旺記冰室 (九龍中心大廈)

營業中

休息中

其實都係自己攪黎搞。2月有一次同朋友食左晚餐，叫左叉燒炒蛋，覺得正正常常。但係，今日中午2點去食午餐，門口排隊差不多都係內地遊客，入到去餐廳，個侍應一開口落單竟然對住我講普通話，但係我係土生土長香港人喎，個樣都唔係內地人咁樣。分明太多內地人，D侍應一時反應不過來。然後，最精彩既係，碟飯D白飯有半碟都係好硬好乾，係未煮透既米呀，omg。我放棄左個飯，然後比錢$62。雖然個姐姐淨係收我20蚊，但係我過左半日，仲係好古氣，所以決定上黎警惕下大家。而家遊客太多，食物質量直線下降，不再適合香港人口味。

自家製叉燒　日本滑蛋飯 $60滑蛋夠香夠滑，僅僅熟帶少少蛋汁✨當日叉燒偏瘦，焦香唔鞋口，雖然我比較鍾意食半肥瘦但都收貨啦！配上秘製甜豉油，快速食完一碟飯，簡單又滿足。

中午過來食個lunch,午餐lunch set叫左個午4-鮮薑汁豬潤鮮雞湯通粉。豬潤吾腥但有筋，通粉硬度適中。厚多士一般脆，不過不失。朋友叫左個鮮忌廉雞湯鮑魚火腿米粉。湯鮮甜，米炒份量一個女仔食岩岩好。餐加5蚊轉左個奶油豬。包奶味十足，夠脆。

服務有數張吉枱不叫人入座，只是一直叫人在外面排隊，語氣亦不好，如不是食物質素仍有賣點，我真的不會這樣眼見店內有數張吉枱仍要這樣等。服務我給差評，主要是侍應的態度。或者是廚房做不來，要截客入座吧。說回食物質素，我食早餐，一直保持高水準。只能說，旺記因食物質素才能保持底氣，否則不幫襯是不會有損失，無謂受氣。

係附近做完嘢，夜晚一個人搵餐廳食晚飯，9點半既關係，好多都收咗鋪，突然諗起想食呢間又未收鋪，即刻過去！店員都幾有禮貌，因為佢地10點收鋪，入去前都事前同我講10:15要離開，反正都打算快食，我覺得無問題。日本滑蛋叉燒蝦仁雙拼飯，$64，跟餐飲熱檸茶。即刻坐低叫，好快就送到嚟，廚師就收工，個飯都同以前一樣份量，貌相同之前差唔多。滑蛋配埋個豉油好香，叉燒就有少少鞋，但可接受，蝦都大大隻，算爽口。食完之後發現，成間餐廳得返我一個人，我快快食完都吾阻人收工。

以前讀書嘅時候係尖沙咀做兼職，成日買哩間嘅外賣招牌叉燒蛋飯配奶茶🤣🤣((之前食過話滑蛋蝦仁 覺得麻麻地🥲都係叉燒先係絕配))咁啱經過就入去回憶下 哈哈~基本上枱枱都係食緊呢個招牌飯，依然好味 蛋滑豉油香👍🏻👍🏻不過份量就唔算多，一個女仔都可以食曬成碟~男仔就可能會唔夠飽了~👄 自家製叉燒滑蛋飯配秘製甜豉油 $55📍旺記冰室 (九龍中心大廈) (尖沙咀)尖沙咀亞士厘道29-39號九龍中心大廈地舖

一日之味在早餐😂唔講咁多，直接嚟試吓。個蕃茄湯+爆脆卜卜午餐肉食到我巧滿足！沙嗲牛肉麵就okok la🤭花生醬鹹牛肉「生財」蛋治烘底三文治🥪： 超級mix & match 有口感，仲多層味覺享受。試過你就知😏其實我本來冇諗住影相寫食評，但係到咗黃昏仲記得今朝早食嘅好味早餐，真係忍唔住寫返個食評引吓大家。不過就影咗一張相，佢係一個日本畫家Mango Naoko 為呢間餐廳畫嘅作品。

本身好鐘意食茶餐廳早餐，最愛滑蛋系列。之前食過呢間早餐，印象好似一般，今日再黎試多一次。今次試下個麥包三文治四重奏，因為見到幅相好似好厚身好多蛋咁😌三文治有三樣食材係固定，滑蛋，花生醬，生菜，而自己可以揀一樣食材，我揀左鮮免治牛肉。呢個三文治等候時間比一般早餐耐少少，可能個厚蛋要多點時間處理。但等耐d係值得！😻😻三文治真係好厚，好多蛋！我覺得蛋的份量同中午的滑蛋飯差不多。花生醬同滑蛋個味又出奇地夾🤤食晒一份真係飽足成日，好抵食😋美中不足係麥包賣晒，變左用白麵包。

之前間中都會黎食最愛既叉燒蝦仁炒蛋飯，每次食都覺得好正！今日專登介紹同事黎食，點知質素同之前差好多😩份量細左少少，一見到叉燒咁暗色同好乾就覺得有問題了！果然叉燒又乾又硬，硬到牙都軟埋🥺 我同事直情話完全唔似叉燒。炒蛋同蝦都保持到之前既水準，滑同彈牙，最差就真係啲叉燒，我見其他枱既食客叉燒蛋飯既叉燒都一樣咁乾。一排無黎點解變成咁，希望只係今日黑仔啦！Btw 佢啲餐具好污糟，成盆餐具都有污漬，唯有同啲店員講換左佢。今日係第一次食到咁失望🥺

浪費quota 叉燒滑蛋飯食完唔會有滿足感⋯⋯明明叉燒滑蛋飯好難令人失望🫠叉燒唔夠入味 厚薄唔均勻又乾身滑蛋冇蛋香 唔好食得來又細碟女仔食都唔夠飽以後都係穩陣啲食光榮算😂

I love a good plate of charsiu egg with rice. A total comfort food that is easily made at home but I always love ordering it if it I see it on the menu. 旺記冰室 (English name: Mon Kee Cafe) was one of many cha chan tengs that were mentioned among foodies as a really good place for this. It had been open for a while with several locations across Hong Kong. Out of curiosity and lack of what to have for  dinner that night, we decided to try out their famous dish.We were greeted by an adorable monkey h

隔左幾年， 第二次黎食滑蛋叉燒蝦仁飯， 今次特登試雙併，記憶一樣， 個蛋好滑， 豉油甜甜地，叉燒唔會好硬， 蝦仁就係大大隻，但無咩蝦味，叉燒比較出色。 記憶日頭好多人食， 夜晚少啲人， 唔洗等位。一碟飯64蚊，用日本雞旦，茶記黎講，都值得丫。

今日去左食午飯，叫左個叉燒滑蛋飯叉燒半肥瘦，滑蛋夠蛋味又夠滑。最緊要既豉油，都調教得岩岩好。另外叫咗一個下午茶餐，鮑魚火腿忌廉湯通粉，炒滑蛋，加多士。鮑魚火腿就係正常發揮，但忌廉湯給濃，好過平時茶餐廳嘅普通雞湯。炒滑蛋都係好滑，多士正常價格合理，幾好既餐廳，可以經常尼裝修乾淨企理，員工服務正常，冇乜投訴。

呢間旺記之前食過滑蛋蝦仁飯超好食，諗住叫早餐應該冇衰😅點知叫沙嗲牛肉麵，要爽麵，佢淋晒，我已經一叫完即時拎，仲加錢分湯（而家好多都原本係分湯，但呢間仲要加錢😤），分咗湯都仲要淋pat pat 😖啲沙嗲汁又冇味，牛肉又鞋，最勁件多士，一咬落去又硬又冇味，一啖就放棄😩可能我平時食開澳門嗰塊鬆軟多士，呢塊我真係投降😑我平時叫幾間＄40左右嘅早餐，全部都好好食，呢間貴啲竟然勁難食😩好彩杯奶茶仲飲到😅我實在太失望😖忍唔住第一次寫食評

就是香港特色的有效率又快的餐點，5分鐘內上菜。蝦仁爽口（就是有點處理過的那一種）但這個價格，你不會在期待剝好殼吧～蝦子爽口、蛋很滑，符合菜色本名，這不就好了嗎？實而不華，做到自己該有的標準。Typical HK Fast food restaurant dish. If you wanna feel the real vibe of Hong Kong (Efficient & enough to satisfy your pallet and stomach)Other than "Dairy Company", if you're just visiting Tsim Sha Tsui, please try this HK-Japanese fusion dish served with authentic style.