昇麵館

外賣點左番茄湯，粗麵，素牛丸，菜圃蛋餅，菜心菜心極不新鮮，又乾又黃素牛丸$12但得兩粒不知道為什麼麵條上多處有黑點番茄湯還算合格，有兩粒番茄但性價比一般食材不新鮮…查看更多

車仔麵都抵食，三餸加凍飲都係五十蚊内搞掂🫡平時都食開呢間，因為食物質素都ok，又坐得舒服~平時一個人無咁多肚食小食，一直都想試下佢地既小食，咁啱嗰日同老媽子尼食就叫左個炸豬扒小食食，我同老媽子都覺得好好食！個味有啲甜甜地，炸出尼好香脆👍👍仲要唔係好咸 佢地有做promotion影佢地豬扒上社交平台 有得送凍檸茶😂😂老媽子仲帶到杯免費檸茶走 開心到佢 師奶仔性格炸豬扒真係大推！！見到佢地有豬扒飯，如果食完麵無肚食炸豬排，可以叫佢地個飯食，正正正豬扒！…查看更多

首先，我唔係素食者。🫡出街食飯，基本上好少會無啦啦食素😂今日落去諗住食碗車仔麵，跟住見到餐牌有素炸鯪魚球，跟住女侍應又叫我試吓佢話佢自己好鍾意食，跟住喺好奇心嘅推動下叫咗嚟食。食完真係有驚喜，口感好特別，啱啱炸出嚟好香口，加埋啲泰式辣醬好好食，我覺得仲好食過平時真係肉嗰啲鯪魚球😂😂好啦今次冇俾女侍應點到，又真係幾好食。我覺得六粒完全唔夠喉😂😂因為食完一粒又想食一粒。如果條件許可，絕對建議大家食完碗麵都要嗌呢一個小食試吓～另外我係呢間餐廳炸豬扒嘅fans，炸豬扒都好味👍…查看更多

今日初一，作為一個part time 素食者（初一十五先食素），尼尼去去既選擇都係X仔米線，都食到厭厭地，跟住係FB見到呢間有得食素食車仔麵就入尼試下~叫左三個餸素魚蛋，通菜同菜脯煎蛋👍有菜譜煎蛋食幾特別，唔係嘅話成日見到有餐廳整，個人勁like 素魚蛋個味好好食，佢唔似平時我地食既魚蛋，佢口感好得意，有啲彈牙，我諗下次都會encore再叫呢個魚蛋😋另外見到佢都有幾多唔同嘅選擇，有素獅子狗，素香腸，素牛丸，呢啲都未聽過同未食過！😂下次會再食埋佢個煎素餃，睇圖好似都幾吸引初一十五唔洗再食X仔米線，有多個選擇，好感動😆仲有佢有素湯底！！！唔洗怕個湯有肉成份…查看更多

係因為睇左車仔麵群入尼既我今日經過入去試下味～四餸車仔麵表現dou ok ~~ 仲要唔貴抵食，唔似有啲車仔麵店成六七十食個四餸車仔麵😅😅今日都用餐體驗係唔錯，今日個麵湯底口道中規中矩，唔係好重口味，個人覺得加埋啲腩汁就係啱啱好☺️啲餸都無乜問題，要deliver既都deliver到，無話一樣唔好食，不過我覺得個牛腩係值得講下，$13都有幾多舊，有四五件，原本係諗住得一兩件，點知有四五件，當賺左！有bonus分加🤣🤣魷魚爽口，豬紅ok，牛腩正，豬腸都可以。overall 我覺得呢個價錢五十頭有埋杯凍檸茶唔知輸咩。住附近既都應該間唔中去隊一碗。抵👍…查看更多