時間都多人，不過好彩等左幾分鐘就入到去👍🏻叫左三個餸嘅車仔麵，有豬紅，豬腸同埋鳳爪！唔係間間都有鳳爪，因為無乜人中意咁樣配車仔麵掛？不過我自己就好中意食鳳爪😋想特別講講個鳳爪，好like個鳳爪👍好入味，一入口就脱骨！就係中意呢個口感！唔中意食爽脆口感既鳳爪，中意食淋啲，因為口感軟綿綿，好正！個辣菜脯都ok架！係個姐姐主動問我加唔加所以試下～都幾香口，係有啲辣🤣返工又多個選擇👍👍唔錯👍🏻 唔錯既用餐體驗

非專業食評 不過都想講吓今日嘅用餐體驗😆車仔面好正 價錢唔貴 嗌咗三餸加杯凍飲$60有找！份量好足，點解我咁講呢？因為魷魚唔係得嗰兩條😂(因為真係試過10幾蚊嘅咖喱魷魚得兩條鬚仔🥲勁sad)大愛咖喱魷魚同炸豬扒 魷魚有啲驚艷到我 因為水魷好難做到入味 因為佢唔係啲咩吸執嘅食材，睇得出餐廳對呢一個餸幾有誠意👍炸豬扒都係即叫即炸 出到嚟好香口 唔係好同平時食開嘅味道～佢係有啲甜甜地，冇Overcooked，甜甜鹹鹹嘅味道都唔錯🙌第一次食完 會掛住咖喱魷魚同埋小食炸豬扒 連我媽都唔食熱氣野都食咗兩三嚿🤣

推介好味豬手👍👍今日咁啱喺土瓜灣做嘢見到有間車仔麵入去試吓~叫咗三餸 豬紅、豬手、滷水雞翼尖 價錢完全唔貴幾抵食👍豬手值得一試！係我鍾意嘅口感同埋好入味👍下次會同屋企人黎品嚐！😋😋

今日經開附近就去昇麵館，主要想試下秘製豬扒😙，因為見超多人大讃。不過當然要試吓其他美食，所以先叫左幾款車仔餸。豬腩肉肥瘦剛好，仲有我至愛黑松露丸。其實食完幾個餸都有啲飽，不過點都要試吓人氣推介嘅秘製豬扒，結果無令我失望，十分juicy,而且可以代切件上方便享用👍🏻。 因為咁啱中午時間都比較人多，外賣都很多，但姐姐招呼依然有禮貌。食物質素不錯，價錢又中肯，服務態度也很好，所以會推介比朋友及同事👏🏻

想評論下每個餸雞翼好入味，唔係得隻色嗰啲，又唔會太咸第一個過關🤗豬手炆得好冧，咬既力都慳返，好易就脱到骨，食到啖啖肉，骨膠原重重👍處理乾淨無食食下食到有毛影響口感，加分👍（豬手專家）豬腸，正常發揮無唔應該有既味（應該知我講乜）😂，半肥瘦，有啲小脂肪香口野👍湯底唔算話好濃味，個人認為加埋腩汁剛剛好，唔會太重口味食完要狂飲水～☺️整體用餐體驗不錯，feel到有誠意既小店,同埋店員都幾好會推介有咩招牌必食，豬手就係一位店員妹妹介紹我食🤗店員妹妹強烈推薦炸豬排，不過實在太飽冇叫到，下次會尼試埋個炸豬排好似幾吸引😆

被車仔麵耽誤咗嘅炸豬扒！睇留言發覺竟然冇乜人話佢個炸豬扒？見到店內有做promo嗌豬扒小食打卡，可以送凍檸茶 咁我就試左。又真係幾好食 豬扒邊邊炸得有啲燶燶哋好脆 佢唔係出邊有炸皮嗰種 豬扒唔係得個咸字 有啲甜甜地幾得意 勁快K.O.咗面咁大嘅豬扒🤣車仔麵個人覺得不過不失 cp值高 嗌咗四餸都唔係好貴 不過覺得豬扒係比較上出色少少😋

土瓜灣土瓜灣道237號益豐大廈地下B號舖今日途經土瓜灣看見一間車仔麵店，於是乎又去嘗試一下！車仔麵也好多款選擇，不過我就揀咗蔥油雞扒煎蛋飯作為我嘅午餐！佢隻雞扒大大件脆口有雞味，煎蛋仲要流心，連埋啲蔥油撈埋D飯一齊簡直係一流的配搭！座位之間唔會太壓迫，冷氣非常充足！環境乾淨！服務員禮貌！付款方式：有現金及八達通

車仔麵正常發揮味道屬中上👍🏻基本嘢都做到，蘿蔔入味，豬紅唔爛，豬腸入味同埋見到餐廳做緊豬扒打卡，送凍檸茶活動個炸豬扒真心有驚喜，脆卜卜甜甜地，加埋少少燶邊焦焦地，咬落去有汁👍🏻 食完有掛住嘅感覺，忍唔住要留返個言👍🏻我覺得土瓜灣必食係呢個炸豬扒🤘🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

水魷控嘅我見到餐單入邊有咖喱魷魚即刻嗌咗嚟試 勁入味 仲有啲咖喱汁掛喺度😻另外試咗豬腸都好食 蘿蔔正常發揮 覺得可以再淋D😆真係小驚喜個咖哩魷魚😻一定要嗌一定要嗌

今次真漢子分享嘅係土瓜灣嘅昇麵館，係一間車仔麵鋪。本身車仔麵嘅餸都會有素食選擇，但佢仲多咗啲素料可以揀喎，一齊嚟睇下。👀首先食湯麵大家都關心個湯底係咪素，佢哋有兩款素湯底揀，分別係蘿蔔湯同蕃茄湯，我就揀咗蘿蔔湯。🍲餸方面，基本果啲冬菇，蘿蔔，菜就唔講啦，最特別係有一系列素肉嘅餸：🐟 素魚蛋🦁 素獅子狗🐮 素牛丸🌭 素香腸 各 $13。响 social media 問過店方佢哋都係冇蛋奶成份。真漢子揀咗比較少食到嘅素魚蛋同素獅子狗，加個酸齋，麵就揀咗粗麵。🍜先試魚蛋同獅子狗，非常彈牙，亦同真嘅好似，似到爭啲想搵人問係咪比錯，但其實佢哋冇真獅子狗賣，真魚蛋係陳皮魚蛋，所以應該冇錯啩。😂個麵煮得比較生，份量唔算太多，都夠食嘅。個酸齋正常發揮，不過有啲後悔叫咗，因為撈埋落湯度，有咗酸齋啲汁變咗試唔真清湯嘅味道。但就咁飲啲湯都唔太咸或油，幾夠味嘅。😀另外點咗炸素鯪魚球，通常素肉炸咗味道或口感都變得自然啲冇咁假，呢個都唔例外。新鮮炸出嚟熱辣辣，但完全唔油膩，非常好味。食落唔會好粉，細細粒但夠彈牙，我覺得係必食之選。👍🏻店內電視除咗一邊播住電影「食神」之外，另一個電視播住佢哋嘅資訊。其間都有素食相關

坐低咗，成枱都係上手食剩嘅野+成枱骨，禮貌地叫個女侍應清一清枱，一幅西樣話等等過咗十分鐘，再叫佢清枱，又話轉頭等到野食都到埋，佢竟然可以喺枱面搵個位放底碟飯就走，再叫佢清，佢竟然仲可以話等等！忍無可忍，問佢唔清枱點食飯，先極不情願執枱。執枱執到啲紙巾跌哂落地，水又滴哂落地，完全係覺得啲嘢好污糟唔想掂咁樣。大佬，你咁身嬌肉貴做乜走黎做侍應？呢間店食物質素唔錯，但俾呢位馬尾女侍應搞一搞，即刻唔想再黎希望老闆正視一下問題，唔好俾呢啲人影響口碑。

嚟咗食兩次兩次啲侍應態度都好好。今次同媽咪嚟食，佢嗌咗必食豬手飯，我就嗌咗黑松露丸麻辣豬肚陳皮魚蛋車仔麵。佢哋嘅車仔麵都幾多選擇，價錢相宜。黑松露丸幾香，麻辣豬肚都夠麻夠辣，陳皮魚蛋就略為唔彈牙，湯底唔錯。媽咪話豬手略為太林同太肥。

這店疫情開業幫襯至今.食物出品越來越差特別車仔麵價格越來越貴.有天經過看見下午茶時段兩餸車仔麵35蚊起.點了三個餸魚蛋蘿蔔豬紅河粉可樂$51下午茶時段正價收費.份量比一般下午茶還要少.這樣只會令客人不會再去幫襯睇住呢一間小店又有生意自己做到冇生意.