旺記冰室 (鴻輝大廈B座)

營業中

休息中

周六下午茶時間，喺油麻地搵嘢食，見呢間茶餐廳評價正面就同屋企人嚟試下。下午茶餐由1500開始供應，午餐係1130-1800。1500嚟到，兩樣都試到。（午餐）日式滑蛋叉燒、蝦仁雙併飯：$64；單點一樣餸係$60/62，雙併加幾蚊；份量可以；叉燒唔係平日見開的橙紅色，佢係啡啡地，感覺原汁原味同健康啲；蝦仁幾大隻，但似雪藏貨；試咗滑蛋同佢的秘製甜豉油撈飯；蛋炒得滑，品質同一般cafe出品差唔多；甜豉油入口好易接受，令人不知不覺食多咗飯（下午茶餐）特濃蕃茄湯午餐肉粒通粉：$46，配鮮牛油多士同4.3牛奶炒日本滑蛋；蕃茄湯冇想像濃稠，颜色睇落唔似有加茄膏去煮，佢係鮮味，似純粹以新鮮蕃茄熬製，有住家菜的味道，比較健康、家常；午餐角切成立方體，炸/煎香，有5粒；通粉軟硬適中；牛油多士係半塊厚多士，正常（下午茶餐）奶醬豬仔包：$36，配薯條/通粉沙律；同侍應講想走牛油、煉奶，對方表示牛油一早搽好，走唔到，只可走煉奶，呢個資訊令我有啲意外同失望，以為佢豬仔包馳名，會係即點即烘，走牛油只係舉手之勞，但原來牛油一早搽定，甚至乎個包可能已提前烘好；侍應話改多士就可以幫我走牛油，即係多士係即烘，豬仔包就唔係？

自家製叉燒日本滑蛋飯旺記冰室的自家製叉燒日本滑蛋飯。首先自製叉燒相當有誠意, 因為也是頗費工的一道菜。然後結果是很好的, 出乎意料之外的好。這道菜結合了香口﹑又嫩又腍的叉燒, 以及滑嫩有蛋汁的滑蛋的美味料理。吃起來既滿足, 又滋味。吃得出用的豬肉質素很高, 沒有豬羶味或臭味, 而且肉質很嫩, 如果不好吃的豬肉用來製作叉燒, 可以很嚡口, 結果會差天共地, 所以很佩服店家肯投資, 買好的材料給食客品嚐。上桌時熱騰騰的, 自家製叉燒熱食特別香口，滑蛋滑嫩，配合煮得剛好的白米，真心好吃。這有點像日式親子丼的概念, 又有港式叉燒風味, 果然一絕。

【思思賢美食推介】灣仔茶記 hidden gem！滑蛋叉燒飯入口即溶！#全自費食評灣仔區嘅茶記最鍾意係旺記冰室，早排成日去灣仔開會，難得同老公夾到時間，就決定去旺記冰室食個晏。雖然係late lunch，但餐廳都仲係好多人，好彩等咗一陣就有位。一坐低就叫咗兩個我哋至愛嘅茶記經典：招牌叉燒滑蛋飯同特濃蕃茄湯午餐肉粒通粉，再加兩杯嘢飲，一杯茶走，一杯凍奶茶。招牌叉燒滑蛋飯 ($60)：一上枱，賣相的確冇乜特別，簡單到一個點，白飯上面鋪滿叉燒，再淋上滑蛋，望落有啲hea。但係，估唔到一食落口，真係有驚喜！個滑蛋真係名副其實「滑」，入口即溶，蛋香十足，完全冇過老嘅感覺。叉燒都燒得幾好，唔會太乾，帶少少焦香，肥瘦適中。重點係佢哋個秘製甜豉油，甜甜哋咁，撈埋滑蛋同叉燒一齊食，真係一流！完全將成個飯提升咗一個層次！抵讚！✨特濃蕃茄湯午餐肉粒通粉 ($56)：呢個蕃茄湯底真係冇得輸！夠晒濃郁，酸酸甜甜咁，好開胃！午餐肉粒炸過，所以外脆內軟，口感一流！通粉份量都好多，食完好飽肚。跟餐仲有多士同炒蛋，多士烘得脆卜卜，炒蛋都炒得幾滑，整體嚟講真係好抵食！💯 忍唔住連蕃茄湯都飲埋！茶走同凍奶茶都保持到水準，茶

網唔網紅餐廳我就唔知，我淨係知啲野食好咸，忌廉烏冬完全無忌廉味，得個咸字！星期日餐廳晚飯時間唔滿座，更莫講話要排隊，有空位情況下，侍應阿姨都係強迫你一定要搭枱，你話full house要搭我理解，坐坐下突然客多要搭我都理解，但係係唔滿而又有空既卡位情況下，點解要逼人搭枱？轉頭有個客一位又可以坐張4人卡位既？

旺記冰室呢間店，真係犀利到爆燈！每到飯點，旺記冰室門口就大排長龍，場面極之墟冚。如果係得兩個人去食，揀二人小枱會快好多。好似我今次，大約排咗兩枱嘅時間就有位啦。但如果同行人數太多，就真係唔建議嘞，等位時間可能好長，而且人多坐二人小枱唔舒服，坐大枱又唔一定咁快有位。​終於輪到我哋入去坐低開餐，一試之下，即刻覺得排呢輪隊太值得啦！首先，一定要大讚佢哋個滑蛋，做得無懈可擊。蛋滑潺潺嘅，口感軟嫩細膩，入口即化，味道鮮香四溢，每啖都令人陶醉其中。叉燒，同樣精彩絕倫。叉燒色澤紅亮誘人，肥瘦比例剛剛好，咬落去，肉質軟嫩多汁，甜中帶咸嘅滋味喺口腔中散發開嚟，真係食到停唔到口。雖然要排隊，但就憑住呢出色嘅滑蛋同叉燒，已經值得我哋一而再、再而三去幫襯啦！

叉燒滑蛋飯, 滑蛋做得特別嫩且薄，和醬汁融合的很好，特別下飯，口感和味道均在線！叉燒的話表現一般。招牌蔥花滑蛋叉燒/牛肉/蝦仁飯。並時不時換牛肉或蝦仁換換口味，一樣都是十分好吃。他家的滑蛋不僅賣相好，火候把握地剛剛好，入口幼滑，伴著牛肉/叉燒/蝦仁的香味，超級下飯

⊹₊⋆☁︎⋆⁺₊⋆ ☀︎ 朝早食個茶餐廳 ⋆⁺₊⋆☁︎⋆₊ ⊹ ︎⋆⁺₊⋆ ☀︎無見過一個茶餐廳啲畫錦可愛超多超多貓貓 ^•ω<^ ੭ 鍾意貓貓既人可以細心欣賞早𝔸特濃蕃茄糖 午餐肉粒 通粉 $𝟜𝟞濃濃既蕃茄味 炸左變香口既午餐肉鮮牛油厚多士 ♡⃞ 配 𝟜.𝟛牛奶炒日本滑蛋多士同炒蛋都無馬虎^ ̳- ‧̫ • ̳^ฅ絲襪奶茶 比普通奶茶滑啲其實我係比佢既𝓭𝓸𝓾𝓫𝓵𝓮 豬柳蛋漢堡菠蘿包 同豬潤（男朋友愛食）吸引過黎所以ᴵ ʷⁱˡˡ ᵇᵉ ᵇᵃᶜᵏ ៸៸᳐>⩊<៸៸᳐

今日返工放lunch，心血來潮想食滑蛋叉燒飯，諗起之前食過灣仔嗰間旺記真心唔錯，同一款滑蛋叉燒飯，重蛋味（標榜用日本蛋)，叉燒又足料，當日配熱奶茶，留下一個深刻嘅印象。雖然嗰時要同啲OL爭排隊，返工時間食$50-60一碟飯唔算特別抵，但勝在輪候時間唔太長，上碟時間又快，灣仔區嚟講性價比真係唔錯！幾年之後有旺角分店，今次係我第一次去，感覺好似專做遊客生意，價錢同灣仔一樣，但飯上面嘅蛋已經冇以前咁厚實同有蛋香味，叉燒又冇咁足料，叫咗杯熱檸茶，不過不失。見到隔籬枱內地遊客嗌咗蕃茄午餐肉牛肉通粉、滑蛋叉燒雙拼蝦飯，但就食淨晒啲午餐肉，唔使嗌都知應該唔太好食。不過值得一讚嘅係，侍應個個普通話都唔錯，服務態度還好，餐廳環境乾淨企理，冷氣足夠，星期六午飯時間唔洗排隊，食完飯坐咗陣冇即刻趕我走👍🏻臨走前喺門口遇到有內地客要張10人枱，職員都馬上安排俾佢。今次食完其實有啲失望，因同區仲有好多茶餐廳選擇，例如光榮冰室(滑蛋叉燒飯- $48)、蘇杭冰室等等，感覺其他CP值更高，食得呢間嘅建議去返灣仔。

今日有事過黎旺角呢頭，咁岩經過家樂坊龍豐，就係對面條女人街街口，有間叫 旺記冰室 既餐廳，港式得黎又一d都唔老土。餐廳設計仲好可愛，畫滿貓貓壁畫。入到去店員都好友善，見到餐牌，價格亦都好親民。我由於見到滑蛋飯好吸引，又想食西多，但我胃就得一個，都果斷點左兩個餐，但我就叫左少飯。❤️自家製叉燒日本滑蛋飯 配旺記秘製甜豉油 $60首先，賣相已經好吸引，同埋呢度真係用日本蛋，我本身對茶記都已經食到厭晒，但呢度d餐真係好特別，係特別好食。叉燒一d都唔老，好嫰，滑蛋好滑，配埋個秘製豉油，簡直一流，我居然可以食晒成碟飯。🖤邪惡朱古力練奶一口西多士 $46真係好邪惡，西多士外脆，內有花生醬！？外面仲淋滿練奶同朱古力醬，嘩～簡直超級邪惡，好好味～💛跟餐送飲品 凍忌廉咖啡我好怕飲茶記既咖啡，但呢度既凍咖啡又意外地好飲wor。係咪因為用忌廉沖既關係，味道好夾，有奶味得黎又唔漏，甜得黎又有少少微酸，總之好易入口。Good!⚠️食完先發現原來滑蛋飯有得叫叉燒+蝦仁雙拼嘎，早知我叫雙拼一次過滿足兩個口味啦。下次黎一定要叫雙拼。

今日同朋友去咗旺記冰室食lunch，簡直覺得係高質茶餐廳之選。大愛佢個豬潤薑絲通粉。薑味超濃郁，將豬潤嘅腥味完全覆蓋。豬膶非常之鮮甜，爽口彈牙，特級厚身。食落我唔覺佢有用味精，湯底好鮮甜。食豬潤嘅朋友必定要點。滑蛋多士嘅滑蛋都係出色嘅。聽聞呢度都比較出名食炒蛋。另外佢杯奶茶都係推介嘅，非常之絲滑。朋友嗌嘅濃湯番茄餐肉通粉都讚好，餐肉粒應該係炸過嘅，大大粒而且非常之趣口。濃郁嘅蕃茄湯底真係濃到有厚度嘅！

早排喺台灣嘅男朋友嚟香港，佢勁鍾意食香港嘅冰室同茶餐廳，咁啱我地去開旺角，就喺附近搵咗間冰室食下午茶。奶醬豬仔包 $36豬仔包真係下午茶必食！佢有唔同口味選擇，我地揀咗最common嘅奶醬。豬仔包一嚟到我地就聞到好濃嘅花生醬，男朋友食落讚不絕口。豬仔包烤到脆脆地但又唔會太硬。邪惡朱古力煉奶一口西多士 $46西多士係我嘅至愛！今次試咗呢個西多士，佢裡面依然係花生醬，出面就擠咗朱古力醬同煉奶，非常邪惡！西多熱辣辣即整，所以仲係炸完脆脆地嘅狀態～

旺記冰室 (鴻輝大廈B座)旺角通菜街2Q-2Z號鴻輝大廈B座地下7號舖好耐無出旺角行街，行得攰搵間餐廳坐下食下野，通菜街旁邊原來有間咁靚既茶餐廳，見佢光鮮乾淨企理，就入去試試。入到去見佢有好多好靚既貓貓畫裝飾，同一般茶餐廳唔同！好有heart!食物都唔錯！必試炒蛋！用日本雞蛋炒，又香又滑！自家製叉燒 日本滑蛋飯 一大片富有蛋香既滑蛋鋪喺飯上面，叉燒半肥瘦剛剛好，配埋特製嘅甜豉油，比一般茶餐廳既叉燒蛋飯好味好多！不能錯過！鮮忌廉雞湯鮑魚火腿絲通粉簡簡單單嘅一個通粉，都好味過人。湯底有水準，忌廉雞湯好好味。配鮮牛油多士+4.3牛奶炒日本滑蛋，下午茶成個餐連埋飲品都只係$40！轉特飲要個奶茶紅豆冰都只係加十蚊，奶茶紅豆冰好好飲，上面仲有一大舊cream，正！今時今日以呢個價錢、呢個食物質素、 呢個環境，絕對性價比高！推介！

講起茶餐廳, 我一定第一時間諗起呢間冰室！旺角分店嘅環境同座位寬敞舒適, 光線充足, 空間感十足！🥣特濃蕃茄湯餐肉粒通粉 配鮮牛油多士、炒日本滑蛋厚切午餐肉已預先切粒, 炸至香口, 粒粒都好惹味！番茄湯底有茄蓉🍅, 蕃茄味酸酸甜甜, 通粉索晒啲湯汁, 好好味！麥包多士烤至香脆可口, 炒蛋好嫩滑, 充滿蛋香～🍚爽口蝦仁日本滑蛋飯賣相吸引🤩！使用日本雞蛋🥚, 炒滑蛋好香滑, 保留蛋汁, 蝦仁大大隻, 加埋秘製甜醬油, 大滿足！

旺記冰室地址：旺角通菜街2Q-2Z號鴻輝大廈地下7號舖旺角高質餐廳👍閒日無時唔知食咩好，最簡簡單單就係黎旺記冰室嘆返個快靚正既早午餐，坐得又舒服，乾淨企理，有別於普通茶餐廳，食物質素都係非常有保證，而且上菜速度好有效率🤭快速又搞掂一餐👍👍已經食過好幾次，值得推薦！午3 日本滑蛋 叉燒 蝦仁 雙併飯 $64日本滑蛋叉燒蝦仁雙併飯口感豐富，味道美妙。滑蛋綿密順口，叉燒肉質鮮嫩多汁，蝦仁鮮甜彈牙。飯粒飽滿，帶有微微的炒香味，份量啱啱好，一啖叉燒一啖飯😊午4 鮮薑汁豬膶鮮雞湯通粉 $58配鮮牛油多士，4.3牛奶炒日本滑蛋多士轉奶油大脆豬 +$5通粉湯頭鮮美，豬膶和雞肉口感嫩滑，豐富的鮮薑汁增添了獨特的香氣。鮮牛油多士酥脆可口，搭配牛奶炒的日本滑蛋更加豐富濃郁。加多$5有大大隻奶油豬，味道口感都好好，值得追加！

旺記冰室隱於鬧市中，環境寬敞明亮，好適合坐低歎下下午茶！旺記秘製魚介炒公仔麵配日本炒滑蛋 公仔麵同秘製魚介炒左之後，好有海鮮味和香辣味，焦糖色掛汁令人好有食慾，仲有火腿絲和炒蛋絲！金黃色滑蛋的柔軟口感和淡淡的味道與之相互輝映！邪惡朱古力練奶 花生醬夾心西多士兩塊細方形西多士夾住香濃的花生醬，將這些西多士層層疊疊組合之後，用濃稠的朱古力練奶淋上去，好誘人！入口可以感受到西多士的柔軟、花生醬香味和朱古力煉奶的甜蜜，為味蕾帶來了美妙的風味體驗！椰汁紅豆冰充滿椰子味，紅豆味和絲滑奶油